MODYUL BLG.

2
Pagsulat ng Iba’t ibang Uri ng Paglalagom
(Abstrak, Sinopsis (Buod), Bionote)

I. animula at Pokus na Tanong

Isa sa mga kasanayang dapat matutuhan ng bawat mag-aaral ay ang kakayahang bumuo
ng isang paglalagom o buod. Ang lagom ay ay ang pinasimple at pinaikling bersyon ng isang
sulatin o akda. Mahalagang makuha ng sinumang bumabasa o nakikinig ang kabuoang kaisipang
nakapaloob sa paksang nilalaman ng sulatin o akda. Bukos sa nahuhubog ang kasanayang
maunawaan at makuha ang pinakanilalaman ng isang teksto ay marami pang ibang kasanayan
ang nahuhubog sa mga ma-aaral habang nagsasagawa ng paglalagom. Una, matutuhan ang
pagtitimbang-timbang ng mga kaisipang nakapaloob sa binabasa. Natukoy niya kung ano ang
pinakamahalagang kaisipang nakapaloob ditto at gayundin ang mga pantulong na kaisipan.
Tandaan na sa pagsulat ng lagom, mahalagang matukoy ang pinakasentro o pinakadiwa ng akda
o teksto. Pangalawa, natututuhan niyang magsuri ng nilalaman ng kanyang binabasa.
Natututukoy niya kung alin sa mga kaisipan o mga detalye ang dapat bigyan ng malalim na
pansin sa pagsusulat ng lagom at kung alin naman ang hindi gaanong importante. Pangatlo.
Nahuhubpog ang kasanayan ng mag-aaral sa pagsulat particular ng paghabi ng mga pangingisap
sa talata sapagkat sa pagsulat ng lagom, mahalagang ito ay mailahad nang malinaw, hindi
maligoy, o pauli-ulit. Pang-apat, ito rin ay ay nakatutulong sa pagpapaunlad o pagpapayaman ng
bokabularyo sapagkat sa pagsulata nito ay importanteng makagamit ng mga salitang angkop sa
nilalaman ng tekstong binubuod.

Bukod sa ang kasanayang ito ay nagiging kapaki-pakinabang sa mga mag-aaral, ito rin ay
nakatutulong nang malaki sa larangan ng edukasyon, at ang marami ay laging parang
nagmamadali sa mga gawaing dapat tapusin o puntahan, nakatutulong ng malaki ang
pagbabasa ng maiikling sulatin na kalimitang naglalaman ng pinakabuod ng isang mahabang
babasahin , teksto o pag-aaral. Bilang paghahanda sa totoong buhay g propesyon at
pagtatrabaho, mahalagang matutuhan mo ang paggawa ng iba’t ibang uri ng lagom na madalas
gamitin sa mga pag-aaral, negosyo, at sa iba’t ibang uri ng propesyon.

Sa araling ito ay isaalang alang ang katanungang “Bakit mahalagang matutunan ang
kalikasan at paraan ng pagsulat ng natatanging uri ng lagom”?

II. aklaw ng Aralin

Sa araling ito, inaasahang matutunan mo ang mga sumusunod:

1. Naisasagawa nang mataman ang mga hakbang sa pagsulat ng mga piniling akademikong
sulatin.
2. Nakasusunod sa istilo at teknikal na pangangailangan ng akademikong sulatin.
 3. Nakikilala ang mga katangian ng mahusay na sulating akademiko sa pamamagitan ng
mga binasang halimbawa.
4. Nabibigyang-kahulugan ang mga terminong akademiko na may kaugnayan sa piniling
sulatin.
5. Nakasusulat ng organisado, malikhain, at kapani-paniwalang sulatin.
6. Nakasusulat ng sulating batay sa maingat, wasto, at angkop na paggamit ng wika.
7. Nakabubuo ng sulating may batayang pananaliksik ayon sa pangangailangan.
8. Naisasaalang-alang ang etika sa binubuong akademikong sulatin.

