Taon 34 Blg.
11 Ika-24 Linggo sa Karaniwang Panahon (A) — Luntian Setyembre 13, 2020
“K apag ako namatay, gusto
ko…” sabay saway sa
akin ng aking katabi: “Uy!
Huwag kang magsasalita ng
ganyan.” Marahil, ayaw nating
pag-usapan ang kamatayan
dahil sa hapis na idudulot nito
sa mga taong maiiwan. Kaya
nga siguro karaniwan na sa
mga libing ang mga hagulhol
na, “Bakit mo ako iniwan?” o di
kaya’y, “Ako’y sasama na! Ako’y
sasama na!”
Liban pa sa mga ganitong
tagpo, tuwing inaalala natin ang
mga yumao, hindi karaniwan
ang pagbibigay-pansin sa mga
pagkukulang at pagkakamali ng
yumao. Higit nating napapag-
usapan ang mga kabutihang
kanilang nagawa noong
nabubuhay pa sila dito sa
lupa. Sinasariwa natin ang mga
matatamis na alaala noong mga
panahong kapiling pa natin sila.
Hitik ang ating mga pagbasa
sa linggong ito sa mga payo
ukol sa dapat nating maging
pananaw habang hinaharap
ang katotohanan ng kamatayan.
Saad sa mga ito na darating ang
panahong lilisan din tayo sa
mundo; na panandalian lamang
ang buhay sa mundong ibabaw at
mayroon pang buhay na walang
hanggan. Kung gayon, ano nga
ba ang dapat maging ugali ng
Kristiyano sa harap ng ganitong
katotohanan?
Basahin ang pagninilay bago o pagkatapos lamang ng Misa upang
makabahagi nang taimtim at ganap sa Banal na Pagdiriwang.
Gaya ng
Pagpapatawad
Una, bilang Kristiyano, hindi
dapat natin katakutan ang
kamatayan. Sa unang pagbasa,
maririnig natin ang tanyag na
katagang “Memento mori” o
“Alalahanin mo ang kamatayan.”
Bagamat nakakikilabot ang
gayong pangungusap, isang
kaaliwan (consolation) naman
ang handog ni San Pablo sa
ikalawang pagbasa: “[W]hether
we live or die, we are the
Lord’s.” Kaya naman, marapat
lamang maibsan ang takot sa
kamatayan ng katotohanang
muling nabuhay si Kristong
Diyos na nagkatawang-tao.
Bukod pa rito, nangako siyang
bubuhayin niya sa huling araw
ang sinumang sasampalataya sa
kanya.
Ikalawa, dapat tayong
magtiwala sa awa ng Diyos.
Marahil minsan, ayaw nating
lumapit sa Diyos dahil sa tingin
natin, abang-aba o miserable
ang kalayagan ng ating kaluluwa.
Kinakain tayo ng pakiramdam
na hindi tayo karapat-dapat sa
kanyang harapan dahil sa ating
mga kasalanan. Kung ganito ang
ating pag-iisip, alalahanin natin
ang sinabi ng Panginoon kay
Santa Faustina: “Anak, ibigay
mo sa akin ang iyong kaabahan
sapagkat ito lamang ang iyong
tanging pag-aari (Diary, 1318).”
Sa ganitong pagkilos, ating
maipahahayag na nagtitiwala
Namin
tayo na maawain ang Diyos at
ninanais niyang makapiling tayo
sa wakas ng buhay natin.
Panghuli, isabuhay natin ang
ating panalanging “patawarin
mo kami sa aming mga sala
gaya ng pagpapatawad namin
sa mga nagkakasala sa amin.”
