EsP

3 Unang Markahan

LEARNER’S MATERIAL
 Isinasaad sa Batas Republika 8293, Seksiyon 176 na: Hindi
maaaring magkaroon ng karapatang-sipi sa anomang akda ang
Pamahalaan ng Pilipinas. Gayonpaman, kailangan muna ang
pahintulot ng ahensiya o tanggapan ng pamahalaan na
naghanda ng akda kung ito ay pagkakakitaan. Kabilang sa mga
maaaring gawin ng nasabing ahensiya o tanggapan ay ang
pagtakda ng kaukulang bayad.

Ang mga akda (kuwento, seleksiyon, tula, awit, larawan,

ngalan ng produkto o brand name, tatak o trademark, palabas
sa telebisiyon, pelikula, atbp.) na ginamit sa modyul na ito ay
nagtataglay ng karapatang-ari ng mga iyon. Pinagsumikapang
matunton ang mga ito upang makuha ang pahintulot sa
paggamit ng materyales. Hindi inaangkin ng mga
tagapaglathala at mga may-akda ang karapatang-aring iyon.
Ang anomang gamit maliban sa modyul na ito ay kinakailangan
ng pahintulot mula sa mga orihinal na may-akda ng mga ito.

Walang anomang parte ng materyales na ito ang

maaaring kopyahin o ilimbag sa anomang paraan nang walang
pahintulot sa Kagawaran.

Ang modyul na ito ay masusing sinuri at niribisa ayon sa

pamantayan ng DepEd Regional Office 4A at ng CLMD
CALABARZON. Ang bawat bahagi ay tiniyak na walang
nilabag sa mga panuntunan na sinasaad ng Intellectual
Property Rights para sa karapatang pagkatuto.

Mga Tagasuri

PIVOT 4A CALABARZON
 Edukasyon sa
Pagpapakatao
Ikatlong Baitang

Regional Office Management Team: Job S. Zape Jr., Jaypee E. Lopo, Romyr L. Lazo,
Fe M. Ong-ongowan, Lhovie A. Cauilan, Hiyasmin D. Capelo at Sonny Bhoy L. Flores

SDO Office Development Team : Charissa Ruba, Mariel P. Lara, Clariza G. Terones,
Lolita C. Romen, Pamela D. Rodelas, Leumel Cadapan, Dolorosa S. de Castro,
Cristeta M. Arcos

Edukasyon sa Pagpapakatao Ikatlong Baitang

PIVOT IV-A Learner’s Material
Unang Markahan
Unang Edisyon, 2020

Inilathala ng: Kagawaran ng Edukasyon Rehiyon IV-A CALABARZON

Patnugot: Wilfredo E. Cabral
Pangalawang Patnugot: Ruth L. Fuentes

PIVOT 4A CALABARZON
 Gabay sa Paggamit ng PIVOT Learner’s Material
Para sa Tagapagpadaloy

Ang modyul na ito ay inihanda upang makatulong sa ating mga

mag-aaral na madaling matutuhan ang mga aralin sa asignaturang EsP.
Ang mga bahaging nakapaloob dito ay sinigurong naayon sa mga
ibinigay na layunin.
Hinihiling ang iyong paggabay sa pagbibigay sa ating mga
mag-aaral ng tamang paraan ng paggamit nito. Malaki ang iyong

Para sa Mag-aaral

Ang modyul na ito ay ginawa bilang tugon sa iyong

pangangailangan. Layunin nitong matulungan ka sa iyong pag-aaral
habang wala ka sa loob ng silid-aralan. Hangad din nitong madulutan ka
ng mga makabuluhang oportunidad sa pagkatuto.
Ang modyul na ito ay may mga bahagi at icon na dapat mong
maunawaan.
Ang sumusunod ay mahahalagang paalala sa paggamit ng
modyul na ito:
1. Gamitin ang modyul nang may pag-iingat. Huwag lalagyan ng
anumang marka o sulat ang anumang bahagi ng modyul.
Gumamit ng hiwalay na papel sa pagsagot sa mga pagsasanay.
2. Basahing mabuti ang mga panuto bago gawin ang bawat
pagsasanay.
3. Maging tapat at may integridad sa pagsasagawa ng mga gawain
at sa pagwawasto ng mga kasagutan.
4. Tapusin ang kasalukuyang gawain bago pumunta sa iba pang
pagsasanay.
5. Pakibalik ang modyul na ito sa iyong guro o tagapagpadaloy kung
tapos nang sagutin lahat ng pagsasanay.

Kung sakaling ikaw ay mahirapang sagutin ang mga gawain sa

modyul na ito, huwag mag-aalinlangang konsultahin ang inyong guro o
tagapagpadaloy. Maaari ka rin humingi ng tulong kay nanay o tatay, o
sa nakatatanda mong kapatid o sino man sa iyong mga kasama sa
bahay na mas nakatatanda sa iyo. Laging itanim sa iyong isipang hindi
ka nag-iisa.

Umaasa kami, sa pamamagitan ng modyul na ito, makararanas ka

ng makahulugang pagkatuto at makakakuha ka ng malalim na
pang-unawa sa kaugnay na mga kompetensi sa MELC. Kaya mo ito!

PIVOT 4A CALABARZON
 Mga Bahagi ng PIVOT Modyul

Bahagi ng LM Nilalaman
Ang bahaging ito ay naglalahad ng MELC at ninanais na
outcome ng pagkatuto para sa araw o lingo, layunin ng
Panimula

Alamin
aralin, pangunahing nilalaman at mga kaugnay na
halimbawa para makita ng mag-aaral ang sariling
kaalaman tungkol sa nilalaman at kasanayang kailangan
Suriin
para sa aralin.
Ang bahaging ito ay naglalahad ng mga aktibidad,
gawain, nilalaman na mahalaga at kawili-wili sa
Pagpapaunlad

Subukin
mag-aaral, karamihan sa mga gawain ay umiinog
Tuklasin lamang sa mga konseptong magpapaunlad at
magpapahusay ng mga kasanayan sa MELC lalo na ang
bahaging ito ay nagbibigay ng oras para makita ng
Pagyamanin mag-aaral ang alam niya, hindi pa niya alam at ano pa
ang gusto niyang malaman at matutuhan.
Ang bahaging ito ay may iba’t ibang gawain at
oportunidad sa pagbuo ng kailangang Knowledge
Skills and Attitude (KSA). Pinahihintulutan ng guro ang mga
Isagawa mag-aaral na makisali sa iba’t ibang gawain at
Pakikipagpalihan

oportunidad sa pagbuo ng kanilang mga KSA upang

makahulugang mapag-ugnay-ugnay ang kanilang mga
natutuhan pagkatapos ng mga gawain sa D. Inilalantad
ng bahaging ito sa mag-aaral ang totoong sitwasyon/
Linangin
gawain ng buhay na magpapasidhi ng kaniyang interes
upang matugunan ang inaasahan, gawing kasiya-siya
Iangkop ang kanilang pagganap o lumikha ng isang produkto o
gawain upang ganap niyang maunawaan ang mga
kasanayan at konsepto.
Ang bahaging ito ay nagtuturo sa mag-aaral ng proseso
na maipakikita nila ang mga ideya, interpretasyon,
Isaisip pananaw, o pagpapahalaga at makalikha ng mga
piraso ng impormasyon na magiging bahagi ng kanilang
Paglalapat

kaalaman sa pagbibigay ng repleksiyon, pag-uugnay o

paggamit nang epektibong nito sa alinmang sitwasyon o
konteksto. Hinihikayat ng bahaging ito ang mga
Tayahin
mag-aaral na lumikha ng mga estrukturang konseptuwal
na nagbibigay sa kanila ng pagkakataong pagsamahin
ang mga bago at lumang natutuhan.

