VIRGINIA CENTURIONE BRACELLI SCHOOL

Daughters of Our Lady on Mount Calvary FILIPINO 12

Poctoy, Odiongan, Romblon
S.Y. 2021-2022 MODYUL 2- Q2

Pangalan:___________________________________________

LAYUNIN
Pagkatapos ng araling ito, inaasahang maisasagawa ng mga mag-aaral ang sumusunod:
1. naipapaliwanag ang nagaganap na proseso kapag nagrerebyu ng isang gawang malikhain;
2. napag-iiba ang pangkalahatan at partikular na repertoire o katangian ng isang malikhaing gawa at ng mambabasa;
3. naipapaliwanag ang pagkakaiba at pagkakatulad ng gawang malikhain at gawang akademiko;
4. naikokompara ang mga proseso kapag nagrerebyu ng isang gawang malikhain at gawang akademiko;

ARALIN 1

Pagsusuri ng Gawang Malikhain:

Pagsulat ng Rebyu 1
ARALIN

Pagsusuri ng Malikhaing Gawa sa Isang Rebyu Mahalagang bahagi rin ng pangunahing

Ang rebyu ay isang mapanuring pagbasa o pagtatasa
ng isang gawang malikhain ( tulad ng tula, dula, pelikula,
musika, sayaw) o ng isang gawang akademiko ( tulad ng aklat
o artikulo na produkto ng isang pag-aaral o saliksik). Sa
paghahati ng rebyu sa dalawang kategoryang ito, dapat
linawin na sa katunayan, ang mga proseso sa pagbuo ng
gawang malikhain at gawang akademiko ay hindi naman
talaga magkahiwalay. Ibig sabihin , ang isang gawang
malikhain ay hindi lamang laging galing sa imahinasyon ng
malikhaing manunulat kundi madalas na bunga rin ng saliksik.
Sa kabilang banda, ang isang gawang akademiko
tulad ng saliksik ay nabubuo sa tulong din ng mga malikhaing
proseso ng isang iskolar o mananaliksik. Ang paghahati ng
pagtatalakay sa anyo at proseso ng pagsulat ng rebyu sa
dalawa( gawang malikhain at gawang akademiko) ay
madaling paraan lamang upang higit na maipaliwanag nang
mabuti ang katangian ng bawat isa.
Ang isang rebyu ng gawang malikhain ay naglalaman
ng una, batayang impormasyon tungkol sa gawa, at
pangalawa, pagsusuri ng rebyuwer sa gawa.
Kung dula
1. Pamagat ng dula
2. Grupong pandulaang nagpalabas ng dula
3. Direktor
4. Mandudula
5. Maylikha ng iba’t ibang aspekto ng produksyon tulad ng
musika at iba pa
6. Mga gumaganap ( pangalan ng artista at papel sa dula)
Kung pelikula
1. Pamagat ng pelikula
2. Prodyuser ng pelikula
3. Direktor
4. Manunulat ng dulang pampelikula
5. Maylikha ng iba’t ibang aspekto ng produksyon tulad ng
sinematograpiya
6. Mga gumanap (pangalan ng artista at papel sa pelikula)
Maaring ibatay sa listahang ito ang batayang
impormasyon para sa musika, sayaw, arkitektura, panitikan,
at iba pang gawang malikhain.
FILIPINO 12
imporamasyon tungkol sa gawa ang isang detalyadong buo
nito ( sa mga gawang malikhain na walang matingkad na
naratibo, maaring ilarawan ito). Bagaman ang buod ay
maikling representasyon ng orihinal, ang buod para sa rebyu
ay kailangan may sapat na detalye upang malaman at
maunawaan ng mambabasa ang nilalaman ng orihinal na
gawa kahit hindi niya nabasa o napanood ang likhang ito. Sa
pamamagitan nito, higit na maiintindihan ng babasa ng rebyu
ang pagsusuri ng rebyuwer sa gawa.
Sa pagbubuod halimbawa ng dula o pelikula,
mahalagang matukoy ang :
1. ) pangunahing paksa o tema; 2.) banghay; 3) kung walang
malinaw na banghay, ang matingkad na disenyo o estruktura