III. Balangkas ng Kaisipan

Akademikong
Sulatin

Lagom

Mga Uri

Abstrak Sinopsis/Buod Bionote

I
IV. naasahang Kakayahan

1. Nakapagbabahagi ng dating kaalaman sa paglalagom;

2. Nakatutukoy ng mahalagang kaalaman sa binasa;
3. Nakatutukoy ng kahulugan , katangian, layunin, at gamit ng iba’t ibang uri ng
paglalagom;
4. Nakapag-iisa-isa ng mga bagay na dapat tandaan sa pagsulat ng iba’t ibang uri ng lagom;
5. Nakakikilala ng mga katangian ng mahusay na uri ng lagom sa pamamagitan ng mga
binasang halimbawa;
6. Nakapagpapahayag ng pananaw hinggil sa mahahalagang bagay sa buhay;
7. Nakasusulat ng isang uri ng lagom, batay sa sariling interes;
8. Nakapagbibigay ng mahalagang impormasyon sa pagbuo ng sulat.
V. animulang Pagtataya

Panuto: Isulat ang TAMA sa patlang kung wasto ang pahayag at MALI naman kung di
wasto. Kung mali ang pahayag, salungguhitan ang salitang nagpapamali at isulat ang tamang
kasagutan sa itaas nito. (20 pts.)

________1. Ang lagom ay ang pinalawak na bersyon ng sulatin.

________2. Ilan sa mga katangian ng mabuting lagom ay maligoy at malinaw.

________3. Ang lagom na ginagamit sa pagsusulat ng akademikong papel ay tinatawag na

sinopsis.
________4. Unang ginagawa sa pagsulat ng akademikong papel ang abstrak.

________5. Ang lagom na ginagamit sa mga akdang gaya ng maikling kuwento , nobela, dula,
salaysay, talumpati, at iba pa ay tinatawag na abstrak.

________6. Ang tawag sa lagom na ginagamit sa pagsulat ng personal profile ng tao ay

biography.

________6. Sa pagsulat ng sinopsis o buod, mahalagang mabanggit ang pamagat, may-akda at

pinanggalingan ng akda.

________8. Gumamit ng unang panauhan sa pagsulat ng sinopsis o buod.

________9. Ang uri ng lagom na karaniwang ginagamit sa pagsulat ng tesis ay bionote

________10.Sa pagsulat ng lagom, mahalagang matukoy ang kabuoang kaisipang nakapaloob

sa nilalaman ng teksto.

VI. agsisimula ng Aralin

A.Pagtuklas

Itala sa nakalaang linya ang BUOD ng aralin natin sa Modyul 1.

______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________

B.Paglinang ng Aralin

 Unang Pagtalakay (Abstrak)

Ang abstrak ay isang uri ng lagom na karaniwang ginagamit sa pagsulat ng mga

akademikong papel tulad ng tesis, papel na siyentipiko at teknikal, lektyur, at mga report. Ito ay
kadalasang bahagi ng isang tesis o disertasyon na makikita sa unahan ng pananaliksik
pagkatapos ng title page o pahina ng pamagat. Ito ang naglalaman ng pinakabuod ng buong
akdang akademiko o ulat. Ayon kay Philip Koopman (1997) sa kanyang aklat na How to Write an
Abstract, bagama’t ang abstrak ay maikli lamang, tinataglay nito ang mahahalagang elemento o
bahagi ng sulating akademiko tulad ng introduksiyon, mga kaugnay na literatura, metodolohiya,
resulta, at kongklusyon. Naiiba ito sa kongklusyon sapagkat ito ay naglalaman ng pinakabuod ng
bawat bahagi ng sulatin o ulat.

Mga Dapat Tandaan sa Pagsulat ng Abstrak

1. Bilang bahagi ng alituntunin ng pagsulat ng mga akdang pang-akademiko, lahat ng mga

detalye o kaisipang ilalagay rito ay dapat na makikita sa kabuoan ng papel; ibig sabihin,
hindi maaaring maglagay ng mga kaisipan o datos na hindi binanggit sa ginawang pag-
aaral o sulatin.
2. Iwasan din ang paglalagay ng mga statistical figures o table sa abstrak sapagkat hindi ito
nangangailangan ng detalyadong pagpapaliwanag na magiging dahilan para humaba pa
ito.
3. Gumamit ng mga simple, malinaw, at direktang mga pangungusap. Huwag maging
maligoy sa pagsulat nito.
4. Maging obhetibo sa pagsulat. Ilahad lamang ang mga pangunahing kaisipan at hindi
dapat ipaliwanag ang mga ito.
5. Higit sa lahat ay gawin lamang itong maikli ngunit komprehensibo kung saan
mauunawaan ng babasa ang pangkalahatang nilalaman at nilalayon ng pag-aaral na
ginawa.
Mga Hakbang sa Pagsulat ng Abstrak
 Ang abstrak ang bahagi ng akademikong papel o ulat na pinakahuling isinusulat ngunit
kadalasang unang binabasa ng mga propesor o mga eksaminer ng panel. Kaya naman,
napakahalagang maging maingat sa pagsulat nito.

