ruranku, qasapa ñanninpi mastaspa, manam munasanku pampapichu. Chay chuñu ruraypaqa papatam taksankunallata akllanku, hinaspam chuñuna pataman inti chinkaykuyta chiqi chichata mastarqunku, chaytam tukuy tuta yana qasa yanun, allin qasa kaspaqa iskay tutallapim yanurqun, manachayqa kimsa tawa tutapim chayachin. Papa chayasqaña kaptinqa llapiykuptinkum qaran lluchikun, chaynalla yakunpas pawan, hinaptinmi yaqa chunka chunkata huñuruspanku papapa yakun pawanankaman qala chakilla sarunku, chay sarusqankumanhinam hukñataq anqarapi huñuspa quchaman hinan papapa qatqin lluqsipanampaq, mana chay pacha hinaptinkuqa yana chuñullam karunman. Chaymi quchapi nuyuchispankum chuñutaqa yaqa pichqa punchawmantahina hurqunku, himaspam chakinanpaq mastanku, chaymi chuñuqa yuraqllaña chakirqun, chakirquptinmi pusinkuna chuyakunanpaq wayrachinku, sumaqta chuyaruspam waqaychanampaq wasinkuman astanku.
Kay chuñu ruraymanta qillqasqata ñawichaspa kay tapukuykunata
kutipay.
1. ¿Ima tutatam chuñu rurana kasqa?
a) San Juan nisqanku tutata. b) Yana qasa chayamutin. c) Iskay punchawpi. 2. ¿Imaynanpitaq yana chuñu lluqsin? a) Quchapi nuyuchiptin. b) Mana quchaman hinaptin. c) Iskay tuta qasaptin. 3. ¿Chuñu ruraypi, imatataq papa chayasqa ninku? a) Papa yanusqata. b) Papa chuñusqata. c) Papa qasasqata. 4. ¿Imayna llaqtakunapitaq chuñuta ruranku? a) Yunka llaqtakunapi. b) Qichwa llaqtakunapi. c) Urqu llaqtakunapi. KAYPI QILLQASQAKUNATA QILLQAY.
1. Kay 2020 watam, Perú suyunchikpi kay COVID19 nisqanku ancha
manchakuy karqun, llapa ayllukunata unquchispa, wañuchispa ima. ¿qampa hamutaynikimanta imaynaraq kay 2021 wata kanqa.
ÑUQA HAMUTANI, KAY 2021, ALLIN WATA KANQA, PERÚ SUYUNCHIKPI
CHAY COVID19 NISQANKU CHINKARUNQA, LLAPA AYLLUKUNA QUNQARUNQAKU. SUPAY UNQUYMI KAKULLASQA, MANAM HAMPIPAS CHAYANCHU, AYLLUKUNAPAS ALLIMANTA ALLINLLAMUN.