KWAZULU - NATAL DEPARTMENT OF EDUCATION

UMLAZI DISTRICT

IBHUKWANA LIKATHISHA

ISIZULU
ULIMI LWASEKHAYA
&
ULIMI LOKUQALA LOKWENGEZA

AMABANGA 4 – 9
OKUQUKETHWE
ISIHLOKWANA IKHASI
1. Inhlosongqangi yaleli bhukwana 3
2. Ukusetshenziswa kweNqubomgomo (CAPS document) 4-5
3. Ifayela likathisa (Teacher’s file) 5-6
4. Uhlelo lokufundisa 6-
5. Isikhathi esabelwe amakhono 7
6. Indlela yokufundisa amakhono olimi 8-10
7. AmaLungiselelo esiFundo (Lesson Plan) 11-12
8. Imisebenzi yabafundi yokuzilolonga (Classwork & Homework) 13-17
9. Uhlelo lokuhlola (Programme of Assessment) 17-18
10. Imisebenzi yokuhlola (Assessment activities) 18-19
11. Ukucubungula (Moderation) 19
12. Uhlu Lwamamaki (Record Sheet) 19-20
13. Amathuba angeziwe 20-21
14. Izincwadi zabafundi (Textbooks) 21-23
15. Amathempulethi 24-28
15.1 Amalungiselelo Esifundo
15.2 Uhlelo Lokubuyisa Isikhathi Esilahlekile
15.3 Uhlelo Lokusiza Abafundi Abanezingqinanba
15.4 Uhlelo Lokuthuthukisa Isifundo

2
1. INHLOSONGQANGI YALELI BHUKWANA
Leli bhukwana lihlose ukuhlomisa uthisa wesiZulu ngalokho okulindeleke kuyena kusukela ekuqaleni kuze kube sekupheleni konyaka. Linikeza indlela
okumele ihanjwe nguthisha kusukela abelwa umsebenzi wokufundisa isiZulu kuze kube ushicilela imaki lokugcina lomfundi ekupheleni konyaka imaki

Sifisa ukukugcizelela ukuthi leli bhukwana liwumhlahlandlela nje. Kungenzeka kube khona okunye isikole ngasinye esingafisa uthisha akwengeze.
Lokho kuyokwamukeleka uma nje kungaqophisani naleli bhukwana, futhi kuhambisana neNqubomgomo yesiFundo (Subject Policy Document). Kanjalo
futhi uma uMnyango wezeMfundo ezingeni lesiFundazwe kumbe likaZwelonke ushintsha noma wengeza okuthile okuthile kokushiwo yileli bhukwana,
lolo shintsho luyokwamukeleka.

Siyethemba ukuthi leli bhukwana lizoba wusizo kothisha abafundisa isiZulu kusukela kwizinga le- GET, (Amabanga 4 -9).

2. UKUSETSHENZISWA KWENQUBOMGOMO (CAPS document)

3
INqubomgomo iyona yokuqala kuzona zonke izinto uthisha okumele abe nazo. Ngesikhathi uthisha aziswa yi- Departmental Head ukuthi nguye
ozofundisa leso sifundo kumele athole kumbe acele iNqubumgomo yaso. Uma efundisa kumbe ehlola ngaphandle kwayo, usuke ezinhlanhlathela nje,
efunza abafundi ushevu.

INqubomgomo iyona eyisilabhasi kazwelonke yaleso sifundo kulelo nalelo bangabanga. Uma uthisha efundisa elandela yona ukhiqiza abafundi
abasezingeni likazwelonke kuleso sifundo. Lokhu kusho ukuthi noma abafundi bakhe banganikezwa iphepha elisethwe laba sezingeni likaZwelonke
(njengakwaMatikuletsheni), abafundi bakhe bangakwazi ukubhekana nalo.

