CHAPTER 19

Participles

Parse the words in bold.

Gnaeo Pompeio et Marco Crasso consulibus natus est Publius Vergilius Maro, ómnium
poetarum Romanorum celeberrimus. primo de vita pastorum scripsit, tum de agricultura, postremo
de factis Troianorum qui Aenea viam monstrante ex urbe ardenti fugerant. Caesare mortuo
bellum civile rursus ortum est. Augusto pacem imperio toti dare conanti magno auxilio erant
carmina Vergilii, qui victurum per omne tempus nomen habet.

Translate.
Ovidium carmina amatoria scribentem laudabant amici. sed, carmina amatoria scribente eo,
Augustus Romam urbem magnam facere cupiebat. malis carminibus malos cives facientibus,
poetam Augustus in exilium misit. Augusto imperatore, Ovidius multos
annos in exilio victurus erat. Ovidius Augusto imperatori epistulam longam misit, sed
ille verba poetae in Italiam regredi cupientis non audiebat. morte Augusti audita, Ovidius
gavisus est, sed a Tiberio, novo imperatore, non revocatus est.

Aurea Dicta
1. audentes deus ipse iuvat. (Ovid)
2. aurum omnes, victa iam pietate, colunt. (Propertius)
3. ducunt volentem fata, nolentem trahunt. (Seneca the Younger)
4. facta mea, non dicta, vos sequi volo. (Livy)
5. flumine vicino stultus sitit. (Petronius)
6. Graecia capta ferum victorem cepit. (Horace)
7. ignoratio futurorum malorum utilior est quam scientia. (Cicero)
8. iniuriam qui facturus est iam fecit. (Seneca the Younger)
traho, -ere, traxi, tractum 3 drag
vicinus, -a, -um neighboring, close at hand
sitio, -ire 4 be thirsty

Lege, Intellege
 The De Viris Illustribus (On Famous Men) attributed to the fourth-century AD
historian Aurelius Victor is a collection of eighty-six brief biographies, mostly of Romans.

Hannibal
Hannibal, Hamilcaris filius, novem annos natus, a patre aris admotus odium in
Romanos perenne iuravit. exinde miles in castris patris fuit. mortuo eo causam belli
quaerens Saguntum, civitatem Romanis foederatam, intra sex menses evertit. tum Alpibus
patefactis in Italiam traiecit. Publium Scipionem apud Ticinum, Sempronium Longum apud
Trebiam, Flaminium apud Trasimenum, Paullum et Varronem apud Cannas superavit.
castra ad tertium ab urbe lapidem posuit sed, tempestatibus repulsus, primum a Fabio
Maximo frustratus, deinde a Valerio Flacco repulsus, a Graccho et Marcello fugatus, in
Africam revocatus, a Scipione superatus, ad Antiochum regem Syriae confugit eumque
hostem Romanis fecit; quo victo ad Prusiam regem Bithyniae concessit; tum Romana
legatione repetitus veneno, quod sub gemma anuli habebat, absumptus est.
—[Aurelius Victor], De Viris Illustribus 42