PIVOT 4A CALABARZON
 WEEKS Pagpapakita ng mga Kakayahan
1-2 Aralin
LINGGO I
1 Naipamalas mo noong nakaraang taon ang pag-unawa sa
pagpapakita ng mga kilos na nagpapahalaga sa sarili, kapwa, bansa
at Diyos.
Ngayon, ikaw ay nasa ikatlong baitang na. Mas palalalimin pa
ang iyong pag-unawa sa iba’t ibang pagpapahalaga tungo sa
maayos at masayang pamumuhay na may mapanagutang pagkilos
at pagpapasiya.
Sa araling ito, tutukuyin mo ang iyong mga talento o
natatanging kakayahan. Sa pagtatapos nito, ikaw ay inaaasahang
nakapagpapakita ng mga natatanging kakayahan nang may
pagtitiwala sa sarili.

D
Kaya mo bang tukuyin ang mga kilos na nagpapakita ng
kakayahan? Paano mo masasabi na ang isang gawain ay kakayahan
o hindi?

Gawain sa Pagkatuto Bilang 1: Suriin ang bawat larawan. Tukuyin ang

kilos na ipinakikita. Isulat kung ito ay kakayahan o hindi at ipaliwanag
Isulat ang sagot sa iyong kuwaderno.

Kilos na Ipinakikita:
________________________________________
Kakayahan o Hindi:
________________________________________
1. Paliwanag:
________________________________________
PIVOT 4A CALABARZON

6
 Kilos na Ipinakikita:
________________________________________
Kakayahan o Hindi:
________________________________________
2. Paliwanag:
________________________________________

Kilos na Ipinakikita:
________________________________________
Kakayahan o Hindi:
________________________________________

3. Paliwanag:
________________________________________

Gawain sa Pagkatuto Bilang 2: Basahin ang bawat aytem. Isulat kung

Tama o Mali na ganito ang ipakitang damdamin sa pagsasakilos ng
kakayahan. Isulat ang sagot sa iyong kuwaderno.

_____1. Mahusay gumuhit si Luis. Marami na siyang naiguhit

Tuwang-tuwa siyang ipinakikita ito sa ibang bata. Masaya din
siyang natutuwa ang mga kaibigan sa ginawa niya.
_____2. Hawak-hawak ni Trixie ang laylayan ng kaniyang damit
habang tumutula. Hindi siya mapakali dahil baka magkamali
siya.
_____3. Matikas ang tindig ni Maybel habang umaawit sa harap ng
kaniyang nanay, tatay at mga kapatid.
_____4. Matapos pagtawanan nang madapa, hindi na mapilit si
Jerome na sumaling muli sa karera sa pagtakbo.
_____5. Umiiyak si Janice habang sumasayaw. Bago pa lang niya
itong natututuhan.

PIVOT 4A CALABARZON

7
 D
Ang kakayahan o talento (ability o talent sa Ingles) ay espesyal
na katangian. Ito ay natatanging husay o galing ng isang batang
katulad mo. Ito ang dahilan kung bakit naisasagawa o naisakikilos mo
ang iba’t ibang gawain.

Nagmumula ang mga kakayahan sa Diyos. Ito ay regalong

handog Niya sa iyo at sa lahat. Dahil dito, kailangan mong gamitin,
ipakita at linangin ang mga ito.
Ilan sa mga paraan upang malinang ang taglay mong mga
kakayahan ay ang patuloy na pag-eensayo at pagsasakilos ng mga
ito. Dapat ka ring maging masaya habang ginagawa ang mga ito.
Maaari ring matutuhan mo pa ang ibang kakayahan o
talentong hindi mo pa taglay sa ngayon.
Hindi ka dapat nahihiya o natatakot sa pagpapamalas ng iyong
mga kakayahan. Mahalagang magtiwala ka sa iyong sarili.

Gaano kahalaga na
magamit mo ang iyong
talento? Anong mangyayari
kung hindi mo ito ipakikita?
Tunghayan ang kuwento
ni Ento, Ang Batang Maraming
Talento.
PIVOT 4A CALABARZON

8
 Si Ento, Ang Batang Maraming Talento
J. Lopo
Si Ernesto o mas kilala sa kanila bilang si Ento ay batang
maraming talento. Sa edad na walo, nagagawa niyang gumuhit ng
larawan at iba’t ibang disenyo. Nakatutula, naka-aawit at
nakasasayaw rin siya nang mahusay. Sa pagtutuos ng kwenta sa
Matematika ay mabilis din siya. Tuwang-tuwa ang nanay at tatay
niya. Maging ang mga kapitbahay na bata ay humahanga sa kaniya.

Isang araw, pinaawit siya ng ama sa videoke. Narinig ito ng

mga kapitbahay at sila ay nagpalakpakan. “Ang ganda ng boses
mo, Ento,” sabi ng dumaang si Aleng Carmela. “Manang-mana sa
inang si Gemma,” dagdag pa niya. Masayang-masaya si Ento.
Umawit siyang muli. Maganda ang simula. Sa bandang dulo na
mataas na ang tono ay hindi niya naabot. Pumiyok ang boses niya.
Biglang nagtawanan nang malakas ang mga naglalaro sa labas.

Napahiya si Ento sa nangyari. Iyak

siya nang iyak. Nagkulong siya sa
kuwarto at nagmukmok.
Ayaw na niyang umawit muli. Pati
ang pagguhit ay itinigil na niya. Hindi rin
siya tumutula ni sumasayaw. Naging
tahimik siya at hindi pala-kibo. Nawalan
na rin siya ng sigla na dating mayroon.
Lagi na siyang malungkot.
PIVOT 4A CALABARZON

9
 Kinausap siya ng kanyang nanay Gemma. “Anong problema
mo, Ento?” Nakayuko lang siya at umiling-iling.
“Dinaramdam mo pa rin ba ang nangyari noong nakaraan?”
Tanong ng ina. “Nauuunawaan ko ang nangyari, subalit hindi ka
dapat malungkot,” paliwanag nito. Maganda naman ang iyong
boses at mahusay kang umawit.
“Pero sumabit po at pumiyok ako. Pinagtawanan nila ako dahil
dito,” tugon niya. “Ayaw ko na pong umawit, huhuhuhuh.”
“Alam mo ba, Ento, na kahit mga sikat na mang-aawit ay
nagkakamali rin?” Tanong ng ina. “Ganon pa man, hindi sila tumitigil.”
“Hindi ko na po kayang
humarap sa mga tao at ipakita
ang kakayahan ko,” sabi ni Ento.
“Alam mo ba ang
mangyayari kapag hindi mo ito
ginamit? Unti -unting hihina
hanggang mawala ito,” sabi ng
ina.

“Ganito, Ento,” ani Aleng Gemma, “ang kakayahan o talento

ay patuloy na nililinang. Kahit mahusay ka na o hindi pa, patuloy ka
dapat na nag-eensayo. Inaaral mo rin dapat kung hindi ka pa
masyadong mahusay. Nagpapatulong ka rin dapat sa ibang
marunong upang maturuan ka. Darating ang panahon, ikaw ay
mas lalo pang magiging mahusay.”
Napaisip si Ento. Tama nga ang
sabi ng ina. Simula noon, araw-araw
na siyang nag-ensayo at ipinakita
ang kakayahan. Bumalik na ang
kaniyang tiwala sa sarili.

