TRINITY SUNDAY

Repleksyon Bro Joseph

John 16:12-15
Nawa’y makalugod sayo o Panginoon itong salita ko at kaisipan +++
Magandang araw po sa ating lahat.isang pambihirang araw ang ating
ipinagdiriwang sa linggong ito sapagkat una ay ipinagdiriwang natin ang
TRINITY SUNDAY O SANTISIMA TRINIDAD ikalawa ay ang araw ng
KALAYAAN at ikatlo ang buwan na ito ay ang Buwan ng STEWARDSHIP
CAMPAIGN MONTH. At katulad nga ng Santisima Trinidad na ibig sabihin
ay tatlong persona sa iisang Diyos.. tatlong bagay din ang ating
Pagninilayan sa linggong ito, unahin na natin ang Santisima Trinidad , sa
tagal ng ating pagiging Katolikong Aglipayano ano nga ba ang
pagkakaintindi natin sa Santisima Trinidad? Marahil karamihan saatin ay
hirap na maunawaan na bakit nagkaganun? Tatlong persona? Ibig
sabihin tatlo ang Diyos? Hindi po dahil sila ay iisa ngunit ibat iba ang
kanilang tungkulin o gampanin. Ang AMA na syang gumagawa o
bumubuo ng plano ng lahat ng bagay,ang ANAK na syang gumagampan
sa kalooban ng Ama at ang Espiritu Santo na gumagabay na katulad ng
nasabi sa ating ebanghelyo sa talata 13 Pagdating ng Espiritu ng
katotohanan,tutulungan kayo upang maunawaan ninyo ang buong
katotohanan. Kaya sa tulong ng Espiritu santo ay unti-unti nating
mauunawaan ang lahat ng katotohanan. Isang halimbawa din mga
kapatid upang mas maunawaan natin ang Santisima Trinidad, Ang
Santisima Trinidad ay maihahalintulad sa isang Electric Fan . Ang
kabuuan ng Electrifan ay ang AMA at ang ANAk ay ang Elesi nito,at ang
Banal Na Espiritu ay ang Kuryente na magpapagana upang maramdaman
ang hangin na dulot ng Electricfan. Ang bawat isa ay nagtutulungan sa
bawat gampanin. At ganun din sa ating simbahan..
Mga kapatid Sa ating patuloy na pagpapaunlad bilang isang katiwala ng
simabahan ,katulad ng Banal na Santatlo tayo din ay dapat na
magtulungan, ibat ibang sektor ngunit nakapaloob sa iisang simbahan at
iisang hangarin .Bilang katiwala tayo dapat ay nagkakaisa sa
pagpapaunlad ng ating mahal na iglesia , at bilang tayo ay mabuting
katiwala kailangan tayo ay maging mabunga sa ating Paglilingkod,
papaano ba ang paraan para maging mabunga ang ating Paglilingkod
bilang katiwala? Ipagkaloob po natin ang ating mga kakayahan ang ating
mga talento, lalo’t higit ang kakayahan at talento nating magbigay ng
ating Pangako o ng ating Pledge sa ating simbahan dahil napakahalaga
po nito upang mas mapaunlad mapaganda natin ang tahanan ng ating
Diyos..katulad ng sinabi sa ikalawang sulat ni Pablo sa mga Taga-Corinto
9:7.Ang bawat isa’y dapat magbigay ng ayon sa sariling
pasiya,maluwag sa loob at hindi napipilitan lamang sapagkat ang ibig
ng Diyos ay kusang pagkakaloob. Maliwanag na sinasabi mga kapatid na
Ang pagkakaloob po natin ng Pledge ay magbigay ng naayon sa ating
sariling pasya yung maluwag sa loob natin. Kung ang kaya nating
ipagkaloob ay 20 pesos huwag po tayong mahiya dahil yun ang ating
kakayahan,at kung dati naman ay 50 pesos ang ating Pledge huwag din
po tayong mahihiyang dagdagan ito gawing 150 ganun, basta naayon sa
ating kalooban at masaya tayo na nagbibigay ng tulong at pangako para
sa patuloy na pagpapaunlad ng ating Mahal na simbahan.. tignan nyo
mga kapatid kung hindi tayo magbibigay ng Pledge natin o ng Pangako
natin , hindi tayo makakabili ng Electricfan,Hindi tayo makapagpapagawa
ng bubong o ng kisame natin at hindi natin matutugunan ang
pangangailangan ng ating Parokya kung tayo ay makakalimot sa
pagkakaloob ng ating mga Pangako . ang pagpapaunlad po sa ating
simbahan ay hindi lang tayo ang makikinabang ,dahil maliit man na
halaga na ating maipagkaloob ay marami ang matutulungan, hindi lang
dito sa ating parokya. At ang pledge natin na yun ay magagamit at
makakatulong at pakikinabangan ng mga sumusunod sa atin.Kaya
huwag po tayong mahihiya at huwag tayong makakalimot na magbigay
at tuparin ng ating mga Pangako. (Huwag nating gayahin ang iba na
nangangako ,pero hindi naman kayang tuparin) ouch :’)
Sa araw na ito mga kapatid ay ipinagdiriwang natin ang araw ng
KALAYAAN .. ang tanong kayo ba nagpalaya na?? :’( kasi ako.. pinalaya na
din haha..
Sa kalayaan ng Pilipinas tunay nga ba tayong Malaya ? sa aking nabasa
na pagninilay ng isang obispo.ang hulyo 12 ay pagpapahayag ng
katagumpayan sa paniniil ng mga kastila subalit ang Hulyo 4 ‘1946 ay
kalayaang ibinigay daw ng amerika .Subalit ang ninais ba na kalayaan
noong Hunyo 12 ,1898 ay atin bang tunay na nakamtan? Disyembre
10 ,1898 ay ipinagbili tayo ng Espanya sa amerika sa halagang
dalawampung milyong dolyar…sa panahon natin ngayon malapit na din
ata tayong mabili dahil napakalaki na ng utang ng Pilipinas 13.1 Trillion
ang sinasabing utang natin.. Uapang tatlo pa din tayo ..Mga kapatid
tatlong Aspeto ang ninais ng mga ninuno natin na maipakita na tayo ay
tunay na malaya . Una sa aspetong Pampulitika,Pang-ekonomiya at
Pangrelihiyon..Sa ating palagay po ba tunay ba tayong malaya?sa isang
pagninilay ,ang sabi hindi tayo tunay na malaya sa pagpili ng ating
pinuno sapagkat mayroon pa ring external factor ang ginagawa ng ibang
bansa kung sino ang kanilang iniendorso.ikalawa ,wala tayong kalayaang
pang ekonomiya sapagkat kontrolado ng ibang bansa ang ekonomiya ng
Pilipinas. At ikatlo sa aspetong pangrelihiyon ,dito nakamtan ang
kalayaan sapagkat naipakita ng mga Makabayang ninuno natin at maging
hanggang sa ngayon ang pagkakaroon ng simbahang simbolo ng
Kalayaan at Pagsasarili ng mga Filipino , at itoy walang iba kundi ang
IGLESIA FILIPINA INDEPENDIENTE . ang simbahang natitirang buhay na
Bunga ng 1896 Phil.Revolution.. kayat maging Proud tayo na isang IFI
isang Aglipayano.. Mabuhay ang ating Pagsasarili , Mabuhay ang mga
Nagtataguyod ng Tunay na Kalayaan..
Kayat ang hamon ngayon Trinity Sunday mga kapatid.. Patuloy tayong
kumilos at sumampalataya ng may PAGKAKAISA ,Patuloy nating Tuparin
ang ating mga PANGAKO sa ating inang Simbahan at Patuloy nawang
magkaroon ng tunay na kalayaan ,kalayaan na tumulong kalayaang
maglingkod sa mga nasa laylayan ng ating Lipunan .. At tulad ng sinabi ko
Patuloy nawa tayong Maging Tunay at Tapat na Aglipayano.. IGLESIA
FILIPINA INDIPENDIENTE tatlong salita Ngunit iisa ang Tunguhin at
Hangarin ang Patuloy na Mag-lingkod sa Diyos at Bayan..
Pagpalain po tayo ng Panginoon at patuloy nawa tayong gabayan ng
Banal na Espiritu sa ating patuloy na paglilingkod at pagmimisyon. Sa
Pangalan ng Ama ng Anak at ng Espiritu Santo.. Amen..

Note: Pwede nyo pong dagdagan o bawasan ang repleksyon na ito .marami pong salamat.