Marxismo at Reparative Reading sa Makabagong Lipunan
Ang Marxismo ay nagagamit sa pagsusuri ng kalagayang panlipunan, paguugali at motibasyon
ng mga tauhan sa kwento, binibigyan nitong pansin ang tunggalian ng tauhan sa kanyang sarili, sa ibang tauhan lipunan o kalikasan. Samantalang ang reparative reading ay ang paggawa ng kakaibang kahulugan ng isang mambabasa, naghahanap ng kagandahan sa isang pangit na karanasan. Magkasalungat ang ideya ng dalawang ito, ngunit kung ang parehong ideolohiya ay gagamitin upang alamin ang nilalaman ng isang akda o babasahin, maraming katanungan ang magagamit upang magkaroon ng iba pang kahulugan. Halimbawa na lamang ang paano ihahalintulad ng may akda ang kaganapan sa lipunan ng hindi gumagamit ng hidwaan o pagkakaiba? Maaring magamit rin ito sa pagtugon sa kung anong hinaharap na suliranin sa talata. Sa mga problemang panlipunan malaking tulong ang mga ito upang malaman ang kahulugan kasaysayan at katangian ng iba’t ibang pananaw at teoryang pampanitikan. Sa pamamagitan ng matalinong pagpili ng angkop na pananaw o teorya, ang pagtalakay at pagsusuri ng isang partikular na akda ay nagkakaroon ng batayan at direksyon. Nalilimitahan din nito ang saklaw ng talakayan at ng panunuri at dahil sa limitasyon nagkakaroon ng malalim ng kahulugan ang isang akda.