PIVOT 4A CALABARZON

10
Gawain sa Pagkatuto Bilang 3: Sagutin ang mga katanungan ayon sa
kuwentong binasa. Isulat ang sagot sa iyong kuwaderno.
_____1. Ang mga sumusunod ay katangiang taglay ni Ento, maliban sa
A. pagguhit B. pag-awit C. pagtula D. pag-arte
_____2. Ito ang damdamin ni Ento kapag naipakikita niya ang
kakayahan at kapag pumapalakpak ang mga kapitbahay.
A. naiinis B. nalulungkot C. natutuwa D. natatakot
_____3. Ito ang ginawa ni Ento matapos pumiyok habang umaawit.
A. umiyak nang umiyak C. tumahimik at hindi kumibo
B. nagkulong at nagmukmok D. lahat ng nabanggit
_____4. Kapag hindi ginamit o ipinakita ang kakayahan, maaaring
A. mawala ito C. mas humusay
B. mas dumami D. mas malinang
_____5. Sa huli, tulad ni Ento, mahalaga na ibalik ang
A. kabutihan C. katamaran
B. kalungkutan D. tiwala sa sarili

E
Gawain sa Pagkatuto Bilang 4: Tukuyin ang iyong mga kakayahan o
talento. Magsulat ng tatlo hanggang limang kakayahang taglay mo.
Ilagay sa kabilang bahagi kung alin ang pinakagusto mo mula 1
hanggang 3 o 5.

Mga Kakahayan ko Ayos Ayon sa

Pagka-gusto
1. ______________________ _____
2. ______________________ _____
3. ______________________ _____
4. ______________________ _____
5. ______________________ _____
PIVOT 4A CALABARZON

11
Gawain sa Pagkatuto Bilang 5: Tukuyin ang mga kakayahan o talento
na nakikita mo sa iba. Pumili ng tatlong kakayahang nais mong
taglayin. Isulat sa kabilang bahagi ang mga paraang gagawin mo
upang matutuhan ang mga ito. Gawin ito sa iyong kuwaderno.

Mga Kakayahan ko Plano sa

1. ______________________
2. ______________________
3. ______________________
Paglinang
___________________________
___________________________
___________________________
___________________________
___________________________
___________________________
___________________________
___________________________
___________________________

A
Bawat tao o batang katulad mo ay may taglay na kakayahan.
Regalo ito ng Diyos na dapat ipagpasalamat. Mainam na matukoy
mo ang mga ito at maipakita. Maari ring matuto pa ng ibang uri ng
mga kakayahan o talento.
Magtiwala sa sarili na kaya mo itong gawin,
gamitin at ipakita sa iba. Makatutulong ang
pag-eensayo, paghingi ng tulong sa iba, sariling
pagsisikap na mas higit pang matutuhan ang dati
at bagong kakayahan.
Tandaan mong ikaw ay natatangi. Linangin
pa ang mga talento at maging mas mahusay!

PIVOT 4A CALABARZON

12
Gawain sa Pagkatuto Bilang 6: Piliin ang iyong pinaka-natatanging
kakayahan. Mag-ensayong mabuti at ipakita ito sa mga kasapi ng
pamilya. Basahin muna ang mga krayterya na titingnan sa iyong
pagtatangahal. Umpisahan ang palabas sa pagpapakilala tulad ng
nasa ibaba.

Ako po si ____________________, ______

taong gulang. Akin pong ipakikita sa inyo ang
natatangi kong kakayahan sa ______________.
Napili ko po ito dahil ________________________
____________________________________________.
Sana po ay inyong magustuhan.
Maraming salamat po!

Para sa magulang at kasapi ng pamilya: Tingnan kung nagawa

ang sumusunod. Lagyan ng kung Oo at naman kung Hindi.

Ang nagtanghal ay Oo Hindi

1. nagpakita ng taglay na kakayahan.

2. nagawa nang mahusay ang napiling kakayahan.

3. kinakitaan ng tiwala sa sariling kakayahan. Hindi
kinakabahan o nahihiya.

4. nagpakita ng saya o positibong emosyon

habang nagtatanghal. Hindi napilitan lamang.
Bilangin ang mga reaksyong nakuha mula sa mga nanuod. Isu-
lat ito sa iyong kuwaderno.

_____ _____

Gawain sa Pagkatuto Bilang 7: Isulat ang naramdaman bago, ha-

bang at pagkatapon ng pagtatanghal. Ano ano ang pananatilihin
mo? Ano naman ang pagbubutihin pa? Gawin ito sa iyong kuwad-
PIVOT 4A CALABARZON

13
 WEEK Pagpapahalaga sa mga Kakayahan
3 Aralin
LINGGO I
1 Tinukoy mo at ipinakita sa nakaraang aralin ang mga
natatangi mong kakayahan o talento. Nalaman mo na kaliangan
mong magsanay upang lalo pang humusay.
Ngayon naman, pag-aaralan mo ang iba’t ibang gawaing
maaari mong gawin. Kahit bata ka pa ay may maitutulong ka sa iba.
Sa pagtatapos ng araling ito, inaasahang napahahalagahan
mo ang kakayahan sa paggawa.
Gawain sa Pagkatuto Bilang 1: Tingnan ang larawan. Ano ano ang
iyong nakikita? Ano ang masasabi mo sa batang nasa larawan? Isulat
ang sagot sa iyong kuwaderno.

Gawain sa Pagkatuto Bilang 2: Suriin ang bawat pahayag. Lagyan ng

tsek (/) ang patlang kung kaya itong gawin ng batang tulad mo. Lag-
yan naman ng ekis (X) kung hindi. Gawin ito sa iyong kuwaderno.

_____1. maghugas ng gamit sa kusina

_____2. magligpit ng mga laruan
_____3. magluto ng ulam na mag-isa
_____4. tumulong sa pag-aabot ng gamit
_____5. magkumpuni ng sira sa bahay

PIVOT 4A CALABARZON

14
 D
Nakita mo sa larawan na walang ginagawa si Arnel. Sa halip na
tumulong sa gawaing bahay, nakaupo lang siya. Sa edad na walo, kaya na
sana niyang iligpit ang mga nakakalat na mga laruan at magbasa ng mga
aralin. Makatutulong din sana siya sa kanyang ina sa paghuhugas ng mga
ginamit sa pagluluto. Kaya rin niyang iabot ang mga gamit ng tatay niya sa
pagkukumpuni.
Maliban sa pagkakaroon ng espesyal na talento, may mga
ordinaryong gawain na kaya mong gawin. Ito ay ang mga simpleng
gawaing bahay na maaari kang makatulong.
Mas mainam na mayroong kang pagkukusa sa pagkilos. Hindi ka na
dapat naghihintay na utusan upang gawin ang isang bagay na kaya mo.
Ano anong gawaing bahay ang ginagampanan mo? Tunghayan sa
kuwentong babasahin mo kung sino kina Miko at Mika ang ang
nagpapakita ng pagpapahala sa kakayahan sa paggawa.