Ziningi izinto eziwumgomo (policy) esizitshelwa yiNqubomgomo okumele uthisha azazi. Bheka ithebula elingezansi:

UMGOMO ISIGABA KWINQUBOMGOMO

a. Ukwabiwa kwesikhathi (Time Table) 1.4.2 & 1.4.3

b. Indlela yokufundisa ulimi 2.1.3

c. Ukwabiwa kwesikhathi kwikhono ngalinye loLimi 2.2

d. Amakhono olimi, iNqubo yokuwafundisa kanye nobude bamatheksithi ekhono

3.1
ngalinye.

e. Uhlelo Lokufundisa (Annual Teaching Plan) 3.4

f. Amazinga ahlukene emiqondo yabafundi (Cognitive levels) 4.3.2

g. UHlelo lokuHlola (Programme of Assessment) 4.4

h. Ukurekhodwa kwamamaki 4.5

i. Ukumodereytha 4.6

4
 QAPHELA: Kuyimpoqo ukusebenzisa iNqubomgomo. Akekho umuntu onelungelo lokuthi athi kumele ishaywe indiva. Uthisha ongayisebenzisi
uyefana nosuke ezakhela eyakhe ikharikhulami ephikisana nale kahulumeni naqashelwe ukuthi ayidlulisele kubafundi. Lokhu kufana ncimishi
nokuvukela umbuso. (treason)

(Ekupheleni konyaka kumele iNqubomgomo iphindiselwe kwi- DH kumbe kubaphathi besikole (SMT) ukuzi igcinelwe ukusetshenziswa ngonyaka
olandelayo)

3. IFAYELA KATHISHA (Teacher’s File)

3.1. Uthisha kumele abe nefayela eliwubufakazi (portfolio of evidence) bokuthi ukufunda nokufundisa
kanjalo nokuhlola kuyenzeka futhi kwenzeka ngendlela esifundweni sakhe.

Nazi ezinye zezinto ezilindelekile kwifayela kathisha:

3.1.1. Ukwabiwa kwesikhathi (Timetable)
3.1.2. UHlelo loNyaka lokuFundisa (Annual Teaching Plan)
3.1.3. AmaLungiselelo esiFundo (Lesson Plans)
3.1.4. UHlelo lokuHlola (Programme of Assessment)
3.1.5. Imisebenzi yokuHlola
3.1.6. Amathuluzi okuhlola (Assessment tools / Marking guidelines)
3.1.7. Uhlu lwamamaki
3.1.8. Okushoyo ukuthi yiziphi izincwadi ezisetshenziswa abafundi
3.1.9. Uhlelo lokusiza abafundi abadinga usizo oluthe xaxa (uma kunesidingo)
3.1.10. Nokunye okungaba izinhlelo uthisha kumbe isikole abangafisa ukuthi ukuthi kwenziwe

5
 3.2. Ifayela yilona elikhumela uthisha uma yena engekho. Kungumsebenzi kathisha ukugcina ifayela lakhe lisesimweni esilindelekile ngaso sonke
isikhathi. Ifayela likathisha lihlala esikoleni futhi kufanele litholakale njalo uma lidingeka.

4. UHLELO LOKUFUNDISA 2021-2023 (Annual Teaching Plan)

4.1 Luyimpoqo, uthisha akangahlukani nalo.
4.2 Luhlukaniswe ngamathemu amane.
4.3 Luhlelwe ngomjikelezo wamasonto amabili.
4.4 Ithemu ngayinye inamasonto ayi-10.
4.5 Umjikelezo wamasonto amabili uqukethe amakhono amane olimi (Ukulalela Nokukhuluma, Ukufunda Nokubukela, Ukubhala Nokwethula
kanye Nezakhiwo nezimiso zolimi)
4.6 Qaphela: Ikhono ngalinye labelwe isikhathi esithile Bheka ikhasi le-13 leNqubomgomo.
4.7 Kusemqoka ukuthi ukhumbule ukuthi ulimi asilufundisi ngokuzimela kepha ludidiyelwa kuwo wonke amakhono olimi.
4.8 Uhlelo Lokufundisa lunezihloko nezihlokwana okumele zifundiswe kwikhono ngalinye.
4.9 Izindlela yokufundisa ikhono ngalinye zitholakala kuNqubomgomo ekhasini le-16 kuya ekhasini lama-57.
4.10 Ekupheleni kwethemu ngayinye kutholakala uhlelo lokuhlola

