Dhalang: e' settong dhisa anyama dhisa membhâ odi' settong bhalá se lake

asmaepon mamat. Dhineng se bine asmaepon siti. Mamat nganghunge duwe' potre
bine' asmaepon fitri ban ningsih. Fitri ngonghunge kanca asmaepon fatima.
Fitri neka tresna da' ka settong reng lake se asmaepon Jaka. Nangeng Jaka neka
taresna da' ka taretanna fitri se asmaepon Ningsih. Sifatta Fitri paneka endi'
keistimewaan apa bhei se ê oca' bi' lesanna, langsong kadhadhiyan.

Mamat sareng Siti samangken ampon padé seppo malaêpon ê settong bâkto mamat
sareng siti a bhak-rambhak parkara anâkna se asmaepon fitri.

Mamat: (ju' toju' sambi maca koran)

Siti: (datêng dâri dâpor abhereng ningsih sambi nyambi kopi) "paneka kopina mas."
Mamat: "O engghi dek.. ka' enjé tojuk lun, bula arembhâghâ. "(Fitri dateng ningsing
toju' edhi'na ramana)
Siti: "kadhi ponapa mas? "
Mamat: "benni dek, kaule arembhâghâ masalah fitri"
Ningsing : "Fitri anapa rama? "
Mamat : "ria bkn kaka'na a ghebey masalah pole, fitri cellok lun dek"
Siti: "engghi mas, eyoloka ghelu ghi Fitri na. "
Siti: (ngolo' potrena se bâdâ ê dalem kamar) de' enjé lu bhing, ramana bâdâ se
ekarembhagha. "
Fitri: "engghi bhu"
Mamat: "bhing toju' die, bapak nyatorra. "
Fitri: "engghi pak" (Fitri toju')
Mamat: "ba'na jên abit ma' sâjên sanyamanna. "
Fitri: "maksotta panjhenenggan kadhiponapa pak? "
Mamat: "bapak kan ngoca' mon acaca jhék ben saromben.
Fitri: "empian tak usa rok norok pon, neka odi'na kaula"
Ningsih : "Empiyan tak olle ngak ghenika ka', tak olle alaban dek reng seppo"
Fitri : "bkn kia tk usah rok nurok"
Mamat: “beh ma alaban ba’na"
Siti: “Ambu mas empiyan neko bapak ban anak jhek akeket malolo,empiyan biasanya malae
anakna on laon jhek aghi ghir"
Ningsih : "engghi rama, bhender caepon ebhu"
Mamat: “ Astagfirullah”

Dhalang: Kalagghuanna e sakola…

Fatima: “fit bkn tao”
Fitri: “tao ap”
Fatima: “bede lalakek genteng e kelas sebelah, mapan pokokna lahh"
Fitri: “sih sapa nyamana”
Fatima: “Jeria Jaka”
Fitri: “Sih iye apa entare yuk”
Dhalang: Fitri ban Fatima ajhalan ka kellassa Jaka

Fitri: “se kemma an oreng nga”

Fatima: “jeria se asongkok”
Fitri: “Ooo jeria mapan kia muana”

Dhalang: Fatima ban Fitri ajhalan ka bangkuna Jaka

Fatima: “Eh jak anu apa bakna?”
Jaka: “Ya engkok maca buku”
Fatima :" Ya engkok Nyambi kanca raddhin Jak, sakellas bik nkok ".
Jaka : "oiyelah tak papa, soro tojuk die".
Fatima : " sia.. mara jhek dustodus gheremak muana degghik ye".
Jaka : "bekna nyamana sapa?".
Fitri : "Nyamana engkok Fitri".
Jaka :" O engkok Jaka, bekna jhek dus todus ye santaian".
Fatima : (ngajhek se ka due ka kantin) "huh lapar yuk.. norok engkok mara eh ka kantin".

Dhalang: Sadepakna e kantin, se ka Tello katemmu ka Ningsih, pas Fatima nyapa

Fatima : (aghutet) "Hey Ningsih bekna melle apa?".

Ningsih: "Oh bekna fat, ya enkok melle nasek, bekna bik sapa fat?".
Fatima : "Ya engkok abhereng Fitri bik Jaka, couple anyar!".
Fitri: (Fitri ngejhit katemmu bik ale'na) sutttt.. Apara fat nkok kanca bik Jaka ".

Dhalang : kadaddhiyan e sakolaan ajhelen engak biasana, sampe pokol tello' bel pon amonye
tandha mole.

Fitri : Fat, bekna maksotta apa congocoe engkok ngak rua e kantin?"
Fatima : "oh se ghellek, jherengan perak akandha ! Pole kan teppak bekna jhet terro ka Jaka
Mayu".
Fitri : " beh Enjek wa fat, engkok kan ghik bhuru kenal ka Jaka, masak la epangak rua. Jaka
takok tak seneng".
Fatima : " patennang lah Jaka rua lebur kanca… tak kera pas ngusok".
Fitri : "oiyelah.. Mun ngak rua. Enkok deddhi na tak kabeter satiya".

