KALIGIRANG PANGKASAYSAYAN NG IBONG

ADARNA
Ang Ibong Adarna ay nabibilang sa tulang
romansa na isang uri ng tulang pasalaysay
tungkol sa pakikipagsapalaran at kabayanihan na
karaniwang mga maharlikang tao ang
nagsisinaganap. Nagsimulang lumaganap ang
tulang romansa sa Europa noong Edad Media o
Middle Ages at sinasabing nakarating ito sa
Pilipinas mula Mexico noong ika-17 dantaon.
Subalit noong ika-18 dantaon lamang ito kinilala
sa ating bansa kasabay ng pagpapakilala ng
imprenta at pagkatuto ng ating mga ninuno ng
alpabetong Romano.
Kasabay ng pagdagsa ng mga aklat-dasalan na
dinala ng mga prayle at sundalong Espanyol ay
ang paglaganap ng mga tulang panrelihiyon at
romansa na galing sa Europa. Dito kabilang ang
Ibong Adarna na may paksang panrelihiyon.
Ang tagpuan sa tulang romansa ay karaniwan sa
isang kaharian. Nagsisimula ito sa panalangin o
pag-aalay sa Mahal na Birhen o sa isang santo o
santa. Nananawagan sa Diyos ang mga tauhan
sa akda at nagtatagumpay naman ang mga
nananalig sa Diyos.
Ang Ibong Adarna ay isang dayuhang panitikan.
Hindi ito naitala kung sino ang nagsalin nito sa
wikang Filipino at masasalamin dito ang pagiging
malikhain ng manunulat. Patula ang paraan ng
pagsasalaysay na dati nang ginagamit ng ating
mga ninuno sa panitikang saling-bibig tulad ng
bugtong, salawikain at iba pa. Puno ito ng mga
talinghaga at mga pagpapahalagang likas sa ating
kultura katulad ng pagmamahalan ng pamilya,
pagtulong sa mga nangangailangan,
pagpapatawad at pagtawag sa Diyos sa gitna ng
kagipitan.
Ang Ibong Adarna ay isang KORIDO.
KORIDO- isang uri ng tulang romansa
1. Madalas, ito ay nagsisimula sa panalangin o
pag-aalay ng akda sa Birhen o sa isang santo.
2. Mayroon itong walong (8) pantig sa bawat
taludtod
3. Kalimitang ito ay pumapatungkol sa
pakikipagsapalaran at kabayanihang karaniwang
kinasasangkutan ng mga prinsipe at prinsesa at
mga maharlikang tao kung saan ang pangunahing
tauhan ay nagtatagumpay dahil sa kaniyang
mataimtim na panananalig at matiyagang
pagtawag sa Diyos
Nagtataglay ng mga sumusunod na katangian
ang Ibong Adarna:

1. Isinulat upang basahin at hindi upang awitin.

2. Binibigkas na may tiyempong mabilis o allegro
dahil maiikli ang mga taludtod.
3. Ang mga tauhan dito ay may kapangyarihan o
kakayahang gumawa ng mga kababalaghan o
supernatural.
4 .Inilalarawan ang mga kagila-gilalas na
pakikipaglaban ng mga pangunahing tauhan
alang-alang sa pag-ibig.
6. Nagtataglay ng aral sa buhay at butil ng
karunungan.
7. Higit sa lahat, ang pakikipagsapalaran ng mga
tauhan ay hindi maaaring mangyari sa totoong
buhay.
Buong pamagat ng Ibong Adarna: Ang Korido ng
Pinagdaanang Buhay ng Tatlong Prinsipeng
Magkakapatid na Anak ng Haring Fernando at ng
Reyna Valeriana sa Kaharian ng Berbanya
 Hindi matukoy kung sino talaga ang sumulat
ng koridong Ibong Adarna.