1. Basahing mabuti at pag-aralan ang papel o akademikong sulatin na gagawan ng abstrak.

2. Hanapin at isulat ang mga pangunahing kaisipan o ideya ng bawat bahagi ng sulatin
mula sa introduksiyon, kaugnay na literatura, metodolohiya, resulta, at kongklusyon.
3. Buoin, gamit ang mga talata, ang mga pangunahing kaisipang taglay ng bawat bahaging
sulatin. Isulat ito ayon sa pagkakasunod-sunod ng mga bahaging ito sa kabuoan ng
papel.
4. Iwasang maglagay ng mga ilustrasyon, graph, table, at iba pa maliban na lamang kung
sadyang kinakailangan.
5. Basahing muli ang ginawang abstrak. Suriin kung may nakaligtaang mahahalagang
kaisipang dapat isama rito.
6. Isulat ang pinal na sipi.

Narito ang isang halimbawa ng abstrak. Basahin ito at

suriin.
Abstrak
Ang awiting bayan ay laganap sa bawat pangkat -etniko sa buong Pilipinas. Sa kanilang
mga awiting-bayan nasasalamin ang kanilang kultura’t tradisyon. Isa ang mga Gaddang sa
mga pangkat-etniko sa Lambak ng Cagayan na may mayamang awiting-bayan. Ang mga
katutubong ito ay namamalagi sa mga bayan ng Bayombong, Bagabag, at Solano sa lalawigan
ng Nueva Vizcaya (Journal of Northern Luzon, 1986).
Sa patuloy na pag-unlad ng mga nasabing bayan at dahil na rin sa pagpasok ng mga
makabagong teknolohiya sa larangan ng musika, unti-unti nang hindi naririnig at inaawit ang
mga awiting-bayan ng mga katutubong Gaddang ng Brgy. Roxas. Naging layunin ng pag-aaral
na ito ang pagtuloy at pagsukat sa antas ng kaalaman ng mga katutubong Gaddang at Brgy.
Roxas sa kanilang mga awiting-bayan. Ginamit sa pagtukoy sa antas ng kaalaman ang edad,
kasarian, at bilang ng taong naninirahan sa lugar bilang variables upang tukuyin kung may
kinalaman ang mga ito sa antas ng kanilang kaalaman. Lumabas sa pag-aaral na ito na ang
edad ay isang salik sa kanilang kaalaman na kung mas matanda, mas mataas ang antas ng
kaalaman hinggil sa kanilang awiting-bayan. Mas bata, mas kakaunti ang nalalaman hinggil sa
kanilang awiting-bayan. Natukoy rin ng pag-aaral na ang kasarian ay walang kinalaman sa
pagtukoy ng antas ng kaalaman. Ang taon ng paninirahan ay isang salik din sa pagtukoy ng
antas ng kaalaman. Kapag mas mahabang paninirahan sa lugar, mas mataas ang antas ng
kaalaman hinggil sa mga awiting bayan-bayang Gaddang. Mas maikling paninirahan sa lugar,
mas mababa ang nalalaman hinggil sa awiting-bayang Gaddang. Dahil dito, nangangailangan
lamang na magkaroon ng mga paraan at gawaing magpapataas sa antas ng kaaalaman hinggil
sa mga awiting-bayan upang mapaunlad pa ang mga ito.

Keywords: Antas ng kaalaman, Gaddang, Awiting-bayan

 Sanggunian: Tamani, Reinmark J. at Latugan Eddielyn P., “Antas ng Kaalaman ng mga Katutubong
Gaddang Hinggil sa kanilang mg Awiting-Bayan,” Isang Tesis, St. Mary’s University, 2012

Sagutin ang mga tanong tungkol sa binasa:

1. Tungkol saan ang abstrak na binasa?
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________
2. Anu-ano ang mga kaisipang iyong nakuha mula sa binasa?
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________

3. Masasabi mo bang sapat ang buod na iyong binasa upang makita ng pangkalahatang
ideya ng akda? Ipaliwanag ang iyong sagot.
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________

 Ikalawang Pagtalakay (Sinopsis/Buod)

