Asignatura EPP (Home Economics) Baitang 5

W3 Markahan Ikaapat Petsa

I. PAMAGAT NG ARALIN Gamit ng Makina at Kamay sa Pagbuo ng mga Kagamitang Pambahay
II. MGA PINAKAMAHALAGANG • Nakagagamit ng makina at kamay sa pagbuo ng mga kagamitang
KASANAYANG PAMPAGKATUTO pambahay
(MELCs) • Natutukoy ang mga bahagi ng makinang de-padyak
III. PANGUNAHING NILALAMAN ➢ Pananahi gamit ang makina de padyak o sa kamay sa pagbuo
ng kagamitang pambahay.
➢ Bahagi ng makinang de padyak
IV. YUGTO NG PAGKATUTO AT MGA GAWAING PAMPAGKATUTO
I. Panimula (Mungkahing Oras: 10 minuto)
Ano-ano ang mga kagamitan sa pananahi sa kamay? Nakakita ka na ba ng makinang de
padyak? Alam mo ba kung paano ito gamitin?

Sa araling ito ay matutukoy mo ang mga bahagi ng makinang de padyak upang magkaroon
ka ng pangunahing kaalaman kung paano ito gamitin. MUla rin sa araling ito ay masusubukan mo kung paano
ang manahi sa makinang de padyak o kung wala naman ay makakapanahi ka pa rin ng kagamitang
pambahay sa pamamagitan ng pananahi sa kamay.

D. Pagpapaunlad (Mungkahing Oras: 80 minuto)

Ang makinang panahian ay naimbento noong 1846 ni Elias Howe at lalo itong pinagbuti ni Isaac Merrit Singer
noong 1851. Ang pagkakaimbento ng makina ay isang malaking hakbang
Upang mapabuti at mapabilis ang gawaing pananahi. Kumpara sa pananahi gamit ang kamay, mas
makatitipid ng oras, pagod, at salapi kung mananahi sa makina. Makatitiyak pa na matibay at maayos ang
pagkakatahi ng kasuotan o kagamitan. Ang kaalaman sa pananahi ay hindi madali sa umpisa sapagkat ito ay
nangangailangan ng ibayong pagsasanay, sipag, tiyaga upang makabuo ka ng isang kasuotan o kagamitang
pambahay, subalit kapag nakita mo na ang iyong nabuong kagamitan o kasuotan ay kakaibang kasiyahan ang
iyong mararamdaman
May iba’t ibang pamamaraan sa paggamit ng makina. Maaari itong panahian gamit ang kamay o kuryente.
Anuman ang uri ng makinang gagamitin, ang mahalaga ay maayos at masinop ang mabibigay nitong serbisyo
sa pananahi.
Ang kaalaman sa bahagi ng makina at ang wastong gamit ng mga ito ay makatutulong sa iyo upang
magamit ng maayos ang makina sa pananahi ng iba’t-ibang kasuotan. Mapapakinabangan ng matagal ang
makinang panahian kung alam mo ang wastong pangangalaga dito.