Si Noreen Masunurin at Si Mak Maktol

J. Lopo
Si Noreen ay masipag na bata. Masunurin din siya sa mga utos ng
kanyang nanay, tatay at nakatatandang kapatid. May mga
pagkakataong hindi na siya naghihintay pang utusan. Pagkukusa ang
tawag sa katangian niyang ito.
Sa kabilang bahay naman nakatira si Mak. Kasing edad ni Noreen na
walong taon. Pangalawa siya sa tatlong magkakapatid. Tuwing may iuutos
ang nanay niya ay lagi siyang nagmamaktol habang kumakamot sa ulo.

Kung hindi “mamaya na o sandali lang,”

“ano ba yan, ako na naman ang uutusan!”
ang mga salitang maririning sa kanya.
Ipinapasa niya rin ang utos sa
bunsong kapatid.
Pagkagising sa umaga ay inililigpit na
ni Noreen ang mga unan at kumot na
ginamit. Magsisipilyo na siya at mag-aayos
ng sarili.
PIVOT 4A CALABARZON

15
 Tutulong na siya sa kanyang nanay sa paghahanda ng pagkain.
Dahil hindi pa siya marunong maglutong mag-isa, taga-abot siya ng
mga kakailanganin tulad ng sandok, asin, pamita at iba pa.
Pinanunuod niya ang ina upang matuto.
Si Mak naman ay makailang ulit pang ginigising ng nanay niya.
Tanghali na siyang bumangon dahil ginagabi siya sa paglalaro gamit
ang cellphone. Matamlay ang katawan at nakahalumbaba siya sa
mesa. Walang ganang kumain at inaantok pa.

Matapos magluto ay salu-salong kakain ang pamilya ni Noreen.

Nagdarasal sila upang magpasalamat sa biyaya. Pagkatapos ay si
Noreen na ang nagliligpit. Maliligo na rin siya at kukunin na ang mga
modyul upang mag-aral.
Si Mak naman ay lalabas na ng bahay para maglaro. Kahit na
hindi pinayagan ng nanay niya ay tuloy pa rin siya. Naiiwang
nakakalat ang mga modyul.
Sa kanyang paglabas ay napahinto si Mak sa tapat ng bahay
nina Noreen. Nakita niyang abala ito sa pag-aaral. Napansin niya ring
malinis ang bahay ng huli. Tinutulungan din siya ng kanyang tatay sa
pag-aaral.
Agad na bumalik si Mak sa
kanilang bahay. Naisip niyang tularan si
Noreen. “Dapat ko ring magawa ang
kaya kong gawin,” sabi niya sa sarili.
Naligo na siya at nagsimulang
magbasa. Sinabi niya sa nanay niya na
mula ngayon ay tutulong na siya sa
mga gawaing bahay. Natuwa ito at
niyakap siya nang mahigpit.
PIVOT 4A CALABARZON

16
Gawain sa Pagkatuto Bilang 3: Unawain ang bawat pahayag mula sa
kuwento. Isulat ang Tama kung ang kilos ay pagpapakita ng
kakayahan sa paggawa. Isulat ang Mali kung hindi. Gawin ito sa
iyong kuwaderno.

_____1. Taglay ni Noreen ang pagkukusa. Katangiang hindi na

kailangang utusan upang gawin ang isang gawain.
_____2. Ipinagpapaliban ni Mak ang pagsunod sa utos at sinasabing
“sandali lang.”
_____3. Tagapag-abot ng kailangan sa pagluluto si Noreen.
_____4. Kaya na ni Noreen na paliguan ang sarili.
_____5. Lumalabas ng bahay si Mak upang maglaro kahit walang
pahintulot ng ina.
Gawain sa Pagkatuto Bilang 4: Sagutin ang mga katanungan. Isulat
ang sagot sa iyong kuwaderno.
1. Sino kina Noreen at Mak ang dapat mong tularan? Bakit?
2. Ano anong mga kilos o katangian na nabasa mo sa kuwento ang
hindi dapat ginagawa o ipinakikita ng batang tulad mo?
3. Ano ano namang mabubuting gawain ang nabanggit na dapat
mo ring gawin?

E
Gawain sa Pagkatuto Bilang 5: Gumawa ng pang-isang linggong
listahan ng gagawin katulad ng nasa ibaba. Gawin ito sa iyong
kuwaderno.

Talaan ng Aking Gagawin

Linggo Lunes Martes Miyerkules Huwebes Biyernes Sabado

PIVOT 4A CALABARZON

17
Gawain sa Pagkatuto Bilang 6: Ipakita sa nanay, tatay o kapatid ang
ginawa mong Talaan ng Gawain. Itanong kung ano pa ang
pwedeng idagdag o ayusin sa iyong ginawa. Ipakita ito tuwing gabi
at palagyan kung ilan ang nagawa at hindi mo nagawa.

Ulat ng mga Nagawa

Linggo Lunes Martes Miyerkules Huwebes Biyernes Sabado

G G G G G G G
N N N N N N N
HN HN HN HN HN HN HN

G - Bilang ng gawaing nakatala sa bawat araw

N - Bilang ng nagawa
HN - Bilang ng hindi nagawa

A
Natukoy mo na ang iyong mga kakayahan sa paggawa.
Maliban sa espesyal na kakayahan o talento, may mga ordinaryong
gawaing bahay ang pwede mong magawa.
Mas mainam na habang bata ka pa ay natututuhan mo na ang
iba’t ibang gawaing bahay. Magagamit mo ito hanggang sa iyong
paglaki.
Pahalagahan mo ang mga kakayahang ito sa paggawa.
Gawain sa Pagkatuto Bilang 7: Tukuyin kung sino sino ang mga batang
nagpapakita ng paggamit at pagpapahalaga sa kakayahan. Isulat
ang letra ng tamang sagot. Gawin ito sa iyong kuwaderno.

A. Nagpaturo si Emma sa nanay niya sa pagtatanim ng halaman.

B. Tumulong si Ian na magbantay at magbenta sa kanilang tindahan.
C. Ipinagpaliban ni Dan ang paglilinis ng banyo.
D. Nagkusang magligpit ng mga nakakalat na laruan si Clarissa.
E. Nagmadaling bumangon si Fe at iniwang hindi inayos ang higaan.
PIVOT 4A CALABARZON

18
 Pagpapamalas ng Katatagan ng Kalooban WEEK

Aralin 4

I LINGGO

Natukoy mo na at naipakita ang iba’t ibang kilos na 1

nagpapahalaga sa iyong mga kakayahan sa paggawa.

Ngayon, pag-aaralan mo naman kung paano haharapin ang
mga pangyayari sa paligid. Dahil sa pandemyang COVID-19,
mahalagang matutuhan mo ang dapat na maging damdamin at
kilos ng isang batang tulad mo.
Sa pagtatapos ng araling ito, inaasahang ikaw ay nakatutukoy
ng mga damdamin na nagpapamalas ng katatagan ng kalooban.

D
Matatag ba ang iyong kalooban? Gaano katibay ito? Ano
anong halimbawa ang makapagpapakita nito?

Gawain sa Pagkatuto Bilang 1: Tukuyin kong ang nakasaad ay

pagpapakita ng katatagan ng kalooban. Lagyan ng kung Oo at
naman kung Hindi. Isulat ang sagot sa iyong kuwaderno.