Ang sinopsis o buod ay isang uri ng lagom na kalimitang ginagamit sa mga akdang nasa
tekstong naratibo tulad ng kuwento, salaysay, nobela, dula, parabula talumpati at iba pang
anyo ng panitikan. Ang buod ay maaring buoin ng isang talata o higit pa o maging ng ilang
pangungusap lamang. Sa pagsulat ng sinopsis, mahalagang maibuod ang nilalaman ng binasang
akda gamit ang sariling salita. Ang pagbubuod o pagsulat ng sinopsis ay naglalayong makatulong
sa madaling pag-unawa sa diwa ng seleksyon o akda, kung kaya’t nararapat na maging payak
ang mga salitang gagamitin. Layunin din nitong maisulat ang pangunahing kaisipang taglay ng
akda sa pamamagitan ng pagtukoy sa pahayag ng tesis nito. Ang pahayag ng tesis ay maaaring
lantad na makikita sa akda o minsan naman ito ay di tuwirang nakalahad kaya mahalagang
basahing mabuti ang kabuoan nito. Sa pagkuha ng mahahalagang detalye ng akda, mahalagang
matukoy ang sagot sa sumusunod : Sino?Ano? Kailan? Saan? Bakit? Paano? Sa pamamagitan ng
pagsagot sa mga tanong na ito, magiging madali ang pagsulat ng buod.

Sa pagsulat ng sinopsis o buod, mahalagang maipakilala sa mga babasa nito kung anong
akda ang iyong ginawan ng buod sa pamamagitan ng pagbanggit sa pamagat, may-akda, at
pinanggalingan ng akda. Makatutulong ito upang maipaunawa sa mga mambabasa na ang mga
kaisipang iyong inilalahad ay hindi galing sa iyo kundi ito ay buod lamang ng akdang iyong
nabasa. Iwasan din ang magbigay ng iyong sariling pananaw o paliwanag tungkol sa akda.
Maging obhetibo sa pagsulat.

Mga Dapat Tandaan sa Pagsulat ng Sinopsis

1. Gumamit ng ikatlong panauhan sa pagsulat nito.

2. Isulat ito batay sa tono ng pagkasulat ng orihinal na sipi nito. Kung ang damdaming
naghahari sa akda ay malungkot, dapat na maramdaman din ito sa sa buod na gagawin.
3. Kailangang mailahad o maisama rito ang mga pangunahing tauhan maging ang kanilang
mga gampanin at mga suliraning kanilang kinaharap.
4. Gumamit ng mga angkop na pang-ugnay sa paghabi ng mga pangyayari sa kuwentong
binubuod lalo na kung ng sinopsis na ginawa ay binubuo ng dalawa o higit pang talata.
5. Tiyaking wasto ang gramatika, pagbabaybay, at mga bantas na ginamit sa pagsulat.
6. Huwag kalimutang isulat ang sangguniang ginamit kung saan hinango o kinuha ang
orihinal na sipi.

Mga Hakbang sa Pagsulat ng Sinopsis/Buod

1. Basahin ang buong seleksiyon o akda at unawaing mabuti hanggang makuha ang buong
kaisipan o paksa ng diwa nito.
2. Suriin at hanapin ang pangunahin at di pangunahing kaisipan.
3. Habang nagbabasa, magtala at kung maaari ay magbalangkas.
4. Isulat sa sariling pangungusap at huwag lagyan ng sariling opinyon o kuro-kuro ang
isinusulat.
5. Ihanay ang ideya sang-ayon sa orihinal.
6. Basahin ang unang ginawa, suriin, at kung mapaiklipa ito nang hindi mababawasan ang
kaisipan ay lalong magiging mabisa ang isinulat na buod.

Basahin at suriin ang halimbawa ng buod na makikita sa

ibaba.

Alibughang Anak

May isang amang may dalawang anak. Kinuha ng bunsong anak ang mana nito at
 kanyang ginugol sa mga makamundong gawain. Dumating ang panahong naubos ang lahat ng
kayamanang minana niya at lubos siyang naghirap at nagdalahita at namuhay nang masahol
pa sa katayuan ng mga alipin sa kanilang tahanan. Dahil sa mga hirap at sakit na kanyang
naranasan, napagtanto niya ang kanyang masamang ginawa. Nagpasiya siyang bumalik sa
kanyang ama, nagpakumbaba, at humingi ng tawad. Dahil sa labis na pagmamahal ng ama sa
anak, buong puso niya itong tinanggap, at hindi lang ito, ipinagdiwang pa ang kanyang
pagbabalik na ikinasama naman ng panganay na kapatid dahil ni minsan ay hindi niya
naranasang ipaghanda ng piging ng kanyang ama. Subalit siya ay inalo ng kanyang ama at
ipinaliwanag na siya ay lagi niyang kapiling at ang lahat ng ari-arian niya ay para sa kanya
subalit ang bunsong anak na umalis ay itinuring nang patay ngunit muling nabuhay, nawala,
ngunit muling nasumpungan.

