Pagmimisa Sa Hatinggabi NG Pasko NG Pagsilang (2022)

PAGMIMISA SA HATINGGABI NG
PASKO NG PAGSILANG NG
PANGINOONG HESUKRISTO
___________________________________
Ika – 25 ng Disyembre
PAROKYA NI SAN JUAN NEPOMUCENO

Malibay, Pasay City
2 | PAGMIMISA SA HATINGGABI NG PASKO NG PAGSILANG NG PAGINOON
Tagapagdaloy:
Magsitayo po ang lahat para sa pasimula ng pagdiriwang.
Kapag natitipon na ang sambayanan, ang tagapagdiwang, dala ang sanggol na Hesus, mga
nakikipagdiwang na mga pari at mga tagapaglingkod ay lalakad patungo sa bungad ng dambana
samantalang ang awiting pambungad ay inaawit.
Pagsapit sa bungad ng dambana, pasisimulan ang pagpapahayag ng pagsilang ng Panginoong

Hesukristo.
ANG PAGPAPAHAYAG NG PAGSILANG NI KRISTO
Ngayon, ika-dalawampu’t-limang araw ng Disyembre,

ating balikan ang mga kaganapan
na nag-uugnay sa ating kaligtasan
no’ng mga panahong una
ng likhain ng Diyos ang santinakpan
at lalangin ang tao ayon sa kanyang sariling larawan
Ilang libong taon ang lumipas pagkatapos ng baha,

nang palitawin ng Diyos ang bahaghari bilang tanda ng
kanyang Tipan.
Dalawampu’t isang siglo mula sa panahon ni Abraham at Sara.
Labintatlong siglo sa paglisan ni Moises

kasama ang buong Israel mula sa Ehipto,
Isang libo’t isang daang taon sa panahon ni Ruth at ng mga
Hukom,
isang libong taon nang pahiran ng langis si si Haring David,
sa ika-animnapu’t- limang linggo ayon sa propesiya ni Propeta
Daniel.
`
PAGMIMISA SA HATINGGABI NG PASKO NG PAGSILANG NG PAGINOON | 3
Sa ika-sandaan at siyamnapu’t- apat na Olimpiada,

sa ika-pitong-daan limampu’t-dalawang taon ng
pagkatatag ng siyudad ng Roma.
sa ika-apatnapu’t-dalawang taon ng paghahari ni Octavio
Agusto
habang ang buong mundo ay payapa
ang ating Panginoong Hesukristo,

walang-hanggang Diyos
at bugtong na Anak ng Ama,
hangad na pabanalin ang daigdig sa pamamagitan ng
kanyang pagdating,
ipinaglihi lalang ng Espiritu Santo,
at siyam na buwan sa sinapupunan
ay isinilang sa Bethlehem ng Judea ng Birheng Maria
Ngayon, ang kapanganakan ng ating

Panginoong Hesukristo na nagkatawang tao.
Iinsensuhan ng tagapagdiwang ang sanggol na Hesus. Matapos nito’y papalamutian

ng mga bulaklak ang kinalalagyan ng sanggol.
Pagsapit sa dambana, ang tagapagdiwang, ang mga nakikipagdiwang na mga pari, at

mga tagapaglingkod ay magbibigay-galang alinsunod sa hinihinging paraan.
Magbibigay-galang ang tagapagdiwang sa dambana sa pamamagitan ng paghalik sa
ibabaw ng altar. Matapos nito, iinsensuhan ng tagapagdiwang ang altar.
Pupunta ang punong tagapagdiwang sa kanyang upuan at sisimulan ang Banal na

Misa sa pamamagitan ng antanda ng krus.
`
Punong Tagapagdiwang:
 Sa ngalan ng Ama at ng Anak at ng Espiritu Santo.
Bayan: Amen!
Nawa’y ang liwanag ni Kristo, na siyang ating
kapayapaan at kaligtasan ay sumainyo.
Bayan: At sumaiyo rin!
Mga minamahal na kapatid,
tayo ngayon ay natitipon bilang isang sambayanan na
nagpupuri at nagpapasalamat sa Diyos. Isang pinagpalang
Pasko sa inyong lahat!
Sa araw na ito, buong puso tayong nagpapasalamat sa Diyos

para sa pinakadakilang handog niya sa atin
-ang kanyang bugtong na Anak.
Nananahan ang Diyos sa ating piling

upang ang lahat ng nararanasan natin ay hindi maging iba sa
kanya:
ang ating mga kagalakan at sakit, ang mga pag-asa at takot,
ang mga kahinaan at lakas natin.
Maging panahon nawa ng masayang pagtitipon
ang pagdiriwang natin ngayong Pasko.
`
PAGSISISI SA KASALANAN
Mga Kapatid, aminin natin ang ating mga
kasalanan upang tayo’y maging marapat
gumanap sa banal na pagdiriwang.
Sandaling katahimikan. Matapos, kasabay ng bayan ay wiwkain ng pari:
Inaamin ko sa makapangyarihang Diyos,

at sa inyo, mga kapatid, na lubha akong nagkasala,
sa isip, sa salita, at sa gawa, at sa aking mga pagkukulang.
Kaya isinasamo ko sa Mahal na Birheng Maria,
sa lahat ng mga anghel at mga banal,
at sa inyo, mga kapatid, na ako’y ipanalangin
sa Panginoong ating Diyos.
Kaawaan tayo ng makapangyarihang Diyos,
patawarin tayo sa ating mga kasalanan at
patnubayan tayo sa buhay na walang hanggan.
Bayan: Amen!
Panginoon kaawaan mo kami

Panginoon kaawaan mo kami.
Kristo kaawaan mo kami.