Sa Ebanghelyo, pinatawad ng
hari ang kanyang lingkod sa
kanyang pagkakautang. Subalit
hindi nito pinatawad ang kapwa
niya lingkod na may utang sa
kanya. Kaya naman kalauna’y
siningil siya ng hari. Sa tuwing
nagpapatawad tayo marahil,
iniisip nating pinalalaya natin
mula sa pagkabagabag ang
nagkasala sa atin. Subalit lingid
sa ating malay, binibigyan rin
tayo nito ng kalayaan sapagkat
sa ating pagpapatawad,
pinapatawad rin natin ang ating
mga sarili.
Manalangin tayo. “Iniaalay
ko sa iyo, Panginoon, ang
lahat ng pangyayari kabilang
na ang pinakamasasakit,
kalakip ng aking pagpasok
sa buhay na walang-hanggan
bilang kabayaran sa aking mga
kasalanan, nang sa gayo’y higit
akong maging marapat para sa
langit” (Beato James Alberione).
Amen.
—Leonard Bryan B. Cabatingan, SSP
 PASIMULA
Antiponang Pambungad
[Sir 36: 15-17]
(Basahin kung walang pambungad na awit)
Kapayapaa’y ibigay sa bayan
mong naghihintay upang iyong
patunayang propeta’y maaasa­
han. Dalangin nami’y pakinggan.
Pagbati
(Gawin dito ang tanda ng krus)
P - Sumainyo ang Panginoon.
B - At sumaiyo rin.
Paunang Salita
(Maaaring basahin ito o isang katulad
na pahayag)
P - Sa Ebanghelyo, ipakikita ni
Hesus sa isang kuwento kung
paano nagkakautang na loob ang
tao sa Diyos. Sa kabila ng lahat,
pina­tatawad niya tayong lubos. Ito
rin ang inaasahang pagpapatawad
na dapat nating ibinibigay sa ating
kapwa. Isina­sabuhay ba natin ang
mensaheng ito?
Pagsisisi
P - Mga kapatid, aminin natin
ang ating mga kasalanan upang
tayo’y maging marapat sa pagdi-
riwang ng banal na paghahaing
nagdudulot ng kapatawaran ng
Maykapal. (Tumahimik)
P - Panginoon, kami’y nagkasala
sa iyo.
B - Panginoon, kaawaan mo kami.
P - Kaya naman, Panginoon, ipakita
mo na ang pag-ibig mong wagas.
B - Kami ay lingapin at sa
kahirapan ay iyong iligtas.
P - Kaawaan tayo ng makapang­
yarihang Diyos, patawarin tayo sa
ating mga kasalanan, at patnu­bayan
tayo sa buhay na walang hanggan.
B - Amen.
P - Panginoon, kaawaan mo kami.
B - Panginoon, kaawaan mo kami.
P - Kristo, kaawaan mo kami.
B - Kristo, kaawaan mo kami.
P - Panginoon, kaawaan mo kami.
B - Panginoon, kaawaan mo kami.
Gloria
Papuri sa Diyos sa kaitaasan at
sa lupa’y kapayapaan sa mga
taong kinalulugdan niya. Pinupuri
ka namin, dinarangal ka namin,
sinasamba ka namin, ipinagbubunyi
ka namin, pinasasalamatan ka
namin dahil sa dakila mong
ang­king kapurihan. Panginoong
Diyos, Hari ng langit, Diyos
Amang makapangyarihan sa
lahat. Pangi­noong Hesukristo,
Bugtong na Anak, Panginoong
Diyos, Kordero ng Diyos, Anak
ng Ama. Ikaw na nag-aalis ng mga
kasalanan ng sanlibutan, maawa
ka sa amin. Ikaw na nag-aalis ng
mga kasalanan ng sanlibutan,
tanggapin mo ang aming kahi-
lingan. Ikaw na naluluklok sa
kanan ng Ama, maawa ka sa amin.
Sapagkat ikaw lamang ang banal,
ikaw lamang ang Panginoon,
ikaw lamang, O Hesukristo, ang
Kataas-taasan, kasama ng Espiritu
Santo sa kadakilaan ng Diyos
Ama. Amen.
