香港地道俗語

香港地道俗語係指香港日常生活使用嘅粵語詞彙，同埋香港電台、電視台出現嘅特有俚語、俗語
同專業術語，部份俗語經常喺香港網絡上出現。
名詞類
爛 Gag︰
好差嘅笑話，又叫做「冷笑話」。
仆街︰
指抵死嘅人，又可以解「去死啦！」、咒人哋「橫屍街頭」嘅意思。
無記，三色台，是但台：
香港電視台〔無線〕電視廣播有限公司的俗稱。
Ｍ記，麥記，老麥，牡丹樓：
係麥當勞（McDonald's）嘅俗稱。
Now 頭／Now 佬：
原本係「撈鬆」，因為普通話『老兄』嘅發音同粵語嘅「撈鬆」，「撈鬆」成為咗廣東人對外省
人嘅粗俗稱呼。後嚟演化至對外省男性稱為「Now 頭」或「Now 佬」，外省女人就叫「Now
妹」或「Now 婆」，再粗俗啲係「Now 西」。
假港：
係喺香港嘅新移民嘅俗稱。
七仔：
7．11（7-ELEVEn）便利店嘅俗稱。另外又可用嚟形容啲人面目可憎，動作遲鈍。後者嘅用法可
以參考廣東粗口五大字。
問責
香港啲高官要對佢哋自己嘅錯誤負責，通常係要革職。
食死貓
孭黑鑊，接受並唔係因自己行為構成嘅後果，可以參考祭旗。
粉腸
廣東話嘅粗口「撚樣」嘅諧音之一，用嚟形容啲人面目可憎或者奸狡。
金魚佬
喺金魚街一帶徘徊嘅中年男人，泛意係指對細路有興趣嘅中年男人，好似「叔叔帶你去睇金魚
…」係金魚佬嘅口頭禪。
監躉：
坐花廳嘅囚犯、囚徒。
北漏洞拉︰
原本係越南話「現在開始」嘅意思，出自上世紀八、九十年代香港政府通過電台廣播向越南船民
講解新政策內容嘅第一句。由於香港人都長期喺本地電台廣播嗰度聽到呢段越南話廣播，香港人
就貪過引戲稱越南人係北漏洞拉。
鬼佬︰
呢個詞語係演變自「洋鬼子」，又叫「黃毛鬼」，係自中國人見過外國人嘅樣之後嘅普遍戲稱。
因大多數外國人嘅身形大件，皮膚菅白，紅鬚綠眼，而且仲週身毛，個樣好似傳說中嘅山鬼，因
為咁而得名。
碌葛︰
呆笨、好似粉葛咁保頭保腦嘅人。
攔坦︰
原本係「死蘭彈」，意思係「毫無責任感嘅軟皮蛇」。但係呢個詞語經過「發哥」周潤發嘅演繹
後，就變成咗鬧嗰啲行事粗魯冇禮貌、冇教養同冇文化嘅人。
豬兜︰
係指嗰啲又笨又蠢嘅人。
大炮和︰
係指嗰啲經常撞板，做事魯莽嘅人。
食塞米︰
話嗰啲成日遊手好閒，冇啲建樹嘅人。
木嘴︰
讀音係 muk7 zeoi2，木字轉陰入調。指乳臭未乾，呆板的人；近似 hihi。
師奶︰
讀音係 si1 naai1，奶字讀高平聲，如果有懶音就會讀成「屍拉」。
Ｃ９︰
即係師奶，用９嘅英文「Nine」嘅發音。
黃面婆︰
係話嗰啲面部已經現出泛黃嘅女人。「黃面婆」係男人用嚟形容自己年老、唔懂保養、潑辣嘅另
一半。亦有啲男人用嚟鬧一啲潑辣、唔識做嘅女人。
茂李︰
正字為「暓里」，讀音係 mau6 lei2，「李」字轉陰上聲，可以寫成「茂利」。男人嘅俗稱，個
量詞係「條」，「嗰條暓里」。
瀨尿蝦︰
通常用呢個詞嚟取笑夜晚瀨尿喺床度嘅細路仔。要留意「攋尿蝦」先至係正寫。
老虎蟹︰
用嚟比喻惡霸同大惡人，因為佢哋惡得好似隻老虎一樣，霸氣橫行就好似蟹咁而得名。
卡啦蘇，騎呢蘇︰
經常做埋啲莫名其妙嘅舉動或者行為唥人，又或者外表裝扮得好怪相嘅人。「騎呢」係形容詞，
可以單獨使用。
麻甩佬︰
通常用嚟形容嗰啲好猥褻嘅男人。
Ｏ記︰
即係「有組織罪案及三合會調查科」，英文係 Organised Crime and Triad Bureau，簡稱
OCTB，係香港警察裡頭嘅一個部門。
磨碌︰
原本係指「磨盤上面嘅磨扇」，後嚟演變成暗喻啲人外表同行為又笨又蠢。另有一個係話源自英
