Byahe

Fritz Gellang

Isaea ka adlaw nagdungan sa karsada

Sa pagbantay it saeakyan hay nagdungan it para
Nag paulihi it sakay hay may bayi pa
Bayi nga gasakay para magadto sa eskwela

Nag-andar do saeakyan nga sangkire do pasahero

Pero si manong driver hay may pagtuo sa Ginoo
Malipayon nga ga drive habang ga hueat it pasahero
Sa pagpuno it jeep si manong driver hay nagtueok kimo

Sa puno eon do jeep hay may nagpumilit nga magsakay

Nagtindog ka it gulpi para imaw hay makalingkod sa pagsakay
Bago nag guwa it saeakyan nagtueok ka kakon
Uwa naduea sang isip nga do pagtueok mo hay may buot baeang hambaeon?

Sa pagbuhin it mga pasahero hay naglingkod ka it uman

Pero uwa ako nagpahalata nga curious ako kimo
Nagpadayon do byahe nga uwa it kaistorya
Binueo ko do cellphone sang bag para magpamati it kanta

Sa pagpamati sa kanta nagkalma ang pag-isip

Winaksi sa pinu-ino nga uwa eang do pagtueok mo
Tag maeapit eon ako sang paadtunan nagtueok ako kimo
Nagtueok ka man kakon ag nag ngisian kita pareho