-Antes de comezar a escribir, lede o punto 6 (o comentario crítico) do
tema 1 Comentario de textos. 1-Selección da información.
-Antes de empezar a escribir debedes identificar o tema que tedes que
tratar. É un aspecto moi importante porque moitos/as de vós non tratades o tema que se propón e o texto está completamente mal desde o comezo. (Adecuación temática. Información errónea) -Antes de empezar debedes pensar a tese (opinión persoal) que teredes que defender cos argumentos. -Antes de comezar debedes pensar dous ou tres argumentos e como os ides defender. Os argumentos deben ser distintos, non o mesmo explicado e repetido ao longo de todo o texto (ausencia de progresión temática. Información insuficiente e redundante). Podedes repasar os argumentos no citado tema 1. -Antes de empezar debedes pensar tamén en como redactar a introdución (contextualización social ou paráfrase das ideas do texto, repasade cando se emprega cada unha). -Ide anotando toda esta información nun folio á parte ou na marxe ou a parte inferior do folio que empreguedes se se trata dun exame.
2-Estrutura.
-Introdución (1º parágrafo): Presentación do tema + formulación da
tese. A tese (opinión persoal) non se pode volver repetir ao longo do texto. O tema que se vai taratar debe presentarse de forma completa e coa información pertinente e necesaria. A tese debe ir introducida por un marcador textual e expresarse de forma clara. -Corpo argumentativo: defensa da tese empregando, polo menos, dous argumentos distintos ben defendidos e desenvolvidos. Ca da un deles redáctase nun parágrafo distinto introducido por un marcador textual que NON sexa correlativo (primeiramente/en primeiro lugar...en segundo lugar). -Conclusión: breve resumo de todo o anterior. Pódese pechar o texto suxerindo unha idea, escribindo unha cita ou facendo unha pregunta
(non é obrigatorio). A conclusión vai introducida por un marcador
textual. 3-Rexistro lingüístico.
O texto ten que estar redactado en rexistro formal e o nivel de lingua
ten que ser o estándar (normativo). Son erros moi graves: -redactar en 2ª persoa empregando o pronome ti e verbos en 2ª persoa ( "sabes", "oirías"...) O máis correcto é escribilo usando a 3ª persoa. -Empregar palabras propias do rexistro coloquial: cousa, facer, dicir, ter, refráns, acurtamentos de palabras (profe, tele), empregar abreviaturas (etc.). -A falta de cohesión textual: repetición de palabras e sintagmas. Pódense suprimir (elipse), substituír por deícticos (deíxe) ou por sinónimos e hiperónimos.
4-Corrección ortográfica e gramatical.
Ortografía. Castelanismos. Signos de puntuación e concordancia dos
elementos da oración.
É moi importante repasar a ortografía e a expresión do texto unha vez
escrito.
Nota: a partir de agora non corrixirei ningún texto que conteña os
seguintes erros: -non trate o tema proposto. -Non exprese a tese no primeiro parágrafo. -Repita o mesmo argumento ou sexa unha exposición non argumentada. -Non teña unha estrutura clara delimitada polos seus correspondentes marcadores textuais que non sexan correlativos. -Empregue un rexistro lingüístico coloquial e sobre todo, estea redactado en 2º persoa.