IKA-APAT NA MARKAHAN

IKA-APAT NA LINGGO

Pangalan: _______________________________________

Baitang at Pangkat: _____________________________

Guro: ___________________________________________

Page | 1
Paunang Salita
Para sa tagapagdaloy:

Ang modyul na ito ay pinagtulungang dinisenyo, nilinang at sinuri ng mga edukador

mula sa pambulikong paaralan upang gabayan ang gurong tagapagdaloy na
matulungang makamit ng mag-aaral ang pamantayang itinakda ng Kurikulum ng K
to12 habang kanilang pinanagumpayan ang pansarili, panlipunan at pang-
ekonomikong hamon sa pag-aaral.

Ang tulong-aral na ito ay umaasang makauugnay ang mag-aaral sa mapatnubay at

malayang pagkatuto na mga gawain ayon sa kanilang kakayahan. Naglalayon din
itong matulungan ang mag-aaral upang makamit ang mga kasanayan sa ika-21 siglo
habang isinasaalang-alang ang kanilang mga pangangailangan at kalagayan.

Bilang tagapagdaloy, inaasahang bibigyan mo ng paunang kaalaman ang mag-aaral

kung paano gamitin ang modyul na ito. Kinakailangan ding subaybayan at itala ang
pag-unlad nila habang hinahayaan silang pamahalaan ang kanilang sariling
pagkatuto. Bukod dito, inaasahan mula sa iyo na higit pang hikayatin at gabayan ang
mag-aaral habang isinasagawa ang mga gawaing nakapaloob sa modyul.

Para sa mag-aaral:

Ang modyul na ito ay ginawa bilang tugon sa iyong pangangailangan. Layunin nitong
matulungan ka sa iyong pag-aaral habang wala ka sa loob ng silid-aralan. Hangad
din nitong madulutan ka ng mga makabuluhang oportunidad sa pagkatuto.

Ang mga sumusunod ay mahahalagang paalala sa paggamit ng modyul na ito:

1. Gamitin ang modyul nang may pag-iingat.

2. Basahing mabuti ang mga panuto bago gawin ang bawat pagsasanay.
3. Obserbahan ang katapatan at integridad sa pagsasagawa ng mga gawain at sa
pagwawasto ng mga kasagutan.
4. Tapusin ang kasalukuyang gawain bago pumunta sa iba pang pagsasanay.
Kung sakaling ikaw ay mahirapang sagutin ang mga gawain sa modyul na ito,
huwag mag-aalinlangang konsultahin ang inyong guro o tagapagdaloy. Maaari ka
rin humingi ng tulong kay nanay o tatay, o sa nakatatanda mong kapatid o sino
man sa iyong mga kasama sa bahay na mas nakatatanda sa iyo. Laging itanim
sa iyong isipang hindi ka nag-iisa.

Umaasa kami, sa pamamagitan ng modyul na ito, makararanas ka ng

makahulugang pagkatuto at makakakuha ka ng malalim na pang-unawa sa
kaugnay na mga kompetensi.

Kaya mo ito!

Page | 2
 Alamin Natin
KASANAYANG PAMPAGKATUTO:
Layunin:

1. Nahihinuha na:
Ang pagkakaroon ng tamang pananaw sa sekswalidad ay mahalaga para sa
paghahanda sa susunod na yugto ng buhay ng isang nagdadalaga at
nagbibinata at sa pagtupad niya sa kanyang bokasyon na magmahal.

2. Naisasagawa ang tamang kilos tungo sa paghahanda sa susunod na yugto

ng buhay bilang nagdadalaga at nagbibinata at sa pagtupad niya ng kanyang
bokasyon na magmahal.

Subukin Natin

GAWAIN 1

“Igalang mo ang iyong sarili upang igalang

ka ng ibang tao”.

A. Panuto: Sa bilang 1-3, suriin ang bawat sitwasyon at piliin ang sagot na sa
palagay mo ay akma sa pagbubuo ng kaganapan mo bilang lalaki o babae.
Isulat ang titik ng tamang sagot bago ang bilang.