文字 Moron 嘅音譯，解做低能仔、白癡仔。又有人傳「茂利」呢一個字亦係由 Moron 嘅另一
個音譯。
賓周︰
通常係指男仔嘅雀仔，或者指隻雀仔好細隻。有時又會用嚟嘲笑美國賓夕凡尼亞州嘅人。
賣飛佛︰
My favourite 嘅港式英語讀音，意思係「我嘅最愛」。出自香港演員吳卓羲喺泰林電器拍攝嘅電
視廣告，吳卓羲用非常重嘅港式英語口音讀出「Tai Lin, My favourite（泰林，我嘅最愛）」。
鑊︰
除咗指煮食嘅器具之外，亦作為量詞嚟使用，可以解做「一次嚴重嘅事件」。本嚟係帶有不雅嘅
意思，依家已經淡化。呢句嘢係出現喺香港 1940 至 1950 年代嘅一宗輪姦案，當時嘅口供透露
疑犯佢哋每次強姦受害人嘅時侯都會講一句「開鑊啦！」第日報紙即刻用「少女一夜慘被連開七
鑊」做頭條，受害人更被稱為「七鑊之花」。「鑊」呢個正係由咁而嚟。同佢相關嘅有「大鑊」、
「孭鑊」。
大鑊︰
係指事態嚴重，形容一件事件發展到無法承受嘅危險地步。
孭鑊︰
普通話稱為背黑鍋。係指揾一個人或者一小撮人為某一個過失負責。呢句嘢同祭旗意思相近。
動詞類
入冊︰
即係關入監倉，坐監嘅意思，原本係黑社會嘅術語。而舊一輩人叫坐監做「坐花廳」。
出貓︰
即係作弊（尤其係指喺考試中作弊）。
洗大餅︰
即係指洗碗碟。酒樓餐廳用嘅碟多數都好大隻，好似一塊大餅，所以有呢個戲稱。
收皮︰
用嚟辱罵人哋，著令人哋唔好出聲或者自動消失、咒人哋一世倒霉或者對人不屑佢哋。
打飛機︰
係話啲男人自我安慰嘅俗稱。
問候︰
用粗口辱罵其他人。
摟打︰
做出啲挑釁其他人嘅行為而俾人哋毆打。
摟屌︰
可以講「五行欠屌」，係「摟打」嘅升級版，經常做出博人屌（辱罵）嘅行為。
玩嘢︰
耍寶、作弄人、耍把戲、耍花樣、耍花招嘅意思。
抽水︰
指佔人便宜，尤其係佔女人便宜為要。
博懵，博大霧︰
係指趁人冇防備而從中取利，或者係佔女人便宜。
搵笨（七），搵老襯︰
係指欺騙人哋。「老襯」除可以解做俾人騙嘅人之外，仲可以解做襯家嘅人，即係同仔或女聯姻
嘅對方家長。
舐嘢︰
讀音係 naai2 je5。因為不慎而得到壞嘅結果，好似誤墮陷阱、俾人呃咗丶撞咗板、受傷等等。
拗柴︰
係指拉傷腳、筋骨、肌肉。
及嘢︰
唧係指偷窺，及嘢係男人嘅天性，尤其係睇見啲樣靚身材正嘅性感索女，自然引嚟唔少男人嘅目
光。
條屌揈︰
或「吊吊捹」，讀音係 tiu4 tiu2 fing6。本嚟意思係長條形嘅物體（例如：繩、木棒）擺來擺去，
比喻啲人四處遊蕩。
救火，搾水，交水費︰
唧係話要去小便。
爆石，炖翁，整蛋糕，擺推，Oscar，辦個公︰
唧係話要去大便。
扯旗︰
唧係話陰莖勃起。
吹水︰
指閒聊，或者形容人哋講嘢冇憑據，亂講一通。
收聲︰
意思係指閉嘴，通常會講「收嗲啦」。
游乾水︰
唧係搓麻將〔打麻雀〕。
依牙鬆弶︰
可以讀做「衣」牙鬆「鋼（gong6）」。唧係咬牙切齒嘅情緒或表情。「弶」係比較正統嘅寫法，
讀 goeng6，係一種捕鳥獸嘅工具，外形似把弓。
雞啄唔斷︰
喋喋不休，好鬼死長氣，講唔停。
燉冬菇︰
係指人做錯咗嘢，俾人降職。
爆樽︰
指用玻璃瓶攻擊對方（通常向個頭部攻擊）。由於攻擊之後玻璃樽大都會爆，所以稱為「爆樽」。
爆缸︰
係指俾人襲擊之後流血，叫做「爆缸」。
打機︰
即係玩遊戲機，玩電子遊戲。
挑機︰
指喺有對戰功能嘅電子遊戲、線上遊戲裡面，主動揾對手挑戰。
屈機︰
最初係指打機嘅人利用遊戲漏洞屈打對手至無招架之力，依家都係用嚟指一啲強大得過分嘅人同
事物。
神級︰
勁到無人有。
硬食︰
冇法防禦嘅攻擊，迫不得已全部承受。可以延伸指喺某啲情況之下冇法拒絕而不得已之下全部接