6
5. ISIKHATHI ESABELWE AMAKHONO (Isigaba esiphakathi nendawo)
IKHONO ISIKHATHI
Ukulalela nokukhuluma Amahora ama-2
Ukufunda nokubukela Amahora ama-5
Ukubhala nokwethula Amahora ama-4
Izakhiwo nezimiso zolimi Ihora eli-1

Isigaba esiphakeme
IKHONO ISIKHATHI
Ukulalela nokukhuluma Amahora ama-2
Ukufunda nokubukela Amahora ama-3 nemizuzu engama-30
(ihora eli-1 imizuzu engama-45 yesifundo
sokuqondisisa nehora eli-
1 imizuzu engama-45 yemibhalo yobuciko)
Ukubhala nokwethula Amahora ama-3 nemizuzu engama-30
Izakhiwo nezimiso zolimi Ihora eli-1
Qaphela ukuthi amakhono alandelana njengoba ebekiwe kuNqubomgomo (CAPS)

 Amakhono olimi afundiswa kulandelwe inqubo ethile (Process method)

 Kuba nezigaba ezilandelwayo uma kufundiswa ikhono ngalinye.
 Uthisha kumele aqonde kahle ukuthi kumele enzeni kwisigaba ngasinye. (Bheka isigaba 3.1. se- CAPS)
 Kanjalo nabafundi abacaciseleke ukuthi bazokwenzani kwisigaba ngasinye.
 Akungabi khona isigaba eseqiwayo uma ufundisa amakhono olimi.

7
AKE SIBHEKE INQUBO YEKHONO NGALINYE:
6. INDLELA YOKUFUNDISA AMAKHONO
6.1 UKULALELA NOKUKHULUMA
6.1.1 Ngaphambi kokulalela
6.1.2 Ngesikhathi sokulalela
6.1.3 Ngemuva kokulalela
6.2 UKUFUNDA NOKUBUKELA
6.2.1 Ngaphambi kokufunda
6.2.2 Ngesikhathi sokufunda
6.2.3 Ngemuva kokufunda
6.3 UKUBHALA NOKWETHULA
6.3.1 Ngaphambi kokubhala (ukuhlela)
6.3.2 Ukubhala uhlaka
6.3.3 Ukubuyekeza uhlaka
6.3.4 Ukufunda ngokuqaphelisisa
6.3.5 Ukulungisa amaphutha
6.3.6 Ukwethula umkhiqizo wokugcina
IZINHLOBO ZEMIBHALO
Bheka ibhukwana lezinhlobo zamatheksthi abhalwayo.
6.4 IZAKHIWO NEZIMISO ZOLIMI
Izakhiwo nezimiso zolimi (zifundiswa zididiyelwe kwamanye amakhono olimi)

8
6.4.1 UKUDIDIYELA IZAKHIWO NEZIMISO ZOLIMI
6.4.1.1 I-CAPS igcizelela ukuthi abafundi abanikwe amathuba amaningi lokuthi balusebenzise ulimi (communicative approach)
6.4.1.2 Uma befundiswa akungagxilwa kakhulu ekutheni ulimi lwakheke kanjani kodwa ekutheni lwakha muphi umqondo kumbe lenza muphi
umsebenzi enkulumweni.
6.4.1.3 Abanikwe ithuba lokululalela, balukhulume, balufunde baphinde balubhale ezimweni ezahlukene.
6.4.1.4 Abafundiswe umahluko ekusebenziseni ulimi ezimweni ezingefani. Isib emshadweni kanye nasemngcwabeni.
6.4.1.5 Izakhiwo nezimiso nakuba ziyikhono elizimele, kodwa zifundiswa zididiyelwe kula makhono angenhla.
6.4.1.6 Endabeni ebikade ilalelwe kumbe ifundwa kumbe ibhalwa, kuzobhekwa kuyo izakhiwo nezimiso zolimi ezikhona okungaba izingcezu
zenkulumo, izimpawu zokuloba, omqondophika, izifengqo njalo njalo.
6.4.1.7 Ake sibheke ukuthi ulimi lungadidiyelwa kanjani kwamanye amakhono.

