Taon 36 Blg.
1 Ika-16 na Linggo sa Karaniwang Panahon (K) — Luntian
Iisa lamang ang Talagang Kailangan
N aging bahagi na ng kulturang
Pilipino, at maging Asyano,
ang pagpapakita ng mabuting
pakikitungo at pagtanggap sa
kapwa. Gaano man kahirap ang
buhay ng mga Pilipino, mayroon
at mayroong maihahapag na
pagkain at inumin sa mesa para
sa mga bisita. Noong aking
kabataan, aking naaalala
na tuwing may darating na
bisita, inilalabas ng aking
nanay ang mga nakatagong
kubyertos, mantel, at iba pang
espesyal na kasapangkapang
pang-kusina, maipakita at
maipadama lamang sa mga
bisita na malugod silang
tinatanggap sa aming tahanan.
Nagkakandarapa at abalang-
abala kaming buong mag-anak
sa paghahanda lalo na kung may
mga bisitang pulitiko, mga pari
at madre, at mga kamag-anak
na galing pa ng ibang bansa.
Sa ating ebanghelyo, ating
natutunghayan ang malugod
na pagtanggap ni Marta sa
Panginoong Hesus sa kanyang
tahanan. Habang abalang-
abala si Marta sa paghahanda
at pag-aasikaso sa kanyang
natatanging bisita, ang kapatid
naman niyang si Maria ay
naupo lamang sa paanan ni
Hesus, nakikinig sa kanyang
mga turo na tila ba’y wala na
siyang ibang gawain. Kaya
naman, maiintindihan natin
na ang pagkayamot ni Marta
sa kanyang kapatid ang nag-
udyok sa kanya na pakiusapan
ang Panginoon na sabihan si
Maria na tulungan naman siya
sa kanyang mga gawain.
Kapupulutan natin ng aral
ang tugon ni Hesus kay Marta
sa ebanghelyo. Naliligalig
at abalang-abala si Marta
sa maraming mga bagay,
Br. Emerald John C. Paladin
Arkidiyosesis ng Cotabato
ngunit nakaligtaan niya ang
pinakamahalagang gawain na
dapat niyang bigyang-pansin sa
pagpapakita ng kagandahang-
loob sa kanilang pinaka-espesyal
na bisita: Iyon ay ang pagtuunan
ng pansin at pahalagahan ang
presensya ng Panginoon sa
kanyang tahanan. Si Maria
lamang ang nagpakita nito sa
Panginoon. Nakalimutan ni
Marta na ang pinakamahalang
gawain kapag may bisita ay ang
pakikinig dito dahil “ito lamang
ang talagang kailangan,” lalo
pa’t ang kanyang panauhin ay
ang Panginoong Hesus.
Sa panahon ngayon, mas
pinapahalagahan ang pagiging
produktibo at matagumpay sa
buhay. Maaaring hindi agad
masisipat ngunit may tuwirang
epekto ito sa ating buhay-
pananampalataya. Sa ganitong
paraan ng pamumuhay, nagiging
abala na tayo sa maraming
Hulyo 17, 2022
gawain sa eskwelahan, opisina,
at kahit sa paglilingkod sa
Simbahan at nakakalimutan na
nating manalangin. Minsan,
naririnig natin sa mga
magulang na trabaho
ang pangunahing
dahilan kung bakit
maraming hindi na
nagsisimba, nagdarasal,
at nakikilahok sa
gawaing pangsimbahan.
Sabi pa nga ng isang
magulang na aking
nakapanayam, “Hindi na
ako nakapagsisimba dahil
nagtatrabaho po ako kahit
Linggo at nag-o-overtime
pa nga para sa aking pamilya,
para maiahon sila sa kahirapan
at mabigyan ko ng mabuting
kinabukasan ang aking mga
anak.” Lahat ng mga ito ay
mabubuting hangarin ng isang
responsableng magulang.
Ngunit naririnig natin sa
ebanghelyo na, kung minsan,
ang ating mga gawain ang
nagiging tuwirang hadlang
sa ating pagbibigay ng oras
sa Panginoon at pakikinig sa
kanyang Salita.
