A Lifestyle of Worship

Introduction
Ang buhay pananampalataya natin ay umiikot sa dalawang pinaka
importanteng sangkap sa ating relasyon sa Panginoon, ang ating
pagsamba at paglilingkod sa Diyos. Pero ang tanong paano ba ang
nararapat na pagsamba at paglilingkod sa Diyos na kalugod lugod at
karapat dapat sa paningin nya? Kung may mga Biblia kayong hawak,
maari kayong makipagbukas sa akin sa Aklat ng Roma 12:1-2
Kaya nga, mga kapatid, alang-alang sa habag ng Diyos,
ipinapakiusap ko sa inyo na ialay ninyo ang inyong mga katawan
bilang handog na buháy, banal, at kalugud-lugod sa Kanya. Ito ang
inyong karapat-dapat na pagsamba. 2 Huwag kayong makiayon sa
takbo ng kapanahunang ito. Sa halip, hayaan ninyong baguhin kayo sa
pamamagitan ng pagbabago ng inyong pag-iisip. Sa gayon,
mapapatunayan ninyo kung alin ang mabuti, kalugud-lugod at ganap
na kalooban ng Diyos.

Ang pamagat ng aking sermon sa umagang ito ay A LIFESTYLE OF

WORSHIP at ito ay paguusapan natin sa mga susunod pang mga linggo.
Ating aalamin at sisikapin nating ipamuhay ang buhay ng pagsamba at
paglilingkod na nararapat sa paningin ng Diyos.

I. Mamuhay Ka sa Ilalim ng Habag ng Diyos. (v.1a)

Kaya nga, mga kapatid, alang-alang sa masaganang habag ng
Diyos sa atin, ipinapakiusap ko sa inyo na ialay ninyo ang inyong mga
katawan bilang handog na buháy, banal, at kalugud-lugod sa Kanya.
Ito ang inyong karapat-dapat na pagsamba.
Sa ating pagsisismula sa umagang ito nang ating pakikinig at
pagaaral ng salita ng Diyos, may isang tanong sa buhay ng tao ang
kailangang masagot. Ano ang purpose o layunin bat ka na nilikha ng
Diyos? Ayon sa west minster catechism, Man's chief end is to glorify
God, and to enjoy him forever. We are created by God to worship him
and enjoy him forever. Ito ang ultimate purpose ng tao sa mundong
ito. Ang tanong sa atin sa umagang ito, kung tayo ay nilikha upang
luwalhatiin ang Diyos at maenjoy natin sya magpakailan pa man,
paano ko gagawin ang layunin ng Diyos sa buhay kong ito? Ang sabi sa
ating text offer your bodies as a living sacrifice, holy and pleasing to
God—this is your true and proper worship. Ang ating pag aalay ng ating
katawan sa Diyos bilang buhay na handog ay ang karapat-dapat na
pagsamba natin sa Diyos. Ang susunod na tanong ano ang dapat
pundasyon o panggalingan nito? Ang kapatid na Pablo ay nagsabi na
isa alang alang natin ang atng paghahandog sa ilalim ng habag ng
Diyos. Bigyan ko kayo ng konting back ground patungkol sa ating
teksto sa umagang ito. Ang sulat para sa mga taga Roma ay isa sa mga
naisulat ni Pablo sa 13 aklat na kanyang naisulat at ang pakay o ang
layunin nito ay para pagkaisahin ang mananampalataya maging Hudio
man o mga Hentil at pangalwa ay upang ipaunawa sa babasa nito na
ang kaligtasan ay bunga ng pananampalataya sa ilalim ng habag at
biyaya ng Diyos. Sa aklat na ito binigyang pansin ni Apostol Pablo ang
biyaya at habag ng Diyos sa kanyang bayang Israel at sa mga Hentil
particularly sa mga Romano. Ang usapin dito particularly sa chapters 9
hanggang 11. Tinatalakay din sa mga naunang chapters ang malayang
pagpapasyang Diyos patungko sa kanyang pagpapakitaan ng habag at
biyaya kaya kung mapapansin natin pagdating sa chapter 12 ang
bungad ni Pablo ay patungkol sa habag ng Diyos. Ang biyaya at habag
ng Diyos ay magkaiba pero hindi pwedeng maghiwalay. Ang biyaya o
grace ng Diyos ay pagbibigay sayo ng pabor ng Diyos kahit hindi ka
karapat dapat nito samantalang ang habag ng Diyos ay pagpapakita
sayo ng Diyos ng pagibig sa kabila ng katotohanang dapat kang
parusahan dahil sa kasalanang nagawa. So ano ang kinalaman ng
habag ng Diyos sa ating pagaalay ng ating mga sarili bilang buhay na
handog sa Diyos? Tayo ay dating hindi kabilang sa bayan ng Diyos dahil
ang unang pinangakuan ng Diyos ng kanyang presensya ngunit dahil sa
kanyang habag ay napasama tayo sa kanyang bayan. Kung baga tayo
ay kanyang inampon at dahil dito ay nagkaroon tayo ng karapatan
bilang kanyang anak. Maihahandog lamang ng isang tao ng buo ang
kanyang sarili bilang buhay na handog sa Diyos kung maiisip at
mauunawaan nya na sya ay nailigtas hindi dahil sa mabuting gawa
kundi dahil lamang sa habag at biyaya ng Diyos at kung magkagayon
doon lamang magkakaroon ng katanggap tanggap na pagsamba sa
Diyos.
Maraming mananampalataya ang hirap sa buhay pananampalataya
dahil hindi nila kadalasang narerealized kung gaano kalaki ang biyaya
at habag ng Diyos sa buhay nila. Kung gaano kalaki ang kapatawaran
na ginawa ng Diyos sa buhay nila. Kaya kung mapapansin natin may
mga mananampalataya na seryoso at gustong laging mapalapit sa
Panginoon kasi narealize nila kung gaano kalaki yung biyayang
natatanggap nila sa Panginoon at dahil dun lalo silang napapalapit at
lalo nilang minamahal ang Panginoon. Samantalang may mga
mananampalataya naman take it for granted lang ang buhay
pananampalataya. Magkasala man sila ok lang sa kanila kaya ang
resulta madaling iwan ang pagsunod sa Diyos dahil ang tingin nila sa
biyaya at habag ng Panginoon ay parang unli rice sa Mang Inasal,
pwedeng sayangin kasi unli.

