Yunit 6: Pagsulat ng Talumpati 
Aralin 2: Mga Katangian at Uri ng Talumpati 
 
 
Nilalaman 
Pansinin 1 
Panimula 1 
Mga Layunin 2 

Tuklasin 2 

Alamin 4 
Katangian ng Talumpati 4 
Uri ng Talumpati 6 

Palawakin 10 
Gawain 1 10 
Gawain 2 12 

Suriin 13 

Paglalahat 16 

Bibliograpiya 16 
 
 
 
 
 
 
 
 
 
 
 

 
  
Yunit 6.2: Mga Katangian at Uri ng Talumpati 
 
 

Pansinin   
 

  Panimula 

 
Lar. 1. Sa pamamagitan ng pagsasalita ay maaaring maipahayag sa madla ang mga 
opinyon at saloobin tungkol sa anomang bagay.  
 
Ang  pagsasalita  sa  harap  ng  maraming  tao  ay  hindi  biro.  Isa  itong  makrong  kasanayan  na 
dapat  paunlarin  ng  isang  indibidwal.  Tandaan  na  ang  pagsasalita  sa  pangkalahatan  ang 
pinaka-epektibong  daluyan  ng  paghahatid  ng  mensahe  sa  pulong,  seminar,  komperensiya, 
at  iba  pa.  Bukod  sa  paghahayag  ng  opinyon,  mahalaga  ring  maiparating  ang  tamang 
impormasyon sa pagsasalita sa madla.  
.  
 

 
  1 
 
  
Yunit 6.2: Mga Katangian at Uri ng Talumpati 
 
 

  Mga Layunin 
Pagkatapos ng araling ito, ikaw ay inaasahang 
● natutukoy ang mga katangian at uri ng isang talumpati; 
● napaghahambing ang sanaysay sa talumpati; at  
● nakasusulat ng isang talumpati ayon sa pangangailan ng akademikong sulatin.  
 
Mga Kasanayang Pampagkatuto ng DepEd 
● nakikilala  ang  iba't  ibang  uri  ng  akademikong  sulatin,  gaya  ng  talumpati  ayon  sa:  (a) 
layunin (b) gamit (c) katangian (d) anyo​ (CS_FA11/12PN-0a-c-90)​, at 
● nakasusunod  sa  estilo  at  teknikal  na  pangangailangan  ng  akademikong  sulatin 
(CS_FA11/12PU-0d-f-93)​.  
 

Tuklasin   
 

       7 minuto 
 

Mga Kagamitan  
● video​ tungkol sa sa paggawa ng talumpati: 
https://www.youtube.com/watch?v=nIDMtEBiwI0  
● kuwaderno at panulat 

 
1. Panoorin ang v​ ideo​ na may pamagat na “Paano Gumawa ng Talumpati” mula sa 
https://www.youtube.com/watch?v=nIDMtEBiwI0​ . 
2. Magtala ng mahahalagang impormasyon sa kuwaderno. 
3. Matapos ang panonood, isasagawa ang d
​ iscussion forum ​kung saan bubuo ng grupo 
na may tatlong miyembro. 
4. Batay sa pamagat ng gawain, talakayin ang mahahalagang impormasyong nalaman 
mula sa video.   

 
  2 
 
  
Yunit 6.2: Mga Katangian at Uri ng Talumpati 
 
 
5. Matapos ang isinagawang ​discussion forum,​ magkaroon ng bahaginan tungkol sa mga 
gabay na tanong sa ibaba.  
 
Mga Gabay na Tanong 
1. Paano bibigyang-kahulugan ang talumpati batay sa ​video​? 

 
 
 
 
 
 
2. Ano-ano ang paraan sa pagbuo ng talumpati? 

 
 
 
 
 
3. Batay  sa  video  at  sa  isinagawang  ​discussion  forum​,  bakit  mahalagang  matutuhang 
gumawa ng talumpati? 

 
 
 
 
 
 
 
 
4. Sa iyong palagay, paano mapauunlad ng pagtatalumpati ang kakayahan sa pagsasalita? 

 
 
 
 
 
 
 

 
  3 
 
  
Yunit 6.2: Mga Katangian at Uri ng Talumpati 
 
 

Alamin   
 
Ang  pagsulat  ng  talumpati  ay tulad rin ng pagsulat ng sanaysay, kinakailangan ang mahusay 
na  paggamit  ng  wika  o  bokabularyo  upang  lubos  na  maunawaan  ng  mga  tagapakinig  ang 
mensaheng  nais  iparating.  Ang  mga saloobin o opinyon tungkol sa paksa ay dapat iharap sa 
isang  lohikal  na  pagkakasunud-sunod  na  ginagamit  ang  malinaw  na  paglipat  ng  ideya mula 
sa  isang  punto  patungo  sa  isa  pa.  Marapat  na  tiyaking  makapanghihikayat  sa  madla  ang 
mga bibitawang impormasyon.  
 

