SP CALLED ROZA

Serious skit by THE ACHANAK THOUGHTS

THE ACHANAK THOUGHTS

Mene savings kr li hen yr.. 312 rupay ho gaye hen.. dekh raha hun plat behria me
SCENE 01
(sehri ka time hota hy dhol bajta hy or bandy ki awaz ati hy.. rozy daro utho sehri ki tyarri kar lo.. maa
uthti hy dopatta waghera pehn k kamry se bahir nikal jati hy..)

(larka apny room me larki se bat kar raha hota hy)

Larka: jan tumhari mama ne tum se 1 din or sehri banwai naw tw mene tumhy bhaga k le ana hy..

(itni dair me ami room me enter hoti hy or larky ko thapar marti hy)

Ami: apni sasti ami ki baghlon se bahir a ja or is maa ko dahi la de nalaiq…

(ami larky ko mar k utha deti hen…)

Ami: phr kamina sari raat jagta raha hy.. ab sehri k foran bad so jaye ga ..

SCENE 02
(maa namaz parh k free hoti hy or larky k room me jati hy… )

Maa: ALI beta … azan ho gai hy…

(Larka so raha hota hy…)

Maa: beta uth ja namaz parh le… ese sehri kar k late gya hy...

Larka: ami sony do naw.. sari raat nahi soya..

Maa: uth ja mere se joota na kha lai.. koi Allah rasool ka name bhi le liya kar..

Larka: axha ami ap jao me uthta hun naw…

(maa th k jati hy tw larka phr so jata hy…)

SCENE 03
(larka soya hua uthta hy or phone p time dekhta hy… )

Larka: leh .. abhi sirf 2 bajy hen… ab mazeed soya bhi nahi jar aha.. aftari tak time kese pass karun?? Ary
han.. game khel leta hun…

(larka phone p game khelny lag jata hy.. )

TIME SKIP

(larka movie dekh raha hota hy.,.)

(itni dair me maa enter hoti hy room me… )

Maa: uth ja marjanya.. roza haram kar k apna dekh kitny sakoon se betha hy.. ja uth mujhy bazar se
saman la k de aftari ka…

Larka: ary kya hy yr ami… papa se kaho naw lete ayen gy… me nahi uth raha.. mujhy roza lag raha hy…

(maa lanat bhej k room se bahir chali jati hy)

SCENE 04
(aftari ka time hota hy.. table p maa saman la k rakhti hy…)

Larka: ami kitna sa time reh gya hy aftari me?? Mujh se ab or sabr nahi ho raha,,,

Maa: tu beta kha le.. tu ne konsa roza rakha hy.. tu ne tw bs faaqa kiya.. khud ko bhooka rakha hy bs.. na
koi namaz ka khyal na koi quran ki tilawat.. bs sara din soty hue guzar diya hy… ary esa roza rakha ya na
rakha kya farq parta hy??
Is ramzan me or ap mil kr koshish karty hen k ramzan ka ehtram Karen or in so called rozon ki jagah asli
roza rakhen.. hm sab ki tarf se apko RAMZAN MUBARAK.