Brauliopa willakusqanmanta

Ñuqaqa Sipas Kancha ayllumantam kani, sutiytaqmi Braulio Quyuri Mamani. Ñuqaqa waranqa
isqun pachak isqun chunka iskayniyuq watapi, Pawqar Waray sutiyuq marzo killapim iskay
chunka suqtayuq p’unchawpi paqarimusqani. Mamaytaqmi sinchita munakuwaspa uywawasqa,
chayqa kunan p’unchawkama. Ñuqaqa uñallaraq kaspa sinchita pukllayta munarqani,
mamaytapas mayninpiqa phiñachirqanim. Kimsa watachaymantaqa PRONOEI yachay
wasichaman yaykurqaniñam, wawqichaykunantin kusi kusilla.

Chaypachaqa kukuchikunata anchatapuni manchakurqani. Chay qhipamanmi uyachayta

upakuspa hatun yachay wasiman ripurqani; chaypim huk warma masichaywan utiychatapuni
maqanakurqani. Misk’ikunata munarqani imaymanakunatawan, asukarta ima suwakurqani,
mamaypas taytaypas yachaspa, ama suwa kanayta munaspa, hiwiwan waqtawarqanku.

Chayhinapi kuraqña kaspa yuyaykapuni, manchakuywan kawsapuni. Chaymantaqa allinta

llamk’apuni, tuki tukillaña. Manchakuy yachayniyuq kaptiy runakunapas munakuwan.
Llaqtakunatapas sipaskunata qhawarikuqhina musuq p’achayuq purini. Qhipa
p’unchawkunaman munayta kawsanaypaq yuyaykuspa allinmanta yachachkani.

1.¿Mayqan rimaymi Brauliop(a) mamanmanta rimachkan?

a) Wawanta sinchita munakusqa.
b) Kukuchawan wawanta manchachisqa.
c) Misk’ikunata wawanman mallichisqa.

2. Qillqasqamanhina, ¿mayqan rurayta Braulio ñawpaqta rurarqan?

a) Sipaskunata qhawariqhina musuq p’achayuq purisqa.
b) Warma masichanwan utiychatapuni maqanakusqa.
c) Uñallaraq kaspanmi sinchita pukllayta munarqan.

3. Kunan watapiri, ¿hayk’a watayuqmi Braulio kachkanman?.

a) Kimsa chunka watayuq.
b) Chunka iskayniyuq watayuq.
c) Iskay chunka watayuq.

4. ¿Imamantataq kay qillqasqari aswanta rimachkawanchik?

a) Braulio warmallaraq kaspa kawsasqanmanta.
b) Brauliop tayta maman hiwiwan waqtasqanmanta.
c) Brauliop tayta maman hiwiwan waqtasqanmanta.