Mga Bahagi ng Makinang de-Pidal

1. Kabinet o kahon- dito itinatago ang ulo o katawan ng makina. Karaniwang mayroon na ring kahon para sa
sinulid, gunting at iba pang kagamitan sa pananahi.
2. Ulo- Ito ang buong makinang panahi. Binubuo ito ng maliliit at tiyak na bahagi upang ang makina ay
umandar.
3. Bed o kama- Ito ang patungan ng tinatahi.
4. Spool pin- Pinaglalagyan ito ng karete ng sinulid sa itaas na bahagi ng ulo ng makina
5. Balance wheel- Nagpapaandar ito o nagpapahinto sa makina, katulong ang gulong sa ilalim.
6. Bobbin winder- Pinaglalagyan ito ng bobina upang makapag-ikid ng sinulid.
7. Bobina- Pinaglalagyan ito ng sinulid sa ilalim ng makina.
8. Shuttle- Pinaglalagyan ng bobina sa ilalim ng makina.
9. Belt o koreya/kulindang-ito ang nagdurugtong sa maliit na gulong sa ibabaw at sa malaking gulong sa ibaba
ng makina.
10.Thread guide- Binubuo ito ng tatlong kalawit na pumapatnubay sa sinulid mula sa spool pin hanggang
karayom.
11. Presser foot- bahagi ito ng makina na pumipigil o umiipit sa tela habang tinatahi.
12. Presser Lifter-Ito ang nagtataas o nagbababa ng presser foot.
13. Feed dog- o ngipin ng makina. Nasa ilalim ito ng presser foot na nag-uusod ng tela habang tinatahi ito.
14. Needle bar- Pinaglalagyan ito ng karayom at nagdadala ng sinulid sa itaas kapag tinatahi
15. Throat plate- Ito ang platong metal na nasa ilalim ng karayom.
16. Slide plate- Ito ay takip na metal na maaaring buksan upang maalis at mapalitan ang bobina.
17. Stitch regulator- Bahagi ito na nasa ibaba ng ikutan ng sinulid sa bobina na ang nag-aayos ng haba o ikli ng
mga tahi.
18. Tension Regulator- Ito ang bahaging nagluluwag o naghihigpit ng tahi.
19. Drive wheel- Ito ang malaking gulong na makikita sa gawing kanan ng makina sa ilalim ng cabinet
20. Treadle-Tapakan o Pidal- Ito ang pinapatungan ng mga paa upang patakbuhin ang makina.
21. Needle clamp- Ito ang nagsisilbing kabitan ng karayom.

Paalala: Para sa may koneksyon sa internet maaari ninyong bisitahin ang link na nasa Ibaba para sa
karagdagang kaalaman.

Link: https://images.app.goo.gl/upjjYNQq7rHRFgKC7
https://www.youtube.com/watch?v=ToQ-jtf67-c

Gawain sa Pagkatuto Bilang 1: Tukuyin ang bahagi ng makina. Isulat sa inyong sagutang papel ang tamang
sagot sa bawat bilang.
1. Ito ang nagsisilbing kabitan ng karayom.
2. Binubuo ito ng maliliit at tiyak na bahagi upang ang makina ay umandar.
3. Nagpapaandar ito o nagpapahinto sa makina,katulong ang gulong sa ilalim.
4. Pinaglalagyan ito ng sinulid sa ilalim ng makina
5. Ito ang platong metal na nasa ilalim ng karayom.

E. Pakikipagpalihan (Mungkahing Oras: 40 minuto)

Gawain sa Pagkatuto Bilang 2: Iguhit at tukuyin ang mga bahagi ng makinang de padyak. Gawin ito sa iyong
sagutang papel
Gawain sa Pagkatuto Bilang 3: Subukang gumamit ng makinang de-padyak. Magpatulong sa kasama sa
bahay na may kaalaman sa pananahi sa makinang de padyak. Tingnang mabuti ang bawat bahagi nito at
isulat sa iyong sagutang papel ang iyong naging karanasan sa paggamit nito.

Paalala: Kung wala namang makinang de padyak, maaaring gawin ito sa pamamagitan ng pananahi sa
kamay.

Pagbibigay ng puntos sa katangian ng isinulat na salaysay

Puntos Level Katangian ng Isinulat na Salaysay

5 Huwaran
4 Napakahusay
3 Mahusay
2 Katamtaman
1 Nangangailangan ng
gabay
Nakapaglahad ng naging karanasan at damdamin tungkol
sa naging karanasan sa pananahi ng kagamitang
pambahay ng buong husay.
Napakahusay ng paglalahad sa naging karanasan at
damdamin tungkol sa naging karanasan sa pananahi ng
kagamitang pambahay.
Mahusay na nakapaglahad ng naging karanasan at
damdamin tungkol sa naging karanasan sa pananahi ng
kagamitang pambahay.
Nakapaglahad ng naging karanasan at damdamin tungkol
sa naging karanasan sa pananahi ng kagamitang
pambahay ngunit hindi gaanong malinaw ang kanyang
nais na iparating.
Nangangailangan ng gabay dahil ang isinagawang
paglalahad ay paulit ulit at hindi malinaw ang nais
iparating.

