Lokal: Wao

SPOKEN POETRY
BUKLOD

SELF INTRODUCTION
By: Babie T. Abaya

Magandang araw po sa lahat. Ako po si kapatid na Babie Abaya mula sa local ng Wao,

distrito ng Bukidnon. Ako po ay nasa Kapisanang Buklod na kalahok sa Spoken Poetry. Ang

naging inspirasyon ko po sa pagsali ay ang mga magulang tulad ko na patuloy na nakikipagbaka

sa pagharap ng hamon sa buhay lalo na sa sitwasyon natin ngayon na Pandemya. Layunin ko

pong makapaghikayat sa iba na mahinang ang kakayahan sa Spoken Poetry at maiganyak rin

ang damdamin ng bawat apektado sa kasalukuyang Pandemya na maging matibay. Ang

pamagat po ng aking Spoken Poetry ay MAGIGING MATATAG SA PANAHON NG PANDEMYA.

 MAGIGING MATATAG SA PANAHON NG PANDEMYA

‘Oh, Pandemya, akala ko ikaw ay lilisan na!

Mahigit isang taon, ikaw ay nakakabahala na,
Hanapbuhay namin apektado na
Ekonomiya ay lalong bumabagsak pa
Kailan ka ba lilisan?
Upang kami’y maging malaya na, sa pang araw-araw na pamumuhay, lalo na sa pagsamba

Mahal kong magulang, hiling nila’y lusog ng pangangatawan,

Lalo na sa matatanda at mga paslit pa lamang..
Pag aalala’y hindi maiwaglit
Dahil sa kalabang hindi mo nakikta bigla lamang kumakapit
Kapatid, ilapit sa Ama kung may karamdaman
Pakinggan niya tayo, hilingin mo lamang

Mahal kong kabataan, laging sentro ng atensyon ng magulang

Laging pinaalalahanan, huwag lumabas kahit saan
Upang kapahamakan ay maiwasan
Sana ito’y pinapahalagahan, pinapakinggan, sinusunod ang payo ng magulang
Pagsamba at Panalangin naging sandata laban sa Covid 19
Tayong mga Iglesia ni Cristo ay hindi dapat uurong
Mamuhay na may kabanalan sa gitna ng kapighatian

Napanood mo na ba ang nasa telebisyon o youtube?

Ang karanasang sinapit ng magulang na masilayan ang anak sa bingit ng kamatayan?
Napakasakit diba? Ngunit kailangang lumaban sa pagsubok sa buhay
Halos madudurog ang inyong puso kapag hanggang silip na lamang,
Bawat malapitan, mahawakan na alam mong kailangan niya ang tulong mo
Tanging pagtatangis ang nagawa ng magulang sa nakitang pag-aagaw buhay ng anak…
Minsan ba, parang nagsisisi kung bakit sa kanya pa nangyari, marami namang iba.
Oh, Bakit? Hindi ba kayang sundin ang protocol na tagubilin mula sa Pamamahala?
Nandiyan ang ating pamahalaan patuloy nagmamanman, curfew hours, social distancing,
paggamit ng alcohol, pagsuot ng facemask, faceshield at iba pa para sa ating kaligtasan?
Masakit lang isipin, maraming lumalabag at may kapabayaan

Oh kapatid na biktima ng Pandemya

Huwag mawalan ng pag-asa
Isipin mo, ito’y pagsubok sa ating pananampalataya
Bilang isang kristiyano, tibayan mo ang iyong loob, tiwala at pananampalataya

Tumangis ka man dahil sa kapighatian

Ang Diyos ay handing tulungan ka
Ilagak sa kanya ang lahat
May pag-asang naghihintay
Si Kristo sa iyo ay aalalay
At sa Diyos ang pagpapala ay kakamtan mong tunay.
 Iglesia ni Cristo
Lokal ng Wao
Distrito ng Bukidnon

KSKP/Kapatid na Rolando Puspos

Valencia Bukidnon
04/27/2021
Mahal na kapatid,

Magalang po akong nagsasalaysay bilang patotoo po na ang ginawa kong spoken word
ay hindi ko ipost sa social media at pumayag ako na magiging pag-aari ng Iglesia.

Ang iyong kapatid sa Panginoon

BABIE T. ABAYA
Nagsasalaysay