Alalahanin 
Ayon  kay  ​Alejandro  G.  Abadilla  ang  sanaysay  ay  "nakasulat  sa 
karanasan  ng  isang  sanay  sa  pagsasalaysay."  Ang  sanaysay  ay 
nagmula  sa  dalawang  salita,  ang  ​sanay  at  ​pagsasalaysay​.  Ito  ay 
panitikang  tuluyan  na  naglalahad  ng  kuro-kuro,  damdamin, 
kaisipan,  saloobin,  reaksiyon,  at  iba  pa  ng  manunulat  hinggil  sa 
isang makabuluhan, mahalaga, at napapanahong paksa o isyu. 

 
Katangian ng Talumpati 
Ang  isang  talumpati  ay  masasabing  epektibo  o  mahusay  kung  ito  ay  sumusunod  sa  mga 
katangian nito:   

1. Kalinawan​ - kinakailangang mahusay at klaro ang mensaheng ipararating ng 

talumpati. Bukod pa rito, dapat na malinaw rin ang magiging pagbigkas sa talumpati 
upang lubos na maunawaan ng mga tagapakinig. 

2. Kawastuhan -​ ang impormasyon tungkol sa paksang isusulat at bibigkasin sa 

talumpati ay kinakailangang wasto o tiyak, kaya kinakailangan din na magsaliksik at 
pag-aralan nang mabuti ang isusulat. 

 
  4 
 
  
Yunit 6.2: Mga Katangian at Uri ng Talumpati 
 
 
3. Maikli ​- karaniwan sa mga tagapakinig ay naiinip kapag masyadong mahaba ang 
talumpati kaya naman mas mainam na ito ay maikli lamang subalit kinakailangan na 
siksik pa rin ito sa kaalaman. 

4. Mapanghikayat​ - tandaan na kinakailangan sa simula pa lamang ay makuha na ang 

atensyon ng mga tagapakinig kaya marapat na siguraduhing mapanghikayat ang 
talumpati. Maaaring maglahad ng mga makabuluhang kuwento, mga halimbawa, o 
maaari ding mga biro na maaaring magpakita ng kanilang interes. 

5. Impormal na ugnayan​ - ang talumpati ay may layuning pormal subalit mahalaga na 
sa pagbigkas nito ay maaaring haluan din ng mga impormal na pakikipag-ugnayan sa 
mga tagapakinig upang mas maramdaman o madaling makuha ng mga tagapakinig 
ang nais iparating.  

6. Pagbibigay-pansin sa mga tagapakinig​ - huwag kalimutang ang isang talumpati ay 

binibigkas sa mga tagapakinig o madla kaya naman sa pagsulat nito ay marapat na 
bigyang-pansin kung sino ang mga tagapakinig batay sa kanilang edad, interes, 
kasarian, katayuan sa buhay, o iba pang aspeto.  

7. Malakas na tinig at malinaw na pagbigkas​ - ang isang mahusay na isinulat na 

sanaysay o piyesa sa isang talumpati ay hindi magiging epektibo kung hindi ito 
mabibigkas nang may malakas na tinig at malinaw na pagbigkas. 

8. Kontroladong damdamin o emosyon​ - dapat isaalang-alang sa isang mahusay na 

talumpati ang emosyon o damdamin na nais iparating. Hindi kinakailangan na 
magpaapekto sa emosyon ng talumpati kung ito ay makapagbibigay ng ibang epekto 
o konteksto sa layunin ng iyong talumpati.  

9. Maayos na tindig at kumpas​ - ang isang talumpati ay marapat na binibigkas nang 

may maayos na tindig upang maipakita ang kahandaan sa paghahatid ng talumpati. 
Gayundin, ang kumpas ay nakapagpapahatid rin ng mensaheng nais iparating sa 
mga tagapakinig at maaaring maging paraan upang bigyang-diin ang mga bibigkasin.  