1. Kinausap ka ng kasintahan mo at sinabing nag-aalinlangan siya sa pag-ibig

mo. Masyado ka raw mailap sa kaniya. Sa pag-aalala mong iwan ka niya,
tinanong mo siya kung ano ang kailangan upang mapatunayan mong
talagang mahal mo siya. Tinitigan ka niya at tinanong, “Kung talagang mahal
mo ako, handa ka bang ibigay ang sarili mo sa aking kahit hindi pa tayo mag-
asawa?” Bilang isang mapanagutang lalaki o babae, ano ang gagawin mo?
A. Makikipaghiwalay sa kasintahan, dahil hindi ka pa handa sa nais niya.
B. Isusumbong siya sa mga magulang niya upang hindi siya mapariwara.
C. Kakausapin siya at sasabihing kapwa pa kayo hindi handa para sa gabitong
uri ng ugnayan.
D. Magtatanong o kukunsulta sa guidancecounselor o sa guro dahil ikaw ay
nalilito.

2. Nakaramdam ka ng paghanga sa iyong kaibigan. Sapagkat ikaw ang

itinuturing niyang best friend, pinakiusapan ka niya na maging tulay upang

Page | 3
 mapalapit sa iyong kaklase na kaniyang naiibigan. Pumayag ka ngunit
habang sila’y unti-unti nang nagkakamabutihan ay nasasaktanka at
nakakaramdam ng pagseselos. Ano ang iyong gagawin?
A. Hindi na ipagpapatuloy ang pagiging tulay upang hindi sila lubos na
magkalapit.
B. Kakausapin ang kaibigan at sasabihin ang nararamdaman.
C. Kokonsulta sa ibang mga kaibigan upang malaman ang dapat gawin.
D. Sasangguni sa guro o guidance counselor.

3. Niyaya ka ng iyong mga kaklase na manood ng mga pelikulang may

malalaswang tema. Halos lahat ng malapit mong kaibigan ay sasama sa
kaniya. Kailangan daw nilang gawin ito upang hindi maging mangmang
tungkol sa sex. Ano ang gagawin mo?
A. Isusumbong ang iyong kaklase sa inyong guro o sa kaniyang mga magulang,
sapagkat alam mong makasasama sa kanilang murang isip ang
pornograpiya.
B. Hindi sasama sa kanila, uuwi na lamang at pababayaan sila sa gusto nila.
C. Kakausapin ang mga kaibigan, at hihimukin silang huwag gawin ito dahil ito’y
hindi makabubuti sa kanila.
D. Natural lamang sa mga kabataan ang mag-eksperimento, kaya’t sasama ka
sa kanila.

B. Panuto: Sa bilang 4 hanggang 5, piliin ang titik ng pangungusap na

tumutugma sa mensahe ng pahayag sa bawat bilang. Isulat ang titik ng
tamang sagot bago ang bilang.

4. Ang sekswalidad kung gayon ay ang behikulo upang maging ganap na tao-
lalaki o babae- na ninanais mong maging. Hindi ito pisikal o bayolohikal na
kakanyahan lamang.
A. Ang sekswalidad ay ang kabuuan ng iyong pagkatao.
B. Ang sekswalidad ay daan upang maging ganap na tao.
C. Maaari mong piliin ang iyong sekswalidad.
D. Mahalaga ang iyong pagiging lalaki o babae sa pipiliin mong kurso o karera
balang araw.

5. Isang moral na hamon sa bawat tao ang pagbubuo ng seksuwalidad at

pagkatao upang maging ganap ang pagkababae o pagkalalaki.
A. Hindo moral ang taong hindi buo ang sekswalidad at pagkatao
B. Ang lalaki ay dapat na lalaki sa seksuwalidad at pagkatao, ganoon din naman
ang babae.
C. Maaaring hindi magtugma ang sekswalidad at pagkatao ng tao.
D. Mahalagang behikulo ng pagpapakatao ang
Naaalala mosekswalidad.
pa ba ang nakalipas nating
talakayan ukol sa kahulugan ng
sekswalidad?
Page | 4
 Balikan Natin
Panuto: Sagutin ang sumusunod na katanungan. Ilagay ang iyong sagot sa loob ng kahon.

1. Bakit mahalaga ang tamang pananaw at pangangasiwa sa iyong sekswalidad?

Tuklasin Natin
Ang mga pagbabagong nagaganap sa lipunan ay nakaaapekto hindi
lamang sa pamumuhay ng tao kundi maging sa kaniyang pagpapahalaga at
moralidad. Ang mga kabataang tulad mo ang unang nakadarama ng epekto ng
pagbabagong ito. Maraming kabataan ang nagiging liberal sa kanilang pananaw sa
mga bagay bagay, kabilang na rito ang seks at sekswalidad. Kailangang matulungan
ang mga kabataan upang mapanatili ang kanilang pagpapahalaga at moralidad sa
kabila ng mga pagbabagong nagaganap sa paligid.