Isifundo sokuqondisisa – Ibanga lesi-4 (Ukufunda Inganekwane)

Kwasukela ngezilwane ezintathu, ingulube nembuzi kanye nonogwaja.
Ngelinye ilanga izilwane ezimbili, ingulube nembuzi zahlangana. Zathi uma izibona unogwaja zaqala
zamhleka ngoba yena ehlala ehlathini. Wadinwa unogwaja, Wabe esenza isu.

Uma lezi zilwane sezidlula kuye unogwaja, wabiza ingulube wathi, “Heyi, wengulube! Kukhona into
ebalulekile engifuna ukukutshela yona.” Nempela yama ingulube. Kodwa unogwaja kwakungekho afuna
ukukutshela ingulube. Kuphela nje wathi ubefuna ukumtshela ukuthi libalele ilanga.

Yahambe-ke ingulube, yaphindela embuzini. Yabuza imbuzi ukuthi ubethini unogwaja. Yathi ingulube,
“Unogwaja ubedlala ngami nje. Akashongo lutho.”

“Oh!” Kusho imbuzi, “Ungenza isilima, benihleba ngami” Zalwa zodwa manje izilwane. Wahleka yedwa
unogwaja. Isu lakhe liphumelele.

Cosu Cosu yaphela.

9
Imibuzo (ehlose ukubona ukuthi bayiqondile yini inganekwane ebebeyifunda)
a. Zingaki izilwane ezikule nganekwane?
b. Tomula amagama akhombisa ukuthi kwakushisa ngalolu suku.
c. Yisiphi isizathu esenza unogwaja acasuke?
d. Ngabe ukuziphatha kwengulube nembuzi kwamukelekile yini?
e. Ukube wawungunogwaja, wawuzokwenzenjani uma ingulube nembuzi bekuhleka ungenzanga lutho?

Ukudidiyela izakhiwo nezimiso zolimi

a. Bhala igama elinencazelo ephikisa eyaleli elidwetshelwe ngezansi.
Wadinwa unogwaja.
b. Bhala umusho olandelayo ube inkulumombiko.
Ingulube yathi, “Unogwaja ubedlala ngami nje.”
c. Bhala umusho ongezansi ukhombe into ezokwenzeka esikhathini esifushane esizayo.
Wahleka yedwa unogwaja.
d. Uma ususa isiqalo esidwetshelwe egameni i(li)su, ufake isiqalo sesigaba 6 u-ama-, kuzophuma
igama elithi amasu. Shono ukuthi lokhu kulishitshe kanjani igama.
e. Sebenzisa igama amasu emshweni ukuze kuvele incazelo eyahlukile kunale esenganekwaneni.

7. AMALUNGISELELO ESIFUNDO (Lesson Plan)

10
 Uthisha kumele enze amalungiselelo (awabhale phansi) ngaphambi kokungena ekilasini athule isifundo.
 Amalungiselelo esifundo abhalwe phansi awubufakazi bokuthi uthisha uzofundisa kumbe ufundisile.
 Ayasiza futhi ngokuthi uma uthisha ehlangabezana nenkinga, angabe esakwazi ukungena ekilasini, loyo ongase ambambele uzokwazi ukuthi
yini ebizokwenziwa ekilasini.
 Amalungiselo esifundo kumele ethulwe kwiNhloko yomNyango ngaphambi kokwethulwa kwesifundo.
 Ngokwe-CAPS amalungiselelo esifundo kumele kube awomjikelezo wamasonto amabili. (Ngamanye amazwi umjikelezo wamasonto amabili
uyisifundo esisodwa)