 
  5 
 
  
Yunit 6.2: Mga Katangian at Uri ng Talumpati 
 
 
10. Angkop na kilos o galaw ​- upang mapanatili ang interes ng mga tagapakinig, 
marapat na samahan din ng kilos o galaw na angkop sa talumpati. Ang kilos ay 
mahalaga lalo na ang emosyon ng mukha sapagkat hindi sapat ang mga salita sa 
paghahatid ng mensahe. 
 

​ andaan 
T
Ang ​talumpati ​ay isang pormal at masining na pagpapahayag tungkol 
sa  isang  mahalaga  o  napapanahong  paksa  sa  paraang  pasalita  sa 
harap  ng  mga  tagapakinig.  Ito  ay  isang  sulating  nagpapaliwanag  ng 
isang  paksang  naglalayong  manghikayat,  tumugon,  mangatwiran,  o 
magbigay ng kabatiran o kaalaman. 

 
Uri ng Talumpati 
Maraming uri ng talumpati, ngunit nauuri pa rin ito ayon sa (1) anyo o kahandaan at sa (2) 
layunin nito. Bawat uri ayon sa anyo at layunin may kani-kaniya pa ring katangian o 
kakanyahan.  
 

Paano mo maipakikita ang kahusayan at 

mapagtatagumpayan ang pagtatanghal ng mga 
 
talumpati ayon sa anyo at kahandaan? 
 
 
Uri ng Talumpati ayon sa Anyo at Kahandaan 
1. Impromptu  o  Dagliang  Talumpati  -  ito  ay  biglaang  talumpati  kung  saan  ibinibigay 
ang  paksa  sa  tiyempo  mismo  na  kailangang  magtalumpati.  Ito  ay  walang 
paghahandang  talumpati.  Inaasahang  sa  kabila  ng  kawalan  ng  kahandaan  ay 
makapagbibigay ng maikling talumpati ang magsasalita o magtatalumpati.  
 
 

 
  6 
 
  
Yunit 6.2: Mga Katangian at Uri ng Talumpati 
 
 
 

​ ​Mga Tip  
Narito ang ilang t​ ip ​o suhestiyon sa pagsasagawa ng dagliang 
talumpati o impromptu: 
● Magkaroon ng tiwala sa sarili. 
● Maging matikas sa pagtayo at paglalakad, ito ay bahagi ng 
paghahanda.  
● Magsalita nang katamtaman ang bilis upang makatulong ito sa 
pag-iisip.  
● Mag-pokus sa paksa habang nagsasalita.  

 
2. Extempore  ​o  ​Extemporaneous  Speech  -  ang  talumpating  ito  ay  binibigyan naman ng 
kahandaan  subalit  limitado  lamang  sa  pagitan  ng  pagkuha  ng  paksa  at  mismong 
paligsahan.  Gayundin, ang pagtatalumpati ay may nakatakdang oras lamang. Sa ilang 
kompetisyon  sa  ganitong uri ng talumpati, nagkakaroon ng kabawasang puntos kung 
sobra o kukulangin sa oras ang pagtatalumpati.   

3. Isinaulong  Talumpati  o  Talumpating  Handa  -  sa  ganitong uri, ang mananalumpati 

o  tagapagsalita  ay  binibigyan  ng  panahon  sa  pagsulat  o  paggawa  ng  kaniyang 
talumpati.  Samakatuwid,  may  paghahanda  na  sa  ganitong  tipo  ng  pagtatalumpati  at 
kailangang memoryado o saulado ang piyesa bago ito bigkasin. 

4. Pagbasa  ng  Papel  sa  Panayam  o  Komperensiya  -  makikita  sa  talumpating  ito  ang 
kasanayan  sa  pagsulat  ng  papel  na  babasahin  sa  komperensiya.  Ang  pag-oorganisa 
ng  mga  ideya  at  ang  pagsulat  ng  panimula, katawan, at wakas/kongklusyon ay dapat 
na magkakaugnay at may kaisahan. 

 
  7 
 
  
Yunit 6.2: Mga Katangian at Uri ng Talumpati 
 
 

 
Lar. 2. Marapat na matukoy ang mga uri ng talumpati ayon sa layunin upang malaman ang 
angkop na gagamitin sa iba’t ibang okasyon o kaganapan.  
 