Dhalang : Kalagguwen epon, Fitri ngajhak jaka a kelompok è bengkona Fitri sareng fatima

Fitri : "Jak, ente' lun ye engko' asalena."

Jaka : " iye fit tak arapa"
Fatima : "jhek bit ambit fit ria degghik tak ajher".

Siti ebhuna fitri sareng ningsih se deri abelenjhe è pasar, masok ka roma
Siti : " ebbe… bede kancana Fitri."
Jaka & Fatima: (asalaman)" engghi bhu. Pangapora ghii."
Siti : " Fit!fitt! Kancana mak edhina naakk.."
Jaka : " Tak ponapa pon bhu. Fitri coma asalen."
Fatima : "bekna alekna fitri rah ning, engkok bhuru tao mara".
Ningsih:" Iye fat engkok alekna fitri".
Siti : "oh ria beremma pas ning".
Ningsih : "dhigghel pon bhu, tore temmuni abhereng"
Siti : "oh iye Mara"
Jaka : "Ebhu senneng amassak ghi? Mak masse bennyak se ebelli neng è pasar."
Siti : " Ya allah iyee cong. Sengko' senneng amassak jhet. Apapole ria anakna engkok se
nomer 2 penter sara amassak.
Ningsih : "engghi ebhu, panjhennengan se ngajheri kaula amassak"
Siti : "oh iye, Kacong ria kanca sakellassa Fitri?"
Jaka : " Engghi bhu. Kaula kancana Fitri. 1Paneka alekna fitri bhu? "
Siti : "oh iye aria alekna fitri nyamana ningsih"
Ningsih : "iye engkok alekna fitri"
Fatima : "essih wawancara bik calon mattoa bwahaha".
Ningsih:" Fat.. Nengenneng taosah rok nurok".
Fatima : "beh saporana ghi lek, kaula akandha".

Dhalang : salastarena a cang-bincang bik Jaka. Siti sareng ningsih langsong masok ka depor.

Ningsih : "ebhu, panjhennengan mun amassaa ekabherengnga bik kaula"

Siti : "ebhu bede se ekatanyaa ka bkn ningsih"
Ningsih : "aponapa bhu? "
Siti : "Fitri esakolaanna tk serreng a ghebey masalah kan nak? "
Ningsih : "Bhunten bhu, fitri akher² samangken tak pernah a ghebey masalah"
Siti : "ebhu matoroa fitri ye nak"
Ningsih : " Engghi bhu"

Fitri mare asalen langsong ka Ramana.

Fitri : Pa’ bede tang kanca gherua e luar nyatora bik empiyan
(mamat kaluar nemoni Jaka)
Mamat: Apa cong, ca’na fitri ba’na nyatora
Jaka: Boh empiyan pa’ (sambi tagher jhit )
Mamat: Ba’na bada parlo apa kadie cong?
Jaka: Nten pak kaule perak ngerjaghina tugas abharang, tak anua napa-napa
Mamat: Boh, nga’ ghineko cong
Jaka : Engghi pak
Mamat : Iyela, bapak masok a pole ka delem

Dhalang : Mamat masok nemoni fitri sambi nyator

Mamat: Fit die lun

Fitri : engghi bādā napa pak?”
Mamat : bà’na ria beremma rara bhing. Cakna kancana ba’na nyatora tape dhile etanya aghi
ngocakna ngerja aghina tugas.

Dhalang : Tak abit deri ghenika ebokna fitri nyandher kia

Siti : bada apa ra ria

Mamat : Neka dek anakna empiyan tak genna
Siti : Boh, aponapa mas?
Mamat : Anakna matodus kula da’ kancana.
Siti : Mak bisa?
Mamat : Ghellek nyoro kula ka ade’en soro nyator bik kancana, tape dhile e entare enten
cakna
Fitri : (fitri nyaot da’ ramana) Niatta kaula makennal aghie lalakek da’ empiyan.
Mamat : Benni ngak gherua carana bhinh
Fitri : Engghi kaula tak tao pole carana makennal aghie da’ empiyan. Amargha empiyan lako
tak’ poron.

Dhalang : Salastarena nyator epak na fitri ngajhak abali pole ka ade en nemom Jaka, sambi
nya’ tanya parehal kaodian, pas jaka arassa ta’ nyaman, polana e tanya kaodianna, eppakna
abeli ka budien nemoni binina e kamar.

