Isang magandang umaga po sa ating lahat. Mga kapatid 12 days na lang Christmas Day na.

Napakabilis
ng panahon. Purihin ang Dios dahil dumaan tayo sa isang napakapanganib na panahon ang pandemic
ngunit naririto tayo malalakas, malulusog at tagumpay kay Kristo. Nais natin na lilipas ang 2020 na tayo
ay malakas at motivated na harapin ang bagong taon. Nawa mga kapatid, matapos ang taon na ito na
hindi natin binigay sa pandemic ang magagawa pa natin. Nawa wag tayong magsimula ng January 2021,
kundi ngayon pa lang nagpapatuloy na tayo sa magagawa pa natin para sa Dios.

Kaya naman, ang pag aaralan natin ngayong umagang ito ay “Huwag Titigil, Magpatuloy”.

Basahin po natin sa Filipos 3: 12-14

12 
Hindi sa nakamtan ko na ang mga bagay na ito. Hindi rin sa ako'y ganap na; ngunit
sinisikap kong makamtan ang gantimpala sapagkat ito ang dahilan kung bakit ako'y
tinawag ni Cristo Jesus.  13  Mga kapatid, hindi ko ipinapalagay na nakamit ko na ito.
Ngunit isang bagay ang ginagawa ko: habang nililimot ko ang nakaraan at sinisikap na
marating ang layuning nais kong makamtan,  14  nagpupunyagi ako patungo sa
hangganan upang makamtan ang gantimpala ng pagkatawag sa akin ng Diyos sa
pamamagitan ni Cristo Jesus, ang buhay na nasa langit.

Sabi sa verse 12, hindi sa nakamtan ko ang mga bagay na ito. Hindi rin sa ako’y ganap
na. Ano po ang ibig sabihin ni Pablo sa mga katagang ito? Ano ito?
Ayon sa verses 4-9, binabahagi ni Pablo sa mga taga Filipos na nakamtan niya ang
pinaka mahalaga sa lahat, ang pagkakilala kay Kristo. Siya ay naging matuwid hindi sa
Kautusan kundi sa pananampalataya. Nakamtan ni Pablo ang pagiging matuwid dahil
kay Kristo sa pamamagitan ng pananampalataya.

Sabi naman sa verses 10-11, 10 Ang tanging hangarin ko ngayon ay lubusang makilala si
Cristo, maranasan ang kapangyarihan ng kanyang muling pagkabuhay, makibahagi sa
kanyang mga paghihirap, at maging katulad niya sa kanyang kamatayan, 11 umaasang
ako man ay muling bubuhayin mula sa kamatayan.

May mga ilan na nakamtan na si Pablo katulad ng pagiging matuwid sa harapan ng Dios
sa pamamagitan ng pananampalataya. Bukod dito, nakamtan din nya yung maging
kabahagi day paghihirap ni Kristo. Ang totoo, nung sinusulat niya ang sulat niya sa mga
taga Filipos, siya ay nakakulong o house arrest. Marami na ding nagawa si Pablo at
kontribusyon sa pagpapalaganap ng ebanghelyo.

Ngunit May hangarin siya na Di pa natutupad nung panahon na ito, yung lubusang
makilala si Kristo, yung maranasan ang muling pagkabuhay, maging katulad kay Kristo
sa kamatayan. Kaya nga Ang sabi niya hindi sa nakamtan ko na ang mga ito o ako’y
ganap na. Ang ibig sabihin ni Pablo dito ay bagamat marami na siyang accomplishment
pero hangga’t May buhay siya hindi siya tumitigil hangga’t maranasan niya ang kanyang
hangarin, ang maging katulad ni Kristo sa kamatayan, mabuhay na magmuli. Ito po ay
mangyayari Kapag namatay na siya. Ang ibig sabihin mga kapatid, kahit nakakulong
pero May buhay pa, hindi hadlang ang kulungan para tumigil siya. Ang sabi sa verse 12,
12 
Hindi sa nakamtan ko na ang mga bagay na ito. Hindi rin sa ako'y ganap na; ngunit
sinisikap kong makamtan ang gantimpala sapagkat ito ang dahilan kung bakit ako'y
tinawag ni Cristo Jesus. 

Nakita po natin, si Pablo ay motivated ng panawagan ng Panginoon sa kanyang buhay.

Na kahit nakakulong siya ay hangga’t buhay May mgagawa. Makakamtan niya ang
gantimpala sa panahon na siya ay nasa langit na.

Pinapakita nito kapatid na:

1. Huwag kang titigil, magpatuloy dahil hindi pa tapos ang Dios sa buhay mo

Huwag nating idahilan ang covid-19. Pinakita na sa atin ng Dios sa pamamagitan

ng buhay natin ngayon na may magagawa pa. Isang halimbawa nga yung
kaisipan ni Pablo na nagpapatuloy siya. Hindi pinapalagay na nakamtan na niya.
Ang basis nya, May buhay pa sya kaya kahit nakulong basta’t buhay pa, patuloy
sa Dios.

Ganon din tayo. Ikaw at ako ay binigyan na Dios ng mga pagkakataon upang
makapag lingkod sa kanya. Dumaan ang pandemic pero buhay pa tayo ibig
sabihin, May purpose pa tayo kaya tuloy lang mga kapatid. Huwag mong isipin
ng dahil sa pandemic ay wala ka ng magagawa para sa Dios itong taon na ito.
Hindi ang pandemic ang magdidikta ng paglilingkod natin kundi ang panawagan
ng Dios sa ating mga buhay.