Kristo kaawaan mo kami.
Panginoon kaawaan mo kami.

Panginoon kaawan mo kami.
`
PAPURI SA DIYOS
Pasisimulan ng punong tagapagdiwang ang pag-awit ng Papuri sa Diyos.
Papuri sa Diyos sa kaitaasan

at sa lupa’y kapayapaan sa mga taong kinalulugdan niya.
Pinupuri ka namin,
dinarangal ka namin,
sinasamba ka namin,
ipinagbubunyi ka namin,
pinasasalamatan ka namin
dahil sa dakila mong angking kapurihan.
Panginoong Diyos, Hari ng langit,
Diyos Amang makapangyarihan sa lahat.
Panginoong Hesukristo, Bugtong na Anak,
Panginoong Diyos, Kordero ng Diyos, Anak ng Ama.
Ikaw na nag-aalis ng mga kasalanan ng sanlibutan,
maawa ka sa amin. Ikaw na nag-aalis ng mga kasalanan
ng sanlibutan, tanggapin mo ang aming kahilingan.
Ikaw na naluluklok sa kanan ng Ama, maawa ka sa amin.
Sapagka’t ikaw lamang ang banal ikaw lamang ang Panginoon,
ikaw lamang, O Hesukristo, ang kataas-taasan,
kasama ng Espiritu Santo sa kadakilaan ng Diyos Ama. Amen.
`
PANALANGING PAMBUNGAD
Manalangin tayo.
Saglit na katahimikan.
Ama naming makapangyarihan

pinasikat mo sa gabing ito
ang sinag ng iyong liwanag na totoo.
Pasikatin mo sa amin ang iyong liwanag
sa kalangitan na ngayo’y aming pinatutuloy
sa aming pamumuhay sa pamamagitan ni Hesukristo
kasama ng Espiritu Santo magpasawalang hanggan.
Bayan: Amen!
`
PAGPAPAHAYAG NG
SALITA NG DIYOS
UNANG PAGBASA Isaias 9: 1 – 6
Pagbasa mula sa Aklat ni Propeta Isaias
Nakatanaw ng isang malaking liwanag ang bayang

malaon nang nasa kadiliman, namanaag na ang liwanag sa
mga taong namumuhay sa lupaing balot ng dilim. Iyong
pinasigla ang kanilang pagdiriwang, dinagdagan mo ang
kanilang tuwa.
Tulad ng mga tao sa panahon ng anihan, tulad ng mga

taong naghahati ng nasamsam na kayamanan. Nilupig mo
ang bansang umalipin sa iyong bayan tulad ng pagkalupig
sa hukbo ng Madian. Binali mo ang panghambalos ng mga
tagapagpahirap sa kanila. Sapagkat ang panyapak ng mga
mandirigma, ang lahat ng kasuutang tigmak sa dugo ay
susunugin. Sapagkat ipinanganak para sa atin ang isang
sanggol na lalaki. Ibinigay ang isang anak sa atin at siya
ang mamamahala sa atin. Siya ang Kahanga-hangang
Tagapayo, ang Makapangyarihang Diyos, walang
hanggang Ama, ang Prinsipe ng Kapayapaan. Malawak na
kapangyarihan at walang hanggang kapayapaan. ang
ipagkakaloob sa trono ni David at sa kanyang paghahari
Upang matatag ito at papanatilihin sa katarungan at
katwiran ngayon at magpakailanman. Isasagawa ito ng
Makapangyarihang Panginoon.
Ang salita ng Diyos.
`
Salamat sa Diyos.
SALMONG TUGUNAN Salmo 95, 1-2a. 2b-3. 11-12, 13
Tugon. Sa ati’y sumilang ngayon,

Manunubos, Kristong Poon.
Purihin ang Panginoon, awitan ng bagong awit;

ang Poon ay papurihan nitong lahat sa daigdig! Tugon
Awitan ang Panginoon, ngalan niya ay purihin;

araw-araw ang ginawang pagliligtas ay banggitin.
Kahit saa’y ipahayag na ang Poon ay dakila,
sa madla ay ipahayag ang dakila niyang gawa. Tugon
Lupa’t langit ay magsaya, umugong ang kalaliman,

lahat kayo na nilikhang nasa tubig ay magdiwang.
Ang bukirin at ang lahat ng naroon ay sumigaw,
pati mga punongkahoy sa galak ay mag-awitan. Tugon
Ang Poon ay pupurihin, pagkat siya ay daratal,

paririto sa daigdig, upang lahat ay hatulan.
Tapat siya kung humatol at lahat ay pantay-pantay. Tugon
IKALAWANG PAGBASA Tito 2: 11 – 14
`
Pagbasa mula sa Sulat ni Apostol San Pablo kay Tito
Pinakamamahal kong kapatid: Inihayag ng Diyos ang

kanyang kagandahang-loob na nagdudulot ng kaligtasan sa
lahat ng tao. Ito ang siyang umaakay sa atin upang talikdan
ang likong pamumuhay at damdaming makalaman.
Kaya’t makapamumuhay tayo ngayon nang maayos,

matuwid at karapat-dapat sa Diyos samantalang hinihintay
natin ang ating inaasahan – ang dakilang Araw ng
paghahayag sa ating dakilang Diyos at Tagapagligtas na si
Hesukristo sa gitna ng kanyang kaningningan. Ibinigay niya
ang kanyang sarili upang iligtas tayo sa lahat ng kalikuan at
linisin para maging kanyang bayan na nakatalagang gumawa
ng mabuti.
Ang salita ng Diyos.