Nawa’y maging paanyaya
rin sa ating lahat ang winika
ng Panginoon kay Marta sa
ating ebanghelyo; na para
sa ating mga naliligalig at
naguguluhan, matuto nawa
tayong umupo at magpahinga
sa paanan ng Panginoon at
makinig sa kanyang mga salita
na nagbibigay-buhay at lakas
sa ating pagharap sa hamon
ng buhay. Ating pakatandaan
na isa lamang ang kailangan—
ang pagbibigay ng panahon
at pagtutuon ng pansin sa
pinakamahalang panauhin
ng ating buhay: ang ating
Panginoong Hesukristo.
 PASIMULA
Antipona sa Pagpasok
(Slm 54:4, 6)
(Basahin kung walang pambungad na awit)
Sa akin ay tumutulong ang
Diyos na Panginoon. Sa kanya
ko iuukol ang alay ko na
hahantong sa ngalan n’yang
nagtatanggol.
Pagbati
(Gawin dito ang tanda ng krus)
P—Sumainyo ang Panginoon.
B—At sumaiyo rin.
Paunang Salita
(Maaaring basahin ito o isang katulad
na pahayag)
P—Katulad ni Marta sa Ebang-
helyo ngayon, nagiging abala
rin tayo sa maraming bagay at
nakaliligtaan natin ang mas
mahalaga. Gayunpaman, sa
halimbawa ni Maria, dapat
din nating paking­g an at
pag-ukulan ng pana­hon ang
ating “mga panauhin” at ang
mga kuwento nila. Nais din
nilang pinakikinggan sila
bukod pa sa pinagsisilbihan.
Ganito rin sana sa ating
buhay-pananampalataya. Ang
nais ng Panginoon, una sa
lahat, ay maging malapit tayo
sa kanya, tulad ni Maria, at
magtiwala sa kanya anuman
ang mga pinagkakaabalahan
natin sa buhay.
Pagsisisi
P—Mga kapatid, aminin na-
tin ang ating mga kasalanan
upang tayo’y maging marapat
gumanap sa banal na pagdiri-
wang. (Tumahimik)
B—Inaamin ko sa makapang-
yarihang Diyos at sa inyo,
mga kapatid, na lubha akong
nagkasala (dadagok sa dibdib)
sa isip, sa salita, sa gawa, at
sa aking pagkukulang. Kaya
isinasamo ko sa Mahal na
Birheng Maria, sa lahat ng
mga anghel at mga banal at
sa inyo, mga kapatid, na ako’y
ipanalangin sa Panginoong
ating Diyos.
P—Kaawaan tayo ng
makapang­y arihang Diyos,
patawarin tayo sa ating mga
kasalanan, at patnu­ba­yan tayo
sa buhay na walang hanggan.
B—Amen.
P—Panginoon, kaawaan mo kami.
B—Panginoon, kaawaan mo kami.
P—Kristo, kaawaan mo kami.
B—Kristo, kaawaan mo kami.
P—Panginoon, kaawaan mo kami.
B—Panginoon, kaawaan mo kami.
Gloria
Papuri sa Diyos sa kaitaasan
at sa lupa’y kapayapaan sa
mga taong kinalulugdan niya.
Pinupuri ka namin, dinarangal
ka namin, sinasamba ka namin,
ipinagbubunyi ka namin,
pinasasalamatan ka namin
dahil sa dakila mong angking
kapurihan. Pa-nginoong Diyos,
Hari ng langit, Diyos Amang
makapangyarihan sa lahat.
Panginoong Hesukristo, Bugtong
na Anak, Panginoong Diyos,
Kordero ng Diyos, Anak ng
Ama. Ikaw na nag-aalis ng mga
kasalanan ng sanlibutan, maawa
ka sa amin. Ikaw na nag-aalis ng
mga kasalanan ng sanlibutan,
tanggapin mo ang aming
kahilingan. Ikaw na naluluklok
sa kanan ng Ama, maawa ka sa
amin. Sapagkat ikaw lamang
ang banal, ikaw lamang ang
Panginoon, ikaw lamang, O
Hesukristo, ang Kataas-taasan,
kasama ng Espiritu Santo sa
kadakilaan ng Diyos Ama. Amen.
