Ang Alamat ng Bulkang Mayon

Walang makakapantay sa kagandahan at kabaitan ng dalagang

anak ni Datu Makusog na si Daragang Magayon. Dahil dito,
maraming binata ang nahuhumaling sa kanya, kabilang na rito
ang makisig at mayaman na si Pagtuga. Gayunpaman, hindi ibig
ng dalaga si Pagtuga sapagkat nahulog na ang kanyang loob sa
binatang si Ulap nakilala nya noong naliligo siya sa batis. Hindi
man naging maganda ang unang pagtagpo ng dalawa, sa
kalaunan ay nagkamabutihan na sila ng loob. Di nagtagal ay
nalaman ito ni Datu Makusong at sumang-ayon din naman ito
dahil na rin sa angking kabutihan ni Ulap.
Nabalitaan ni Pagtuga ang nakatakdang kasal ng dalawa. Sa
sobrang galit, pinuntahan niya si Magayon at binanataan na
papatayin niya ang ama ni Magayon at maghahasik ng digmaan
kung hindi ito papayag na pakasalan ang lalake.
Sinunod naman ni Magayon ang kahilingan ni Pagtuga kahit na
labag ito sa kanyang kalooban. Nalaman ito ni Ulap at dali
daling sumugod sa kasalan. Sa halip na isang pagdiriwang para
sa kasal, isang pagtutunggali ang naganap.
Nagwagi si Ulap kay Pagtuga at agad agad siyang niyakap ni
Magayon. Hindi nila napansin ang isang ligaw na palaso kung
kaya’t natamaan nito sa likod si Magayon. At habang hawak ni
Ulap ang naghihingalong niyang iniibig, sinibat siya sa likod ng
isa sa mga kawal ni Pagtuga.
Malakas na humagulgol si Datu Makusog. Kahit na halos wala
ng makita dahil sa walang-tigil na pagluha niya, naghukay
siyaang naghukay. Pagkatapos ay inilbing niya ang kanyang
anak na si Magayon, at ang nag-iisang iniibig nito na si Ulap,
nang magkayakap.
Pagdaan ng araw, unti-unting tumataas ang lupang
pinaglibingan kina Ulap at Magayon. May mga araw kung
kailang natatakpan ng mga ulap ang tuktok ng bulkan. Sinasabi
ng mga matatanda na kapag nangyayari ito, hinahalikan ni Ulap
si Magayon.
Lumipas ang panahon at umiksi na ang pangalan ni Magayon at
ito’y naging Mayon. Ngunit sa kabila ng maaliwalas na tanawin,
isang masalimuot na nakaraan ng isang natatanging dalaga at
ng kaniyang iniibig ang dumadaloy sa bayan ni Daragang
Magayon.

https://www.slideshare.net/zellebatalon/alamat-ng-daragang-
magayon