Uri ng Talumpati ayon sa Layunin 
 
1. Talumpating  Nagbibigay-impormasyon  -  ang  talumpating  ito  ay  may  layuning 
makapagbahagi  ng  impormasyon  o  kaalaman  tungkol  sa  paksa  sa  mga  tagapakinig. 
Kaya  naman  sa  ganitong  uri  ng  talumpati  kinakailangan  na  ang  ilahad  na 
impormasyon  ay  mula  sa  pananaliksik,  estadistika,  o  mga  datos  na  masusing 
pinag-aralan.  

2. Talumpating  Nanghihikayat  -  nilalayon  ng  talumpating  ito  na  hikayatin  ang  mga 
tagapakinig  na  sumang-ayon  sa  panig  na  kaniyang  inilalahad.  Masasabing  ang 
ganitong  uri  ng  talumpati  ay  ninanais  na  bigyang-diin  ang  pagpapalakas  o 

 
  8 
 
  
Yunit 6.2: Mga Katangian at Uri ng Talumpati 
 
 
empowerment​,  pagbabago  ng isip, o paniniwala ng mga tagapakinig. At upang maging 
matagumpay  ang  panghihikayat  sa  mga  tagapakinig,  kinakailangang  maglahad  ang 
mananalumpati ng mga matibay na batayan o ebidensiya tungkol sa paksa.  

3. Talumpating  Okasyonal  o  Nang-aaliw  -  ang  ganitong  uri  ng  talumpati  ay  ang 
pinakapamilyar  sa  lahat  sapagkat  ito  ay  kadalasang  ginagawa  sa  mga  simpleng 
okasyon  sa  ating  buhay  gaya  ng  piyesta,  kaarawan,  anibersayo,  at  iba  pa.  Subalit 
kung  iisipin,  hindi  madali  ang  pagsasagawa  ng  isang  talumpating  nang-aaliw 
sapagkat  ang  mananalumpati  ay  kinakailangang  may  angking  kahusayan  sa 
paghahatid  ng  kaaliwan  sa  mga  tagapakinig  gaya  na  lamang  ng  pagpapatawa  o 
pagbabahagi ng kuwentong tunay na kasiya-siya.  

4. Talumpating  Nagpapaliwanag  -  karaniwang  gumagamit  ng  mga biswal sa ganitong 

uri  ng  talumpati  upang  higit  na  maunawaan  ang  katibayan  sa  katotohanan  ng  mga 
inilalahad  na  pagpapaliwanag  sa  paksa.  Maaaring  isipin  natin  na  tila  pareho  lamang 
ang  talumpating  nagbibigay  impormasyon  at  itong  talumpating  nagpapaliwanag 
ngunit  ang  pagkakaiba  nito  ay  hindi  eksaktong  kasama  ang  aktuwal  na  pagpapakita 
kung  paano  gawin  o  magsagawa  ng  isang  aksyon  tungkol  sa  paksa  sa  talumpating 
nagpapaliwanag kaysa sa talumpating nagbibigay-impormasyon.  

5. Talumpating  Nagpapakilala  -  ang  pokus  ng  ganitong  uri  ng  talumpati  ay  sa 
ipakikilalang  panauhin  kung  saan  nakasalalay  ang  pagtanggap  sa  panauhin  kaya 
kinakailangan na ang tinig ng tagapagsalita o s​ peaker ​ay nagtataglay ng awtoridad.  

6. Talumpati  sa  Pagkakaloob  ng  Gantimpala  -  ito  ay  talumpating  naglalayon  na 
maipagkaloob  ang  karangalan  sa  isang  indibidwal  dahil  sa  isang  gawaing 
napagtagumpayan.  

7. Talumpati  ng  Pamamaalam  -  ang  talumpating  ito  naman  ay  binibigkas  kung  aalis 
na  sa  isang  lugar  ang  tagapagsalita  o  kaya  naman  ay  magtatapos  na  ang  tungkulin 
kung  saan  ibinabahagi  ng  tagapagsalita  ang  kaniyang  karanasan,  damdamin,  at 
pasasalamat. 