Pambungad na Panalangin
P - Manalangin tayo. (Tumahimik)
Ama naming makapangyari­
han, ikaw ang Lumikha at Taga­
pamahala ng tanang umiiral.
Tunghayan mo kami upang ang
iyong awa ay aming maranasan
at ipagkaloob mong ikaw ay
aming wagas na mapaglingkuran
sa pamamagitan ni Hesukristo
kasama ng Espiritu Santo magpa­
sawalang hanggan.
B - Amen.
PAgpapahayag
ng salita ng diyos
Unang Pagbasa [Sir 27:33—28:9]
(Umupo)
Itinuturo ni Sirak na dapat mag-
patawad ang bayang Israel
upang patawarin rin ito ng Diyos.
Patawarin mo ang iyong kapwa
sa kanyang pagkukulang, at
kaakibat ng pagdalangin sa kanya
patatawarin ka rin ng Maykapal.
Pagbasa mula sa aklat ni Sirak
ANG POOT at pagngingitngit
ay dapat ding kamuhian;
ngunit sa makasalanan, iyan ay
pangkara­niwan. Natatandaan
ng Panginoon ang kasalanan ng
bawat tao, at ang mapaghiganti
ay paghihigantihan din niya.
Patawarin mo ang kapwa sa
kanyang pagkukulang, at pag
ikaw ay dumalangin sa Diyos,
patatawarin ka rin naman. Ang
nagtatanim ng galit laban sa
kapwa, pag tumawag sa Pangi­
noon, walang kakamtang awa.
Kung hindi ka nahahabag sa
iyong kapwa, paano mong
ihihingi ng tawad ang iyong
kasalanan? Kung ikaw na tao
lamang, ay nagkikim­k im ng
galit, sinong magpapata­wad
sa iyo sa mga kasalanan mo?
Alalahanin mo ang iyong wakas
at pawiin mo ang iyong galit.
Isipin mo ang kamatayan at
sundin mo ang Kautusan. Dili-
dilihin mo ang Kautusan at
huwag kang magalit sa kapwa;
alalahanin mo ang Tipan ng
Kataas-taasan at matuto kang
magpatawad.
— Ang Salita ng Diyos.
B - Salamat sa Diyos.
Salmong Tugunan (Slm 102)
T - Ang ating mahabaging Diyos
ay nagmamagandang-loob.
1. Panginoo’y papurihan, purihin
mo, kaluluwa,/ ang pangalan
niyang banal purihin mo sa
tuwina./ Ikaw, aking kaluluwa,
ang Diyos ay papurihan,/ at
huwag mong lilimutin yaong
kanyang kabutihan.(T)
2. Ang lahat kong kasalana’y
siya ang nagpapatawad,/ at
anumang aking sakit, ginagamot
niyang lahat./ Sa bingit ng
kamatayan ako ay inililigtas,/
at pinagpapala ako sa pag-ibig
niya’t habag (T)
3. Banayad nga kung magalit,
hindi siya nagtatanim;/ yaong
taglay niyang galit, hindi niya
kinikimkim,/ kung siya ay mag­
parusa, di katumbas ng pagsuway/
di na tayo sinisingil sa nagawang
kasalanan. (T)
4. Ang agwat ng lupa’t langit,
sukatin ma’y hindi kaya,/ gayon
ang pag-ibig ng Diyos, sa may
takot sa kanya./ Ang silangan at
kanluran kung gaano ang dis­
tansya/ gayung-gayon ang pag­
tingin sa sinumang nagkasala. (T)
Ikalawang Pagbasa (Rom 14:7-9)
Ipinaaalala sa atin ni San Pablo na
si Hesus ang tanging Panginoon.
Walang nabubuhay o namamatay
para sa sarili. Kapwa-lingkod
tayo ng iisang Panginoon kung
kaya hindi dapat tayo maging
mapanghusga sa ating ng kapwa.