Salamat sa Diyos
ALELUYA Lucas 2: 10 – 11
Aleluya! Aleluya!
Ito’y Balitang Masaya
Manunubos sumilang na
Sa ati’y Kristo, Poon s’ya.
Aleluya! Aleluya!
`
PAGPAPAHAYAG NG MABUTING BALITA

Lucas 2: 1 – 14
Sumainyo ang Panginoon
At sumaiyo rin.
 Ang Mabuting Balita ng Panginoon ayon kay San

Lucas.
Papuri sa iyo Panginoon.
Noong panahong iyon, iniutos ng Emperador Augusto na

magpatala ang lahat ng nasasakupan ng Imperyo ng Roma. Ang
unang pagpapatalang ito’y ginawa nang si Cirenio ang
gobernador ng Siria. Kaya’t umuwi ang bawat isa sa sariling
bayan upang magpatala.
Mula sa Nazaret, Galilea, si Jose’y pumunta sa Betlehem, Judea,

ang bayang sinilangan ni Haring David, sapagkat siya’y mula sa
angkan at lahi ni David. Kasama niyang umuwi upang
magpatala rin si Maria na kanyang magiging asawa na noo’y
kagampan. Samantalang naroroon sila, dumating ang oras ng
panganganak ni Maria at isinilang niya ang kanyang panganay
at ito’y lalaki. Binalot niya ng lampin ang sanggol at inihiga sa
isang sabsaban, sapagkat wala nang lugar para sa kanila sa
bahay-panuluyan.
Sa lupain ding yaon ay may mga pastol na nasa parang,

nagpupuyat sa pagbabantay ng kanilang mga tupa. Biglang
lumitaw sa harapan nila ang isang anghel ng Panginoon at
lumaganap sa paligid nila ang nakasisilaw na kaningningan ng
Panginoon. Natakot sila nang gayun na lamang, “Huwag
`
kayong matakot! Ako’y may dalang mabuting balita para sa

inyo na magdudulot ng malaking kagalakan sa lahat ng tao.
Sapagkat isinilang ngayon sa bayan ni David ang inyong
Tagapagligtas, ang Kristong Panginoon. Ito ang palatandaan:
matatagpuan ninyo ang isang sanggol na nababalot ng lampin at
nakahiga sa sabsaban.”
Biglang lumitaw sa tabi ng anghel ang isang malaking hukbo ng

kalangitan, na nagpupuri sa Diyos:
“Papuri sa Diyos sa kaitaasan,
at sa lupa’y kapayapaan sa mga taong kinalulugdan niya!”
Ang Mabuting Balita ng Panginoon.

Pinupuri ka namin Panginoong Hesukristo.
HOMILIYA
`
PAGPAPAHAYAG NG PANANAMPALATAYA.
Sumasampalataya ako sa Diyos Amang
makapangyarihan sa lahat na may gawa ng langit at lupa.
Sumasampalataya ako kay Hesukristo iisang Anak ng
Diyos Panginoon nating lahat.
NAGKATAWANG TAO SIYA LALANG NG ESPIRITU
SANTO, IPINANGANAK NI SANTA MARIANG
BIRHEN. (Magsiluhod ang lahat) Pinagpakasakit ni
Pontio Pilato ipinako sa krus, namatay, inilibing, nanaog
sa kinaroroonan ng mga yumao.
Nang maikatlong araw ay nabuhay na mag-uli
umakyat sa langit, naluluklok sa kanan ng Diyos Amang
makapangyarihan sa lahat, doon magmumula’t paririto at
huhukom sa nangabubuhay at namamatay na tao.
Sumasampalataya naman ako sa Diyos Espiritu Santo,
sa Banal na Simbahang Katolika sa kasamahan ng mga
banal, sa kapatawaran ng mga kasalanan, sa pagkabuhay
na mag-uli ng nangamatay na tao at sa buhay na walang
hanggan
Amen.
`
PANALANGIN NG BAYAN
Aanyayahan ng punong tagapagdiwang ang sambayanan sa pagluhog.
Ngayong gabi, ilapit natin sa Ama ang ating mga

panaghoy at minimithi. Taglay ang matinding
kagalakang dulot ng pagsilang ng sanggol na si Jesus,
sama-sama tayong manalangin:
AMA, PAKINGGAN MO ANG IYONG BAYAN!
Maging tagapaghatid nawa ng kapayapaan at kagalakan ang Santo
Papa, mga Obispo, mga pari at diyakono sa lahat ng mga bansa,
komunidad, at tahanan. Manalangin tayo. T
Matutunan nawa muli ng mga namumuno sa pamahalaan ang

simpleng buhay katulad ni Jesus upang sila’y mapuspos ng
kagalakan sa pagtupad sa kalooban ng Ama sa lahat ng oras.
Manalangin tayo. T
Turuan mo kaming pumanig sa mga mahihirap, mga mababang –

loob, mga itinakwil ng lipunan, at mga biktima ng karahasan.
Nawa’y sikapin naming tularan ang ginawa mong paglingap sa
kanila. Manalangin tayo. T
Kupkupin mo ang mga nawalan ng tahanan sa sakunang dulot ng

kalikasan, demolisyon, at mga kaguluhan sa kanilang mga lugar.
Manalangin tayo. T
Ingatan mo ang mga mahal naming sa buhay na hindi naming