 Nazi izihlokwana ezibalulekile emalungiselelweni esifundo:

Ibanga isib. Ibanga 6
Isifundo isib. IsiZulu
Ileveli isib. Ulimi Lwasekhaya
Ingqikithi yesifundo Isib; Ezemvelo
Amasonto Isib. Ithemu yoku-1 amasonto 1 & 2
Amakhono olimi womane
Ubude besikhathi (ikhono ngalinye)
Izinsizakufundisa ezizosethenziswa uma sekwethukwa isifundo
Okuzokwenziwa uthisha ngesikhathi ethula isifundo
Okuzokwenziwa abafundi ngesikhathi kwethulwa isifundo
Ukuhlola ukuthi abafundi basiqondile yini isifundo
Ukumbandakanya amazinga ahlukene emiqondo yabafundi (expanded opportunities)
Ukuzihlola kukathisha (Teachers Reflection). Uthisha uyabheka ukuthi isifundo sakhe sibe yimpumelelo yini,

11
  Ake sibheke isibonelo sohlaka lwamalungiselelo esifundo esingasekugcineni kwaleli bhukwana.

8. IMISEBENZI YABAFUNDI YOKUZILOLONGA

Lena yimisebenzi yokuhlola ukuthi abafundi bayakuqonda yini obekufundiswa (Informal Assessment)

Ilolonga abafundi ukuze bakwazi ukubhekena nokuhlola okuhleliwe (Formal Assessment)

Kungaba umsebenzi wekilasi (Class work) kumbe umsebenzi wasekhaya (Homework)

Umfundi angazimakela, angamakelwa ngomunye kumbe amakelwe uthisha

Uma umfundi ezimakele kumbe bemakelene, uthisha akasayine ukukhombisa ukuthi ubhekile ukuthi kumakwe ngendlela yini
Emsebenzini emide njenge-eseyi, uthisha anganika abafundi umsebenzi kuleyo ngxenye abegxile kuyo ngesikhathi ethula isifundo. isib.
Isingeniso sendaba

Asikho isidingo sokurekhoda amamaki ale misebenzi ngoba eyokuzilolonga

UMHLAHLANDLELA WOHLELO LONYAKA LOKUFUNDISA

ULIMI LWASEKHAYA/LOKUQALA LOKWENGEZA
INANI LEMISEBENZI EPHAKANYISIWE OKUMELE YENZIWE ABAFUNDI
Isamba Isampula lomsebenzi kumele licutshungulwe ukuqinisekisa izinga Ithemu 1 Ithemu 2 Ithemu 3 Ithemu 4
elifanele, kwenziwe abalandelayo: 10 amasonto 8 amasonto 10 8 amasonto
Imisebenzi ● Izinhloko zeminyango amasonto
engahlelekile / ● Ithimba Labaphathi J F M A M J J A S O N D
Eyakhayo a e a p a u u u e ct o e
● Abeluleki n b r r y n l g p v c
e y t

12
Isamba 105 31 imisebenzi 23 imisebenzi 31 20 imisebenzi
semisebenzi Ithemu Imisebenzi imisebenzi
engahlelekile Ithemu 1 31
yoLimi Ithemu 2 23
Ithemu 3 31
Ithemu 4 20
Isamba 31 Kumele kube nemisebenzi engama-31 yokuLalela nokukhuluma eyanele 1 4 4 1 4 2 1 4 4 2 4 0
semisebenzi esikhathini esingamasonto angama-36 kumaThemu 1-4.
engahlelekile ● 1 Umsebenzi we-orali ngesonto
yokulalela ● 15 imisebenzi yokulalela nokukhuluma;
nokukhuluma ● 16 imisebenzi yokufunda kuzwakale; kanye
● nemisebenzi eyehlukahlukene yokukhuluma
● Qaphela: Ungaphindi osekwenziwe.
Khombisa iphesenti % lokufundiwe kwikharikhulamu

Isamba 16 Kufanele kube nemisebenzi engahlelekile eyi-16 yokufunda 1 2 2 1 2 0 1 2 2 1 2 0

semisebenzi ngokuqondisisa esikhathini esingamasonto angama-36 kumaThemu 1-4.
engahlelekile ● Imisebenzi yokufunda ngokuqondisisa kumele ibe kanje:
yokufunda o 7 x Umbhalo ofundwayo / Umbhalo ongewona
ngokuqondisisa owencwadi Isib. (Isikhangiso, iphephabhuku)
o 5 x Umbhalo obukwayo
o 4 x Ukufingqa.
● Amazinga kaBarrett athi 40:40:20 kumele
asetshenziswe. Bheka amazinga okusebenzisa
umqondo ekhasini lama-93-94 (IP) nasekhasini lama-
138-139 (SP)
o Izinga 1 (Okusobala) – 20%; 40%
o Izinga 2 (Ukuloungisa kabusha) – 20%;
o Izinga 3 (Ukuhlolisisa) – 40%; kanye
o Izinga 4 / 5 (Ukuhlola noma ukuncoma) – 20%.
● Akusetshenziswe amasu okufunda ngokuqondisisa
ahlukene.
Khombisa iphesenti % lokufundiwe kwikharikhulamu

13
Isamba 11 Kufanele kube nemisebenzi engahlelekile eyi-11 yemibhalo esikhathini 1 1 1 1 1 1 1 1 1 1 1 0
semisebenzi esingamasonto angama-36 kumaThemu 1-4.
engahlelekile
yemibhalo ● Ingxenye Yoku-1 yonyaka:
o Izinkondlo
o Izinganekwane
o Inoveli
● Ingxenye Yesi-2 yonyaka:
o Izinkondlo
o Izindaba ezimfushane
o Umdlalo
● Ekufundeni okwengeziwe kumele kube nekhadi
lokufunda elinquma inani lamakhasi okumele lifundwe
abafundi ngosuku nebanga.
● (Umsebenzi wasekhaya ukugxilisa isiko lokufunda).
o Ibanga 4 – amakhasi 7-10;
o Ibanga 5 – amakhasi 10-12;
o Ibanga 6 – amakhasi 12-15.

Ikhadi lokufunda kumele libe nendawo yokusayina umzali, umnakekeli,

noma ubhuti /usisi omdala /umzala/umakhelwane, nabanye ukuvumela
izimo ezihlukene zemindeni).
Khombisa iphesenti % lokufundiwe kwikharikhulamu

14
Isamba 16 Kufanele kube nemisebenzi engahlelekile eyi-16 yokubhala esikhathini 1 2 2 1 2 0 1 2 2 1 2 0
semisebenzi esingamasonto angama-36 kumaThemu 1-4.
engahlelekile
yokubhala ● 1 I-eseyi kuThemu 1, 2 no 4 (Kusho ukuthi mathathu)
● 1 indaba noma inkondlo noma idokhumentari kuThemu
3
● Lena eminye imisebenzi yonke idlulisa imiyalezo.
● 12 Imibhalo edlulisa imiyalezo ehlukene kumele
ifundiswe.
(gwema ukuphindaphinda).
● Yonke imisebenzi engahlelekile kumele ibe nobufakazi
benqubo yokubhala Kanye nomkhiqizo wokugcina.
Khombisa iphesenti % lokufundiwe kwikharikhulamu