Illustration
Ang sabi sa ating text ay masagana ang habag ng Diyos. Ang
pagtingin sa habag ng Diyos ay parang unli rice na bagong saing. Ang
mga taong malapit sa syudad at kayang bumili ng mang inasal kapag
kumain yan normal na yung 3 to 4 cups kasi normal na sa kanila ang
kanin pero kung ihahambing mo mga nasa dump site, mga taong nasa
bundok, nasa gilid ng kalsada at halos walang makain at walng
kakayahang bumili at kumain sa Mang Inasal, dalhin mo sila dun
magugulat ka kung paano nila iappreciate yung kanin. May kakilala
akong nagkwento na may na meet sila taga bundok galing sa Dumagat
tribe ang dinala nila sa mang inasal at naka ubos ng 12 cups ng kanin
ang dahilan nya minsan lang kasi sya makakain ng kanin kaya ganun
nya na appreciate ang kanin ng Mang Inasal.

Application
The same thing in our faith, kapag ang tingin natin sa habag at
biyaya ng Diyos ay natake for granted natin, mahirap ioffer ang ating
katawan sa paglilingkod sa Diyos at kung maioffer man natin mabigat
ang ating loob at madaling ibalewala ang ating pagbibigay ng
pagsamba sa kanya. Ngunit kung nakikita natin ang kahalagahan ng
Kanyang biyaya at habag sa ating buhay, maappreciate natin ang
kanyang habag at magaan nating maiaalay ang lahat sa Kanya at dun
lang natin sya masasamba ng bukal sa ating puso. Ang sabi sa Tito 3:5

Iniligtas niya tayo, hindi dahil sa ating mabubuting gawa kundi

dahil sa kanyang habag sa atin. Tayo'y iniligtas niya sa pamamagitan
ng Espiritu Santo na naghugas sa atin upang tayo'y ipanganak na muli
at magkaroon ng bagong buhay.

Ang tanong sa atin sa umagang ito Paano mo tinitingnan ang biyaya

at habag ng Diyos sa buhay mo?

Conclusion
Ang Diyos ay nagbigay ng masaganang habag sa atin upang tayo ay
magkaroon ng bahagi sa kanyang mga pangako para sa lahat ng mga
nagmamahal sa kanya. Sa pagharap natin sa panibagong linggo na
darating, nawa ay mamuhay tayo ng nasa ilalim ng habag ng Diyos at
kapag tayo ay nakakatanggap ng habag at biyaya ng Diyos, huwag
nating abusuhin bagkus gamitin natin ito bilang pagkakataon upang
iaalay natin ang ating mga sarili bilang buhay na handog sa Panginoon
upang ang ating pagsamba sa kanya ay maging kalugod lugod at
karapat dapat sa kanya.