Banghay Aralin sa Araling Panlipunan 2

I. Mga Layunin:

A. Pagpapahalaga

1. naipapaliwanag ng mga bata ang kahalagahan ng pagkilala sa mga tao na

bahagi ng komunidad na kanilang kinabibilangan

B. Mga Kasanayan

1. Naibibigay ang mahahalagang detalye ng kuwento

2. Nagagawa ng bawat pangkat ang isa sa mga sumusunod:

a. Nailalarawan ang pangunahing tauhan sa kuwento

b. Naiisa-isa ang iba pang mahahalagang tauhan sa kuwento

3. Nabibigyang kahulugan ang salitang “hanapbuhay”

4. Natutukoy ang mga hanapbuhay sa komunidad

II. Paksang Aralin:

Pagsagot sa mga Tanong Tungkol sa Napakinggan Kuwento,

Mga Hanapbuhay sa Aking Komunidad

Sanggunian: Araling Panlipunan 2

Kagamitan ng Mag-aaral – Tagalog

pahina 152 – 161

Kuwento: “Bayong ng Kuting”

III. Mga Kagamitan:

mga larawan ng komunidad at mga taong naghahanapbuhay, bayong, mga chart,

marker, pangkulay, timer, speaker, laptop, slide presentation, TV screen

IV. Pamamaraan:

Bago Basahin ang Kuwento

A. Pag-awit

Awitin ng sabay-sabay ang kantang “Pito, pito”

B. Paghawan ng mga Balakid

1. bayong (realia, context clues)

2. kaluskos (tunog, context clues)

3. bodega (picture, context clues)

C. Pagganyak

Sino sa inyo ang may alagang hayop sa bahay? Ano ang ginagawa ninyo sa

mga anak nito tuwing bagong panganak ang inyong alaga? Alamin natin kung

ano ang nangyari sa mga kuting ng bagong panganak na pusa na alaga ng

isang bata sa kuwento.

D. Pagtatakda ng Layunin sa Pakikinig

Ngayong araw, may kuwento akong babasahin sa inyo tungkol sa mga

alagang kuting ng isang bata. Alamin natin kung ang ginawa sa mga kuting ay

tulad ba ng mga halimbawa na sinabi ninyo tuwing nanganganak ang inyong

alaga sa bahay?
Pagbasa ng Kuwento

Ipaalala sa mga bata ang tamang paggawi habang nakikinig sa kuwento.

Ano ang dapat gawin habang binabasa ko ang kuwento?

Ipakilala ang pabalat ng libro.

Sasabihin ng guro: Ang pamagat ng ating kuwento ay “Bayong ng Kuting”.

Isinulat ito ni Mae Astrid Tobias at iginuhit ni Ghani Madueno.

Ginawa ito ng Lampara House noong 2003.

Mga Itatanong ng guro habang binabasa ang kuwento:

p.6 : Ano kaya ang gagawin ni Tonton ngayong naisip nya na umalis ang

kanyang ama bitbit ang bayong kung saan nakalagay ang mga kuting?

p.15: Saan kaya susunod na mapapadpad si Tonton?

p. 22: Kanino naman kaya mapupunta ang panglimang kuting na hinahanap ni

Tonton?

Pagkatapos Basahin ang Kwento:

A. Panimulang Talakayan:

a. Ang ginawa ba ng tatay ni Tonton sa mga kuting ay tulad din ng

inyong ginagawa tuwing nanganganak ang inyong alagang hayop?

b. Ano ang nangyari pagkauwi ni Tonton?

B. Pagbibigay ng Pangkatang Gawain

Hahatiin ng guro ang klase sa apat na pangkat. Bawat pangkat ay

bibigyan ng gawain tatapusin sa loob ng 5 – 10 minuto.

Gawain 1: Character Profile ni Tonton

Ilarawan ang mga katangian ni Tonton. Punan ang mga patlang.

Character Profile

Pangalan: _______________________

Siyaay mahilig sa ___________________________.

Gawain 2: Ang Komunidad ni Tonton

Kung saan-saan nakarating si Tonton dahil sa paghahanap sa mga

kuting. Idikit sa chart ang mga bahagi ng komunidad na kanyang

napuntahan.

Ang Komunidad ni Tonton

Gawain 3: Mga Kapitbahay ni Tonton

May mga taong nakausap si Tonton sa komunidad sa kanyang

paghahanap sa mga kuting. Kulayan kung sinu-sino sila.