A. Paglalapat (Mungkahing Oras: 20 minuto)

Ang kaalaman sa pananahi ay nakatitipid sa gastusin sa pananamit. Maaari kang makagawa ng mga
kagamitang pantahanan katulad ng kurtina, punda ng unan, apron, pot holder at pamunasan ng kamay.
Ang paggamit ng makina sa pananahi ay kapakipakinabang na gawain. Ito ay isang kaalaman na
makapagbibigay sayo ng kasiyahan at kapakinabangan sa iyong sarili at makakatulong ka pa sa iyong pamilya.
Nararapat na matutunan ng bawat mag-aaral ang mga bahagi at gamit ng makina maging ang maingat at
wastong pangangalaga dito. Ang makina ay kailangang pangalagaan. Mapapanatili nito ang tiyak na
magandang kondisyon kapag ginagamit. Sa pamamagitan din nito maaring magamit ang makinang panahian
sa matagal na panahon. Ang pagkakaroon ng kaalaman sa pananahi ay kapakipakinabang para sa isang
batang kagaya mo upang makatipid sa gastusin sa mga kagamitang pambahay na maari mong magawa kung
ikaw ay may sapat nang kaalaman sa pananahi. Maaari mo rin itong mapagkakitaan.
V. PAGTATAYA (Mungkahing Oras: 20 minuto)
(Ang mga Gawain sa Pagkatuto para sa Pagpapayaman, Pagpapahusay, o Pagtataya ay ibibigay sa ikatlo at ikaanim na linggo)

Gawain sa Pagkatuto Bilang 4: Punan ng tamang kasagutan ang bawat patlang. Isulat ang iyong sagot sa iyong
sagutang papel.

1. ____________ ang sira ng damit tulad ng butas, punit, at tastas bago ito labhan.

2. Tanggalin kaagad ang ____________ ng damit habang sariwa pa.

3. Sabunin ng una ang mga ___________ damit at bigyang pansin ang kuwelyo, kilikili, bulsa at mga
laylayan.

4. Unahing plantsahin ang _____________, isunod ang manggas, bahagi ng balikat sa likuran at unahan ng
blusa o polo, harapan at ang ibang bahagi.

5. Ang _____________ ay lalagyanan ng sinulid sa ilalim ng makina.

VI. PAGNINILAY (Mungkahing Oras: 10 minuto)

• Ipabatid ang iyong personal na pagtatasa sa kard ayon sa lebel ng iyong performans.

Personal na Pagtatasa sa Lebel ng Performans Para sa Mag-aaral

Pumili ng isa sa mga simbolo sa ibaba na kakatawan sa iyong naging karanasan sa pagsasagawa ng
mga gawain. Ilagay ito sa Hanay ng LP o Lebel ng Performans. Basahin ang deskripsiyon bilang gabay sa iyong
pagpili:
 - Nagawa ko nang mahusay. Hindi ako nahirapan sa pagsasagawa nito. Higit na nakatulong ang gawain
upang matutuhan ko ang aralin.
✓ - Nagawa ko nang maayos. Nahirapan ako nang bahagya sa pagsasagawanito. Nakatulong ang gawain
upang matutuhan ko ang aralin.
? – Hindi ko nagawa o nahirapan ako nang labis a pagsasagawa nito. Hindi ko nauunawaan ang hinihingi sa
gawain. Kailangan ko pa ng paglilinaw o dagdag kaalaman upang magawa ko ito nang maayos o mahusay.

Gawain Sa LP Gawain Sa LP Gawain sa LP Gawain Sa LP

Pagkatuto Pagkatuto Pagkatuto Pagkatuto
Bilang 1 Bilang 2 Bilang 3 Bilang 4

VII. SANGGUNIAN Kaalaman at Kasanayan Tungo sa Kaunlaran Batayang Aklat sa Baitang 5

MELC EPP/TLE p.405, PIVOT 4A BOW p. 275)

Inihanda ni: ERNESTO C. SILLOS Sinuri nina: ERLITO B. ORLINGA DELSIFE D. CANTA
WILLY V. FRAMY RIZAMIA E. CALIPAY
VIDA T. DELAS ARMAS JOYCE E. ADVINCULA