Pambungad na Panalangin
P—Manalangin tayo. (Tumahimik)
Ama naming makapangya­
rihan, kalugdan mo kami at
pag­b igyan na magkamit ng
kaloob mong karagdagan
upang sa maalab naming
pananalig, pag-asa, at pag-
ibig kami’y mamalaging
tumatalima sa iyong kautusan
sa pamamagitan ni Hesukristo
kasama ng Espiritu Santo
magpa­sawalang hanggan.
B—Amen.
PAGPAPAHAYAG NG
SALITA NG DIYOS
Unang Pagbasa (Gn 18:1–10a)
(Umupo)
Bagama’t ‘di batid ni Abraham
na ang kan­yang panauhin ay ang
Pangi­n oon, magiliw pa rin niya
itong tinanggap at pinaglingkuran.
Siya’y tinutularan nina Marta at
Maria sa kanilang pagtanggap kay
Hesus sa Ebanghelyo.
Pagbasa mula sa aklat ng
Genesis
NOONG mga araw na iyon,
napakita ang Panginoon kay
Abraham sa Mamre sa may
sagradong mga punongkahoy.
Noo’y kainitan ng araw at
nakaupo siya sa pintuan ng
kanyang tolda. Walang anu-
ano’y may nakita siyang tatlong
lalaking nakatayo. Patakbo
siyang sumalubong, yumukod
nang halos sayad sa lupa ang
mukha, at sinabi: “Mga ginoo,
kung inyong mamarapatin,
magtuloy po kayo sa amin. Dito
muna kayo sa lilim ng punong
ito, at ikukuha ko kayo ng
tubig na panghugas sa inyong
mga paa. Magpapahanda
tuloy ako ng pagkain para
manauli ang lakas ninyo bago
kayo magpatuloy sa inyong
paglalakbay. Ikinagagalak ko
kayong paglingkuran habang
naririto kayo sa amin.”
Sila’y tumugon, “Salamat,
ikaw ang masusunod.” Si
Abraham ay nagdudumaling
pumasok sa tolda at sinabi kay
Sara, “Madali ka, kumuha ka ng
tatlumpung librang harina, at
gumawa ka ng tinapay.” Pumili
naman siya ng isang matabang
guya sa kulungan, at ipinaluto
sa isang alipin. Kumuha rin
siya ng keso at sariwang gatas
at inihain sa mga panauhin
kasama ang nilutong karne.
Hindi siya lumalayo sa tabi ng
mga panauhin habang sila’y
kumakain.
Samantalang sila’y kumakain,
tinanong nila si Abraham:
“Nasaan ang asawa mong si
Sara?”“Nandoon po sa tolda,”
tugon naman nito.
Sinabi ng panauhin, “Babalik
ako sa isang taon, sa ganito ring
panahon, at pagbabalik ko’y
may anak na siya.”
—Ang Salita ng Diyos.
B—Salamat sa Diyos.
Salmong Tugunan (Slm 14)
T—Sino kayang tatanggapin
sa templo ng Poon natin?
1. Yaong mga masunurin na
sa iyo’y nakikinig,/ at ang
laging ginagawa’y naaayon sa
matuwid,/ kung manguwsap ay
totoo, sa lahat at bawat saglit,/
yaong gawang paninira’y hindi
niya naiisip. (T)
2. Kailanman, siya’y tapat maki­
sama sa kapwa,/ sa kanyang
ka­ibiga’y wala siyang maling
gawa;/ hindi siya nagkakalat
ng di tunay na balita./ At
itinatampok niya ang matapat
sa lumikha. (T)
3. Hindi siya humihingi ng
patubo sa pautang,/ at kahit
na anong ga­wi’y hindi siya
masuhulan,/ upang yaong
walang sala’y pata­w an ng
kasalanan./ Ang ganitong mga
tao’y mag-aani ng tagumpay. (T)
Ikalawang Pagbasa (Col 1:24–28)
Sinabi ni San Pablo na balewala
sa kanya ang lahat ng paghihirap,
maiparating lamang ang Mabu-
ting Balita sa lahat. Ang kan­yang
ginagawa’y pagpa­patuloy ng gawa
ni Kristo, para sa kapakanan ng
buong Simbahan.