Pagbasa mula sa sulat ni Apostol
San Pablo sa mga taga-Roma
MGA KAPATID: Walang sinu-
man sa atin ang nabubuhay
o namamatay sa kan­y ang
sarili lamang. Kung tayo’y
nabubuhay, nabubuhay tayo
para sa Panginoon, at kung
tayo’y nama­matay, namamatay
tayo para sa Panginoon. Kaya
nga, sa mabuhay o sa mamatay,
tayo’y sa Panginoon. Sapagkat
si Kristo ay namatay at muling
nabuhay upang maging
Panginoon ng mga patay at
mga buhay.
— Ang Salita ng Diyos.
B - Salamat sa Diyos.
Aleluya [Jn 13: 34] (Tumayo)
B - Aleluya! Aleluya! Bagong
utos, ani Kristo, mag-ibigan sana
kayo katulad ng pag-ibig ko.
Aleluya! Aleluya!
Mabuting Balita (Mt 18:21: 35)
P - Ang Mabuting Balita ng
Panginoon ayon kay San Mateo
B - Papuri sa iyo, Panginoon.
N O O N G p a n a h o n g i yo n ,
lumapit si Pedro kay Hesus at
nagtanong sa kanya, “Panginoon,
makailan kong patatawarin ang
aking kapatid na paulit-ulit na
nagkaka­sala sa akin? Makapito
po ba?” Sinagot siya ni Hesus,
“Hindi ko sinasabing maka­pito,
kundi pitumpung ulit pa nito.
Sapagkat ang paghahari ng
Diyos ay katulad nito: ipinasiya
ng isang hari na pagbayarin ang
kanyang mga lingkod na may
utang sa kanya. Unang dinala
sa kanya ang may utang na
sampung milyong piso. Dahil
sa siya’y walang ibayad, iniutos
ng hari na ipagbili siya, ang
kanyang asawa, mga anak,
at lahat ng ari-arian, upang
maka­bayad. Nanikluhod ang
taong ito sa harapan ng hari at
nagmaka­awa: ‘Bigyan pa ninyo
ako ng panahon, at babayaran
ko sa inyo ang lahat.’ Naawa sa
kanya ang hari kaya ipinatawad ang
kanyang mga utang at pinayaon siya.
“Ngunit pagkaalis niya roon
ay nakatagpo niya ang isa sa
kanyang kapwa lingkod na may
utang na limandaang piso sa
kanya. Sinunggaban niya ito at
sinakal, sabay wika: ‘Magbayad
ka sa utang mo!’ Naglumuhod
iyon at nag­makaawa sa kanya:
‘Bigyan mo pa ako ng panahon
at baba­y aran kita.’ Ngunit
hindi siya pumayag; sa halip
ipinabilanggo niya ang kanyang
kapwa lingkod hanggang sa
ito’y makabayad. Nang makita
ng kanyang mga kapwa lingkod
ang nangyari, sila’y labis na
nagdamdam; pumunta sila sa
hari at isinum­bong ang nangyari.
Kaya’t ipina­tawag siya ng hari.
‘Ikaw—napakasama mo!’ sabi
niya. ‘Pina­tawad kita sa utang
mo sapagkat nagmakaawa ka sa
akin. Nahabag ako sa iyo; hindi
ba dapat ka ring mahabag sa
kapwa mo?’ At sa galit ng hari,
siya’y ipinabilanggo hanggang
sa mabayaran niya ang kanyang
utang. Gayon din ang gagawin sa
inyo ng aking Amang nasa langit
kung hindi ninyo patatawarin
ang inyong kapatid.”
— Ang Mabuting Balita ng
Panginoon.
B - Pinupuri ka namin, Pangi-
noong Hesukristo.
Homiliya (Umupo)
Pagpapahayag ng
Pananampalataya (Tumayo)
B - Sumasampalataya ako sa Diyos
Amang makapangyarihan sa lahat,
na may gawa ng langit at lupa.