makakapililing sa Paskong ito: mga doktor at nars sa ospital, mga
OFW, mga sundalo, at mga bilanggo. Manalangin tayo. T
`
Sa ilang sandali ng katahimikan, ating ipanalangin ang iba pang

mga pangangailangan ng ating pamayanan pati na rin ang ating
pansariling kahilingan. (Tumahimik) Manalangin tayo. T
Ama naming Diyos, ngayon gabi nagdiriwang kami sa

pagsilang ng iyong Anak. Habang ginugunita namin ang
kanyang pagiging tao, patawarin mo kami sa aming mga
kasalanan, at ihatid mo kami sa kapayapaang walang
wakas. Hinihiling namin ito sa ngalan ni Kristong aming
Panginoon.
Bayan: Amen!
Sisimulan ngayon ang paghahanda sa mga alay. Ang mga tao ay maaring
magprusisyon patungong altar upang ialay ang kanilang maitutulong para sa mga
dukha at sa simbahan.
`
PAGDIRIWANG NG HULING HAPUNAN

PAGHAHANDA NG MGA ALAY
Ngayon ay tatanggapin ng tagapagdiwang ang iba pang mga alay, ang tinapay at ang alak.
Samantalang ito’y ginaganap, ilalagay ng mga tagapaglingkod ang telang patungan ng katawan ni
Kristo, ang pamahiran ng kalis, at ang aklat ng pagmimisa sa ibabaw ng dambana.
Ngayoy tatayo ang punong tagapagdiwang sa gawing gitna ng dambana, hahawakan niya ang
pinggan ng tinapay nang bahagyang nakaangat sa dambana, habang dinarasal niya ng pabulong:
Kapuri-puri ka, Diyos Amang Lumikha sa sanlibutan. Sa

iyong kagandahang-loob, narito ang aming maiaalay.
Mula sa lupa at bunga ng aming paggawa ang tinapay na
ito para maging pagkaing nagbibigay-buhay.
Kapuri-puri ang Poong Maykapal ngayon at kailan man!
Ang diyakono ay magbubuhos ng alak at kaunting tubig sa kalis habang dinarasal nang pabulong.
Sa paghahalong ito ng alak at tubig

kami nawa’y makasalo sa pagka-Diyos ni Kristo
na napagindapat makihati sa aming pagkatao.
Pagbalik sa gawing gitna ng dambana, hahawakan ng punong tagapagdiwang ang kalis nang
bahagyang nakaangat sa dambana habang dinarasal niya nang pabulong:
Kapuri-puri ka, Diyos Amang Lumikha sa sanlibutan. Sa

iyong kagandahang-loob, narito ang aming maiaalay.
Mula sa katas ng ubas at bunga ng aming paggawa ang
alak na ito para maging inuming nagbibigay ng iyong
Espiritu.
Kapuri-puri ang Poong Maykapal ngayon at kailan man!
Pagkatapos yuyuko ang punong tagapagdiwang habang dinarasal niya ng pabulong:
Diyos Amang Lumikha, nakikiusap kaming makasalanan.

Tanggapin mo ang aming pagsisisi bilang handog upang
kami’y matutong sumunod sa iyo ng buong puso.
`
linsesuhan ng punong tagapagdiwang ang mga alay at dambana; pagkaraay iinsensuhan ng

diyakono o ng tagapaglingkod ang pari at mga nagsisimba.
Pagkatapos tutungo ang tagapagdiwang sa gilid ng dambana, maghuhugas siya ng mga kamay
samantalang pabulong niyang dinarasal:
O Diyos kong minamahal, kasalanan ko’y hugasan

at linisin mong lubusan ang nagawa kong pagsuway.
Pagbalik ng punong tagapagdiwang sa gitna ng dambana. Ilalahad niya ang kanyang mga kamay
sa mga tao at ipahahayag.
Manalangin kayo, mga kapatid, upang ang paghahain

natin ay kalugdan ng Diyos Amang makapangyarihan.
Tanggapin nawa ng Panginoon itong paghahain sa iyong mga kamay sa
kapurihan niya at karangalan sa ating kapakinabangan at sa buong
Sambayanan niyang banal.
PANALANGIN UKOL SA MGA ALAY

Ama naming Lumikha,
kalugdan mo ang paghahain ngayong Pasko ng
Pagsilang.
Sa pagpapalitang ito ng iyong kaloob at aming handog
ang Anak mong umako sa aming kaabahan ay siya
nawang magparangal sa ami’t magtampok
bilang Tagapamagitan kasama ng Espiritu Santo
magpasawalang hanggan.
Bayan:
Amen.
`
PREPASYO (PASKO NG PAGSILANG)

Sumainyo ang Panginoon.
At sumaiyo rin.
ltaas sa Diyos ang inyong puso at diwa.

Itinaas na namin sa Panginoon.
Pasalamatan natin ang Panginoong ating Diyos.