Sa araling ito, magkakaroon ka ng pagkakataong suriin ang iyong mga

paniniwala ukol sa sekswalidad at matulungan kang makapagpasiya nang may
integridad at pananagutan tungkol sa mga isyung kaugnay ng pakikipag-ugnayan sa
ibang kasarian.

Page | 5
Iyong tandaan, na ang sekswalidad ay ang
behikulo upang maging ganap na tao-lalaki o
babae- na ninanais mong maging. Hindi ito
pisikal o bayolohikal na kakanyahan.

Ang pagtatangka na maging mapanagutan sa pagpapahayag ng iyong

sekswalidad ay hindi madali. Kadalasan, ito ay susubukin ng taong mahal
mo. Makikita mo sa ibaba ang ilang sa mga maaaring sabihin sa iyo ukol sa
panghihikayat na subukin ang isang sekswal na gawain, pornograpiya, o pakikipag-
ugnayan sa iba.
Panuto: Kopyahin ang mga speech balloon at isulat mo dito kung paano mo
sasagutin ang sumusunod na pahayag.

1. Kung mahal mo ako, papayag

ka sa gusto kong gawin natin.

Ikaw na lang ang walang karelasyon sa

2. barkada. Bakit hindi mo subukin para
maranasan mo naman?

Walang magawa, manood na lang tayo

3. ng x-rated na pelikula. May nabili akong
dvd, eh.

Page | 6
 Talakayin Natin

Binabati kita! Napakabilis mong matuto.

Ang pagpapanatili ng iyong sekswal na

integridad ay nangangailangan ng birtud ng
pagtitimpi at pagdidisiplina sa sarili.

Gawin ang mga sumusunod na paraan upang

matulungan ka na pangalagaan at panatilihin
ang kalinisan ng iyong sekswalidad.

Basahin at Unawain!
https://brainly.ph/question/547490

Kahulugan ng sekswalidad?

• Ito ay isang behikulo kung ano ang ninanais ng isang tao. Ang behikulo kung ano
ang ninanais ng isang tao. Ang maging ganap ba na lalaki o babae.

• Ito ay ang kabuuan ng pagkatao ng isang tao.

• Bagaman ang pagiging lalaki ay likas mula pa noong ipinanganak ang isang tao,
mayroon pa ding Kalayaan at karapatang pumili ang isang tao kung ano ang nais
niyang gusting kasarian .

• Ito ay ang pagkakilanlan ng kasarian ng isang tao tungkol sa kanyang sarili at ang
karamdaman ng pagiging lalaki o babae.

• Ito ay isang kabuuang katauhan ng isang tao o nilalang.

• Ang sekswalidad ng tao ay may malaking impluwensya  sa pagkilala at lubusang

pang-unawa sa kanyang sarili.

Page | 7
• Ang sekswalidad ay may kinalaman sa paghahanap ng kahulugan ng isang tao sa
kanyang sarili.

• Ang kasarian, ang pagkababae at pagkalalaki ay may malaking kaugnayan sa

pagkamit ng kaganapan ng bawat tao.

Para sa kahulugan ng sekswalidad basahin sa:

brainly.ph/question/1256904

Ayon sa World Health Organization, ang sekswalidad ay ang biolohikal na

pagkakaiba ng babae at lalaki (hal. parte ng katawan o genitalia, genes, atbp).
Madalas na napagbabaliktad ang sekswalidad at kasarian o ang debateng sex vs.
gender. Ang sekswalidad ay depinitibo sa kapanganakan samantalang ang kasarian
ay sariling identidad ng isang indibidwal ayon sa kanyang kagustuhan.

brainly.ph/question/2609185

Ang sekswalidad ay tumutukoy sa kasarian ng isang tao, kung ito ba ay isang Babae
o Lalaki.

Ang sekswalidad ay ang kabuuang katauhan ng isang indibidwal.

ANO ANG KAHALAGAHAN NG SEKSWALIDAD?

