Uri ng Tula

Ang tula, o kilala sa panitikan bilang patula, ay isa sa dalawang uri ng panitikan na isang
pagtutulungan ng mga salita at ritmo o rhythm.

Nakabilang dito ang ritmo at metro o meter, na kung saan ang ritmo ay nagpapakita ng
pagkahaba at pagkaikli na mga pattern sa pamamagitan ng nagbibigay-diin at hindi
nagbibigay-diin na mga pantig; habang ang metro naman ay isang set ng mga patakaran na
namamahala sa mga numero at pag-aayos ng mga pantig sa bawat linya.

Mga Uri

 Tulang Damdamin o Tulang Liriko

 Ang uri nito ay sumasalamin sa damdamin ng makata o ang taong sumusulat ng
tula. Ang damdamin o emosyon ng makata laman ang naging konsiderasyon sa
pagsulat ng uri nito. Kabilang na dito ang mga sumusunod na akda:
 Awit – ito naman tumutukoy sa mga musikang may tono na talagang
magandang pinakikinggan.
 Soneto – isang mahabang tula na binubuo ng 14 na linya. Tumatalakay ito sa
kaisipan, diwa ng makata.
 Oda – isang tula na nakatuon sa pagbibigay ng papuri o dedikasyon sa isang
tao, bagay, o anumang elemento.
 Elehiya – isang tulang malungkot at pagdadalamhating babasahin.Ang
karaniwang tema nito ay kamatayan o pagluluksa.
 Dalit – ito naman ay tumutukoy sa tulang damdamin na nagpapakita ng
luwalhati, kaligayahan, o pagpapasalamat.

 Tulang Pasalaysay 
 ang tulang pasalaysay ay tumutukoy sa mga pinapaksang mga importante at
mahahalagang mga tagpo o pangyayari sa buhay, kagitingan at kabayanihan ng
isang tauhan. Kabilang dito ang sumusunod:
 Epiko – ito ay isang akdang patula na isinalaysay ang kabayanihan at
pakikipagtunggali ng isang tao o mga tao laban sa mga kaaway na
kadalasang hindi mapaniwalaan dahil sa mga tagpuang makababalaghan
at di-kapani-paniwala. Ito ay kadalasang inaawit pero meron namang mga
epikong binabasa.
 Awit/Korido at Kantahin – ito naman ay tumutukoy sa mga musikang
may tono na talagang magandang pinakikinggan.

 Tulang Patnigan
 isang uri ng tula na kung saan nakatuon ito sa pagbibigay ng damdamin habang
mayroong kapalitan ng opinyon o kuro-kuro. Kabilang dito ang sumusunod:
 Balagtasan – tumutukoy ito sa pagtatalo ng dalawa o tatlong manunula sa
iisang paksa.
 Karagatan – Isang uri naman ng paligsahan sa pagtutula. Kilala rin ito sa
tawag na libangang tanghalan.
  Duplo – Paligsahan namabn ito sa pangangatwiran sa anyong patula. Ito
ay hango sa Bibliya na binubuo ng mga mahahalagang salita at
kasabihan.
 Fliptop o Battle Rap – modernong uri ng Balagtasan na kung saan
nagsasagutan din ang dalawang panig tungkol sa isang paksa.

 Tulang Pantanghalan o Padula

 Tumutukoy sa mga piyesa o tulang itinatanghal sa mga dulaan o teatro.