Marapat na siya ay pasalamatan.
Ama naming makapangyarihan,

tunay ngang marapat na ikaw ay aming pasalamatan sa
pamamagitan ni Hesukristo na aming Panginoon.
Ang Anak mong di na naiiba sa amin
ay siyang pumawi sa dilim
kaya ngayo’y ikaw ang aming nababanaagan.
Ang Anak mong di naiiba sa iyo ay siyang iisang Salita
mo.
Sa katauhan niya ang iyong sarili’y aming
nakikita.
Sa pamamagitan niya ang iyong pag-ibig ay kahali-halina
kahit ikaw ay lingid sa aming mata.
Kaya kaisa ng mga anghel na nagsisiawit ng papuri sa iyo

nang walang humpay sa kalangitan kami’y nagbubunyi
sa Iyong kadakilaan:
SANCTUS
`
Nakalahad ang mga kamay ng pari sa pagdarasal:
Ama naming maawain,

ipinaaabot namin ang pasasalamat sa iyo
sa pamamagitan ng aming Panginoong Hesukristo.
Pagdaraupin ng pari ang kamay at kukrusan niya ang tinapay at kalis, samantalang
kanyang dinarasal.
Ipinakikiusap naming sa pamamagitan ng Anak mong ito

na ang mga kaloob namin ay tanggapin at basbasan mo 
sa pagdiriwang namin ng paghahain niya sa iyo.
Iniaalay namin ito sa iyo
unang-una para sa iyong banal na Simbahang Katolika.
Pagkalooban mo ng kapayapaan at pagkupkop,
pagkakaisa at pagtataguyod,
ang mga kaanib nito sa sansinukob,
kaisa ng aming Papa Francisco, na iyong lingkod,
kasama ng aming Obispong si Jose
at lahat ng nananalig at nagpapalaganap sa
pananampalatayang katoliko na galing sa mga apostol.
NAKIKIPAGDIWANG I
Ama namin, iyong alalahanin ang iyong mga anak na

ngayo’y aming idinadalangin: N. at N.
Sila’y saglit na ipagdarasal ng pari nang may magkadaop na kamay.
Pagkatapos, ang pari ay patuloy na magdarasal nang nakalahad ang mga kamay.
Ang aming pananampalataya ay nababatid mo,

gayundin ang pagsisikap naming maging tapat sa iyo.
Ang paghahaing ito ng pagpupuri
ay aming iniaalay para sa kapakanan namin
`
at ng mga mahal namin sa buhay,

para sa aming kalusugan at walang hanggang kaligtasan
sa pagdulog namin sa iyong kadakilaan,
Diyos na totoo at nabubuhay kailanman.
NAKIKIPAGDIWANG II
Kaisa ng buong Simbahan,
ipinagdiriwang namin sa gabing ito
ang dakilang kapistahan ng Pasko ng Pagsilang ng
Tagapagligtas sa sanlibutan,
noong Siya’y ipinanganak ni Santa Maria
na nagdalang-tao at nanatili pa ring Birhen.
Pinararangalan namin ngayon, unang-una,

ang Ina ng Diyos at Panginoon naming si Hesukristo, si
Maria na maluwalhating laging Birhen:
gayundin ang kanyang kabiyak ng pusong si San Jose,
ang iyong pinagpalang mga apostol at martir
na sina Pedro, Pablo at Andres, (sina Santiago, Juan, Tomas,
Santiago, Felipe, Bartolome, Mateo, Simon at Tadeo; gayundin din sina
Lino, Cleto, Clemente, Sixto, Cornelio, Cipriano, Lorenzo, Crisogono, Juan
at Pablo, Cosme at Damian) at lahat ng iyong mga banal.
Pakundangan sa kanilang ginawang kabutihan

at walang sawang pagdalangin para sa aming kapakanan,
kami ay lagi mong kalingain at ipagsanggalang.
`
PUNONG TAGAPAGDIWANG
Nakalahad ang mga kamay ng pari sa pagdarasal.
Ama namin,
iyong tanggapin ang handog na ito ng iyong buong angkan.
Loobin mo kami’y makapamuhay araw-araw
sa iyong kapayapaan.
Huwag mong ipahintulot na kami’y mawalay sa iyo
kailan pa man.
Ibilang mo kami sa iyong mga hinirang.
Lulukuban ng mga kamay ng punong tagapagdiwang ang mga alay habang siya’y
nagdarasal.
Ama namin
basbasan mo ang mga handog naming ito.
Marapatin mong sambahin ka namin sa espiritu at
katotohanan,
kaya para sa amin ito ay gawin mong maging katawan at
Dugo ng pinakamamahal mong Anak,
ang aming Panginoong Hesukristo.
`
Pagdaraupin niya ang kanyang mga kamay.
Noong bisperas ng kanyang pagpapakasakit,

Hahawakan ng tagapagdiwang ang tinapay nang bahagyang nakataas sa ibabaw ng
dambana habang kanyang patuloy na inihahayag:
hinawakan niya ang tinapay sa kanyang banal at

kagalang-galang na mga kamay.
Ang pari ay titingala.
Tumingala siya sa langit, sa iyo,

Diyos Ama niyang makapangyarihan,
at nagpasalamat siya sa iyo.
Pinaghati-hati niya ang tinapay, iniabot niya sa kanyang
mga alagad at sinabi:
Bahagyang yuyuko ang pari:
TANGGAPIN NINYONG LAHAT ITO AT KANIN:

ITO ANG AKING KATAWAN
NA IHAHANDOG PARA SA INYO.
Ipapamalas niya ang ostiyang itinalagang maging katawan ni Kristo, ipapatong
niya ito sa pinggan, at luluhod siya bilang pagsamba.
`
Ang pari ay magpapatuloy:
Gayun din naman, noong matapos ang hapunan,

Hahawakan ng tagapagdiwang ang kalis nang bahagyang nakataas sa ibabaw ng
dambana habang kanyang patuloy na inihahayag:
hinawakan niya ang kalis na ito ng pagpapala

sa kanyang banal at kagalang-galang na mga kamay,
muli ka niyang pinasalamatan, iniabot niya ang kalis sa
kanyang mga alagad at sinabi:
Bahagyang yuyuko ang pari:
TANGGAPIN NINYONG LAHAT ITO AT INUMIN:

ITO ANG KALIS NG AKING DUGO
NG BAGO AT WALANG HANGGANG TIPAN,
ANG AKING DUGO NA IBUBUHOS
PARA SA INYO AT PARA SA LAHAT
SA IKAPAGPAPATAWAD NG MGA KASALANAN.
GAWIN NINYO ITO SA PAG-ALALA SA AKIN.
Ipapamalas niya ang kalis, ipapatong niya ito sa telang patungan ng katawan ni
Kristo, at luluhod siya bilang pagsamba.
Pagkatapos, ipahahayag ng pari:
Ipagbunyi natin ang misteryo ng pananampalataya.