Sagutin ang mga sumusunod na tanong:

1. Ano-ano ang mga kaisipang iyong nakuha mula sa buod ng “Alibughang Anak”?
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________

2. Masasabi mo bang sapat na ang buod ng iyong binasa upang makita ang
pangkalahatang ideya ng ng dalawang akda? Ipaliwanag ang iyong sagot?
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________

 Ikatlong Pagtalakay (Bionote)

Ang bionote ay maituturing ding isang uri ng lagom na ginagamit sa pagsulat ng personal
profile ng isang tao. Marahil ay nakasulat ka na ng iyong talambuhay o tinatawag sa Ingles na
autobiography o kaya ng kathambuhay o katha sa buhay ng isang tao o biography. Parang
ganito rin ang bionote ngunit ito ay higit na maikli kompara sa mga ito . Ayon kay Duenas at
Sanz (2012) sa kanilang aklat na Academic Writing for Health Sciences, ang bionote ay tala sa
buhay ng isang tao na naglalaman ng buod ng kanyang academic career na madalas ay makikita
o mababasa sa mga journal, aklat, abstrak ng mga sulating papel, web sites at iba pa.

Kadalasan, ito ay ginagamit sa paggawa ng bio-data, resume o anumang kagaya ng mga

ito upang ipakilala ang sarili para sa isang propesyonal na layunin. Ito rin ang madalas na
mababasa sa bahaging “Tungkol sa Iyong Sarili” na makikita sa mga social network o digital
communication sites. Halimbawa nito ay ang bionote o pagpapakilala sa sarili ng mga
gumagawa ng blog. Ito ang nagpapakilala ng ilang mahahalagang detalye sa buhay ng kung sino
ang nasa likod ng blog. Ito rin ay maaring magamit ng taong naglathala ng isang aklat o artikulo.
Sa madaling salita, layunin ng bionote na maipakilala ang sarili sa madla sa pamamagitan ng
pagbanggit ng mga personal na impormasyon tungkol sa sarili at maging ng mga nagawa o
ginagawa sa buhay.

Mga Bagay na Dapat Tandaan sa Pagsulat ng Bionote

1. Sikaping maisulat lamang ito nang maikli. Kung ito ay gagamitin sa resume kailangang
maisulat ito gamit ang 200 na salita. Kung ito naman ay gagamitin para sa networking
site, sikaping maisulat ito sa loob ng 5 hanggang 6 na pangungusap.
2. Magsimula sa pagbanggit ng mga personal na impormasyon o detalye tungkol sa iyong
buhay. Maglagay rin ng mga detalye tungkol sa iyong mga interes. Itala rin ang iyong
mga tagumpay na nakamit, gayunman , kung ito ay marami, piliin lamang ang 2 o 3 na
pinakamahalaga.
3. Isulat ito gamit ang ikatlong panauhan upang maging litaw na obhetibo ang
pagkakasulat nito.
4. Gawing simple ang pagkakasulat nito. Gumamit ng mga payak na salita upang madali
itong maunawaan at makamit ang totoong layunin nitong maipakilala ang iyong sarili sa
iba sa maikli at tuwirang paraan. May ibang gumagamit ng kaunting pagpapatawa para
higit na maging kawili-wili ito sa mga babasa, gayunman iwasang maging labis sa
paggamit nito. Tandaan na ito ang mismong maglalarawan kung ano at sino ka.
5. Basahing muli at muling isulat ang pinal na sipi ng iyong bionote. Maaaring ipabasa
muna ito sa iba bago tuluyan itong gamitin upang matiyak ang katumpakan at kaayusan
nito.

Sanggunian: http: buzzle.com/articles/how-to-write-a-short-bio-on-yourself.html

Tunghayan ang isang halimbawa ng bionote na nasa ibaba hinggil sa buhay ni Gng. Alma
Dayag, ang koordineytor at may-akda ng aklat na Pinagyamang Pluma.