Mamat : dek bulâ ta’ ngarte maksotta kanak jeria

Makennal aghi lalakek tape ta’ abhânta !!
Siti : Dhinapon mas, fitri ghaneka la dibesa, pon bejena car-pacaran empeyan jha’ ngosok
sara.
Mamat : Benni ngak gheneko dek, bula ta’ senneng kia ka lalakek gheneko
Siti : Aponapa mas? Empiyan pon kenal napa? Mak empiyan pon ngocak tak seneng?
Mamat : Ta’ ngarghai sakole oreng nyator, pegghel bula dek”
Siti : Mongken tojjhuwânna Fitri bhaghus mas
Mamat: Ye tape, bula pagghun ta’ senneng ka lalakek gheneko” (Mamat kaluar dari kamar
nojjhu da dapor)

Dhalang : Kalagghuanna, Fitri, Fatima, Jaka ban Ningsih mangkat dari compo’na da’ sakola,
neng sakola kabbhi moret ajhar, satandugga dari ghapaneka bel amonye tandhana mole,
Ningsih sareng jaka wa’-duwa’an tojuk neng gazebo sakolaan.

Jaka : Ningsih engkok la abit terro ka ba’na, ba’na rua raddhin, apa badana, tak sombong
Ningsih : Teros?
Jaka : Ba’na endek enjek deddhi pacarra engkok?
Ningsih sem mesem todus) eh....emmm ba’na ongghuen Jak?
Jaka : Deri abesenna engkok beremma ra? Ria engkok ongghuen
Ningsih : Beremma yeeee....... Iyelaahh engkok narema ba’na
Jaka : tak nyangka bkn narema eng kok
Ningsih : tape jak, engkok tak nyaman ka fitri, engkok tao fitri rua terro ka bkn"
Jaka : "bkn tak usah kabeter, masalah fitri serraaghi ka engkok"

Dhalang : Tak esangka molae ghellek fitri nyaksene jaka ban ningsih.

Fitri : "Korang ajhar ba'na ningsih! Molae sabbhen engko' la sabbher. Sateya engko’
ta’ bisa neng-eneng teros. Mandhar andi'e panyake’ tel-ghatel bekna ye,”

Dhalang : Tak esangka ca' oca' se kalowar deri latena fitri dheddhi kanyataan.

Ningsih : "Adduh... Bhadhenna engko' arapa riya ma' ce' ghetella."

Jaka : "Ya allah bekna arapa Ningsih?"
Ningsih : "Engkok tak tao kiya Jak, mak bisa ngak ria (sambi aru-gheru bhadanna)

Dhalang : Fatima se ngeding oca'na Fitri ban nangale kadhaddhiyan se bada langsong
ngejjhit, tak nyangka jhek Fitri ghik ampo ca'-ngoca' se jhuba'.
Fatima : (Nyandher ka fitri) Astaghfirullah fitfit, ba'na mak pakghun ngak rua.
Fitri : "Ambu ba'na jhek rok-norok orosanna engkok"

Dhalang : Fatima ngajek fitri mole makle kabadaanna tennang, sanapakna e compokna fitri,
fatima langsong alapor da' rama sareng ebhuna fitri.

Fatima : "Assalamu'alaikum lek mamat...... lekkk..... lek siti....

Siti : Waalaikumsalam, bada napa bhing ma’ mase cek ghipona.”
Fatima : “Lek kaula nyatora masalah fitri (sambi agandeng fitri)”
Siti : “Beehhh arapa fitri bhing? Bada masalah apa? Mara tojuk lun acareta masalahna.”

Dhalang : Fatima nyator lanjhang lebar kadhaddiyan sẽ bâdâ è sokola.

Mamat : "Ya allah bhing, tak dle ngak rua. Berempa kale bapak maengak bekna. Tak
olle nyator se jhuba”.
Siti : “iye Fitri anak na ebok se roddhin. Bhender cakna bapakna. Hadiah se eberrik
ghuste allah da' lesanna bekna kodhu angghuy pateppak."
Fitri : "Engghi bok, pak. Kaule saporana. (sambi asalaman ka emma’ ban pakna).

Dhalang : Kalagghuenna pas e sakola, Fitri ngajhak mun temmun Jaka ban Ningsih
e ade'na kelas.

Fitri : "Jaka, Ningsih engkok saporana ye ka bekna kadue engkok benyak salah."
Jaka : "Beh.. bede apa ria fit?."
Fitri : "Ngak ria.. engkok be'erik nyator se jhuba' ka Ningsih sampek Ningsih sakek
tel-ghetel!."
Ningsih : "Astaghfirullah engkok bede salah apa fit ka bekna."
Fitri : "Bekna tak salah apa apa Ningsih, engkok perak tambhuruen ka bekna polana
Jaka nembak bekna."
Ningsih : "Ya Allah engkok saporana kia ye, engkok tak andi' pekkeran nyake'e
atena bekna."
Fitri : "Enjek Ningsih engkok se salah."
Ningsih : "Iye, engkok nyaporae bekna sepenteng satia bekna la sadar fit".

Dhalang : Akherra se katello saleng anyapora aghi dari kabeteran se e lakone

Lobhar

Ajege ate pade pentengnga ban ajege lean. Sabeb, kalamon manossa se atena bherse, bhekal
kaluar deri lesanna cak ocak se bheghus, lesan acermin aghi kabheghusen ate manossa