Si Kristo’y namatay!
Si Kristo’y nabuhay!
Si Kristo’y babalik sa wakas ng panahon!
`
Ilalahad ng tagapagdiwang ang kanyang mga kamay samantalang siya ay

nagdarasal:
Ama, kaming mga lingkod mo

at bumubuo sa iyong bayang banal
ay nagdiriwang sa alaala ni Kristo na iyong Anak at
aming Panginoon.
Ginugunita namin ang kanyang dakilang pagpapakasakit

ang pagbangon niya mula sa kamatayan,
at ang matagumpay na pag-akyat niya sa kalangitan.
Kaya mula sa mga biyayang sa iyo rin nanggaling
inihahandog namin sa iyong kataas-taasang kamahalan
ang paghahain na ito na katangi-tangi at dalisay:
Ang pagkaing nagbibigay-buhay kailan man at ang
inuming nagbibigay-kagalingang walang katapusan.
Masdan mo nang buong kasiyahan ang aming mga alay

na ito.
Ganapin mo sa mga ito ang ginawa mo sa mga handog ni
Abel, ang lingkod na matapat sa iyo,
sa paghahain ni Abraham, na ama namin sa
pananampalatayang totoo,
at sa inihandang tinapay at alak ni Melkisedek, na paring
hinirang mo.
Paunlakan mo ngayong tanggapin ang banal at dalisay na
paghahain.
`
Yuyuko ang tagapagdiwang at magdarasal siyang magkadaop ang mga kamay.
Makapangyarihang Diyos,
hinihiling naming iyong ipaakyat sa banal mong anghel
ang mga alay na ito
sa dakilang dambanang nasa iyong harap
upang sa pagsasalo sa banal na katawan at dugo ng iyong
Anak
sa pakikinabang namin ngayon dito sa banal mong hapag
Tatayo nang tuwid ang pari at magkukrus samantalang nagdarasal
 kami ay mapuspos ng iyong pagpapala at tanang

pagbabasbas.
NAKIKIPAGDIWANG III
PAG-ALALA SA MGA YUMAO SA DAIGDIG
Nakalahad ang mga kamay ng pari sa pagdarasal.
Ama namin,
iyo ring alalahanin ang mga anak mong naunang yumao
sa amin
sa paghimlay sa iyong kapayapaan
yamang ang tatak ng pananampalataya ay kanilang taglay
at sila ngayo’y aming ipinagdarasal: N. at N.
Sila’y saglit na ipagdarasal ng pari nang may magkadaop na mga kamay.

Pagkatapos, ang pari ay patuloy na magdarasal nang nakalahad ang mga kamay.
`
Sila at ang tanang nahihimlay sa kandungan ni Kristo

ay aming idinadalangin sa iyo
upang iyong pagbigyang makarating sa pagsasalo,
pagliliwanag at pamamahinga sa iyong piling.

(Sa pamamagitan ng aming Panginoong Hesukristo. Amen.)
NAKIKIPAGDIWANG IV
Dadagukan ng kanang kamay ng pari ang kanyang dibdib habang siya ay
nagsisimulang magdasal.
Kahit kami ay mga makasalanan mong lingkod,

Patuloy na magdarasal ang pari nang naklahad ang mga kamay.
kami rin ay nagtitiwala sa iyong nag-uumapaw na

pagkamapagbigay sa aming pamumuhay araw-araw.
Kaya pagindapatin mo ring kami ay makaugnay at
makapiling ng iyong mga banal na apostol at martir,
kasama nina Juan Bautista, Esteban, Matias, Bernabe,
(Ignacio, Alejandro, Marcelino, Pedro, Felicidad, Perpetua, Agata, Lucia,
Agnes, Cecilia, Anastasia) at ng lahat ng iyong mga banal.
Kami nawa’y makapisan nila

hindi dahil sa aming ginagawang
kabutihang kulang na kulang
kundi pakundangan sa iyong pagpupuno sa aming
kakulangan.
`
(Sa pamamagitan ng aming Panginoong Hesukristo.)
PUNONG TAGAPAGDIWANG
At patuloy na magdarasal ang punong tagapagdiwang:
Sa kanyang pamamagitan ang tanang mabubuting

kaloob mong ito ay lagi mong pinaiiral, pinababanal,
binubuhay, binabasbasan at sa amin ibinibigay.
Hahawakan ng punong tagapagdiwang ang pinggang may ostiya at ang kalis at

