Professional Documents
Culture Documents
A është e mundur ndarja e këtij rrjeti (subnetting) nëpërmjet përdorimit të metodës FLSM
(Fixed Length Subnet Mask)? Nëse jo, llogarisni adresat IP për çdo subnet me anë të metodës
VLSM (Variable Length Subnet Mask) në mënyrë që të plotësohen nevojat e çdo subneti për
adresat e hosteve.
Zgjidhje
Në lidhje me faktin nëse është e mundur ndarja e këtij rrjeti (subnetting) përmes metodës
FLSM (Fixed Length Subnet Mask), duhet të shohim numrin e subneteve që kërkohen ose
nevojën për hoste që ka secili subnet. Në rastin tonë, kërkohen 5 subnete atëherë duhet të
merren 3 bite borxh nga pjesa e biteve të hostit dhe ti kalojnë pjesës së biteve për rrjetin. Me
3 bite për subnet, krijohen gjithsej 8 subnete, pra plotësohen nevojat për subnete. Në këtë
rast, CSM (Custom Subnet Mask) do të jetë DSM+3, pra /24 +3=/27. Në krahun tjetër, i bie
që numri i biteve që mbeten për hostet është 32-27=5 bite për hostet. Me 5 bite për hostet,
numri i hosteve për subnet =25-2=30 hoste për subnet. Por subnetin tonë më të madh pra
Subnet 4 e kemi me 46 hoste. Pra, i bie që nuk plotësohen nevojat për hoste. Pra, në
konkluzion ndarja e rrjetit përmes metodës FLSM është e pamundur.
Analiza do të ishte po njësoj edhe po të niseshit nga nevoja për adresa të hosteve. Në rastin
tonë, subnet 4 ka nevojë për 46 hoste pra 2n-2≥46, pra n=6 bite për hostin. Nëse kemi 6 bite
për hostin, i bie 26 bite për rrjetin, pra CSM=/26. Por nga /24 në /26 do të thotë që janë marrë
2 bite hua për të krijuar subnetet. Me 2 bite hua, krijohen gjithsej 4 subnete, gjë që nuk është
e mjaftueshme pasi kërkohen 5 subnete. Pra, përsëri arrijmë në konkluzionin se subnetting
përmes FLSM në këtë rast nuk mund të kryhet.
Kalojmë tek zgjidhja e ushtrimit përmes metodës VLSM (Variable Length Subnet Mask).
Fillojmë gjithmonë me subnetin që ka nevojën më të madhe për hoste. Në rastin tonë, subnet
4 kërkon 46 adresa të hosteve. Gjejmë CSM që e mundëson këtë gjë. Duke nisur nga numri i
hosteve për Subnet 4, 2n-2 ≥46, pra n=6 bite për hostin. Ndërkohë CSM=32-6=/26. Kjo është
subnet mask që plotëson nevojat e Subnet 4. Tani nga /24, që është DSM e adresës sonë IP do
të kalojmë në /26, që do të thotë 2 bite janë marrë hua nga pjesa e hosteve për të krijuar
subnetet. Me 2 bite për subnet, krijohen 4 subnet /26. Më poshtë po vendosim adresën e
rrjetit, rangun e hosteve dhe adresën broadcast për secilin subnet.
Numri i Subnet Adresa e Rrjetit Rangu i Hosteve Adresa Broadcast
1 192.168.1.0 192.168.1.1-192.168.1.62 192.168.1.63
2 192.168.1.64 192.168.1.65-192.168.1.126 192.168.1.127
3 192.168.1.128 192.168.1.129-192.168.1.190 192.168.1.191
4 192.168.1.192 192.168.1.193-192.168.1.254 192.168.1.255
Më poshtë po vendosim adresën e rrjetit, rangun e hosteve dhe adresën broadcast për secilin
subnet.
Vazhdojmë njëkohësisht me subnet 1 dhe subnet 3 meqënëse kanë të njëjtat nevoja për hoste.
Në rastin tonë, subnet 1 dhe subnet 3 kërkojnë 2 adresa të hosteve. Gjejmë CSM që e
mundëson këtë gjë. Duke nisur nga numri i hosteve, 2n-2 ≥2, pra n=2 bite për hostin.
Ndërkohë CSM=32-2=/30. Kjo është subnet mask që plotëson nevojat e Subnet 1 dhe Subnet
3. Tashmë do të marrim subnetin e dytë /28 dhe fakti që CSM është /30 i bie do të merren
edhe 2 bite borxh nga pjesa e biteve të hostit për të kaluar tek pjesa e rrjetit. Por, me 2 bite
hua, krijohen 4 nënsubnete, pra nënsubneti Nr.2.2.2 me /28 do të ndahet në 4 nënsubnete /30.
Në këto subnete, do të kemi përkatësisht 22-2=2 hoste për subnet.
Më poshtë po vendosim adresën e rrjetit, rangun e hosteve dhe adresën broadcast për secilin
subnet.
Tashmë na mbeten 2 subnet /30 dhe 2 subnete /26, të cilat mund të përdoren për krijimin e
subneteve të reja në të ardhmen. Kjo është zgjidhja përmes metodës VLSM. Më poshtë
paraqitet tabela përfundimtare e rangjeve të adresave IP të caktuara për çdo subnet: