- Nagsasaad ng mga mandato para sa pagsasaayos ng pinakamababang pasahod o minimum wage na naaangkop sa ibat ibang pang-industriyang sector na kinabibilangan ng sumusunod: hindi pang agrikultura, plantasyong pang-agrikultura at di- pamplantasyon, cottage/sining sa pagyari sa kamay, at pagtitingi/serbisyo, depende sa bilang ng mga manggagawa o puhunan o taunang kita sa ilang mga sector.
Holiday Pay – Artikulo 94 (Dagdag na bayad tuwing pista
opisyal) - tumutukoy sa bayad sa isang manggagawa na katumbas ng isang araw na sahod kahit hindi pumasok sa araw ng pista opisyal.
Premium Pay – Artikulo 91-93 (Dagdag na bayad tuwing araw
ng pahinga o special day) - karagdagang bayad sa mga manggagawa sa loob ng walong oras na trabaho sa araw ng pahinga at special days.
Overtime Pay – Artikulo 87 (Dagdag na bayad para sa trabaho
ng lampas saw along oras) - karagdagang bayad sa pagtatrabaho na lampas saw along oras sa isang araw.
Night Shift Differential – Artikulo 86 (Dagdag na bayad sa
pagtatrabaho sa gabi) - karagdagang bayad sa pagtatrabaho sa gabi na hindi bababa sa sampung porsiyento ng kaniyang regular na sahod sa bawat oras na ipinagtrabaho sa pagitan ng ikasampu ng gabi at ikaanim ng umaga. Artikulo 96 (Service Charges) - lahat ng manggagawa sa isang establisimyento o kahalintulad nito na kumukolekta ng service charges ay may karapatan sa isang pantay o tamang bahagi sa walumpu’t limang porsiyento o bahagdan na kabuuang koleksyon.
SIL – Artikulo 95 (Service Incentive Leave)
- ang bawat manggagawa na nakapaglingkod nang hindi kukulangin sa isang taon ay dapat magkaroon ng karapatan sa taunang service incentive leave (SIL) na limang araw na may bayad.
RA 1161, as amended by RA 8282 (Maternity Leave)
- ang bawat nagdadalang-taong manggagawa na nagtatrabaho sa pribadong sector, kasal man o hindi, ay makatatanggap ng maternity leave na animnapung araw (60) para sa normal na panganganak o pagkakunan; o pitumpu’t walong araw para sa panganganak sa pamamagitan ng caesarian section, kasama ang mga benipisyong katumbas ng isang daang porsyento ng humigit kumulang na arawang sahod ng manggagawa na nakapaloob sa batas.
MGA BATAS NA NANGANGALAGA SA SEKTOR NG
PAGLILINGKOD Paternity Leave (RA 8187) - maaaring magamit ng empleyadong lalaki sa unang apat na araw mula ng manganak ang legal na asawa na kaniyang kapinsan; para sa layuning ito, ang “pakikipagpisan” ay tumutukoy sa obligasyon ng asawang babae at asawang lalaki na magsama sa iisang bubong. RA 8972 (Parental leave para sa solong magulang) - ipinagkakaloob sa sinumang solong magulang o sa indibidwal na napag-iwanan ng responsibilidad ng pagiging magulang.
Leave for Victims of Violence Against Women and their
Children – RA 9262 - ang mga babaeng empleyado na biktima ng pang-aabusong pisikal, seksuwal, sikolohikal, o anumang uri ng paghihirap, kamasama na rin dito ang hindi pagbibigay ng sustento, pagbabanta, pananakit, harassment, pananakot, at hindi pagbibigay ng kalayaang makisalamuha o makalabas ng tahanan mula sa kaniyang asawa, dating asawa o kasintahan ang may karapatang gumamit ng leave na ito.
RA 9710 (Special Leave para sa Kababaihan)
- kahit sinong babaeng manggagawa, anoman ang edad at estadong sibil, ay may karapatan sa special leave benefit na may tagal na dalawang buwan kung ang empleyadong babae ay mayroon gynecological disorder (tumutukoy sa sakit sa ari ng kababaihan) na sinertipikahan ng isang competent physician.
PD 851 (Thirteenth-month pay)
- lahat ng employado ay kinakailangang magbayad sa lahat ng kanilang rank-and-file employee ng thirteenth-month pay, anumang estado ng kanilang pagkakaempleyo at ano man ang paraan ng kanilang pagpapasahod. Kinakailangan lamang na sila ay nakapaglingkod nang hindi bababa sa isang buwan sa isang taon upang sila ay makatanggap ng proportionate thirteenth-month pay. Ang thirteenth-month pay ay ibinibigay sa mga empleyado nang hindi lalagpas ng ika-24 ng Disyembre bawat taon. Separation Pay – Artikulo 297-298 (Bayad sa paghiwalay sa trabaho) - kahit sino mang manggagawa ay may karapatan sa separation pay kung siya ay nahiwalay sa trabaho sa mga dahilan na nakasaad sa Artikulo 297 at 298 ng Labor Code of the Philippines.
Retirement Pay – Artikulo 3015 (Bayad sa Pagreretiro)
- ang sinumang manggagawa ay maaaring iretiro sa sandalling umabot siya sa edad na animnapung taon hanggang animnapu’t limang taong gulang at nakapaglilingkod na ng hindi kukulangin sa limang taon.
PD 626 (Benepisyo sa Employees Compensation Program)
- isang programa ng pamahalaan na dinisenyo upang magbigay ng isang compensation package sa mga manggagawa o dependants ng mga manggagawang nagtatrabaho sa pampubliko at pampribadong sector sakaling may kaganapang pagkakasakit na may kaugnayan sa trabaho, pinsala, kapansanan, o kamatayan.
RA 7875, as amended by RA 9241 (Benepisyo sa PhilHealth)
- ang National Health Insurance Program (NHIP), dating kilala bilang Medicare, ay isang health insurance program para sa mga kasapi ng Social Security System (SSS) at sa kanilang dependents kung saan ang walang sakit ay tumutulong sa pananalapi sa may sakit, na maaaring mangangailangan ng pinansiyal sa tulong kapag sila ay na-ospital.
RA 1161, as amended by RA 8282 (Benepisyo sa Social
Security System) - nagbibigay ng isang pakete ng mga benepisyo sa pagkakataon ng kamatayan, kapansanan, pagkakasakit, pagiging ina, at katandaan ng empleyado. Ang SSS ay nagbibigay bilang kapalit sa nawalang kita dahil sa mga nabanggit na contingencies.
RA no. 9679 (Benepisyo sa Pag-IBIG)
- ang Home Development Mutual Fund, nakilala bilang Pag-IBIG (Pagtutulungan sa Kinabukasan: Ikaw, Bangko, Industriya sa Gobyerno) Fund ay isang mutual na sistema ng pag-iimpok at pagtitipid para sa mga nakaempleyo sa pribado at pamahalaan at sa iba pang grupo na kumikita, na suportado sa pamamagitan ng parehas na ipinag-uutos ng mga kontribusyon ng kani-kanilang mga may-pagawa na ang pangunahing investment ay pabahay.
Karapatan ng Manggagawa ayon sa International Labor
Organization 1. Ang mga manggagawa ay may karapatang sumali sa mga unyon na malaya mula sa paghihimasok ng pamahalaan at tagapangasiwa. 2. Ang mga manggagawa ay may karapatang makipagkasundo bilang bahagi ng grupo sa halip na mag-isa. 3. Bawal ang lahat ng mga anyo ng sapilitang trabaho, lalo na ang mapang-ali[ing trabaho at trabahong pangkulungan. 4. Bawal ang mabibigat na anyo ng trabahong pangkabataasn. 5. Bawal ang lahat ng mga anyo ng diskriminasyon sa trabaho: panatay na sweldo sa pare-parehong trabaho. 6. Ang mga kalagayan ng pagtatrabaho ay dapat walang panganib at ligtas sa mga manggagawa. Pati na rin ang kapaligiran at oras ng pagtatrabaho. 7. Ang suweldo ng manggagawa ay sapat at karapat-dapat para sa makataong pamumuhay.