kapwa niya itataas habang kanyang ipinapahayag:
SA PAMAMAGITAN NI KRISTO,
KASAMA NIYA, AT SA KANYA,
ANG LAHAT NG PARANGAL AT PAPURI AY SA IYO,
DIYOS AMANG MAKAPANGYARIHAN,
KASAMA NG ESPIRITU SANTO
MAGPASAWALANG HANGGAN.
Bayan:
Amen.
`
ANG PAKIKINABANG
Sa tagubilin ng mga nakagagaling na utos at turo ni
Hesus na Panginoon natin at Diyos ipahayag natin nang
lakas-loob:
Ama namin, sumasalangit ka.
Sambahin ang ngalan mo.
Mapasaamin ang kaharian mo.
Sundin ang loob mo dito sa lupa para nang sa langit.
Bigyan mo kami ngayon ng aming kakanin sa araw-araw.
At patawarin mo kami sa aming mga sala para nang
pagpapatawad namin sa nagkakasala sa amin
At huwag mo kaming ipahintulot sa tukso.
At iadya mo kami sa lahat ng masama.
Nakalahad ang mga kamay ng punong tagapagdiwang sa pagdarasal:
Hinihiling naming
kami’y iadya sa lahat ng masama,
pagkalooban ng kapayapaan araw-araw,
iligtas sa kasalanan at
ilayo sa lahat ng kapahamakan
samantalang aming pinananabikan
ang dakilang araw ng pagpapahayag
ng Tagapagligtas naming si Hesukristo.

Sapagka’t iyo ang kaharian at ang kapangyarihan at ang kapurihan
magpakailan man! Amen.
`
Malakas na darasalin ng paring nakalahad ang mga kamay:
Panginoong Hesukristo,
sinabi mo sa iyong mga Apostol:
“Kapayapaan ang iniiwan ko sa inyo.
Ang aking kapayapaan ang
ibinibigay ko sa inyo.”
Tunghayan mo ang aming pananampalataya
at huwag ang aming mga pagkakasala. Pagkalooban mo
kami ng kapayapaan
at pagkakaisa ayon sa iyong kalooban
Kasama ng Espiritu Santo magpasawalang hanggan.

Amen.
Ang kapayapaan ng Panginoong Hesukristo ay laging

sumainyong lahat.
At sumaiyo rin.
Lpahahayag ng diyakono o ng pari
Magbigayan kayo ng kapayapaan sa isa’t isa.

Pagkatapos, hahawakan ng pari ang ostiya at hahati-hatiin niya ito sa ibabaw ng
pinggan at isasawak niya ang kaputol sa kalis habang pabulong niyang dinarasal:
Sa pagsasawak na ito ng katawan sa dugo ng aming

Panginoong Hesukristo, tanggapin nawa namin sa
pakikinabang ang buhay na walang hanggan.
`
Matapos magbigayan ng kapayapaan, aawit ang koro habang nagdarasal nang

pabulong ang pari.
Kordero ng Diyos, na nag-aalis ng mga kasalanan ng sanlibutan,
maawa ka sa amin.
maawa ka sa amin.
ipagkaloob mo sa amin ang kapayapaan.
Magkadaop ang mga kamay ng pari sa pabulong na pagdarasal.
Panginoong Hesukristo,
Anak ng Diyos na buhay,
sa kalooban ng Ama
kasama ng Espiritu Santo,
binuhay mo sa iyong
pagkamatay ang sanlibutan.
Pakundangan sa iyong banal na
katawan at dugo,
iadya mo ako sa tanang aking kasalanan
at lahat ng masama,
gawin mo akong laging makasunod
sa iyong mga utos,
at huwag mong ipahintulot na ako’y
mawalay sa iyo kailanman.
Luluhod ang tagapagdiwang at darasalin ng pabulong ang panalangin bago

magkomunyon. Pagtayo niya kanyang hahawakan ang ostiya na itataas sa ibabaw ng
pinggan. Paharap sa mga tao siyang magsasabi ng malakas:
Ito ang Kordero ng Diyos. Ito ang nag-aalis ng mga

kasalanan ng sanlibutan. Mapapalad tayong
nakikibahagi sa kanyang banal na piging.
`
Panginoon, hindi ako karapat-dapat na magpatuloy sa iyo nguni’t sa isang

salita mo lamang ay gagaling na ako.
Siya ay makikinabang nang magalang at nakayuko sa dambana habang patuloy na
nagdarasal:
Ipagsanggalang nawa ako ng katawan ni Kristo patungo sa

buhay na walang hanggan.
Mapitagan niyang tatanggapin ang katawan ni Kristo.
Kukunin niya ang kalis ng dugo ni Kristo.
Ipagsanggalang nawa ako ng dugo ni Kristo patungo sa

buhay na walang hanggan.
Mapitagan niyang tatanggapin ang dugo ng Kristo.
Pagkapakinabang bibigyan niya ang sambayanan ng katawan ni Kristo. Makaaawit
ang koro ng naaangkop na awit.
Matapos ang komunyon, maaaring mgakaroon ng ilang saglit ng katahimikan para
sa pansariling pananalangin at pagninilay.
`
PANALANGIN PAGKAPAKINABANG
Manalangin tayo.
Saglit na katahimikan.
Ama naming mapagmahal,

sa pagdiriwang namin ng maligayang Pasko
pagindapatin mong kami’y makasalo
sa pamumuhay ng Anak mong kalugud-lugod sa iyo
bilang Tagapamagitan kasama ng Espiritu Santo
magpasawalang hanggan.
Amen.
PATALASTAS / PAGPAPASALAMAT
`
PAGBABASBAS AT PAGHAHAYO
Gagawin ang pagbabasbas ng punong tagapagdiwang.
Sumainyo ang Panginoon

At sumaiyo rin.
Magsiyuko kayo habang iginagawad ang pagbabasbas.
Ang Diyos na humawi sa kadiliman noong

magkatawang-tao ang Anak niyang mahal at nagdudulot
ng liwanag sa banal na gabing ito pakundangan sa
kanyang pagsilang ay siya nawang magtaboy sa dilim ng
kasamaan at magpaningning sa liwanag ng kabutihan sa
inyong kalooban ngayon at magpasawalang hanggan.
Amen.
Ang Diyos na nagsugo ng Anghel para ihatid ang