o pagkakaayos; 4.) ano, sino, saan, kailan, paano, at bakit ng
gawa. Tandaan na may iba’t ibang paraan din ng pagbubuod
depende sa gawang ginagawan ng buod.
Pagsusuri
Ang pagsusuri ang tampok na bahagi ng isang rebyu.
Sa pamamagitan nito, naipapahayag ng rebyuwer ang
kaniyang mga pagninilay, pananaw, at paghuhusga tungkol sa
gawa. Ang babasa naman ng rebyu ay maaring matulungan
para magkaroon ng mas malalim na kaalaman at kabatiran
tungkol sa gawa. Hindi dapat basahin ang rebyu para
tanggapin ang lahat ng sinabi ng rebyuwer, bagkus ay
inaasahang makatutulong ito sa mambabasa na bumuo ng
sarili niyang palagay o kuro-kuro at pag-unawa tungkol sa
gawa.
Ano ang pagkakaiba ng rebyu sa isang ganap na kritika?
Maaring ituring ang kritika bilang isang pormal at
akademikong pagsusuri sa isang akademiko o malikhaing
gawa. Ang maituturing na malaking kaibahan nito ay nasa
komprehensibo at malalimang paggamit ng isang tiyak na
teorya o mapanuring konsepto sa pagpapaliwanag,
pagpapahalaga, o paghuhusga sa gawa. Dahil sa aplikasyon ng
teorya sa pagsusuri, karaniwang nagiging napaka-akademiko
at teknikal ng wika ng kritika. Karaniwan ding nalalathala ito
sa mga akademikong journal o sa mga publikasyong
panlarang o displinal. Malaki rin naman ang pagkakatulad ng
rebyu sa kritika. Halimbawa, sa halip na gumamitng tiyak na
teorya, karaniwang gumagamit ito ng mas pangkalahatang
pamantayan, gabay, o paraan ng pagsusuri na madalas din
namang nakabatay sa isang teorya o mapanuring pananaw.
Ang Repertoire ng Gawa
Ang repertoire o katangiang ito ay maaring
maikategorya sa dalawa: ang pangkalahatan at ang
partikular sa anyo ng gawa.
Ang pangakalahatang repertoire ng isang pelikula,
halimbawa, ay maaring tumukoy sa nilalaman, tema,
paniniwala, at pagpapahalagang karaniwang mahahalaw sa
naratibo o kuwento nito. Tungkol saan ang pelikula? Ano ang
dinedebelop na ideya ng pelikula tungkol sa paksa? Ano- ano
ang paniniwala pagpapahalaga ang nais ipaabot ng pelikula sa
mambabasa batay sa naging takbo ng istorya o sa mga
nangyari sa tauhan? Ang sagot sa mga tanong na ito ay
bumubuo sa pangkalahatang repertoire ng pelikula.
Ang repertoire naman na partikular sa anyo ng gawa
ay maaaring tumutukoy sa iba’t ibang pamamaraan sa
pagbuo ng gawa. Maraming iba’t ibang tawag o saklaw ang
pamamaraang ito- kumbensiyon, elemento o sangkap,
estratehiya, teknik, genre o anyo. Halimbawa, sa pelikula,
maaring tumutukoy sa direksyon, dulang pampelikula,
sinematograpiya, tunog at musika o orkestrasyong awral,
editing, at disenyong biswal. Karaniwan ding maikakategorya
ang pelikula sa isang genre- drama, aksiyon, komedi ,
pantasya, at iba pa. Bawat genreay may tiyak na mga
kumbensyong sinusunod o iyong mga katangian,
elemento, pamamaraan at estratehiya na inaasahan sa
isang partikular na genre.
Mailalarawan ang repertoire ng gawa sa ganitong
paraan:
Repertoire ng Gawang
Malikhain
Pangkalahatang Repertoire Partikular na Repertoire
ng Gawang Malikhain ng Gawang Malikhain
Nilalaman Pamamaraan
Tema Kumbesiyon
Paniniwala Elemento
Pagpapahalaga Estratehiya
Teknik
Genre o Anyo
ARALIN 2
Pagsusuri ng Gawang Akademiko:
Pagsulat ng Rebyu 2
ARALIN
Pagsusuri ng Akademikong Gawa sa Isang Rebyu
Tumutukoy ang gawang akademiko sa mga produkto
