Misa De Gallo, ayan ilang araw na lang po at matatapos na ang ating Simbang gabi, sino po rito ang nakapunta since day 1? pakisabi po sa inyong mga katabi, “kapit lang kapatid!” So nito pong nagdaang mga araw ng ating Misa De Gallo ay napagnilayan po natin ang mga tema o pakay ng Sinod. Ito nga po ay ang kasama sa paglalakbay, pakikinig o listening, pagpapahayag or speaking out, at kagabi nga po ay ating napag- usapan ang tungkol sa pagdiriwang ng liturhiya o pagdalo sa Banal na Misa. Ang pagdalo po sa banal na Misa ay hindi lamang po para sa ating mga sarili, bagkus ay lumalapit po tayo sa Diyos para sa mga katuparan ng kanyang mga kaloob at iyon po ay ang pagtipunin o pagsamasamahin ang Kanyang mga anak na nagkakaisa at nagmamahalan. So ito po yung topic natin for this 6 th day of Misa De Gallo, ang kapwa ay may pananagutan sa Misyon, partisipasyon at awtoridad. Ang tanong, naniniwala po ba kayo na bawat isa atin ay may misyon sa buhay? So ang bawat isa po sa atin ay ginagamit bilang instrument ng Diyos. At whether sa loob o labas man ng simbahan, tayo ay nakikiisa sa misyon ng ating Diyos na abutin ang bawat isa lalo na iyong mga nangangailangan. Pero ang misyon ng simbahan ay hindi lamang po para sa ating mga kaparian, ito po ay misyon ng bawat isa sa atin para sa katuparan ng mga pangako ng Diyos sa ating buhay. At ang bawat paglalakbay po ay nagiging matagumpay kung ito po ay nabibigyan ng sapat na suporta sa bawat hakbang at desisyon na ating ginagawa. Gaya na lamang po ng paglalakbay natin bilang mga Kristyanong Katoliko, hindi naman po tayo magtatagal ng mahigit dalawang libong taon kung hindi po sa group effort ng mga apostles ni Jesus, mga Santo Papa at ng mga lingcod ng simbahan. Gayundin hinayaan ng mga taong ito na kumilos sa kanilang mga buhay ang Espiritu Santo. The Holy Spirit gathered them up to this moment po kung saan tayo ay malago na at nananatiling matibay ang suporta. Sa tingin po ninyo bakit nga po kaya may mga pangakong napapako? Mlamang siguro ay hindi ito napagnilayan ng maayos at hindi nagawang humingi ng gabay mula sa Espiritu Santo. Pero good thing po na ang pangako ng Diyos sa atin ay never mapapako kung tayo ay mangangakong susundin ang Kanyang mga utos lalo na sa pakikiisa sa misyon na tumugon sa pangangailangan ng ating mga kapwa. Bilang isang simbahang sinodo tayong mga binyagang Kristyano Katoliko ay ay kinakailngan upang maisagawa ng buo ang mga pangangailangan ng ating mga kapwa sa labas ng simbahan. Hindi po nagtatapos ang ating misyon sa paglilingkod at pagsamba sa loob ng simbahan, ang bawat isa po satin ay inaanyayahang maging instrument upang maconvert ang pananampalataya sa gawa. Sabi nga po sa Sulat kay Santiago, “Faith without work is dead.” Kaya bilang mga kristyano Katoliko, huwag po nawa tayong mahiya o magdalawang isip na makiisa at sumuporta sa mga Gawain at misyon ng Diyos sa ating simbahan para sa katarungan at mga karapatan natin bilang mga tao at anak ng Diyos. Yun lamang po. At bukas, dadako naman po tayo sa susunod na tema ng Sinod at ito po ay ang Diyalogo sa simbahan at lipunan. Maraming salamat po.