_____1. Nakangiti lang si Coco kahit natatalo na sa larong chess.

_____2. Kahit takot na mapagalitan, inamin pa rin ni Ivy na siya ang
nakabasag ng flower vase.
_____3. Kinakanti ni Joel si Jun upang pumatol ito sa away. Umiwas na
lamang si Jun upang walang maging gulo.
_____4. Kalmadong lumakad si Boyet palabas ng bahay kasama ang
tatay niya nang kinailangang lumikas dahil sa baha.
_____5. Hindi pinanghihinaan ng loob si Carmela kahit siya ay may
sakit. Masaya pa rin siyang nakikipag-usap sa mga dumalaw.
---
Kaya mo rin bang gawin ang ipinakita nina Coco, Ivy, Jun,
Boyet at Carmela? Paano nga ba maging matatag?
PIVOT 4A CALABARZON

19
 Ang pagkakaroon ng matatag na kalooban ay ang
kakayahang harapin ang anomang gawain o sitwasyon nang
walang takot o alinlangan. Halimbawa nito ay ang pagharap sa
mga hamon ng buhay nang may tiwala sa sarili.
Palatandaan na matatag ang iyong kalooban kung ikaw ay:
 hindi sumusuko sa mga aralin at gawaing bahay
 hindi nagpapadala sa pakikipag-away
 tumatanggap ng puna o payo mula sa iba
 umaamin sa nagawang pagkakamali
 kalmadong kumikilos kung may sakuna
 nanatiling masayahin kahit may sakit o suliranin
Sa panahong hindi mo alam ang gagawin, ikaw ay natatakot o
naguguluhan, lakasan mo ang iyong loob. Basahin mo ang liriko ng
awit sa ibaba. Maaari mo ring panoorin ang video mula sa mga
Youtube links na: https://www.youtube.com/watch?v=ZdstGfi_ApU at
https://www.youtube.com/watch?v=34XcMnjnO9s.
Maghintay Ka Lamang by Ted Ito
Kung hindi ngayon
Ang panahon
Na para sa iyo
Huwag maiinip
Dahil ganyan
Ang buhay sa mundo

Huwag mawawalan ng pag-asa

Darating din ang ligaya
Ang isipin mo'y may bukas pa
Na mayroong saya

Kabigua'y hindi hadlang upang tumakas ka

Huwag kang iiwas 'pag nabibigo
Dapat na lumaban ka

Ang kailangan mo'y tibay ng loob

Kung mayrong pagsubok man
Ang liwanag ay 'di magtatagal
At muling mamasdan
Ikot ng mundo ay hindi laging pighati't kasawian
Ang pangarap mo ay makakamtan
Basta't maghintay ka lamang.
PIVOT 4A CALABARZON

20
Gawain sa Pagkatuto Bilang 2: Sagutin ang bawat aytem ayon sa
nilalaman at mensahe ng awit. Isulat ang sagot sa iyong kuwaderno.
_____1. Kapag nabibigo, dapat na
A. umiwas o tumakas ka B. lumaban ka
_____2. Kung may nararanasang suliranin, dapat na
A. mawalan ng pag-asa B. magkaroon ng pag-asa
_____3. Sa oras ng pagsubok, kailangan mo ng
A. tibay ng loob B. tibay ng isip
_____4. Ang pahayag na: “ang buhay sa mundo ay hindi laging
lungkot at kasawian” ay
A. tama B. mali
_____5. Hangad ng awit para sa nakikinig nito ang magkaroon ng
A. katatagan ng kalooban B. kahinaan ng kalooban
Gawain sa Pagkatuto Bilang 3: Sagutin ang tanong sa ibaba. Isulat
ang sagot sa iyong kuwaderno.
Ano anong pamamaraan ng pagpapakita ng katatagan ng
kalooban ang alam mo, maliban sa mga nabanggit?

E
Gawain sa Pagkatuto Bilang 4: Mag-isip ng isang pangyayari sa iyong
buhay na nagpamalas ka ng katatagan ng iyong kalooban. Isulat
ang sagot sa iyong kuwaderno.

Karanasan ng Katatagan ng Kalooban

Ako si __________________. Naipakita ko
ang katatagan ng kalooban noong _________
____________________________________________.
Naipakita ko ito sa pamamagitan ng ________
____________________________________________.

PIVOT 4A CALABARZON

21
Gawain sa Pagkatuto Bilang 5: Pag-isipan kung ang kilos na nakasaad
ay nagpapakita ng katatagan ng kalooban. Isulat ang salitang Tama
kung Oo at Mali naman kung Hindi. Isulat ang sagot sa iyong
kuwaderno.
_____1. Nagsisikap pa ring mag-aral si Jack kahit mahirap lang sila.
_____2. Itinigil na ni Pia ang pagsagot sa mga aralin dahil nahihirapan
at napapagod na siya.
_____3. Tuloy lang sa paglalakad si Jessica kahit pinagtatawanan siya
dahil siya ay pilay.
_____4. Pinipilit ni Cheska na tumulong sa gawaing bahay kahit
marami siyang pinag-aaralang modyul.
_____5. Tumanggi si Val nang tanungin ng ina kung siya ang
nakabasag ng plato kahit totoo naman ito.
Gawain sa Pagkatuto Bilang 6: Magkaroon ng repleksiyonn sa
natutuhan mo sa linggong ito. Punuan ang mga patlang ayon sa
hinihingi. Gawin ito sa iyong kuwaderno.

Ako si ___________________________________________________
Ako ay ______ taong gulang. Nag-aaral ako sa ikatlong baitang.
Kahit nasa bahay lamang, natutuhan kong ang
katatagan ng loob ay lagi kong tangan. Maipakikita ko ito sa
pamamagitan ng:
1.
2.
3.
Dahil dito, ipagpapatuloy ko: _________________________________
______________________________________________________________
Ititigil ko: _____________________________________________________
______________________________________________________________

PIVOT 4A CALABARZON

22
 A
Kahit ikaw ay nasa murang edad pa lamang, may mga
kakayahan ka na upang maipamalas ang katatagan ng iyong
kalooban. Gagawin mo ito para sa iyong sarili, pamilya at kapwa.
Makabubuting pagtuunan mo ng pansin ang mga gawain na
magpapatatag sa iyong kalooban upang patuloy kang makagawa
ng mga makabuluhang aksyon.
Gawain sa Pagkatuto Bilang 7: Basahin at unawain ang bawat aytem.
Piliin ang letra ng tamang sagot. Isulat ang sagot sa iyong kuwaderno.

1. Ito ay kataingan na nagpapakita ng kakayahang harapin ang

anomang gawain o sitwasyon nang walang takot o alinlangan.
A. tatag ng loob B. katapangan C. pagka-matiyaga
2. Ang pahayag na “ang kailangan mo’y tibay ng loob kung
mayro’ng pagsubok man” ay
A. tama B. mali C. di-tiyak
3. Masasabing matatag ang iyong kalooban kung
A. nakikinig ka kapag pinagsasabihan at nagsisikap magbago
C. hindi ka humihingi ng tawad kapag nagkakamali
D. nagtatampo ka kung pinagsasabihan sa maling nagawa
4. Palatandaan ng katatagan ng kaloobang ang
A. hindi pagpapadala sa pakikipag-away
B. pag-amin sa nagawang pagkakamali
C. lahat ng nabanggit
5. Ang mga sumusunod ay nagpapakita ng katatagan ng kalooban,
maliban kay
A. Carl, na tinanggap ang pagkatalo sa laro nang nakangiti
B. Glen, na nakipag-usap ng mahinahon sa sumisigaw sa kanya
C. Claire, na nagmukmok sa silid nang nahirapang magbasa
PIVOT 4A CALABARZON

23
 WEEK Pangangalaga sa Kalusugan at Kaligtasan
5
Aralin

LINGGO I
1 Natutuhan mo sa nakaraang aralin ang tungkol sa katatagan
ng kalooban. Inaasahang patuloy mong maipakikita ang mga
gawain na nagpapamalas nito.
Ngayon, aalamin mo naman ang mga paraan upang
pangalagaan ang iyong sarili. Sa panahong may COVID-19 at lahat
ay maaaring magkasakit, mahalagang isabuhay ang mga ito.
Sa pagtatapos ng araling ito, inaasahang ikaw ay nakagagawa
ng mga wastong kilos at gawi sa pangangalaga ng sariling kalusugan

Kaya mo na bang pangalagaan ang iyong sarili? Ano ano ang

mga paraan mo upang magawa ito?
Gawain sa Pagkatuto Bilang 1: Suriin ang bawat larawan. Tukuyin kung
ito ay kilos upang pangalagaan ang sarili. Ilagay ang kung Oo at
naman kung Hindi. Isulat ang sagot sa iyong kuwaderno.