Mga Dahilan:
a. Maaaring hinango lamang ito sa kuwentong-
bayan mula sa mga bansa sa Europa tulad ng
Romania, Denmark, Austria, Alemanya, at
Finland.
b. Hindi ganap na maituturing na bahagi ng
Panitikang Pilipino dahil sa hiram lamang ito sa
mga banyaga.
c. Ginamit lamang ito sa pagpapalaganap ng
Kristiyanismo.
 Kahit na halaw ito sa ibang bansa,
umaangkop rin ito sa kalinangan at kultura ng
mga Pilipino ang nilalaman nito.
 Itinuturing itong “panitikang pantakas” dahil ito
ang nagsisilbing pang-aliw ng mga Pilipino lalo
 pa’t sa mga mahihirap na sakbibi o puno ng
hirap at sakit.
 Higit na nakilala ang Ibong Adarna dahil sa
ipinagbibili ito sa mga perya at itinatanghal sa
entablado.
 Marcelo P. Garcia – isinaayos niya ang
pagkakasulat ng kabuoan ng akda; ang
 kaniyang bersyon ang karaniwang ginagamit sa
paaralan.

MAHAHALAGANG TAUHAN NG IBONG

ADARNA

1. Ibong Adarna – Ang makapangyarihang ibong

nakatira sa puno ng Piedras Platas na makikita sa
Bundok Tabor. Ang mahiwagang ibong tanging
makapagpapagaling kay Haring Fernando sa
pamamagitan ng magandang tinig nito.
2. Haring Fernando – Siya ang hari ng Kahariang
Berbanya na nagkaroon ng malubhang
karamdaman.
3. Reyna Valeriana – Siya ang kabiyak ni Haring
Fernando at ina nina Don Juan, Don Pedro at Don
Diego.
4.Don Pedro – Siya ang panganay na anak nina
Haring Fernando at Reyna Valeriana na
nakipagsapalarang hanapin ang mahiwagang
ibon sa Bundok Tabor.
5. Don Diego – Siya ang ikalawang anak nina
Haring Fernando at Reyna Valeriana. Siya ay
tumungo rin sa kabundukan upang hanapin ang
ibong makapagpapagaling sa kanilang amang
may malubhang karamdaman.
6. Don Juan – Siya ang makisig na bunsong anak
nina Haring Fernando at Reyna Valeriana. Siya
ang prinsipeng nakahuli sa Ibong Adarna sa
Bundok Tabor.
7. Donya Maria – Siya ang anak ni Haring
Salermo na may taglay na kapangyarihan. Siya ay
isa sa mga babaeng minahal ni Don Juan.
8. Haring Salermo – Siya ang hari ng Kahariang
Reyno de los Cristales na nagbigay ng matinding
pagsubok kay Don Juan.
9. Donya Leonora – Siya ang magandang
prinsesa ng Kaharian sa Armenya na nagpakita
ng tunay na pag-ibig kay Don Juan.
10. Donya Juana – Isa siya sa mga prinsesa ng
Kaharian sa Armenya na kapatid ni Donya
Leonora.
11. Donya Isabel – ang kapatid ni Donya Maria
Blanca.
12. Donya Juana – kapatid ni Donya Maria
Blanca.
13. Ang Ermitanyo – matandang naninirahan sa
Bundok Tabor, isa sa mga tumulong kay Don
Juan.
14. Ermitanyong Uugod-ugod – ang tumulong kay
Don Juan upang mapanumbalik ang dati nitong
lakas matapos siyang pagtaksilan nina Don Pedro
at Don Diego.
15. Arsobispo – ang humatol na dapat ikasal sina
Don Juan at Donya Leonora.
16. Lobo – ang alaga ni Donya Leonora na siyang
gumamot kay Don Juan sa Kaharian ng Armenya.
17. Ang Higante – ang may bihag at nagbabantay
kay Donya Juana.
18. Ang Serpyente – malaking ahas na may
pitong ulo na siyang nagbabantay kay Donya
Leonora.