Tulang Liriko at Tulang Pasalaysay

Tula
 “Ang tula ay isang kaisipang naglalarawan ng kagandahan,kariktan, at ng kadakilaan: tatlong
bagay na kailangang magkatipun-tipon sa isang kaisipan upang mag-angkin ng karapatang
matatawag na tula”.
- Julian Cruz Balmaceda
 “Ang tula ay kagandahan, diwa, katas, larawan at kabuuang temang kariktang makikita sa silong
ng alinmang langit”
-Iňigo Ed Regalado
 “Ang pagtula’y pangagagad, at ito’y lubhang kahawig ng sining ng pagguhit, paglililok at
pagtatanghal. Ang saklaw ng pagtula ay higit na malawak kaysa alinman sa ibang gagad na mga
sining pagsama-samahin man ang mga ito”
-Fernando B. Monleon mula kay Lord Macaulay
 Ayon kay Alejandro G. Abadilla, ang katuturang ibinigay ni Edith Sitwell ang naibigan niya at
nagsasaad na “Ang Tula ay ang napataas na antas ng kamalayan (heightened consciousness).”

Ang mga Sangkap at Elemento ng Tula

 Taludtod- Ito ang tinatawag na hanay ng tula.
 Saknong- ito ay ang mga pinagsamasamng taludtod na kadalasang binubuo ng apat hanggang
anim na bumubuo sa isang tula.
 Cesura o hati – ito ay makikita sa bawat taludtod. Ang regular na pagtigil o paghinga sa loob ng
isang taludtod sang ayon sa mga pagpapangkat ng mga salitang bigkas sa taludtod.
 Sukat – ito ang pagkakapare-pareho ng bilang ng pantig ng dalawa o higit pang taludtod sa isang
saknong ng tula. Paguulit ang namamayaning prinsipyo sa pagsusukat at bilang ng pantig ang
inuulit.
 Tugma – ito ay ang pagkapareho ng dulong tunog ng dalawa o higit pang taludtod sa isang
saknong ng tula.
 Sining at Kariktan – ito ay tumutukoy sa paggamit ng mga pili at angkop na salita na kailangan
taglayin ng isang tula upang maakit ang mambabasa gayon din mapukaw ang damdamin at
kawilihan.
 Talinhaga – ito ay tumutukoy sa paggamit ng matalinhagang pananalita at mga tayutay sa tula.
Ito ay isang sangkap ng tula na may kinalaman sa natatagong kahulugan ng tula.
MGA URI NG TULA
 Tulang Liriko o Tulang Damdamin (Lyric Poetry)
1. Ipinapahayag ang saloobin at damdamin ng makata.
2. Hindi nagpapahayag ng isang kuwento na naglalarawan sa karakter at aksyon.
3. Direktang sinasabi ng makata sa mambabasa ang kanyang sariling damdamin,iniisip, at
persepsyon.

 Tulang Pasalaysay (Narrative Poetry)

1. Isang tula na may balangkas.
2. Maaaring maikli o mahaba, at ang mga kuwento na may kaugnayan sa maaring
maging simple o kumplikadong pangyayari karaniwang hindi madrama.
3. Nagkukuwentong tula gaya ng mga epiko at balad.

Iba’t ibang Uri ng Tulang Liriko

1. Awiting Bayan- ang paksa ay pag-ibig, kawalang pag-asa o pamimighati, pangamba, kagalingan,
pag-asa, at kalungkutan. Walang awtor dahil ito’y pasalitang panitikang naglipat-lipat sa bibig ng
sunod-sunod na salinlahi.
(Hal. Sitsiritsit)
2. Soneto- may labing-apat na taludtod, nauukol sa damdamin at kaisipan, may malinaw na sinabi
sa likas ng pagkatao at naghahatid ito ng aral. Ang unang walong taludtod nito ay
nagpapaliwanag sa paksa; ang huling anim na taludtod ay nagbibigay ng konklusyon ng awtor sa
kanyang sinabi sa unahan.
(Hal. Soneto ng Buhay ni Ferdinand B. Moleon)
3. Elehiya- nagpapahayag ng damdamin tungkol sa kamatayan o kaya’y pananangis sa paggunita sa
isang pumanaw na.
(Hal. Awit sa Isan Bangkay ni Bienvenido A. Ramos)
4. Dalit- awit na pumupuri sa Diyos o mahal na Birhen at may lamang kaunting pilosopiya sa
buhay.
(Hal. Dalit Kay Maria, Dalit Kay Sarhento Gameng ni Rogelio G. Mangahas)
5. Pastoral- naglalarawan ng buhay sa bukid, minsan ay pina-romantiko at di sinasama ang
kahirapan ng buhay dito.
(Hal. Bayani ng Bukid ni Al Perez)
6. Oda- nagpapahayag ng papuri, panaghoy o anumang nakakaangat na emosyon ng tao; wala itong
tiyak na bilang ng pantig o taludtod sa isang saknong.
(Hal. Tuwa ni Aniceto F. Silvestre)
Iba’t ibang Uri ng Tulang Pasalaysay

1. Epiko- nagsasalaysay ng mga kabayanihang hindi mapaniwalaan pagkat puno ng

kababalaghan. Ito’y salaysay tungkol sa mga pakikipagsapalaran ng bayani ng isang lahi o
tribu. Ang epiko’y nagbubunyi rin sa tagumpay ng isang bayani laban sa panganib at
kagipitang naranasan ng lahi o tribu.
(Hal. Indarapata at Sulayman, Epikong Moro, patulang salin ni Bartolome del Valle)
2. Awit at Kurido- hango sa pagkamaginoo at pakikipagsapalaran ng mga tauhang hari at reyna,
prinsipe, at prinsesa. Ang mga ito’y nakatira sa kaharian. Ang awit ay may sukat na 12 pantig
at inaawit nang mabagal sa saliw ng gitara o bandurya; samantalang ang kurido ay may
walong pantig at binibigkas sa saliw ng martsa.
(Hal. Florante at Laura, Ang Ibong Adarna)
3. Balad- inaawit habang may nagsasayaw. Ito ay likha noong unang panahon. Sa
ngayon,kasama ito sa tulang may anim hanggang walong pantig ang sukat. Ito ay walang
awtor dahil sa pasalita nagsimula.
(Hal.Sa Lumang Simbahan)

-Magboo, Angelika Mae M.

-De Chavez, Elpidio C.