 
  9 
 
  
Yunit 6.2: Mga Katangian at Uri ng Talumpati 
 
 
8. Talumpati  ng  Eulohiya  ​-  ito  ay  talumpating  binibigkas  sa  sandali  ng  pagyao  sa 
memoryal  na  serbisyo  sa  kilalang  namayapa  kung  saan  binibigyang-diin  ang  mga 
nagawa ng namatay noong panahong nabubuhay pa siya.  

Bakit mahalagang matukoy o makilala ang iba’t 

  ibang uri ng talumpati ayon sa layunin?  

Palawakin   
 
Gawain 1 
Magtanghal  ng  isang  talumpati  na  nasa  anyong  ​extempore.  Isulat  sa  inilaang  kahon  ang 
talumpating  gagawin.  Bibigyan  lamang  ng  20  minuto  ang  bawat  isa  upang  makapaghanda 
sa mapipiling paksa mula sa sumusunod:  
a. Pagtanggal ng Asignaturang Wika at Panitikan sa Kolehiyo 
b. Kabutihang dulot ng Pagsunod sa ​Enhanced Community Quarantine 
c. Ang Tagumpay ng Pinas sa ​30th Southeast Asian Games 
 
Matapos  ang  20  minutong  paghahanda,  bigkasin  ang  ​extemporaneous  speech  tungkol  sa 
paksang nabunot sa loob ng 10 minuto.  

 
 
 
 
 
 
 
 
 
 

 
  10 
 
  
Yunit 6.2: Mga Katangian at Uri ng Talumpati 
 
 
 

​ abay sa Pagsagot 
G
Tandaan  ang  mga  tinalakay  na  katangian  ng  isang  epektibo  at  mahusay  na 
talumpati  gayundin  sa  pagsasagawa  ng  talumpating  nasa  anyong  ​extempore, 
kinakailangan na sundin ang tatlong hakbang: 
● Tukuyin  kung anong paksa ang may pauna ka nang kaalaman at sa palagay mo 
ay maibabahagi mo nang mabuti. 
● Bumuo  ng  balangkas  ng  mga  ideya  tungkol  sa paksa, maaaring sumulat ng isa 
hanggang  tatlong  pangungusap  na  maaaring  nagbabahagi ng opinyon tungkol 
sa  paksa.  Matapos  basahin  ang  iyong  mga  isinulat  ay  maaari  ka  nang 
mangalap  ng  mga  impormasyon  o  ideyang  susuporta  sa  iyong  kaisipan 
tungkol sa paksa. 
● Mag-ensayo  upang  lubusang  maging  matagumpay  ang  iyong  talumpati, 
kailangan  mong  gamitin  ang  natitirang  oras  para  sa  pag-eensayo.  Subukang 
bigkasin  ang  mga  kaisipan  at  mga  nakalap  na  impormasyon  nang  may 
wastong tindig, kilos, at katamtamang lakas ng tinig at mahusay na pagbigkas.  
 

 
  11 
 
  
Yunit 6.2: Mga Katangian at Uri ng Talumpati 
 
 
Gawain 2 
 
Magsaliksik  ng  mga  napapanahong  isyu  sa  ating  lipunan,  sumulat  ng  isang  piyesa  ng 
talumpati na nagbibigay-impormasyon tungkol sa mapipiling paksa mula sa mga nasaliksik.  

 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 

 
  12 
 
  
Yunit 6.2: Mga Katangian at Uri ng Talumpati 
 
 
 
 

​ abay sa Pagsagot 
G
Kailangang taglay ng isusulat na piyesa para sa talumpating 
nagbibigay-impormasyon ang sumusunod na bahagi: 
● Pambungad o Introduksiyon - siguraduhing ito ay nakakukuha ng atensyon. 
● Pangunahing ideya - gawing malinaw ang paksa ng talumpati. 
● Katawan o paglalahad - kinakailangang magtaglay ito ng mga sumusuportang 
detalye o katibayan sa paksa. 
● Pagsusuri sa Tagapakinig - marapat na isaalang-alang ang katangian at 
ekspresyon ng mga tagapakinig.  
● Pagsusuri sa okasyon - mahalagang alamin ang okasyon para sa talumpating 
gagawin upang maging angkop ang paraan ng paglalahad ng impormasyon sa 
talumpating gagawin. 