Sumasampalataya ako kay Hesu-
kristo, iisang Anak ng Diyos,
Panginoon nating lahat, nagkata-
wang-tao siya lalang ng Espiritu
Santo, ipinanganak ni Santa
Mariang Birhen. Pinagpakasakit
ni Poncio Pilato, ipinako sa krus,
namatay, inilibing. Nanaog sa
kinaroroonan ng mga yumao,
nang may ikatlong araw nabuhay
na mag-uli. Umakyat sa langit.
Naluluklok sa kanan ng Diyos
Amang makapangyarihan sa
lahat. Doon magmumulang
paririto at huhukom sa nanga-
bubuhay at nangamatay na tao.
Sumasampalataya naman ako sa
Diyos Espiritu Santo, sa banal na
Simbahang Katolika, sa kasamahan
ng mga banal, sa kapatawaran ng
mga kasalanan, sa pagkabuhay na
muli ng nangamatay na tao at sa
buhay na walang hanggan. Amen.
Panalangin ng Bayan
P - Ganap tayong pinatawad
ng Diyos kaya’t inaasahan din
tayong magpatawad nang ganap
sa ating kapwa. Dumalangin
tayo sa Ama upang maisabuhay
natin ito. Buong pagtitiwala
nating sabihin:
T - Panginoon, tulungan mo
kaming magpatawad.
L - Para sa Santo Papa, mga
obispo, mga pari, at diyakono:
Ipagpatuloy nawa nila ang pag-
akay sa mga maka­salanan, at
manatili nawa silang tapat sa
kanilang pagtahak sa landas ng
pagbabalik-loob at pagbabago.
Kami’y dumadalangin: (T)
L - Para sa mga namumuno sa
pamahalaan: Makipag-diyalogo
nawa sila sa lahat ng sektor
ng lipunan tungo sa paghilom,
kaunlaran, at kapayapaan.
Kami’y dumadalangin: (T)
L - Para sa mga naging biktima
ng iba’t-ibang uri ng karahasan:
makatanggap nawa sila ng
hustisya at pagkalinga mula
sa mga lingkod-bayan ng mga
bansa. Kami’y dumadalangin: (T)
L - Para sa bawat Kristiyanong
Pamilya: Maging daluyan
nawa sila ng kapatawarang
nagmumula lamang kay Kristo.
Kami’y dumadalangin: (T)
L - Para sa mga dumaranas ng
matinding pagsubok sa buhay:
Maramdaman nawa nila ang
pagpapatawad at pagkalinga ng
Diyos sa kanilang pinag-daraaan.
Kami’y dumadalangin: (T)
L - Para sa mga yumao: Maigawad
nawa sa kanila ang kapatawaran
at walang hanggang awa ng
Diyos sa kanyang kaharian.
Kami’y dumadalangin: (T)
P - O Diyos, pagpanibaguhin
mo ang aming mapagmatigas na
puso. Tulutan mo kami ng grasya
ng pusong mapagpatawad
at mapangunawa sa aming
kapwa. Batid naming kung wala
ang iyong tulong, wala kaming
lakas para magpatawad, ikaw
na nabubuhay at nagha­h ari
kasama ni Kristong anak mo
at ng Espiritu Santo ngayon at
magpasawalang hanggan.
B - Amen.
Pagdiriwang
ng huling hapunan
Paghahain ng Alay (Tumayo)
P - Manalangin kayo...
B - Tanggapin nawa ng Pangi­
noon itong paghahain sa iyong
mga kamay sa kapurihan niya
at karangalan sa ating kapaki­
nabangan at sa buong Sambayanan
niyang banal.
Panalangin ukol sa mga Alay
P - Ama naming Lumikha, ma­
awain mong dinggin ang aming
mga pithaya at paunlakan mo
ang paghahaing aming inihanda
upang ang mga handog ng bawat
isang nagbigay para sambahin
ang banal mong ngalan ay
magkamit ng karagdagan mong
kasiyahan sa pamamagitan ni
Hesukristo kasama ng Espiritu
Santo mag­pasawalang hanggan.
