Uhu: Kagabasan Koposion

Id timpu do mogisasangod pomogunan

Ogumu tihad om lous
Oinggorit koposion
Aiso kagabasan
Nanu ngai do modidikot

Soira nokotingkod pisangadan

Nakagabas tongoulun
Suminonong koposion
Nokoburu teknologi
Aiso nodi turadit koinggoritan

Di toun duo noribu om duo nohopod

Nokotimpuun kawagu pisangadan
Norikatan tokou do covid hopod om siam
Natagak nodi kagabasan mimpanau
Natagak kagabasan sumuau
Natagak kagabasan karamayan
Natagak kotumbayaan kumaa so tulun

Kaino no gumabas kawagu

Gumabas mantad covid
Ingoligan tokou tinan sondii
om oingoligan tokou tulun ngawi
Moi do asangod i pisangod di au okitanan

Winonsoi di Joanne Siam

26/Ogos/2021
Uhu: Nakagabas Tokou Nangku

Soira nakagabas mantad mogisasangod

Nakaanu tokou kosiwatan
Kosiwatan do monginsonong koposion
Popoburu do toila’an
Momogompi do koposion

Soira nokoburu teknologi

Noimbayat pomusarahan
Narahung kopoposion
Natagak komoyon do otingayaman
Natagak komoyon do olinuud
Tu’ ogumu koimbayatan id media sosial
Gisom haro kumiros nosindualan ginawo

Babaino norikatan tokou pisangod do wagu

Pisangod covid hopod om siam
Asangod nung tumanud SOP
Nga au tumumboyo tongoulun
Au tumanud kooturan
Nokogumu nasakatan

Nakagabas tokou nangku?

Nakagabas tokou nangku?
Mantad rinaat do ginawo
Mantad bingkurung do pomusarahan
Mantad kokokodou do tulu
Nakagabas tokou nangku?

Winonsoi di Joanne Siam

26/Ogos/2021
Uhu: Kanou Gumabas

Soira gusa-gusaon do susumangod

Sigabas tokou
Soira modlous
Sigabas tokou mantad lous
Soira oinggorit koposion
Sigabas tokou mantad koinggoritan
Soira mosi-rosi ginawo
Sigabas tokou mantad korosian

Baino
Baino diti
Haro tomporuol-ruol di au okito
Tomporuol-ruol di au mongutung
Au mongutung omulok ko olohing
Tomporuol-ruol Covid hopod om siam

Au kawasa mimpanau
Au kawasa mogiruruba
Au kawasa mogisusuau miagal di laid
Au kou nangku sigabas mantad diti?

Nung sigabas tokou?

Nokuro tu’ au tumanud kooturan SOP?
Kaino no gumabas
Pogiroto no ginawo
Magandad longis diti do tumalib

Winonsoi di Joanne Siam

26/Ogos/2021