1. _____ 2. _____

3. _____ 4. _____ 5. _____

PIVOT 4A CALABARZON

24
Gawain sa Pagkatuto Bilang 2: Ayusin ang ginulong mga letra upang
mabuo ang mga salita na tumutukoy sa pangangalaga ng sarili. Isulat
ang sagot sa iyong kuwaderno.

1. l i g a o i l P
Ito ay paglilinis ng katawan sa pamamagitan ng pagsasabon at
shampoo.

2. o - y s i s e r h e g e a P
Pag-galaw ng katawan upang pawisan.

3. s a g l n i l i i P g n y a a h B
Pagtatanggal ng mga kalat at dumi.

4. g n a y i s n a t s u s a M g n i a k g a P
Halimbawa nito ay isda, gulay at prutas.

5. g n r a B a u s y w a i h i h l a a g P
Ito ang ginagawa sa nabubulok at hindi.

D
Narinig mo na ba ang kasabihang: “Ang kalusugan ay
kayamanan?” Naniniwala ka ba dito?
Totoong ang kalusugan ay kayaman. Masasabing ikaw ay
malusog kung maayos o masigla ang iyong pangagatawan. Malusog
ka kung wala kang sakit o karamdaman. Magagawa mo ang iyong
nais at maaaring humaba pa ang iyong buhay.
Ang kalusugan ay kaayusang pisikal, mental o pag-iisip,
emosyonal o damdamin, sosyal at espirituwal.
Dapat mong pangalagaan ang sariling kalusugan. Matatamo
ito kung maisasagawa ang iba’t ibang wastong kilos at gawi.
PIVOT 4A CALABARZON

25
 Ilan sa mga dapat mong gawin ay ang mga sumusunod:
 Pagsunod sa social distancing (magkakalayo sa isa’t isa)
 paglilinis ng katawan (paliligo, pagsisipilyo)
 pagkain ng masusustansiyang pagkain
 pagliligpit ng mga kalat at mga laruan
 pagwawalis sa loob at labas ng bahay
 paghihiwa-hiwalay ng basura
 pagtulog at paggising nang maaga

Gawain sa Pagkatuto Bilang 3: Interbyuhin ang nanay, tatay o

kapatid. Itanong kung ano ano pa ang maaaring gawin upang
mapangalagaan ang sariling kalusugan at kaligtasan. Isulat ang
sagot sa iyong kuwaderno.

E
Sarili Ko, Pangangalagaan ko

Ating katawan ay biyaya ng Maykapal,

Kaya dapat alagaan at pahalagahan;
Malinis na puso at bukas na isipan,
Ang ating sarili, ating kabuuan.

Ang sarili nati’y dapat pag-ingatan,

Dagdagan ng kaalaman ang ating isipan;
Pagbabasa ng aklat hindi kalilimutan
Mga maling gawain ay aming iiwasan

Ating katawan, mahalin at pangalagaan,

Wastong pagkain lamang ang laman dapat
Pag-eehersisyo’t wastong paglilibang,
Kailangan lagi ng ating katawan.
PIVOT 4A CALABARZON

26
Gawain sa Pagkatuto Bilang 4: Ano anong pag-iingat at
pangangalaga sa sarili ang nabanggit sa tula? Isulat ang sagot sa
iyong kuwaderno.

A yo n sa tula, m a p a g - i i n g a ta n at
mapangangalagaan ko ang aking sarili sa
pamamagitan ng ___________________________________
___________________________________________________ .

A
Ang isang batang malusog ay
madaling makagawa ng mga proyekto o
gawain nang may kahusayan. Ang paraan
ng kaniyang pag-iisip ay kahanga-hanga
sapagkat nasasalamin sa kaniya ang
kahinahunan, kaayusan at katalinuhan.
Ang pagkakaroon ng wastong kilos at gawi sa pangangalaga sa
sariling kalusugan at kaligtasan ay isang ugaling dapat kasanayan.
Isa-isip at isapuso na ang kalusugan ay iyong kayamanan.

Gawain sa Pagkatuto Bilang 5: Maglista ng iyong ikikilos o gagawin

upang mapangalagaan ang sariling kalusugan at kaligtasan.
Gawin ito sa iyong kuwaderno.

Iiwasan Gagawin

PIVOT 4A CALABARZON

27
 WEEKS Pagsunod sa Tuntunin o Pamantayan ng Pamilya
6-8 Aralin

LINGGO I
1 Natutuhan mo sa nakaraang aralin ang mga wastong kilos at
gawi sa pangangalaga ng sariling kalusugan at kaligtasan. Nagawa
o naipakita mo rin ang mga ito.
Ngayon, lilinangin mo ang mga kataingang katulad ng
katapatan, pakikiisa at pagsunod sa mga tuntunin o anomang
itinakda sa inyong pamilya.
Pagkatapos ng araling ito, ikaw ay inaasahang nakasusunod sa
mga pamantayan o tuntunin ng mag-anak.

Gawain sa Pagkatuto Bilang 1: Pagmasdan at pag-aralan ang

dalawang larawan sa ibaba. Sagutin ang mga katanungan tungkol
dito. Gawin ito sa iyong kuwaderno.

Larawan A

Larawan B

PIVOT 4A CALABARZON

28
1. Ano ano ang makikita sa Larawan A?
2. Ano ano ang makikita sa Larawan B?
3. Alin sa dalawang larawan ang katulad ng nangyayari sa tahanan
ninyo?
4. Alin sa mga nasa larawan ang kaya mong gawin?
5. Alin sa dalawang larawan ang dapat mong piliin? Bakit?

D
Gawain sa Pagkatuto Bilang 2: Tukuyin kung ang larawan ay
pagpapakita ng pagsunod sa tuntunin sa tahanan. Lagyan ng
kung Oo at naman kung Hindi. Isulat ang sagot sa iyong
kuwaderno.

1. _____ 4. _____

2. _____ 5. _____

3. _____ 6. _____
PIVOT 4A CALABARZON

29
 Naaalala mo pa ba ang aralin tungkol sa pamilya? Ito ang
pinakamaliit na yunit ng lipunan. Gayunpaman, napakahalaga nito.
Kailangan sa isang pamilya ang pagkakaisa. Naipakikita ito sa
pamamagitan ng sama-samang paggawa ng mga gawain.
Masasabing ang mga kasapi ay may pagkakabuklod-buklod kung
ang bawat miyembro ay ginagampanan ang iniatang na gawain.
Susi ito sa isang tahanang masaya at may pagmamahalan.
Sa kabilang banda, magdudulot naman ng gulo kung hindi
sumusunod sa nakaatas na gawain ang bawat isa. Mauuwi sa
pagsisisihan, hindi pagkakaunawaan o pag-aaway ang ganitong
pangyayari.
Isang solusyon ang pagkakaroon ng pamantayan o tuntunin. Ito
ay ang pagtatakda ng maaari at hindi maaring gawin ng bawat
kasapi ng pamilya. Layunin nito ang pagkakaroon ng maayos,
masaya at nagkakaisang pagsasama.
Nais mo rin bang magkaisa ang iyong pamilya? Basahin ang
tula sa ibaba.