Pagbasa mula sa sulat ni
Apostol San Pablo sa mga
taga-Colosas
MGA KAPATID: Nagagalak
ako sa aking pagbabata
ngayon alang-alang sa inyo
sapagkat sa pamamagitan
nito’y naipag­p apatuloy ko
ang paghihirap na kailangan
pang gawin ni Kristo para
sa Simbahan na kanyang
katawan. Ako’y naging lingkod
nito nang hirangin ako ng
Diyos upang ipahayag sa inyo
ang kanyang salita. Hinirang
niya ako upang lubusang
ihayag sa inyo ang hiwaga na
mahabang panahong nalihim
sa maraming sali’t saling lahi,
ngunit ngayo’y inihayag sa
kanyang mga anak. Inibig ng
Diyos na ihayag sa lahat ng
tao ang dakila at kamangha-
manghang hiwagang ito.
Ito ang hiwaga: sumainyo
si Kristo at dahil dito’y
nagkaroon kayo ng pag-asang
makapiling ng Diyos doon
sa kaluwalhatian. Iyan ang
dahilan kung bakit namin
ipi­nangangaral si Kristo. Pina­
aala­lahanan namin ang lahat,
at buong linaw na tinuturuan
ayon sa aming makakaya
upang maiharap namin sa
Diyos ang bawat isa, sakdal
at walang kapintasan dahil sa
pakikipag-isa kay Kristo.
—Ang Salita ng Diyos.
B—Salamat sa Diyos.
Aleluya (Lc 8:15)(Tumayo)
B—Aleluya! Aleluya! Ang
Salitang mula sa Diyos kapag
isinasaloob ay mamumunga
nang lubos. Aleluya! Aleluya!
Mabuting Balita (Lc 10:38–42)
P—Ang Mabuting Balita ng
Pangi­noon ayon kay San Lucas
B—Papuri sa iyo, Panginoon.
NOONG panahong iyon,
pumasok si Hesus sa isang
n ayo n . M a l u g o d s i ya n g
tinanggap ng isang babaeng
nagngangalang Marta sa
tahanan nito. Ang babaeng
ito’y may isang kapatid na
Maria ang pangalan. Naupo
ito sa paanan ng Panginoon at
nakinig sa kanyang itinuturo.
Alalang-alala si Marta
sapagkat kulang ang kanyang
katawan sa paghahanda, kaya’t
lumapit siya kay Hesus at ang
wika, “Panginoon, sabihin
nga po ninyo sa kapatid kong
tulungan naman ako.” Ngunit
sinagot siya ng Panginoon,
“Marta, Marta, naliligalig ka
at abalang-abala sa maraming
bagay, ngunit isa lamang ang
talagang kailangan. Pinili ni
Maria ang lalong mabuti, at
ito’y hindi aalisin sa kanya.”
—Ang Mabuting Balita ng
Panginoon.
B—Pinupuri ka namin,
Panginoong Hesukristo.
Homiliya (Umupo)
Pagpapahayag
ng Pana­nam­­­palataya (Tumayo)
B—Sumasampalataya ako sa
Diyos Amang makapangyarihan
sa lahat, na may gawa ng langit
at lupa.
Sumasampalataya ako kay
Hesukristo, iisang Anak ng
Diyos, Panginoon nating lahat,
nagka­tawang-tao siya lalang
ng Espiritu Santo, ipinanga-
nak ni Santa Mariang Birhen.
Pinagpakasakit ni Poncio Pilato,
ipinako sa krus, namatay, inilib-
ing. Nanaog sa kinaroroonan
ng mga yumao. Nang may
ikatlong araw nabuhay na mag-
uli. Umakyat sa langit. Naluluk-
lok sa kanan ng Diyos Amang
makapangyarihan sa lahat.
