Napag-alaman na nating lahat na kailangan nating ng layunin sa buhay. Kapag nararamdaman mong ika’y naiinip, hindi nasisiyahan, o parang may kulang sa iyong buhay, malaki ang posibilidad na wala kang matibay na layunin. Isipin mo ang iyong nais tahakin bilang isang magnet, kailangan nitong maging malakas upang hilahin ka nito patungo sa kanyang sarili. Kung hindi sapat ang lakas nito, makikita mo ang iyong sarili na madaling magambala ng mga bagay na mag-aaksaya lamang ng iyong oras. Sa madaling salita, ang propesyong nais mong tahakin ay kinakailangan na mas tanyag kaysa sa mga bagay na walang kabuluhan. Kung hindi, maaaring mahirapan ka na maka-alis sa walang pag-asa at deperadong “loophole” ng buhay—kung saan, hindi mo mararamdaman ang anumang uri ng katiwasayan. Mararamdaman mong ang bawat araw na lumipas ay tulad lamang ng kahapon, wala kang pinananabikang gawin. Ito mismo ay maaaring makaapekto nang husto sa kalusugang mental, maging sanhi ng depresyon, pagkabalisa, at iba pa. Ayon sa survey na isinagawa ng OnePoll para sa Colorado State University Global, 34% ng mga senior high student ay walang plano, habang 41% ay walang kahit isang trabaho na naka-line up. Samantala, 17% na nag-aral sa kolehiyo ang nagsabing wala silang plano pagkatapos ng senior year. Kaya’t kinakailangan natin ng matibay na direksyon lalong-lalo na sa propesyong nais nating tahakin. Nakabubuting pagbulayan ang mga bagay na makapagbibigay sa iyo at sa mga tao sa paligid mo ng halaga. Ano ba ang iyong mga kakayahan at mga abilidad, at paano mo ito magagamit upang makatulong sa mga taong nakapaligid saiyo? Ang mga ito’y maaaring sining, pagkamalikhain, kaisipan, kakayahan sa pakikipag-usap, o anumang bagay na kinahihiligan mo. Ngunit una sa lahat, kailangan mong bigyang halaga ang iyong sarili. Alisin mo ang lahat ng mga bagay na walang kinalaman sa iyong nais at simulang saliksikin ang anuman na makatutulong sa iyo na makapunta sa iyong patutunguhan. Nakatutulong na mas palaguin natin ang mga kakayahan na ito sapamamagitan ng pagbabasa, pag-aaral, pananaliksik, at paghahanap ng role model. Bukod dito, ang pagsagawa ng kongkretong plano ay mahalaga. Masusuri natin ang ating sariling pag-unlad at isa rin itong paraan ng pagsusuri sa mga bagay na kailangan pa nating tuunan ng pansin. Isa sa pinakamalaking kasinungalingan na sinasabi ng lipunan ay ang propesyong nais nating tahakin ay kung saan tayo magiging masaya. Hindi iyon nalalapit sa katotohanan. Ang kaligayahan ay kadalasang resulta ng pagkamit ng ating pangarap at hindi ang pangarap mismo. Ang layunin ay kadalasang masakit at mahirap para sa lahat, lalo na sa umpisa kung hindi ka sanay sa hirap. Ang disiplina ay ang pangunahing aksyon na nagpapanatili sa atin at tumutulong sa atin na umunlad. Kahit na alam mo na ang iyong propesyon o layuning nais tahakin at kung paano ito makamit, ngunit kapag walang disiplina ang isang tao, lahat iyon ay walang silbi. Nais kong itala ang isang pahayag mula kay Jordan Peterson, isang kilalang clinical psychologist, “Perhaps you are overvaluing what you don’t have and undervaluing what you do.” Minsan, ang sarili nating kaisipan ang siya mismong humahadlang sa atin sa nais nating pangarap. Bilang isang mag-aaral na kukunin ang propesyong BS in Psychology, masasabi kong nakatulong ang mga nabanggit sa sanaysay na ito sa pagtukoy ng pangarap na nais kong makamit.
Q4 ESP 9 M6 Ang Isang Barkong Naglalayag Sa Dagat Sa Gabi o Sa Panahon NG Bagyo Ay Maaaring Mahirapan Sa Pagtahak NG Tamang Direksyon Tungo Sa Kanyang Destinasyon