 Mga Kapitbahay ni Tonton

C. Pagtalakay sa Kuwento

a. Ano ang pangalan ng pusa ni Tonton?

b. Ilan ang mga anak nito?

c. Anu-ano ang itsura ng mga kuting?

d. Anu-ano ang mga katangian ng batang si Tonton? Pangkat 1, ipakita

ang inyong ginawang Character Profile ni Tonton.

e. Saan inilagay ng tatay ni Tonton ang mga kuting?

f. Ano ang ginawa ng tatay ni Tonton sa bayong ng kuting?

g. Ano ang naramdaman ni Tonton?

h. Ganoon din ba ang mararamdaman ninyo?

i. Ano ang ginawa ni Tonton upang malaman niya kung saan dinadala ng

kanyang tatay ang mga kuting?

j. Gagawin nyo din ba ang katulad ng ginawa ni Tonton?

k. Saan-saan nakarating si Tonton sa kanyang paghahanap sa mga

kuting? Pangkat 2, ipakita ang inyong ginawa na larawan ng

Komunidad ni Tonton?

l. Alin sa limang kuting ang iniwan ng tatay niTonton sa panaderya?

m. Ano ang ipinangalan sa kuting na ito?

n. Alin naman sa mga kuting ang iniwan ng tatay niTonton sa palengke?

 o. Ano ang ipinangalan dito?

p. Alin naman sa mga kuting ang iniwan ng tatay niTonton sa

karinderya?

q. Ano ang ipinangalan dito?

r. Alin naman sa mga kuting ang iniwan ng tatay niTonton sa

sementeryo?

s. Ano ang ipinangalan dito?

t. Bakit iniuwi ng tatay ni Tonton ang panglimang kuting?

u. Ano kaya ang naramdaman ni Tonton ng nakita nya ang panglimang

kuting na iniuwi ng kanyang tatay sa bahay?

v. Magiging masaya rin kaya si Mingming kung malalaman nya kung

saan napunta ang iba niyang mga anak?

w. Sinu-sino na ang mga bagong tagapag-alaga ng mga kuting na

nakausap ni Tonton? Pangkat 3, ipakita ang chart ng Mga

Kapitbahay ni Tonton.

x. Sa tingin nyo, ano ang mga kahalagahan ng pagkilala natin sa mga tao

sa ating komunidad?

D. Pagpapayaman

Bumuo ng isang malikhaing palakpak upang batiin si Tonton tungkol sa

masaya niyang nalaman sa pinagdalhan sa mga kuting?

Lesson Proper
A. Paglalahad

Sinu-sino ang mga taong nakausap ni Tonton habang hinahanap niya

ang mga kuting? Ano ang gawain ng bawat isa sa kanila?

B. Paglalagom

Gamitin natin ang chart na ito upang ilarawan mga gawain, ganapin o

tungkulin ng mga tao sa isang komunidad tulad sa kuwentong nabasa natin.

Sabihin kung ano ang katawagan sa kanila.

Pangalan ng Tao Gawain o Tungkulin Katawagan sa Taong

sa Pamayanan Gumaganap ng Gawain
o Tungkulin

Mang Domeng Pagluluto at panadero

pagtitinda ng mga
tinapay

Aling Chayong Pagtitinda ng iba’t- tindera

ibang produkto

Mang Tsiu Pagluluto at kusinero

pagtitinda ng mga
pagkain

Mang Ben Paghuhukay ng

libingan at sepulturero
pagbabantay sa mga
puntod

Basahin natin ang mga nilalaman ng chart.

Ang mga gawain o tungkulin na nakasulat sa pangalawang hanay ay

tinatawag natin na mga hanapbuhay.

 Ang nasa pangatlong hanay naman ay ang katawagan sa taong

naghahanapbuhay.

Magbigay ng iba pang halimbawa ng hanapbuhay ng mga tao sa inyong

komunidad?

Bakit kaya naghahanapbuhay ang mga tao?

Ano ang kanilang natatanggap sa paghahanapbuhay?

Saan nila ginagamit ang kanilang kinikita?

Ano kaya ang epekto sa pamilya o komunidad kung ang mga kasapi nito ay

may hanapbuhay? kung walang hanapbuhay?

C. Pagsasanay (Paglalapat)

Napapatnubayang Laro

Tatawag ang guro ng mga mag-aaral na bubunot ng puppet mula sa

lalagyan. Tutukuyin at ilalarawan ng bawat isa ang uri ng hanapbuhay ng

puppet na kanilang nabunot.

D. Indibidwal na Pagsasanay (Pagtataya)

Iguhit ang masayang mukha kung tama ang paglalarawan sa taong

naghahanapbuhay na nasa larawan at malungkot naman mukha naman kung

mali ang paglalarawan.

E. Takda

Sa isang bond paper, iguhit ang hanapbuhay ng iyong magulang o kung

sinuman ang naghahanapbuhay sa inyong pamilya. Tanungin sila tungkol

sa kanilang karanasan sa paghahanapbuhay. Humanda sa pagbabahagi nito

sa klase.