LITURGI PENCIPTAAN

1. Ba ngaluo sifōfōna, Ifazōkhi Lowalangi HAGA ena’ō tefabali ira zi

maōkhō ba si bongi. Imane Lowalangi: Yamohaga! Ba mohaga. Ba
ibeʼe tõi haga andrõ zi maʼõkhõ Lowalangi ba tõi zogõmigõmi
andrõ ba si bongi ibeʼe. (I Moze 1:3 & 5).

2. Ba ngaluo si dua, Ifazõkhi waʼebolo mbanua andrõ Lowalangi,

famabali nidanõ tou mbanua ba nidanõ yawa mbanua. Ba ifōfōgō ira
nasi awō mbanua si yawa ba gotalua nidanō Yehowa , ena’ō oroma
zabe’e tanō. Ba ibe’e tōi zabe’e andrō danō Lowalangi ba sitonia
idanō, ba ibe’e tōi nia asi. (1 Moze 1:7, 9-10).

3. Ba ngaluo si tōlu, imane Yehowa Lowalangi “Ya tumbu ba danō

ndru’u, awō gule-gule sowua, tanōmō dania; Ba eu sowua ngawalō
mbua ba danō, so hunō tanōmōnia” Ba fefu da’ō oi itōrō (1 Moze
1:11).

4. Ba ngaluo si ōfa, imane Lowalangi “Ya so zihaga ba wa’ebolo

mbanua andrō, ba wamōfō’ō si maōkhō ba si bongi, ba ya tobali
tandra nga’ōtō ba tandra ngaluo ba tandra ndrōfi wakhe andrō”.
Meno aefa iwa’ō da’ō ba so haga samohaga banua andrō, yaia daō
LUO samatōrō sima’ōkhō, BAWA samatōrō si bongi awō ndrōfi
ma’afefu” (1 Moze 1:14).

5. Ba ngaluo si lima, imane Lowalangi “Ya maliwa-liwa ba nidanō

zaliwa-liwa sonoso ba ya muhombo wofo yawa guli danō, ba
wa’ebolo mbanua andrō” Ba ifazōkhi Lowalangi zaliwa-liwa ba
nasi andrō, segebua, ba sonoso andrō fefu, saliwa-liwa, soliha-liha
ba nidanō, ngawa-ngawalō awō ngawalō zihombo (1 Moze 1:20-
21).
6. Ba ngaluo si ōnō, ba imane Lowalangi “Da tafazōkhi niha,
famaedoda, si fakhili-khili khōda, samatōrō i’a ba nasi dania ba fofo
ba dalu mbanua ba urifō niha andrō, ba utu ndru’u fefu, awō kuō-
kuō andrō sanana-nana ba guli danō”. Ba ifazōkhi niha Lowalangi,
famaedo-Nia, famaedo Lowalangi ibali’ō; ira matua ba ira alawe
wombōi-Nia ya’ira (1 Moze 1:26-27).

7. Ba ngaluo si fitu “Ba molombase Lowalangi, me no awai wombōi-

Nia andrō fefu nifazōkhi-Nia. Ba ifahowu’ō Lowalangi luo si fitu,
ni’amoni’ō iwa’ō meno molombase Ia ba da’ō me no awai halōwō-
Nia andrō fefu, niwōwōi-Nia ba nifazōkhi-Nia” (1 Moze 2:2b-3).

8. Daʼõ mbõrõta mbanua si yawa, fabaya tanõ, me tefazõkhi: Me luo

ifazõkhi Yehowa Lowalangi danõ, awõ mbanua si yawa, ba lõ euʼeu
na ba mbenua ba lõ sinanõ na ba mbolo mbenua; lõʼõ na nifoteu
Yehowa Lowalangi tanõ, ba lõ niha na, sonowi menaʼõ. Ba sau zi
mõi miyawa moroi ba danõ, inamoi guli danõ maʼasagõrõ (1 Moze
2:4-6).