Si Gng. Alma. M. Dayag ay nagtapos ng Bachelor of Science in Elementary and

Secondary Education, magna cum laude, at ng Master of Arts in Teaching Filipino Language
and Literature sa Philippine Normal University. Nakapagturo siya ng Filipino sa loob ng
 dalawampu’t limang taon at nakapaglingkod bilang homeroom chairman, koordineytor ng
Filipino at Sibika/Hekasi, at Assistant Principal for Academics sa St. Paul College, Pasig.
Nakadalo na rin siya sa iba’t ibang bansa tulad ng Amerika, Singapore, China (Macau), at
Thailand. Ang mga makabagong kaalamang natutuhan niya sa mga kumperensiyang ito ay
nakatulong nang malaki sa kanyang pagbabahagi ng kaalaman at kasanayan sa pagiging
trainer-facilitator ng mga seminar-workshop na pangguro sa iba’t ibang panig ng bansa.
Siya ay accreditor din ng Philippine Accrediting Association of Schools, Colleges, and
Universities o PAASCU. Kontribyutor din siya ng ilang magasing pambata gayundin sa mga
magasin at journal na pangguro. Subalit ang itinuturing niyang pinakamahalagang
katungkulan at biyaya mula sa Maykapal ay ang pagiging simple ng maybahay at ina ng
tatlong supling na siya niyang inspirasyon sa pagsulat ng mga aklat na kanyang iniaalay sa
lahat ng mga batang Pilipino.

Sagutin ang mga tanong:

1. Ano-ano ang mga kaisipang iyong nakuha mula sa halimbawa ng bionote na binasa?
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________

2. Masasabi mo bang sapat ang buod na iyong binasa upang makilala si Gng. Alma Dayag?
Ipaliwanag ang iyong sagot?
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________

C. Pagpapalalim

Gawain
Bumuo o sumulat ka ng isang uri ng lagom batay sa iyong sariling interes o paksang
malapit sa iyong puso. Maari kang gumawa ng abstrak, sinopsis ng paboritong akda, o ng isang
bionote. Ang gagawin mong lagom ay dapat makasunod sa pamantayan sa ibaba.
 4 3 2 1
Ang uri ng lagom na Ang uri ng lagom na Ang uri ng lagom na Ang uri ng lagom ay
nabuo ay talagang nabuo ay organisado, nabuo ay bahagyang di naging organisado,
organisado, maingat maingat na naisulat, organisado, naisulat hindi maayos ang
na naisulat, wasto, at wasto, at angkop ang nang may bahagyang pagkakasulat , hindi
angkop ang wikang wikang ginamit. kaingatan, may wasto at angkop ang
ginamit. kawastuhan, at may wikang ginamit.
kaangkupan ang
wikang ginamit.

PAGLALAGOM

1.Bilang paglalahat, sagutin ang mahalagang tanong sa araling ito?

 Bakit mahalagang matutuhan ang kalikasan at paraan ng pagsulat ng natatanging uri

ng lagom
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________

2.Kompletuhin ang talahanayan sa kabilang pahina hinggil sa iba’t ibang uri ng paglalagom.

Abstrak Sinopsis Bionote

Kahulugan

Katangian
 Layunin at Gamit

VII.Panghuling Pagtataya

Tukuyin ang mga kaisipan o detalyeng kokompleto sa mga pahayag sa bawat bilang
ayon sa binasang aralin.

1. Ang lagom ay ang __________________ bersyon ng sulatin.

2. Ilan sa mga katangian ng mabuting lagom ay ang
_______________________________at hindi ______________________.

3. Ang lagom na ginagamit sa pagsusulat ng akademikong papel ay tinatawag na

_______________________

4. Pinakahuling ginagawa sa pagsulat ng akademikong papel ang abstrak bagama’t ito ang
_____________________binabasa ng propesor o mga eksaminer ng papel.

5. Ang lagom na ginagamit sa mga akdang gaya ng maikling kuwento , nobela, dula,
salaysay, talumpati, at iba pa ay tinatawag na ______________.

6. Sa pagsulat ng sinopsis o buod, mahalagang mabanggit ang ______________________,

_________________________, at pinanggalingan nga akda.

7. Ang tawag sa lagom na ginagamit sa pagsulat ng personal profile ng tao ay

___________.

8. Gumamit ng _____________ panauhan sa pagsulat ng sinopsis o buod.

9. Ang uri ng lagom na karaniwang ginagamit sa pagsulat ng thesis o research paper ay

_______________.

10. Sa pagsulat ng lagom, mahalagang matukoy ang ________________________________.