1. Ano ang masasabi mo sa ganitong senaryo hinggil sa kakayanan ng Wikang Filipino?

Sa aking palagay, hindi pa sapat ang kakayahan ng ating wika sa mga bagay na katulad ng
mga nasa litrato. Kadalasan pa nga ay tayo ang nag-a-adjust sa tuwing may mga turistang
naglilibot sa ating bansa. Kapag tayo naman ang bumibisita sa ibang bansa ay may mga inaaral
tayong mga salita o mga kataga upang madaling makipag-usap sa mga lokal dahil karamihan sa
mga ito ay hindi gumagamit ng ingles. Isa pa ay ang mga produktong gawa rito ay ingles ang
mga nakasulat sa lalagyan. Walang mali kung ang isang tao ay magaling makipag-usap ng ingles
o gumagamit ng ingles, ngunit sa ganitong paraan ay nakakalimutan natin na tayo ay may
sariling wika o lenggwahe na dapat ay mas payabungin.

2. Subukin mo pang tumingin sa iba pang mga Paliparan sa iba’t ibang bansa at ikumpara sa
ating mga Paliparan hinggil sa impormasyong nakatala para sa mga mamamayan at
magbigay ng iyong analisis at mungkahi para sa bayang Pilipinas.

Base sa aking pagkakaalala, ang mga wikang ginamit at makikita sa ating mga paliparan ay
ang wikang Ingles, sapagkat mas madaling maiintindihan ng mga tao ito lalong-lalo na ng mga
dayuhang napapadpad sa ating bansa. Kung ikukumpara naman sa mga paliparan mula sa iba’t
ibang bansa na aking nakita sa internet ay ginagamit nila ang kanilang sariling wika katulad na
lamang ng Hangul sa Incheon International Airport na matatagpuan sa Incheon, South Korea at
ang Thai Language sa Suvarnabhumi Airport na matatagpuan naman sa Bangkok, Thailand.
Bukod sa paggamit ng sarili nilang wika sa mga paliparan ay may nakapaloob rin na mga
salitang ingles para sa mga dayuhan sa kanilang bansa. Sa aking palagay, dapat palitan o
dagdagan ng wikang Filipino ang mga impormasyon o signages na makikita sa ating mga
paliparan at pari na rin ang mga produktong gawa rito sa atin. Sa ganitong paraan, hindi natin
malilimutan ang sariling wika at isa pa ay matututunan din ng mga dayuhang narito sa ating
bansa.

FILIPINO SA PAHAYAGAN

1. Anong uri ng audience ang target ng mga pahayagang ito sa paggamit ng ganitong mga
wika?

Masang Pilipino ang target audience ng mga pahayagang ito na kung tawagin ay diyaryo.
Kadalasang makikitang nagbabasa ng ganito ay ang mga matatanda, tindero’ tindera, drayber ng
dyip at pati na rin ang mga tambay. Ang pahayagang ito ay naglalaman ng samu’t saring
mahahalagang impormasyon na naganap sa bansa natin o may kaugnayan sa estado ng
ekonomiya at panahon.

2. Naging epektibo ba ang paggamit nila ng ganitong uri ng wika upang maabot ang
kanilang target na audience? Bakit? Patunayan.

Epektibo ito sa kadahilanang maraming tumatangkilik o bumibili ng diyaryo magpasa-

hanggang ngayon. Sa pamamagitan ng mga salitang ginamit o ginagamit sa mga pahayagan ay
madaling napupukaw ang atensiyon ng mga mambabasa. Isa pa’t ang target audience ng mga ito
ay ang masa kung saan napapaloob ang mga mamamayang walang kakayahang makabili ng
telebisyon o mga gadgets upang makasunod sa mga balita.

3. Makatutulong ba sa pagpapaunlad ng Wikang Filipino ang ganitong uri ng gamit ng wika

sa pahayagan? Ipaliwanag.

Bagamat impormal ang mga salita na mababasa rito ay hindi naman mapagkakailang mas
madali itong intindihin kaysa sa banyagang wika katulad na lamang ng ingles na hindi naman
alam ng karamihan lalo na ang mga taong nasa laylayan. Mas makakatulong din ito sapagkat mas
napapalinang ang kaalaman ng mga mababasa patungkol sa mga salitang ginamit.

FILIPINO SA KOMIKS

1. Anong uri ng audience ang target ng komiks na ito sa paggamit ng ganitong mga wika?

Ang mga taong ang libangan ay magbasa at tumawa ay ang target audience ng mga
sumusulat at gumagawa ng komiks. Bago pa man mauso ang teknolohiya ay ito na ang isa sa
mga pangunahing libangan noon.

2. Naging epektibo ba ang paggamit nila ng ganitong uri ng wika upang maabot ang
kanilang target na audience? Bakit? Patunayan.

Oo, marami ring tumangkilik sa komiks, ang iba pa ngang mambabasa ay naging inspirasyon
ito upang maging isang mangguguhit at lumikha ng sariling version na napapanahon. Marami rin
ang nangongolekta ng mga ito lalo na ‘yung mga naisulat at ginawa noon dahil naging mabuti
ang dulot ng mga ito sa ating panitikan.

3. Makatutulong ba sa pagpapaunlad ng Wikang Filipino ang ganitong uri ng gamit ng wika

sa komiks? Ipaliwanag.

Ang paggamit ng ganoong wika sa komiks ay makatutulong upang mas mapalalim at mas
mapayabong ang kaalaman ng mga mambabasa sa wikang Filipino. Sa pamamagitan din na ito
ay hindi makakalimutan ng mga Pilipino ay ating sariling wika lalo na kapag may mga taong
humihikat na muling magbasa ng mga komiks o kahit anong uri ng panitikan na nakasulat o
nakasalin sa wikang Filipino.