B - Amen.
Prepasyo (Karaniwan VI)
P - Sumainyo ang Panginoon.
B - At sumaiyo rin.
P - Itaas sa Diyos ang inyong
puso at diwa.
B - Itinaas na namin sa Panginoon.
P - Pasalamatan natin ang
Panginoong ating Diyos.
B - Marapat na siya ay pasala­
matan.
P - Ama naming makapangyari­
han, tunay ngang marapat na
ikaw ay aming pasalamatan.
Nasa iyo ang aming buhay,
pagkilos at pag-iral. Sa pamumu­
hay namin araw-araw tinatamasa
namin ang iyong pagmamahal.
Sa pag-ibig mong ipinunla
sa sangkatauhan ang Espiritu
Santo’y unang aning bigay ng
Anak mong naglagak sa amin ng
katiyakang nakalaang mabuhay
kami sa piling mo kailanman.
Kaya kaisa ng mga anghel
na nagsisiawit ng papuri sa
iyo nang walang humpay sa
kalangitan, kami’y nagbubunyi
sa iyong kadakilaan:
B - Santo, Santo, Santo Panginoong
Diyos ng mga hukbo! Napupuno
ang langit at lupa ng kadakilaan
mo! Osana sa kaitaasan! Pinagpala
ang naparirito sa ngalan ng
Panginoon! Osana sa Kaitaasan!
(Lumuhod)
Pagbubunyi (Tumayo)
B - Si Kristo’y namatay! Si
Kristo’y nabuhay! Si Kristo’y
babalik sa wakas ng panahon!
Pakikinabang
Ama Namin
B - Ama namin...
P - Hinihiling naming...
B - Sapagkat iyo ang kaharian at
ang kapangyarihan at ang kapu­­
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P - Ito ang Kordero ng Diyos. Ito
ang nag-aalis ng kasalanan ng
sanlibutan. Mapalad ang mga
inaanyayahan sa kanyang piging.
B - Panginoon, hindi ako ka-
rapat-dapat na magpatulóy sa
iyo ngunit sa isang salita mo
lamang ay gagaling na ako.
Antipona sa Komunyon
(Slm 36:8)
Pag-ibig na iyong bigay ay hindi
matutumbasan. Laging ikaw
ang kanlungan ng iyong bayang
hinirang na ’yong sinusubay­bayan.
Panalangin Pagkapakinabang
(Tumayo)
P - Manalangin tayo. (Tumahimik)
Ama naming mapagmahal,
ang aming kalooban nawa’y
pagharian ng aming tinanggap na
pakikinabang upang huwag ang
diwa namin ang umiral kundi ang
bunga ng pagdiriwang ang laging
mamayani sa amin sa pamamagitan
ni Hesukristo kasama ng Espiritu
Santo magpaswalang hanggan.
B - Amen.
Pagtatapos
P - Sumainyo ang Panginoon.
B - At sumaiyo rin.
Pagbabasbas
P - Magsiyuko kayo samantalang
iginagawad ang pagpapala.
(Tumahimik)
Ama naming mapagpala,
i p a d a m a m o n g i k aw a n g
kapiling ng mga bumubuo ng
iyong bayan. Ipagkaloob mo sa
amin araw-araw ang aming mga
kailangan upang kami ay sumapit
sa buhay na para sa ami’y iyong
inilaan sa pamamagitan ni
Hesukristo kasama ng Espiritu
Santo magpasawalang hanggan.
B - Amen.
P - Pagpalain kayo ng makapang-
yarihang Diyos Ama at Anak (†)
at Espiritu Santo.
Pangwakas
P - Tapos na ang Banal na Misa.
Humayo kayong mapayapa.
B - Salamat sa Diyos.