ng pag-aaral o pananaliksik tungkol sa mahahalagang paksa
sa iba’t ibang disiplina o makabuluhang paksa tungkol sa
lipunan. Karaniwang ipinag-iiba ang gawang malikhain at
gawang akademiko.
Gawang Malikhain
 Ang pagbuo ng gawang malikhain ay pangunahing
nakabatay sa mga malikhaing proseo na kinasasangkutan
ng imahinasyon ng manunulat.
FILIPINO 12
Ang Repertoire ng Rebyuwer Bilang Mambabasa
Ang repertoire ng rebyuwer ay maikakategorya rin
sa dalawa: ang pangkalahatan at ang partikular.
Ang pangkalahatang repertoire ng rebyuwer ay ang
kaniyang mga pananaw, kaisipan , paniniwala, at
pagpapahalaga tungkol sa iba’t ibang paksa, usapin, o bagay
sa lipunan at sa mundo. Ang pangkalahatang repertoire na ito
ang itinatapat o binabangga niya sa tuwing
nakakaengkuwentro niya ang isang gawa. May tapatan kung
may pagkakasundo ang pangkalahatang repertoire ng
mambabasa at ng gawa. May banggaan naman kung may
pagkakaiba sa pangkalahatang repertoire ng mambabasa at
ng gawa.
Ang repertoire naman ng rebyuwer na partikular sa
anyo ng gawa ay tumutukoy sa kaalaman ng rebyuwer
tungkol sa iba’t ibang pamamaraan na humuhubog sa gawa
na kaniyang nirerebyu. Kaya naman sadyang kailangan ng
rebyuwer ng kaunting pamilyaridad, hindi lamang sa
nilalaman, kundi maging sa pamamaraan sa paghubog ng
gawa. Marahil, iisipin ng estudyante na maraming hinihingi o
inaasahan sa isang rebyuwer. Talagang kailangan ng kaunting
sipag.
Mailalarawan ang repertoire ng mambabasa sa ganitong
paraan:
Repertoire ng
Mambabasa o Rebyuwer
Pangkalahatang Repertoire Partikular na Repertoire
ng Mambabasa o Rebyuwer ng Mambabasa o
Pananaw Rebyuwer
Kaisipan Kaalaman tungkol sa
Paniniwala iba’t-ibang
Pagpapahalaga Pamamaraan ng
Gawang Malikhain
Ang rebyuwer ay isa ring mambabasa. Lamang, inaasahang
mas masinsin at mas malalim ang pagbabasang ginagawa niya
kompara sa isang pangkaraniwang mambabasa. Masinsin,
dahil binibigyang-pansin niya ang maraming aspekto ng isang
gawa. Malalim, dahil nagpapalitaw siya ng mga kabatiran o
kaisipang maaaring hindi agad makita kung karaniwang
pagbasa lamang ang gagawin.
 Karaniwan ding nabubuo sa pamamagitan ng mga
prosesong ginagawa sa pagbuo ng gawang
akademiko.
 Ang isang malikhaing manunulat ay nagsasaliksik din
tungkol sa kaniyang paksa , kumukuha ng datos, nag-
iinterbyu, sinasala ang mga natipong datos, at
gumagawa ng balangkas sa pagsulat bago mabuo
ang kaniyang obra.
Gawang Akademiko
 Ang pagbuo ng gawang akademiko ay nakabatay sa mga
sistematiko at obhetibong proseso na pinamamayanihan ng
kritikal na pag-iisip.
 Sistematiko ang proseso dahil may sinusunod na mga
hakbang at maayos na pamamaraan para matamo ang
inaasahang resulta. Obhetibo naman para sa paraang
isinasaalang-alang ang iba’t ibang datos at pananaw
tungkol sa paksa para mailatag ang natutunggaliang ideya
tungkol sa paksa. Obhetibo rin sa paraang ang kongklusyon
ay nakabatay sa mapagkakatiwalaan at puwedeng-
patunayang mga datos o ebidensya.
 Karaniwan ding nabubuo sa pamamagitan ng mga
prosesong ginagawa sa pagbuo ng gawang malikhain.
 Ang isang mananaliksik ay kailangan sing gumamit ng
pagkamalikhain at imahinasyon para matukoy ang suliranin
ng pag-aaral na hindi pa natatalakay, o sa paghahanap ng