Pamilyang Nagkakaisa
Charissa S. Ruba

Ang aming pamilya, tunay ngang nagkakaisa

Sa bawat gawain hindi ka iiwang mag-isa
Si nanay, tatay, ate at kuya ay sama-sama
Laging nagtutulungan at tunay na may saya

Mga utos nila’y aking susundin agad-agad

Pagdarabog ay ‘di gagawin, sa iba’y ‘di tutulad
Ang mga alituntunin, lahat ng mga nakasaad
Tutuparin namin upang sumaya at umunlad

Ang pag-aaral ay aking laging uunahin

Sa gawaing bahay ako’y tutulong din
Hindi makikipag-away, kapatid ay mamahalin
Magiging magalang sa mga mahal sa akin.

PIVOT 4A CALABARZON

30
Gawain sa Pagkatuto Bilang 3: Ano anong mga kilos na nagpapakita
ng pagsunod sa tuntunin o pamantayan sa pamilya ang binanggit sa
tula? Isulat ang mga ito sa iyong kuwaderno.

Ayon sa tulang Pamilyang Nagkakaisa, naipakita ang

pagsunod sa tuntunin sa pamamagitan ng:

1. _________________________________________________________
2. _________________________________________________________
3. _________________________________________________________
4. _________________________________________________________
5. _________________________________________________________

Bilang mag-aaral at kasapi ng pamilya, makabubuti na ang

iyong mga ginagawa ay ikinasisiya ng iyong mga magulang at mga
kapatid. Kinakailangan ang higit na disiplina upang hindi makasuway

Dahil dito, mahalagang sinusunod mo ang mga tuntunin at

patakarang pinagkasunduan sa tahanan lalo na sa disiplina at sa
iyong pag-aaral.
Ano ano nga ba ang halimbawa ng mga tuntuning maaaring
ipatupad? Alin sa mga ito ang kaya at dapat mong sundin?

Ang sumusunod ay halimbawa ng tuntunin sa tahanan:

 Maglaan ng sapat na oras para sa pag-aaral
 Maging magalang sa lahat ng oras at pagkakataon
 Tumulong sa mga gawaing-bahay
 Magtipid sa paggamit ng tubig, kuryente, at iba pa
 Kumain ng masusustansiyang pagkain at umiwas sa junk foods
 Maligo at maglinis ng katawan
 Huwag makipag-away
 Sumunod sa ipinag-uutos
PIVOT 4A CALABARZON

31
Gawain sa Pagkatuto Bilang 4: Gamit ang mga halimbawa ng
tuntunin sa Pahina 31, isulat kung saang hanay ang mga ito
naaangkop ayon sa iyong pagsunod. Gawin ito sa iyong kuwaderno.

Talaan ng Pagsunod sa Tuntunin

Madalas Minsan Hindi

Gawain sa Pagkatuto Bilang 5: Ano anong mga salita ang makikita sa

kahon ng mga letra sa ibaba na may kinalaman sa iyong binasa?
Isulat ang mga ito sa iyong kuwaderno.

P A K I K I I S A L

N I N U T N U T I A

S H U H B A R P G H

D I S I P L I N A A

H G A P I S A M H T

P A G M A M A H A L

N D N X A A M K B W

M A D O N U S G A P

N Y O S O S R A K K

K A O T U L O N G S

L E B M A S A Y A T
PIVOT 4A CALABARZON

32
 Paano nga ba naipakikita ang pagsunod sa tuntunin sa isang
pamilya? Tunghayan ang kwento ni Issa at kanyang pamilya.

Pagkakaisa sa Pamilya nina Issa

J. Lopo
Isang huwarang pamilya ang mag-anak na Ramos. Binubuo ito
ng mag-asawang Wilmer at Wilma. Anak nila sina Isko, Issa at Ino.

Mahigit isang taon na noong magsimula silang magkaroon ng

mga tuntunin. Sampung taon na si Isko, si Issa naman ay walo at
anim naman ang bunso. Naaalala pa ni Issa na dahil ito sa isang
gawain sa pagkatuto sa Edukasyon sa Pagpapakatao sa ikalawang
baiting.
Sama-sama silang nag-isip ng mga maaaring gawing tuntunin.
Ipinaliwanag ang mga ito sa kanila at ibinilin na dapat ay sundin.
Laging tinutupad ni Issa ang mga napagkasunduan. Siya kasi
ang naatasang maghugas ng pinagkainan sa gabi. Ipinagpapaliban
niya ang panunuod sa telebisyon upang unahin ang tungkulin.
Dapat ding matapos nilang tatlo ang mga aralin bago
payagang maglaro. Dahil marami pa ang nagkakasakit dahil sa
COVID-19, sa loob lang sila ng bahay. Bawal lumabas. Kaya,
katuwaan na lang ang pagkanta nila ng “Bawal Lumabas”.
Si Ino naman na bunso ay tinuruan na ring magligpit ng kalat.
Tulong-tulong silang lima sa paglilinis ng kanilang bahay.
Tinuturuan silang magkakapatid na gawin ang bagay na hindi
pa nila alam. Ipinakikita ng kanilang magulang kung paano ito gawin.
PIVOT 4A CALABARZON

33
 Nang minsang abala ang nanay at tatay nila ay tumakas ang
kanyang kuya Isko. Maya-maya ay tinawag na sila upang sama-
samang kumain.
“Isko, Issa at Ino, halina kayo. Kakain na tayo,” tawag ng ina.
“Magdasal na tayo,” sabi ng ama. “Bakit wala si Isko? Hindi ba
siya ang naatas manalangin?” Tanong ni Mang Wilmer.
Tapat at magalang na sumagot si Issa. “Pasensiya na po tatay
at nanay pero nakita ko pong lumabas si kuya,” saad niya.
Lumabas ang tatay niya upang hanapin si Isko. Hindi nagtagal
ay dumating na ang dalawa. Nagdasal at kumain na sila. Habang
kumakain ay nagkuwentuhan sila tungkol sa masasayang bagay.
Nang sila ay matapos mananghalian, nagwika si Mang Wilmer.
“Maiwan ka muna Isko, mag-uusap pa tayo.”
“May gusto ka bang sabihin?”
umpisa ng ama.
Agad umamin sa nagawang
kasalanan si Isko. “Lumabas po ako
kahit bawal ayon sa ating tuntunin.
Patawad po at hindi na mauulit.”
“Tinataggap ko ang paghingi mo ng tawad, Isko. Umaasa
akong hindi ka na susuway,” sabi ng ama. “Opo,” sagot niya.
Sa sala naman ay kinausap din ng ina ang dalawang anak.
“Kaya lagingn ninyong tatandaan ang mga tuntunin natin ha. Huwag
na nating hintaying mapagalitan kayo.” “Opo, inay,” sagot nila.
Lalong naging maayos at masaya ang pamilya nina Issa.
Nagmamahalan sila at nagkakaisa.
Gawain sa Pagkatuto Bilang 6: Sagutin ang mga katanungan. Isulat
ang sagot sa iyong kuwaderno.

