Alhamdulillah wasyukurilah wala khaula wala quwata illa billah.
Panjenenganipun Ibu Kepala Desa ingkang kulo hormati. Panjenenganipun Almukarom Bp …………… ingkang kulo hormati soho tansah kulo tenggo dawuh miwah nasehatipun. Bapak-bapak RT, Bapak RW soho bapak ibu wargo RW 04 Banjar Etan meniko ingkang kulo mulyaaken. Langkung rumiyen sumonggo kulo derekaken ngaturaken pujo lan puji syukur kunjuk dateng gusti ingkang moho suci, awit namung karono ridho lan hidayahipun kulo panjenengan saget makempal wonten papan meniko kanthi manggeh karahayon ing samudayanipun. Poro rawuh ingkang kulo hormati, kulo pinongko talanging boro saking rencang-rencang panitia Halal bi halal ingkang di adani dening ibu-ibu darwis RW. 04 Banjaretan meniko. Ongko 1 ngaturaken sugeng rawuh soho ngucapaken maturnuwun dateng bapak/ibu miwah tamu undangan sedoyo ingkang sampun nglonggaraken wekdal miwah tenaganipun saperlu ngrawuhi kegiatan siang puniko. Kaping kalih ngaturaken maturnuwun dateng pemerintah desa Ringinlarik ingkang sampun paring idipalilah kangge ngadani kegiatan meniko. Kaping tugo ngaturaken maturnuwun dateng Bp. Sumali sak keluargo ingkang sampun kepareng nyiapaken panggenan miwah uborampenipun sahinggo kegiatan meniko saget kalampahan kanthi lancar. Soho ugi mboten kesupen ngaturaken maturnuwun dateng Bp …………………. Ingkang mangkih kulo tenggo nasehatipun. Poro rawuh ingkang minulyo Kegiatan meniko nggadai tujuan kangge ngraketaken tali silaturahmi antar warga ing dukuh Banjaretan soho kangge ajang halal bi halal sak sampunipun kito sedoyo rampung nindakke siam Ramadhan. Saklajengipun mesti kewolo kathah kekirangan ingkang sedoyo kolowau dadosaken kirang mranani panggalehipun poro rawuh kulo ingkang nyuwunaken pangapunten. Saklajengipun semonggo kulo derekaken ikrar halal bihalal sareng-sareng kulo rumiyin Bapak Ibu lajeng niroaken. Ikrar Halal bi halal : Bismillahirrahmanirrahim Asraghfirullah hal adzim 3x Ya Allah ya rahmanu ya ghofur, kawulo ingkang sami rawuh ing papan meniko. Nglenggono anggadahi kalepatan dateng sesami ingkang rawuh meniko kanthi tulusing manah kawulo ingkang kapernah sepuh maringi pangapunten dateng ingkang kapernah enem lan ingkang kapernah enem ikhlas caos pangapunten dateng ingkang kapernah sepuh. Mugi doso kulo panjenengan di lebur wonten wulan Riyadi puniko soho sedoyo Ibadah kito katampi dening gusti ingkang moho mirah amin, amin, amin ya rabbal alamin. Para rawuh ingkang kulo hormati Mekaten lan semanten ingkang dados …………… Katah lepat nyuwun pangapunten. Wassalamualaikum wr. wb