mapagkukunan ng datos o sa pagpapasiya kung paano
ipepresenta ang mga datos , o sa pag-uugnay-ugnay ng mga
datos para makapagpalitaw ng mga bagong ideya.
Ang pagrerebyu ng gawaing akademiko ay isa ring anyo
ng pagbasa, halos pareho ang mga hakbang o proseso ng
pagrerebyu ng gawang malikhain at gawang akademiko.
Mababago lang ang mga detalye ng mga repertoire at
katangian ng gawa at ng rebyuwer bilang mambabasa.
Ang Repertoire ng Gawang Akademiko
Ang gawang akademiko ay karaniwang nasa anyo ng
mga artikulong inilalathala sa mga journal ng mga unibersidad
o at iba pang institusyon. Kasama rin ang mga tesis at
disertasyon –mga pananaliksik na ginagawa para makatugon
sa pangangailanang akademiko sa mga pamatasan.
Ang repertoire o katangian ng gawang akademiko ay
mahahati pa rin sa dalawa: ang pangkalahatan at partikular.
Pangkalahatang repertoire
 Tumutukoy sa paksa , pangunahing ideya tungkol sa
paksang ito, at mga pansuportang ideya ng gawa.
Madalalas na itinuturing ang paksa at pangunahing idea ay
iisa. Ngunit upang maging mas malinaw ang paliwanang ,
kailangan pag-ibahin ang paksa at pangunahing ideya na
minsan ay tinatawag ding tema.
Partikular na repertoire
 Maaring tumukoy sa mga bahagi ng isang gawang
akademiko na karaniwang binubuo ng:
1. paglalahad ng paksa at suliranin ng pag-aaral
2. Rebyu ng kaugnay na pag-aaral
3. Layunin ng pag-aaral
4. Teoretikal na balangkas
5. Metodo ng pananaliksik
6. Saklaw at delimitasyon
7. Kahalagahan ng pag- aaral
8. Presentasyon ng datos
9. Pagsusuri ng datos
10. Kongklusyon
Ang Repertoire ng Rebyuwer Bilang Mambabasa
Ang repertoire o katangian ng gawang akademiko ay
mahahati pa rin sa dalawa: ang pangkalahatan at partikular.
Pangkalahatang repertoire ng rebyuwer
 Maaring tumukoy sa kaniyang mga kaalaman, pananaw, o
paninindigan tungkol sa paksa at mga ideyang nakapaloob sa
gawang akademiko.
Partikular na repertoire ng rebyuwer
 Maaring tumukoy sa mga tiyak na estratehiya na ginagamit
niya para suriin ang gawang akademiko.
 Narito ang ilang “estratehiya” at gabay na tanong na
maaring gamitin ng isang rebyuwer ng gawang akdemiko:
1. Pagtitiyak sa Pinagmulan o Kasaysayan ng Gawang
Akademiko
2. Pagtitimbang sa kahalagahan ng Paksa ng Gawang
Akademiko
a. kailangan ba talagang talakayin ang paksa?
3. Pagtatasa sa Linaw ng Pagpapalitaw ng Pangunahin ideya
sa pag-aaral?
a. Malinaw bang naipapahayag ang pangunahing
ideya ng pag-aaral?
4. Pag-uuganay ng Pag-aaral sa Ibang Naunang Pag-aaral
a. Nagpapamalas ba ang pag-aaral ng sapat na
kaalaman sa kasalukuyang literatura sa larangan na
kinabibilangan ng pag-aaral?
5. Pagsusuri sa Disenyo ng Pag-aaral
a. Malinaw ba ang disenyo ng pag-aaral?
6. Pagsusuri sa Paggamit ng Datos
a. Mapagkakatiwalaan ba ang ginamit na datos?
7. Pagsusuri sa Paggamit ng Teorya
a. May malinaw bang teorya o konseptong ginamit
ang pag-aaral?
8. Pagtatasa sa Mapanuring Katangian ng Gawa
a. Naitampok ba ng pag-aaral ang mga alternatibo o
nagsasalungatang perspektiba tungkol sa paksa?
9. Pagtatasa sa Linaw ng Kongklusyon
a. Malinaw bang naipahayag ang kongklusyon ng
pag-aaral?
10. Pagtatasa sa Kalidad ng Komunikasyon
a. Malinaw ba nag pagkasulat ng pag-aaral?