Magandang Balita ay siya nawang pumuspos sa inyo ng
tuwa para maihatid sa tanan ang kanyang Mabuting
Balita ngayon at magpasawalang hanggan.
Amen.
Ang Diyos na nag-ugnay ng lupa sa kalangitan ay siya

nawang pumuspos sa inyo sa kapayapaan at kaluguran
bilang mga katambal ng nasa langit niyang Sambayanan
ngayon at magpasawalang hanggan.
Amen.
At pagpalain nawa kayo ng makapangyarihang Diyos,

Ama at Anak  at Espiritu Santo.
Amen.
`
Humayo kayo’t mahalin at paglingkuran ang inyong

Diyos at kapwa.
Salamat sa Diyos.
Lilisanin ng punong tagapagdiwang at mga tagapaglingkod ang santwaryo.

Pagmimisa Sa Hatinggabi NG Pasko NG Pagsilang (2022)

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Pagmimisa Sa Hatinggabi NG Pasko NG Pagsilang (2022)

Uploaded by

Copyright:

Available Formats

PAGMIMISA SA HATINGGABI NG

PAROKYA NI SAN JUAN NEPOMUCENO

Pagsapit sa bungad ng dambana, pasisimulan ang pagpapahayag ng pagsilang ng Panginoong

ANG PAGPAPAHAYAG NG PAGSILANG NI KRISTO

Ngayon, ika-dalawampu’t-limang araw ng Disyembre,

Ilang libong taon ang lumipas pagkatapos ng baha,

Labintatlong siglo sa paglisan ni Moises

Sa ika-sandaan at siyamnapu’t- apat na Olimpiada,

ang ating Panginoong Hesukristo,

ay isinilang sa Bethlehem ng Judea ng Birheng Maria

Ngayon, ang kapanganakan ng ating

Iinsensuhan ng tagapagdiwang ang sanggol na Hesus. Matapos nito’y papalamutian

Pagsapit sa dambana, ang tagapagdiwang, ang mga nakikipagdiwang na mga pari, at

Pupunta ang punong tagapagdiwang sa kanyang upuan at sisimulan ang Banal na

Sa araw na ito, buong puso tayong nagpapasalamat sa Diyos

Nananahan ang Diyos sa ating piling

Sandaling katahimikan. Matapos, kasabay ng bayan ay wiwkain ng pari:

Inaamin ko sa makapangyarihang Diyos,

Panginoon kaawaan mo kami

Kristo kaawaan mo kami.

Panginoon kaawaan mo kami.

Papuri sa Diyos sa kaitaasan

Ama naming makapangyarihan

Pagbasa mula sa Aklat ni Propeta Isaias

Nakatanaw ng isang malaking liwanag ang bayang

Tulad ng mga tao sa panahon ng anihan, tulad ng mga

Ang salita ng Diyos.

SALMONG TUGUNAN Salmo 95, 1-2a. 2b-3. 11-12, 13

Tugon. Sa ati’y sumilang ngayon,

Purihin ang Panginoon, awitan ng bagong awit;

Awitan ang Panginoon, ngalan niya ay purihin;

Lupa’t langit ay magsaya, umugong ang kalaliman,

Ang Poon ay pupurihin, pagkat siya ay daratal,

IKALAWANG PAGBASA Tito 2: 11 – 14

Pagbasa mula sa Sulat ni Apostol San Pablo kay Tito

Pinakamamahal kong kapatid: Inihayag ng Diyos ang

Kaya’t makapamumuhay tayo ngayon nang maayos,

Ang salita ng Diyos.

PAGPAPAHAYAG NG MABUTING BALITA

 Ang Mabuting Balita ng Panginoon ayon kay San

Noong panahong iyon, iniutos ng Emperador Augusto na

Mula sa Nazaret, Galilea, si Jose’y pumunta sa Betlehem, Judea,

Sa lupain ding yaon ay may mga pastol na nasa parang,

kayong matakot! Ako’y may dalang mabuting balita para sa

Biglang lumitaw sa tabi ng anghel ang isang malaking hukbo ng

Ang Mabuting Balita ng Panginoon.

Ngayong gabi, ilapit natin sa Ama ang ating mga

Matutunan nawa muli ng mga namumuno sa pamahalaan ang

Turuan mo kaming pumanig sa mga mahihirap, mga mababang –

Kupkupin mo ang mga nawalan ng tahanan sa sakunang dulot ng

Ingatan mo ang mga mahal naming sa buhay na hindi naming

Sa ilang sandali ng katahimikan, ating ipanalangin ang iba pang

Ama naming Diyos, ngayon gabi nagdiriwang kami sa

PAGDIRIWANG NG HULING HAPUNAN

Kapuri-puri ka, Diyos Amang Lumikha sa sanlibutan. Sa

Sa paghahalong ito ng alak at tubig

Kapuri-puri ka, Diyos Amang Lumikha sa sanlibutan. Sa

Diyos Amang Lumikha, nakikiusap kaming makasalanan.

linsesuhan ng punong tagapagdiwang ang mga alay at dambana; pagkaraay iinsensuhan ng

O Diyos kong minamahal, kasalanan ko’y hugasan

Manalangin kayo, mga kapatid, upang ang paghahain

PANALANGIN UKOL SA MGA ALAY

PREPASYO (PASKO NG PAGSILANG)