War on Drugs:bangungot sa mga Pilipino
By: Katriel Ann Macaraig
Maalarmang pananaliksik
ang ginawa sa mga gumagamit
ng ilegal na gamot na umaabot sa
7000 katao at pagtalakay sa
kamatayan sa “war on drugs” ni
President Rodrigo Duterte na
nagdala ng isang bangungot sa
mga Pilipino.
Nagkaroon ng mga
talakayan sa pagitan ng pamilya
ng biktima at mga nakasaksi,
“License to Kill:Philippine
National Police” upang madaling
alisin ang mga buhay sa ngalan
ng “war on drugs”. Hindi ba ito
laban sa karapatan ng tao na “No
one should be punished without
proven guilty”? parang tulad ng
isang buhay na madaling kunin
tulad ng pagpatay sa isang
langaw. Tanging ang kamatayan
ba ang sagot sa pagtigil sa
pagtigil ng mga taong nalulong
sa droga? Paano tayo mabubuhay
sa ating bansa kung walang araw
na walang namamatay. Sino ba
talaga ang nakikinabang sa
programang ito? Tumutulong ba
talaga sila na mabawasan ang
mga naadik sa droga? Ang mga
tao ba ay kontento na
namumuhay ng payapa sa ating
bansa? Maraming tanong ang
nagbibigay sa atin ng malabong
senaryo para sa pamayanan kung
saan tayo namumuhay.
Para kanino ba ang
ipinaglalaban ng “war on drugs”?
Sabi nila, ito ay para sa lahat ng
Pilipino lalo na sa mga kabataan,
ang pag-asa ng ating bayan. Pero
ano ang ibinubunyag ng balita?
Kian Lloyd Delos Santos, 17
taong gulang na isang grade 11
na estudyante. Ang pagkawala ng
kaniyang buhay ay
nagpapahiwatig na tayong mga
mamamayan ay nawawalan ng
proteksyon. Pinapakita sa video
na si Kian ay isa sa biktima ng
war on drugs, Police Officers na
Chief Inspector Amor Cerillo ay
napatunayang kasama sa video
na napanood.
May katarungan ba kay
Kian Lloyd Delos Santos?
Katarungan para kay Kian,
katarungan sa lahat ng mga
kabataan at inosenteng biktima
ng war on drugs. Ang magulang
ni Kian na si Saldy at Lorenza,
nagsampa ng kasong murder sa
Caloocan City policemen na
sangkot sa pagpatay. Ang
pagkamatay ni Kian ay
nagsisilbing pamulat na itigiol na
ang pagpatay.
Ilan pang buhay ang
maaapektuhan ng war on drugs?
Siguradong marami pang bagay
ang karapat dapat mabuhay, mga
bagay na karapat dapat mawala
at di karapat dapat pumapatay.