Professional Documents
Culture Documents
Alimuom
Balitang nakukuha sa lansangan; tsismis
Halimbawa:
Ano na namang alimuom ang nasagap mo sa lansangan?
Anak-pawis
Dukha; maralitang taong tumutukoy sa manggagawa
Halimbawa:
Kailangang tulungan ng pamahalaan ang mga anak-pawis.
Babaha ng dugo
Magkakaroon ng patayan o malaking gulo
Halimbawa:
Babaha raw ng dugo kapag ang dalagang nayon ay hindi pinakasalan ni Nonoy.
Balat-sibuyas
Manipis (tumutukoy sa balat)
Halimbawa:
Hinawakan ko ang kanyang balat-sibuyas na palad..
Basang-sisiw
Kaawa-awa: walang kumalinga
Halimbawa:
Ang mga ulila ay parang basang-sisiw sa kaarawan ng kanilang tiya.
Bigatin
May kaya sa buhay, sa kaalaman o kaya'y sa lakas
Halimbawa:
Naging bigatin si Cecil buhat nang malipat sa bago niyang hanapbuhay.
Biniyak na bunga
Magkahawig; magkamukha
Halimbawa:
Parang magkabiyak na bunga ang magkapatid.
Bukang-bibig
Karaniwang sinasabi; madalas na banggitin
Halimbawa:
Kung ano ang bukang bibig ay siyang laman ng dibdib.
Bukas na aklat
Alam ng lahat, lantad sa balana
Halimbawa:
Ang buhay ni Marites ay bukas na aklat sa kanilang bayan.
Bugtong na anak
Kaisa-isang anak
Halimbawa:
Si Sam ay kanyang bugtong na anak.
Bulaklak ng dila
Mga pangungusap na hindi taimtim
Halimbawa:
Kayo ba ay naniniwala sa kanyang sinasabi? Ang inyong narinig ay bulaklak ng dila lamang.
Kinakalawang na
Lumalaos na; hindi na umunlad sa dating gawain
Halimbawa:
Hindi na ako makakantang gaya ng dati. Kinakalawang na ang aking tinig ngayon.
Kisap-mata
Saglit; sandal
Halimbawa:
Nawala ang kanyang pera sa bulsa sa isang kisap-mata.
Kusang-palo
Kusang gumagawa ng isang bagay
Halimbawa:
Ang isang taong may kusang palo ay maaari nang iwan.
Kutong-lupa
Tumutukoy sa isang taong maliit at pandak
Halimbawa:
Kutong-lupa pala ang naging kasintahan niya.
Di makabasag-pinggan
Napakabait, walang basag ulo sa bahay
Halimbawa:
Di makabasag-pinggan ang binatang nangingibig sa anak na dalaga ni Mang Ilyong.
Di maliparang-uwak
Napakalawak (tumutukoy sa lupain)
Halimbawa:
Ang palayan ni Don Jose ay di maliparang-uwak.
Hampas ng langit
Parusa ng Diyos
Halimbawa:
Sa kanilang masamang gawain, tatanggap sila ng hampas ng langit.
Hampas-lupa
Palaboy, palaging nasa tenangan
Halimbawa
Naghahanap na naman ng pagkain ang mga barang hampas-lips
Humahalik sa yapak
Sumasamba; malabis na humahanga
Halimbawa:
Humahalik sa yapak ng hari ang kanyang mga tagasunod
Hunos-dili
Pagpipigil sa sarili
Halimbawa:
Madaling mapahamak ang taong walang hunos-dili.
Igagapang
Pagtitiyagaang itaguyod
Halimbawa:
Ikaw ay igagapang namin makatapos ka lang ng pag-aaral.
Ihatid sa dambana
Pakasalan ang tao
Halimbawa:
Inihatid ni Nonoy sa dambana ang babaing kanyang pinaka-iibig.
Ilibing sa limot
Kalimutan
Halimbawa:
Ang malungkot na nakaraan ay dapat mo nang ilibing sa limot.
llista sa tubig
Pagkakautang na hindi babayaran
Halimbawa:
Ang mga hiniram ni Kikay ay dapat ko na yatang ilista sa tubig.
Laki sa Nuno
Lumaking nasusunod na lahat ang maibigan
Halimbawa:
Mahirap nang ituwid ang ugali ng mga laki sa nuno.
Likaw ng Bituka
Mga lihim o kaya'y pag-uugaling hindi alam
Halimbawa:
Pati ang likaw ng bituka ang kapitbahay ay nalalaman ni Ana Fe.
Ligaw-tingin
Patanaw-tanaw na pagligaw
Halimbawa:
Walang mangyayari kay Ed kapag ang alam niya'y ligaw-tingin lamang.
Lumagay sa tahimik
Mag-asawa
Halimbawa:
Nararapat nang lumagay sa tahimik si Nery pagka't siya'y matanda na
Mababang-loob
Hindi palalo; mapagpakumbaba
Halimbawa:
Si Julio ay may mababang-loob kahit na siya'y mayaman.
Magbatak ng buto
Magtrabaho; gumawa
Halimbawa:
Ang taong hindi marunong magbatak ng buto ay hindi dapat kaawaan.
Magbibig-anghel
Maging totoo ang sinasabi
Halimbawa:
Magbibig-anghel nawa ang mga nagbibiro sa iyong mag-aasawa ka na.
May sinasabi
Mayaman, marunong o matalino
Halimbawa:
May sinasabi si Zsa-Zsa, kaya't kilala siya sa lipunan.
Nakasandal sa pader
May taong inaasahang tutulong sa oras ng pangangailangan
Halimbawa:
Si Loy ay walang pakialam sa krisis dahil siya ay nakasandal sa pader.
Naghuhugas ng kamay
Itinatatuwa ang kasalanang nagawa
Halimbawa:
Ang mga pulitiko ay mahilig maghugas ng kamay kapag nabubuko.
Nagmumurang kamatis
Matandang nagpapakabata
Halimbawa:
Si Mang Julian ay nagmumurang kamatis.
Nagsaulian ng kandila
Nagkagalit
Halimbawa:
Ang magkumpare ay nagsaulian ng kandila.
Nagtataingang kawali
Nagbibingi-bingihan
Halimbawa:
Si Mayor ay nagtataingang kawali sa karaingan ng mga mamamayan.
Pakitang-tao
Pagkukunwari
Halimbawa:
Ang ginagawa niyang kagandahang loob ay pakitang-tao lamang.
Pagbuhatan ng kamay
Saktan, parusahan
Halimbawa:
Huwag ninyong pagbuhatan ng kamay ang inyong mga anak.
Pagputi ng uwak
Pangyayaring tila malabong dumating
Halimbawa:
Pakakasalan kita pagputi ng uwak.
Patawirin
Malapit nang mamatay
Halimbawa:
Ang may kapansanan ay patawirin na ayon sa mga doktor.
Pikit-mata
Buong lakas loob
Halimbawa:
Ang matandang lalaki ay pikit matang nilulon ang ahas.
Sumama sa agos
Nakiisa at sumang-ayon sa nakararami
Halimbawa:
Hindi sa lahat ng bagay tayo ay kailangang sumama sa agos.
Taga sa panahon
May sapat na gulang at karanasan na
Halimbawa:
Si Mang Gusting ay isang taong taga sa panahon.
Tulog na lukan
Isang isang taong mahina o mabagal na tao.
Halimbawa:
Si Tonio ay tila tulog na lukan kung kumilos.
Walang itulak-kabigin
Mahirap pumili sa mga alternatibo
Halimbawa:
Walang itulak-kabigin ang mga inampalan sa mga lumahok sa patimpalak.