GAWAIN

GAWAIN 1

Punan ng angkop na salita ang mga sumusunod para mabuo ang pangungusap. Maaring piliin ang tamang sagot sa ibaba.
1. Ang rebyu ay isang ___________ pagbasa o pagtatasa ng isang gawang malikhain o gawang akademiko.
2. Ang rebyu ay karaniwang naglalaman ng una, __________ tungkol sa gawa, at ikalawa , __________ ng rebyuwer sa gawa.
3. Mahalaga ang __________ ng isang gawa tulad ng pelikula o dula upang malaman at maunawaan ng mambabasa ng rebyu ang
nilalaman ng orihinal kahit hindi niya napanood ang gawang ito.
4. Ang pagsusuri ay maituturing na isang __________ ng isang tagabasa at isang gawa.
5. Ang repertoire ng isang gawa ay mahahati sa dalawa: ang __________ at ang __________ sa anyo ng gawa.
6. Ang rebyuwer bilang mamababasa ay mayroon ding sariling __________.

FILIPINO 12
7. Ang pangkalahatang repertoire ng gawang malikhain ay maaring tumutukoy sa __________, __________, __________, o
__________ karaniwang mahahalaw sa naratibo nito.

8. Ang partikular na repertoire naman ng isang gawaing malikhain ay maaring tumutukoy sa iba’t ibang __________ sa pagbuo ng
gawa.
9. Ang partikular na repertoire ng rebyuwer ay maaring tumutukoy sa mga __________ niya tungkol sa iba’t ibang pamamaraan ng
gawang malikhain.
10. Maituturing ang rebyuwer bilang isang natatanging __________.

Paniniwala Partikular batayang impormasyon Pagsusuri nilalaman

Tema Pamamaraan mapanuri buod Pangkalahatan
repertoire kaalaman Mambabasa engkwentro pagpapahalaga

GAWAIN 2

Alamin ang pagkakaiba at pagkakatulad ng hinihingi sa bawat kahon. Isulat ang inyong sagot sa kahon.

Gawang Malikhain Gawang Akademiko

Pagkakaiba

Repertoire ng Gawang Akademiko Repertoire ng Rebyuwer

Pagtutulad

Inihanda ni:
Gng. Sheena Pauline F. Bonete

Pinagkunan:
Filipino sa Piling Larangan (Akademik)
Pamela C. Constantino
Galileo S. Zafra
(May-akda)

FILIPINO 12