 
 

Suriin   
 

 
A. Tukuyin o ibigay ang hinihinging sagot sa bawat bilang.  
 

1. Ano ang pagkakaiba ng talumpati sa iba pang uri ng sanaysay? 

 
 
 
 

 
  13 
 
  
Yunit 6.2: Mga Katangian at Uri ng Talumpati 
 
 
2. Ano-ano ang katangian ng isang epektibo at mahusay na talumpati? 

 
3. Ano ang karaniwang layunin ng isang talumpati? 

 
4. Isa-isahin ang mga uri ng talumpati ayon sa anyo at kahandaan at paano 
nagkakaiba-iba ang bawat isa? 

 
5. Paano nagkakaiba-iba ang mga uri ng talumpati ayon sa layunin? 

B.  Basahin  nang  mabuti  ang  bawat  tanong.  Sagutin  at 

ipaliwanang ang sagot.   
 

 
1. Paano masasabing epektibo at mahusay ang isang talumpating napakinggan? 

 
 
 

 
  14 
 
  
Yunit 6.2: Mga Katangian at Uri ng Talumpati 
 
 
 
2. Ano ang mga dapat isaalang-alang sa pagsulat at paghahanda ng isang talumpati? 

 
 

 
3. Paano nagkakaiba ang mga uri ng talumpati ayon sa anyo at ayon sa layunin? 

 
 

 
4. Sa  iyong  palagay,  paano  mahusay  na  mapagtatagumpayan  ang  pagtatanghal  ng 
dagliang talumpati o impromptu?  

 
 
 

 
5. Sa  kabuoan,  bakit  kailangang  iangkop  ang  talumpati  ayon  sa  layunin  o  okasyon  ng 
pagtatanghal? 

 
 
 

 
  15 
 
  
Yunit 6.2: Mga Katangian at Uri ng Talumpati 
 
 

Paglalahat 
___________________________________________________________________________________________ 
 
● Ang pagsulat ng talumpati ay tila pagsulat ng isang sanaysay subalit tandaan na 
isinasaalang-alang sa isusulat na piyesa ang mga tagapakinig. Tandaan na ang 
talumpati ay nilalayong hikayatin ang mga tagapakinig sa mensahe o impormasyong 
nais iparating. 
● Mahalagang malaman ang mga katangian ng isang epektibo at mahusay na talumpati 
upang masigurong maunawaan ng mga tagapakinig ang paksa ng talumpati at sa 
pagtatapos nito ay mahikayat na sumang-ayon sa mga ipinabatid. 
● Ang mga uri ng talumpati ay naaayon sa dalawa; ayon sa anyo at kahandaan at ayon sa 
layunin. 
 
___________________________________________________________________________________________ 
 

  Bibliograpiya 
Amadebai, Emidio. “14 DIFFERENT TYPES OF SPEECH & TIPS ON HOW TO DELIVER THEM”.  
November 16, 2019. APace The Presentation.com.  
http://synthesis-essay-writing.org/explanatory-synthesis-essay/  
Nakuha noong Marso 31, 2020. 
 
Handmade Blog. “Extemporaneous Speech – Definition, Tips, List of 100 Topics”. Handmade  
Writing.com. May 24, 2019. 
https://handmadewriting.com/blog/guides/extemporaneous-speech-topics/  
Nakuha noong Marso 31, 2020.  
 
iEduNote.com “Top 10 Qualities of a Good Speech.”  
https://www.iedunote.com/top-10-qualities-good-speech  
Nakuha noong Marso 30, 2020.  
 
Neko and Panda’s Blog. “MGA AKADEMIKONG SULATIN”. Pytnpndportfolio.wordpress.com.  
https://pytnpndportfolio.wordpress.com/mga-akademikong-sulatin/  
Nakuha noong Marso 30, 2020 
 

 
  16 
 
  
Yunit 6.2: Mga Katangian at Uri ng Talumpati 
 
 
Remodo, Raymor. “Talumpati.” S ​ lideshare.net. ​ January 12, 2019.  
https://janpersonb.wordpress.com/2018/08/12/sintesis/  
Nakuha noong Marso 31, 2020. 
 
Smartwritingcentre. “Speech in Academic Writing.” Medium.com. February 1, 2019.  
https://medium.com/@smartwritingcentre/speech-in-academic-writing-4b60b2f7d94 
Nakuha noong Marso 30, 2020.  
 
 

 
  17