Doon magmumulang paririto
at huhukom sa nangabubuhay
at nangamatay na tao.
Sumasampalataya naman
ako sa Diyos Espiritu Santo, sa
banal na Simbahang Katolika,
sa kasamahan ng mga banal, sa
kapatawaran ng mga kasalanan,
sa pagkabuhay na muli ng
nangamatay na tao, at sa buhay
na walang hanggan. Amen.
Panalangin ng Bayan
P—Dumudulog kami sa’yo,
Ama, upang malugod naming
maisabuhay ang iyong pag-ibig
nang sa gayo’y magiliw at mabuti
naming mapakitunguhan at
mapaglingkuran ang aming
kapwa. Buong tiwala, kami’y
dumadalangin:
T—Ama, dinggin mo ang
aming panalangin.
L—Para sa mga namumuno
ng Simbahan at pamahalaan:
makinig at tumalima nawa sila
sa iyo, Ama, upang mapanibago
sila tungo sa pagpapakumbaba
at katapatan sa paglilingkod.
Manalangin tayo: (T)
L—Para sa mga nag-aalay ng
kanilang mga sarili sa panga-
ngalaga sa kanilang pamilya,
mga maysakit, at mga
lubhang nangangailangan:
maging matiyaga nawa
s i l a s a p a g p a p a s e n s i ya .
Makasumpong nawa sila ng
galak at pag-asa sa kanilang
pinaglilingkuran. Manalangin
tayo: (T)
L—Para sa mga lubhang
nababahala dahil sa sulira-
nin sa trabaho, tahanan, at
iba pang kadahilanan: ga-
bayan mo nawa sila, Ama,
upang malampasan nila ang
anumang kanilang dinadala.
Manalangin tayo: (T)
L—Para sa mga maysakit,
matatanda, may kapansanan,
at mga nasa bingit ng kama-
tayan: Aliwin nawa sila ng
Espiritu mo, Ama, upang sa
kanilang pagdurusa, maalala
nilang kaisa nila si Hesus.
Manalangin tayo: (T)
L—Sa ilang sandali ng
katahimikan itaas natin sa
Diyos ang ating personal
na kahilingan gayundin
ang mga taong lubos na
nangangailangan ng ating
panalangin (Tumahimik) .
Manalangin tayo: (T)
P—Amang mapagmahal,
dinggin mo ang aming
panalangin upang maging
sensitibo at bukas kami sa
mga nangangailangan na
suma­s alamin kay Kristong
nabubuhay at naghahari
magpasawalang hanggan.
B—Amen.
PAGDIRIWANG NG
HULING HAPUnan
Paghahain ng Alay
(Tumayo)
P—Manalangin kayo...
B—Tanggapin nawa ng Pangi­
noon itong paghahain sa iyong
mga kamay sa kapurihan
niya at karangalan, sa ating
kapaki­nabangan at sa buong
Samba­yanan niyang banal.
Panalangin ukol sa mga Alay
P—Ama naming Lumikha,
lahat ng iyong mga paghahaing
ipinag-utos noong araw ay
iyong pinagtibay sa isang haing
hantungan ng tanan. Tanggapin
ang ginaganap ngayon ng iyong
mga lingkod at basbasan mo ito
ng kabanalang gaya ng iyong
kaloob sa mga alay ni Abel na
lubha mong ikina­lugod upang
ang mga handog ng bawat
isang nagbigay para sambahin
ang banal mong ngalan ay
magkamit ng karagdagan mong
kasiyahan sa pamamagitan
ni Hesukristo kasama ng
Espiritu Santo magpasawalang
hanggan.
B—Amen.
Prepasyo (Karaniwan III)
P—Sumainyo ang Panginoon.
B—At sumaiyo rin.
P—Itaas sa Diyos ang inyong
puso at diwa.
B—Itinaas na namin sa Pangi­
noon.
P—Pasalamatan natin ang
Pangi­noong ating Diyos.
B—Marapat na siya ay pasala­
matan.
P—Ama naming maka-
pangyari­h an, tunay ngang
marapat na ikaw ay aming
pasalamatan.
Sa iyong kagandahang-
loob kami’y iyong ibinukod
upang iyong maitampok sa
kadakilaan mong lubos. Kahit
na ikaw ay aming tinalikdan
dahil sa aming pagkasala-
wahan, gumawa ka pa rin
ng magandang paraang may
manguna sa amin para ikaw
ay balikan. Kaya’t ang iyong
minamahal na Anak ay nag-
ing isa sa mga taong hamak
upang may kapwa kaming
makapagligtas sa aming pag-
kapahamak at pagkaligaw ng
landas.
Kaya kaisa ng mga anghel
na nagsisiawit ng papuri sa
iyo nang walang humpay sa
kalangitan, kami’y nagbubunyi
sa iyong kadakilaan:
B—Santo, Santo, Santo
Panginoong Diyos ng mga
hukbo! Napupuno ang langit
at lupa ng kaluwalhatian mo!
Osana sa kaitaasan! Pinagpala
ang naparirito sa ngalan ng
Panginoon! Osana sa kaitaasan!
(Lumuhod)
Pagbubunyi (Tumayo)
B—Aming ipinahahayag na
nama­tay ang ‘yong Anak, nabu­
hay bilang Mesiyas at magba­
balik sa wakas para mahayag
sa lahat.
PAKIKINABANG
Ama Namin
B—Ama namin...
P—Hinihiling naming...
B—Sapagkat iyo ang kaharian
at ang kapangyarihan at ang
kapu­­rihan magpakailanman!
Amen.
Pagbati ng Kapayapaan
Paanyaya sa Pakikinabang
(Lumuhod)
P—Ito ang Kordero ng Diyos. Ito
ang nag-aalis ng mga kasalanan
ng sanlibutan. Mapalad ang
mga inaanyayahan sa kanyang
piging.
B—Panginoon, hindi ako
karapat-dapat na magpatulóy
sa iyo ngunit sa isang salita mo
lamang ay gagaling na ako.
Antipona sa Komunyon
(Pag 3:20)
Ako ay nasa pintuan, tumu­tuk­
tok, naghihintay. Kung ako ay
pag­bibigyang makapasok sa
taha­nan, kayo’y aking sasalu­
han.
Panalangin Pagkapakinabang
(Tumayo)
P—Manalangin tayo. (Tumahimik)
Ama naming mapagmahal,
manatili kang kapiling ng
iyong sambayanan na ngayo’y
pina­­­paki­nabang mo sa iyong
sariling buhay at gawin mong
kami’y pasulong na makahak­
bang mula sa dati naming
pagka­makasalanan patungo
sa pagba­bagong nagdudulot
ng iyong kabutihan sa
pamamagitan ni Hesukristo
kasama ng Espiritu Santo
magpasawalang hanggan.
B—Amen.
PAGTATAPOS
P—Sumainyo ang Panginoon.
B—At sumaiyo rin.
Pagbabasbas
P—Magsiyuko kayo habang
iginagawad ang pagbabasbas.
(Tumahimik)
Ama naming mapagpala,
pagpalain mo ng iyong mga
kaloob buhat sa langit ang iyong
sambayanan at pamalagiin
mong sumunod sa iyong
kalooban sa pamamagitan ni
Hesukristo kasama ng Espiritu
Santo magpasawalang hanggan.
B—Amen.
P—At ang pagpapala ng
makapangyarihang Diyos, Ama
at Anak (†) at Espiritu Santo, ay
manaog nawa at mamalagi sa
inyo magpasawalang hanggan.
B—Amen.
Pangwakas
P—Tapos na ang Banal na Misa.
Taglayin ninyo sa inyong pag-
alis ang kapayapaan ni Kristo.
B—Salamat sa Diyos.
DO YOU WANT TO SUBSCRIBE
TO SAMBUHAY DIGITAL MISSALETTE?
For inquiries and orders:
Facebook Sambuhay Missalette
gmail Sambuhay@stpauls.ph
Telephone (02) 8895-9701