• Ang itinakda o napiling kasarian ng isang tao ay isang instrument ng  pagpaparami

at pagtiyak ng pagtuloy ng salinlahi.

• Ang kasarian din ay isang daan sa pagpapahayag ng pagmamahal.

• Ang tao ay nagiging handog sa kanyang kapwa.

KATANGIAN NG MGA TAONG TINATANGGAP ANG KANILANG SEKSWALIDAD

1. Ipinagmamalaki nila ang kanilang kasarian at hindi ito kinakahiya.

2. Ginagampanan nila ang kanilang tungkulin ayun sa kanilang kasarian.

3. Sila ay may paggalang sa kasarian ng iba

Panuto: Isulat sa mga concept organizer ang mga alam mong mga paraan upang
mapanatili ang sekswal na integridad.

Page | 8
 MGA PARAAN UPANG MAPANATILI ANG
SEKSWAL NA INTEGRIDAD

Basahin at Unawain mo!

Karagdagang sangkap:
Tandaang may isang tao na nakalaan para sa iyo at magandang maingatan mo ang
iyong sarili para sa kaniya hanggang sa pagdating ng tamang panahon na handa na
kayo para sa isang seryoso at panghabambuhay na pananagutan. Kung ang
bokasyon mo man ay hindi para sa pag-aasawa kundi para sa isang buhay na
pananatiling single, ang mahalaga ay maipakita mo ang iyong pagiging
mapanagutan, pagtitimpi at pagkokontrol sa iyong sarili upang mapangalagaan mo
nang may integridad ang iyong sekswalidad at maigalang naman ang sekswalidad
ng ibang tao.

Pagyamanin Natin

Page | 9
Panuto: Isulat ang sagot sa loob ng kahon.

1. Ano ang kaugnayan ng pagmamahal sa paggalang sa sekswalidad ng ibang

tao?

2. Ipahayag ang iyong opinyon ukol sa pahayag na ito ukol sa

sekswalidad. “Igalang mo ang iyong sarili upang igalang ka ng ibang tao”.

Tandaan Natin

Bakit mahalaga ang pagkakaroon ng tamang pananaw sa sekswalidad?

Magtala ng mga gawain na maaaring

isasagawa mo bilang paghahanda mo sa
Isabuhay
pagganap saNatin
bokasyon sa pagmamahal kapag
ikaw ay ganap na binata o dalaga na.

Page | 10
GAWAIN #1

Tayahin Natin

Sagutin ang sumusunod na mga tanong nang maikli, direkta, at malaman.

1. Bakit tanda ng isang mapanagutan o responsableng kabataan ang pag-iwas

sa sekswal na ugnayan?

Page | 11
 2. Ano-ano ang negatibong idinudulot sa isang kabataan ng maling pananaw at
pangangasiwa sa kaniyang sekswalidad. Magbigay ng dalawa at ipaliwanag.

Gawin Natin

Panuto: Isulat ang iyong kaisipan ukol sa pakikipag-ugnayan sa katapat na

kasarian. Kung ikaw ay isang lalaki, isulat kung paano mo binabalak alagaan ang
sekswalidad ng isang babae. Kung ikaw ay babae, isulat kung paano mo nais
makipag-ugnayan sa isang lalaki. Isulat ang sagot sa loob ng kahon.

Halimbawa ng Rubric

Sanggunian

 Edukasyon sa Pagpakatao 8 Modyul para sa Mag-aaral, pahina 220-235

 Edukasyon sa Pagpapakatao 8 Gabay sa Pagtuturo, pahina 355-366
 https://brainly.ph/question/547490

Page | 12
 brainly.ph/question/1256904
 brainly.ph/question/2609185

Mga Bumuo ng Modyul para sa Mag-aaral

Manunulat: Mariz S. Cagurangan,SVNHS EsP Teacher

Mga tagasuri: Ma. Victoria A. Contreras, EsP Department Head

Mary Ann T. Martinez, EsP Department Head
Cristal Austria, EsP Master Teacher

Naglayout: Jasper T. Aguilar

Clariza G. Gasilao

Management Team: Dr. Margarito B. Materum, SDS

Dr. George P. Tizon, SGOD Chief
Dr. Ellery G. Quintia, CID Chief
Ferdinand Paggao, Focal Person EsP
Dr. Daisy L. Mataac, EPS LRMS

Page | 13