受。
踢爆︰
將人哋啲醜事揭發同張揚出嚟。
秒︰
嚟自「秒殺」，代表喺好短嘅時間內打敗對手，可以引伸指喺好短嘅時間完成一件事情（例如做
功課）。
撻Ｑ︰失準。
揸Ｆｉｔ︰
係指為一啲事情負責，「揸Ｆｉｔ人」就係指負責人。
揸流灘︰
係指人哋偷懶，做事馬虎。
搵食︰
係話人去做嘢揾鑄錢，為口奔馳。
攔開，死開︰
叫自己討厭嘅人唔好接近您。
插水︰
可以做俚語或者足球術語，意思大致相同，都係指扮受傷博同情。
批個頭落嚟俾你當凳坐︰
係指啲人有膽量用自己嘅頭嚟打賭，證明講呢句嘢嘅人對自己嘅判斷好有信心。
形容詞類
戇居︰
有「呆鈍」、「目光呆滯」同「愚笨」嘅意思。
薯嘜︰
形容啲人愚蠢，無知；或者外表感覺呆頭呆腦嘅人。
廢柴︰
可以做名詞，形容啲人冇用，好似廢物咁。
托柒：
形容有啲行為係多此一舉；或者形容有啲人毫無貢獻。近「把鬼」嘅意思。
混吉︰
指一啲人打斷、影響人哋正常工作，要人哋處理，但係又冇對做緊嘢嘅的人帶嚟幫助嘅無聊行為。
扮蟹︰
假裝，扮嘢；收似裝傻、扮無知、唔識扮識等等。
裝假狗︰
由冇扮到有，好似假胸，假眼睫，假髮等等。
勁︰
厲害嘅意思。
九唔搭八︰
係指啲人講嘢完全離題，或者令人搞唔清楚。原句係「鳩唔搭柒」，後嚟係為咗消除粗口感覺而
改為「九唔搭八」。
嘥氣︰
浪費氣力，徒勞無功。
瓜老襯，賣鹹鴨蛋，冚旗，釘蓋，摺埋︰
係解「死咗」，又可以話〔瓜咗〕。
衫長褲短︰
改自「三長兩短」嘅溫和詞語，同樣解做死亡或遇到嚴重意外。
肉酸︰
即係「核突」，唔好睇，難以入目嘅意思。
滋陰，姿姿柔柔︰
前者原本意思係：用中式藥品或者補品嚟滋潤內部機能。而喺香港嘅術語嚟講，呢兩個詞可以解
做優優閒閒，慢條斯理，唔緊唔要嘅意思。
姿姿整整，苛個（音 go6）︰
係形容嗰啲好執意顧全自己外觀嘅人，例如：只係落樓下買報紙等，都要悉心打扮先致出門嘅人；
或者嗰啲經常攞住境鏡成日照，怕有粒塵喺面上嘅人。
庹縮︰
庹，音「度」，唔願多出分文，吝嗇。可以單做名詞用嚟形容人。
么心么肺︰
「么」，讀「腰」音。多數由講嘢引發，形容經常頂撞，語帶諷刺，或者挑起內心悲痛嘅感覺。
甩皮甩骨︰
殘缺不全，唔完整嘅意思。
搶疆︰
係形容喺賽馬嘅時侯馬匹唔受騎師控制而只顧發力向前衝；又俾人引申形容女人喺做愛時採取極
度主動，令過程失去節奏嘅意思。
嚡拾拾︰
係形容好凹凸不平嘅粗糙質感。
齊輯輯︰
形容修剪得好平整；多用喺頭髮，草坪，籬笆等一啲好雜亂嘅嘢。
貓咗，Wing 咗︰
醉貓嘅省稱，意思係醉咗。後者更可以形容暈眩，或者服用軟性毒品之後嘅精神狀態。
乞人憎︰
令人討厭，經常俾人誤作黑人憎，或者借作黑人僧
慢吞吞︰
形容人哋嘅動作或者行為緩慢。
淆底，縮沙：
形容臨陣退縮，做咗虧心事唔敢承認責任。
夠薑︰
形容很辣，夠膽嘅意思。
無得輸：
形容對象強橫，唔會失敗。
其它
吹乒乓，吹波波，咬我食，吹我唔漲︰
解做「奈我唔何，冇我辦法」。
串︰
可以做動詞或者形容詞，動詞嗰時係表示向人哋搶白，形容詞就係「囂張」嘅意思，另外有人會
寫成「寸」。
Gag︰
係指「笑話」。英文字典證實外國都有呢個講法。
Kai︰
形容「無聊」同「可笑」嘅嘢，仲有形容一啲「低能」同「白痴」嘅人，呢個字有啲侮辱性，同
「硬膠」意思相近。
Hea︰
好得閒，無事做。正字為「口氣」。
收到風︰
意思係指從一個唔確定嘅消息來源（人或傳播媒體）得到一啲有意思或者無意思嘅情報。
卡哇兒：
係嚟自日文 Kawaii「可愛」嘅意思。
Ｑ，ＱＴ，Ｑ版︰
嚟自英文 Cute，意思都係可愛咁解，Ｑ版係指大頭嘅漫畫風格