Republika ng Pilipinas

BOHOL ISLAND STATE UNIVERSITY

Candijay Campus
Cogtong, Candijay, Bohol

TALATANUNGAN
ANTAS NG KAHUSAYAN NG MGA MAG-AARAL SA PAGTUKOY NG URI NG
TAYUTAY

I.Profayl ng Mag-aaral

Lagyan ng tsek ( /) ang kahon batay sa angkop na profayl ng mag-aaral.

Kasarian: Babae Lalaki

Taon: 1 2 3 4

II. Antas ng Kahusayan ng mga Mag-aaral sa pagtukoy ng uri ng tayutay.

Panuto: Basahin nang mabuti at tukuyin ang wastong uri ng tayutay na ginamit

sa bawat pangungusap. Piliin ang tamang sagot sa loob ng kahon at isulat ito bago ang

bawat bilang.

Pagtutulad Pagsasatao Pag-uyam Paghihimig

Pagwawangis Pagmamalabis Pagtawag Pagtatanong

Pagmamalabis 1. Abot tainga ang ngiti ng binata nang mapasagot niya ang dalaga.

Pagwawangis 2. Si Aubrey ay isang ahas na kaibigan ni Martina.

Pagtutulad 3. Ang buhok ni Annie ay kasing itim ng uling.

Pagwawangis 4. Ang kamao ni Felipe ay bakal na dumampi sa aking bisig.

Pagwawangis 5. Ang kutis niyang porselana.

Pagsasatao 6. Ang mga bituin ay kumikindat sa atin mula sa malayo.

Pag-uyam 7. Ang sipag mag-aral ng anak mo palaging siyang bumabagsak sa

pasulit.

Paghihimig 8. Ang tahol ng aso ay minsan nakakairita sa pandinig.

Pagtatanong 9. Ang tatalino niyo pero bakit wala na kayong ginawang tama?

Pagtatanong 10. Ang hilig niyo makisawsaw sa buhay ng iba, ano bang ambag niyo

sa buhay nila?

Pagmamalabis 11. Bumaha ng luha sa burol ng mag-inang naaksidente.

Pagmamalabis 12. Bumuhos ang isang baldeng luha ng binata nang siya'y iwan ng

kanyang kasintahan.

Pagsasatao 13. Hinaplos ng hangin ang aking pisngi.

Pagtawag 14. Oh Kalikasan, tunay ngang kahanga-hanga ang iyong kagandahan.

Pagtutulad 15. Kasing tigas na ng bato ang puso ni Ali nang ito'y iwan ni Allan.

Pagtutulad 16. Katulad ng pait ng ampalaya ang naging buhay ni Carlo sa

bilangguan.

Pagtatanong 17. Ang babagal niyo kumilos, pinapakain ba kayo sa inyo?

Pag-uyam 18. Mabait ang aming kapitbahay kasingbait niya si Hudas.

Pagtawag 19. Maliwanag na buwan, ako'y iyong nakikitang nag-iisa't nalukungkot

sa gitna ng dilim.

Pagmamalabis 20. Nabiyak ang kaniyang dibdib sa sobrang pagdadalamhati.

Pagsasatao 21. Naging malamig ang ihip ng hangin dahil biglang nalungkot ang mga

ulap sa langit.

Pagsasatao 22. Nagkalat ang mga basura sa dalampasigan kaya't nagalit ang

kalikasan.

Paghihimig 23. Nagulat ako sa biglang pagbagting ng kampana.

Paghihimig 24. Napa-idlip ako sa sarap ng huni ng mga ibon.

Paghihimig 25. Napalingon ako sa lakas ng busina ng tren.

Pagsasatao 26. Natuwa ang mga bulakalak dahil araw-araw silang dinidiligan.

Paghihimig 27. Ngumingiyaw ang pusa dahil sa gutom.

Pagtawag 28. Oh, kamatayan! nasaan ka na?

Pagtawag 29. Oh, Panginoon, pasiglahin mo ang puso kong nalulumbay.

Pagtatanong 30. Ano ba ‘yan! Tumingin ka naman sa dinadaanan mo, bulag ka ba?

Pag-uyam 31. Sa sobrang sarap ng luto sa karinderya nila, marami akong nauuwi

para sa alaga kong aso.

Pag-uyam 32. Sa sobrang sipag ni Juan wala siyang ibang ginawa kundi matulog

maghapon.

Pag-uyam 33. Sa sobrang talino ni John wala ng nakakaintindi sa kanya.

Pagmamalabis 34. Saksi ako kung paanong umusok ang ilong ni Aling Delia sa galit.

Pagwawangis 35. Si Pina ay isang magandang pinya.

Pagtutulad 36. Si Mang Tony ay parang leon kung magalit.

Pagtutulad 37. Singlamig ng yelo ang kamay niya dahil sa takot.

Pagwawangis 38. Siya ay kalabaw na napakasipag mag-araro sa bukid.

Pagtawag 39. Ulan! kailan ka darating, mga magsasaka'y nananabik sayo.

Pagtatanong 40. Alam mo namang ikagagalit ni Martin ginawa mo pa rin, baliw ka

ba?