1. Ano anong mga tuntunin ang ipinatutupad sa Pamilya Ramos?

2. Anong pagkakamali ang nagawa ni Isko? Tama ba ang ginawa
niya nang kausapin siya ng ama?
3. Ano anong wastong pagang bawat kasapi?
PIVOT 4A CALABARZON

34
 E
Hangad mo ba ang maayos at masayang samahan sa inyong
pamilya? Mangyayari ito kung mayroong mga tuntunin o
pamantayan na ipatutupad. Mas mabisa ito kung igagalang at
susundin ng lahat.
Gawain sa Pagkatuto Bilang 7: Mag-isip ng tatlo hanggang limang
tuntunin sa tahanan ang nais mong imungkahi na sundin ng lahat ng
kasapi. Isulat ang mga ito sa iyong kuwaderno.

Iminumungkahi ko ang sumusunod

na tuntunin sa aming tahanan:
1. ____________________________________
2. ____________________________________
3. ____________________________________

Gawain sa Pagkatuto Bilang 8: Kausapin ang iyong nanay o/at tatay.

Magpatulong sa kanila sa pagbuo ng mga tuntunin ng inyong
pamilya. Iulat ang binuo mong mga mungkahi sa Gawain 7. Isulat
ang mga ito sa malaking papel at lagdaan ng mga kasapi. Ipaskil sa
bahagi ng bahay na makikita ng lahat.

Tuntunin ng Pamilya ___________

PIVOT 4A CALABARZON

35
 Gawain sa Pagkatuto Bilang 9: Mula sa napagkasunduang mga
tuntunin, alin sa mga ito ang sa tingin mo ay mahihirapan kang
sundin? Punuan ang bawat hanay sa ibaba ayon sa hinihingi. Gawin
ito sa iyong kuwaderno.

Mga Tuntuning Mahirap Para sa Akin

Tuntunin Dahilan Bakit Paraan Upang
Mahirap Maisagawa

Gawain sa Pagkatuto Bilang 10: Gumupit ng papel na hugis puso.

Isulat dito ang iyong pangako na tutupad sa mga tuntunin. Idikit ito sa
iyong kuwaderno.

Ako si _____________
ay nangangakong
___________________
___________________

A
Laging tatandaan na mahalaga ang
pagkakaisa sa isang pamilya. Makakamit ito kung
mayroong ipinatutupad na tuntunin o pamantayan.
Ang mga ito ay dapat iginagalang at sinusunod ng
bawat kasapi.
Bilang bata, kaya mo na ring makatulong sa
mga gawaing bahay. Pag-aralan ang mga hindi
mo pa kaya. Ipakita ang pagiging masunurin sa
lahat ng oras at panahon.

PIVOT 4A CALABARZON

36
Gawain sa Pagkatuto Bilang 11: Basahin at sagutin. Isulat ang letra ng
tamang sagot sa iyong kuwaderno.

1. Ang mga kilos o gawain na dapat sundin ng lahat ng kasapi ng

pamilya ay matatawag na
A. tuntunin B. utos C. pakiusap
2. Ang maaaring maging mabuting dulot ng pagkakaroon ng tuntunin
sa tahanan ay
A. kaayusan B. kaguluhan C. pagkakanya-kanya
3. Ang mga sumusunod ay wastong tuntunin sa tahanan, maliban sa
A. tumulong sa mga gawaing bahay
B. maging magalang sa pakikipag-usap
C. ipagpaliban ang pagsunod sa utos
4. Ang pagsunod sa tuntunin sa tahanan ay naipakikita ni
A. Rena, na lumalabas pa rin ng bahay upang maglaro
B. Felix, na hindi nakikipag-away sa mga kapatid
C. Emil, na ayaw paawat sa paglalaro sa cellphone
5. Bilang kasapi ng pamilya, mahalang isipin mo na
A. okay lang na hindi makasunod dahil bata ka pa
B. laging mauunawaan nila dahil hindi mo pa kaya
C. kaya mong sumunod dahil mabuti kang bata

Gawain sa Pagkatuto Bilang 12: Magkaroong ng repleksiyon tungkol

sa pinakamahalagang aral na natutuhan mo sa loob ng tatlong
linggo. Isulat ang sagot sa iyong kuwaderno.

Pinakamahalaga sa akin ang natutuhan ko tungkol sa:

_________________________________________________________
Ang gagawin ko ay: _____________________________________
Ang iiwasan ko ay: _______________________________________
Ang nais ko pang matutuhan ay: _________________________
PIVOT 4A CALABARZON

37
 38
PIVOT 4A CALABARZON
Susi sa
Susi sa Susi sa pagwawasto 5 Susi sa
pagwawasto
pagwawasto 11 pagwawasto
2
1. A 1. / Pakikiisa Tulong
1.
2. A
2. / Tuntunin Masaya 2.
3. C 3.
3. X Disiplina Lahat
4.
4. B
4. X Pagmamahal Kabahagi 5.
5. C 6.
5. / Pagsunod Masipag
A D
Weeks 6-8
Susi sa Susi sa
Susi sa
Susi sa pagwawasto pagwawasto Susi sa pagwawast
Susi sa pagwawasto
2 pagwawasto
pagwawasto
1. paliligo 1. 1.
1. B
1. Tama
2. Pag-eehersisyo 2. 1. A 2. B 2.
3. Paglilinis ng bahay 2. Mali
2. A
4. Masustansiyang 3. 3. A 3.
3. A 3. Tama
pagkain 4. 4. C 4. A 4.
5. Paghihiwalay ng 4. Tama
5. C
basura 5. 5.
5. Mali 5. A
I A E D
Week 5 Week 4
Susi sa Susi sa
Susi sa
pagwawasto pagwawasto
pagwawasto 2
3
1. /
A 1. Tama
2. /
B 2. Mali
3. X
D 3. Tama
4. /
4. Tama
5. X
5. Mali
D I
Week 3
Susi sa Susi sa
pagwawasto pagwawasto
3
1. D
1. Tama Susi sa pagwawasto 1
2. C
2. Mali 1. Pagguhit—kakayahan
3. D
3. Tama 2. Paglalaro ng Isports—
4. A kakayahan
4. Mali
5. D 3. Pagsayaw—kakayahan
5. Mali
D
Weeks 1-2
Susi sa Pagwawasto
 Sanggunian

Department of Education. 2016. "K to 12 Edukasyon sa Pagpapakatao

Gabay Pangkurikulum." lrmds.deped.gov.ph. May. Accessed
April 2, 2020. https://lrmds.deped.gov.ph/detail/5451.

Department of Education. 2020. Most Essential Learning

Competencies in Edukasyon sa Pagpapakatao.

Department of Education. 2020. Revised MELC sa Edukasyon sa

Pagpapakatao. RM 306, s. 2020 Corrigendum to the Enclosures in
Regional Order No. 10, s. 2020, Re: Implementing Guidelines on
the Implementation of MELC PIVOT 4A Budget of Work (BOW) in
all Learning Areas for Key Stage 1 - 4

PIVOT 4A CALABARZON

39
Para sa mga katanungan o puna, sumulat o tumawag sa:

Department of Education Region 4A CALABARZON

Office Address: Gate 2, Karangalan Village, Cainta, Rizal

Landline: 02-8682-5773, locals 420/421

Email Address: lrmd.calabarzon@deped.gov.ph