Itong December, May magagawa pa po tayo para sa layunin ng Dios sa ating

mga buhay. Huwag tayong papayag na pahintuin tayo ng pandemic sa mga nais
mong gawin para sa Panginoon. Tulad ng sinabi ko po, wag na nating hintayin
ang 2021. Wala tayong katiyakan kung buhay pa tayo non. Ang isipin natin ay
ngayon. Buhay tayo, malakas, maraming pagkakataon para makapag lingkod.
Mga kapatid, lahat naman tayo ay mamamatay. Pero kung alam nating maiksi
ang buhay, Bakit Di nating gawin mas makabuluhan ang buhay natin sa
pamamagitan ng pagpapatuloy sa paglilingkod sa Dios habang May buhay.

Inuulit ko po, huwag hintayin ang 2021 para lang maglingkod. Kung May buhay
ka, ngayon na. Wasakin ang mentality na “sinira ng covid ang 2020”. Meron
tayong Dios mga kapatid. May magagawa pa.

Pangalawa, ang sabi sa verse 13

 Mga kapatid, hindi ko ipinapalagay na nakamit ko na ito. Ngunit isang bagay ang
13 

ginagawa ko: habang nililimot ko ang nakaraan at sinisikap na marating ang layuning
nais kong makamtan, 

2. Huwag titigil, magpatuloy sapagkat wala ka pa sa finish line

Ang sinisikap ni Pablo ay yung layunin ng Dios maisakatuparan niya. Eto yung tinatanaw niya kaya
nga sabi niya nililimot ang nakaraan at sinisikap marating ang layunin ng Dios sa kanyang buhay. Ang
kagandahan kasi na ang tinatanaw natin ay yung layunin ng Dios at ginagawa ito, bawat araw na
buhay tayo ay isang oportunidad. Isa pa, kahit nasa mabigat na kalalagayan, sina Pablo ay hindi
tumitigil kasi nga wala pa sa finish line.

Isa po sa mga nakakahangang tao ay si Nick na pinanganak na walang mga braso at kamay. Wala
ding hita, tuhod at mga paa. Ang tanong nya Bakit pa daw siya binuhay ng Dios? Pagtatawanan Lang
naman siya ng kanyang mga classmates. Ang sabi nya, paano ko isasayaw ang aking asawa? Ngunit
nung siya po ay nakakilala sa Panginoon, yung kalalagayan niya ay hindi hadlang para magamit siya.

Ikaw, ako, tayong lahat, hindi bat kumpleto tayo? Nawa Ma challenge tayo sa buhay ni Nick na May
magagawa pa. Pakatandaan po natin, yung iba sa atin maaaring nasa simula palang ng takbuhin niya
sa pananampalataya, magpatuloy ka kapatid. Marahil yung ilan sa atin ay nasa gitna, wag kang
susuko kapatid, makakatapos ka sa finish line. Yung iba naman lalo na kaming May edad ay halos
nasa dulo na kami at malapit na sa finish line. Ngunit hangga’t wala pa kami sa finish line, tuloy ang
paglilingkod.

Anu-ano ang mga humahadlang sayo?

1. Ang kahirapan ba?
2. Ang pandemic ba?
3. Ang kahinaan mo ba?

Nawa maging kalakasan natin na wala pa tayo sa finish line kaya magpatuloy, wag titigil. May
magagawa pa mga kapatid. Ituloy natin yung mga nasimulan ng Dios sa ating buhay. Wag naman
sana pero kung ang pandemic na ito ay magtagal hanggang next year, ibig bang sabihin nito ay
hihinto ka na? Hindi ang Mahirap na sitwasyon ang batayan. Si Pablo nga eh nakakulong pero dahil
wala pa sya sa finish line ay tuloy ang paglilingkod.

Sabi sa verses 14,

nagpupunyagi ako patungo sa hangganan upang makamtan ang gantimpala ng
14 

pagkatawag sa akin ng Diyos sa pamamagitan ni Cristo Jesus, ang buhay na nasa langit.

Pangatlo, huwag tumigil magpatuloy sapagkat meron tayong katiyakan sa buhay

na walang hanggan.

Sabi ni Pablo, ang buhay na hahantong sa langit. Iba ang kanyang pananaw sa katiyakan
sa kaligtasan. Yung iba dahil ligtas na nakuntento na lang don. Ngunit ang magandang
pattern natin ay yaong naipamuhay ni Pablo. Dahil ligtas na siya, Di siya natatakot
mamatay bagkus habang naghihintay sa kanyang kamatayan, hindi siya tumitigil na
gawin yung layunin ng Panginoon sa kanyang buhay. Yan ang makabuluhang buhay.
Wag nating hintayin ang kamatayan natin. Ang mahalaga, tinatapos natin ang
pinagagawa o layunin ng Dios sa atin. Kung ikaw ay tunay na mananampalataya, totoo
na maraming hadlang, maraming pagsubok, maraming nasa sakit ng kalooban. Ngunit
kung ang focus mo sa pinapagawa ng Dios sa buhay mo, ang kahirapan ay nagsisilbing
hamon at hindi hadlang.

Saan ka nagsisikap sa buhay? Yan ba ang pinapagawa ng Dios? Ang ibig ko pong
sabihin, gawin natin na kahit nasa trabaho ka o kaya nag ooffice ka o kaya naman
nagbibusiness ka, estudyante ka, magpatuloy tayo. Hindi po lugi ang maglingkod sa
Dios. Habang buhay, wag titigil sapagkat May katiyakan na tayo sa buhay na walang
hanggan.

Kayan nga mga kapatid, tapusin natin ang taon na ito na nagpapatuloy, hindi natitinag sa pandemic.
Huwag titigil, magpatuloy mga kapatid.