Isamba 31 Kufanele kube nemisebenzi engahlelekile engama-31 yezakhiwo nezimiso 1 4 4 2 4 1 1 4 4 2 4 0

semisebenzi zokusetshenziswa kolimi zolimi esikhathini esingamasonto angama-36
engahlelekile kumaThemu 1-4.
yezakhiwo
nezimiso ● Izakhiwo nezimiso zokusetshenziswa kolimi kumele zibe
zokusetshenziswa nalokhu okulandelayo:
zolimi o Ezingeni lamagama
o Amabinzana
o Izigatshana
o Imisho
o Izigaba
o Ukuqwashisa ngobumqoka bolimi

Khombisa iphesenti % lokufundiwe kwikharikhulamu

15
9. UHLELO LOKUHLOLA (Programme of Assessment)

Lolu ohlelo lokuhlola okuhleliwe (Formal assessment)

Uthisha kumele abe nohlelo lokuhlola olubhaliwe okungenani lwethemu yonke

Akuvumelekile ukuthi uthisha azakhele olwakhe uHlelo kokuHlola oluphambene nalolu oluseHlelweni lokuFundisa

Abafundi kumele bazazi izinsuku abazohlolwa ngazo ukuze bazilungisele kusekude

Uma kwenzeka nabazali banganikwa ukuze bazazi izinsuku abantwana babo abazohlolwa ngazo

Kumele lunikwe i-DH ukuze luhlanganiswe nolwabanye othisha bese kuphuma uHlelo lokuHlola lwesikole sonke.

10. IMISEBENZI YOKUHLOLA

Imisebenzi yokuhlola makube yile etholakala ohlelweni lokufundisa 2023-2024.

Uthisha uyazakhela imisebenzi yokuhlola.

Kuyichilo ukuthi uthisha athathe amasampula amaphepha okuhlola asezincwadini zabafundi.

Ubude bemibhalo ekhiqhizwa uthisha, isib: isifundo sokuqondisisa, kanye nezokhiqizwa abafundi, isib: indaba ebhalwayo, abube
njengokwemiyalelo yohlelo Lokufundisa

Iziqephu kumbe izithombe ezicashunwe kweminye imithombo, kumele kuvele igama lomthombo ezicashunwe kuwo
Imiyalelo yabafundi ayicace bha, umfundi angabi nankinga yokuthi kufunekani kuye

Imibuzo ayibhekelele wonke amazinga okusebenza komqondo kubafundi (Cognitive Levels), njongoba kutshengisiwe kwiNqubomgomo
(isigaba 2.3.2)

Amatheksithi okuhlola awangabi nolimi olucwasayo kumbe oluchemile

16
 Imaki elinikezwe umbuzo alilingane nesigqi sempendulo elindelekile

Uthisha akawabale kahle amamaki ombuzo ngamunye ahambisane namamaki ayisamba

Iphepha lokuhlola kumele lihambisane nalokho okuzosetshiswa uma sekumakwa (imemorandamu noma amarubrikhi).

QAPHELA: Yonke imisebenzi yokuhlola kanye nalokho okusetshenziselwa ukumaka (amarubhrikhi kanye nememorandamu) kumele kutholakale
kwifayela kathisha

11. UKUMODEREYTHA / UKUCUBUNGULA

Ukumodereyitha kuyindlela yokubheka ukuthi ngabe benziwe yini ubulunguswa ekuhlolweni kwabafundi.

Kwenziwa i-HOD kumbe lowo ojutshwe yiyo, okungaba uthisha ongungoti esifundweni

Amaphepha amodareythiwe kumele abe nesignesha yocubungulile kanye nesitembu

Nazi izinto ezibhekwayo uma kumodereythwa:

a. Iphepha elizobhalwa lisesimweni esifanele yini (bheka amanothi asekhasini elingenhla)

b. Imemorandamu kumbe irubhrikhi kuyahambisana yini nephepha lemibuzo

c. Uthisha umake ngendlela yini, amamaki wawabala kahle yini

d. Amamaki arekhodiwe abafundi ayahambisana yini nalawo asemaphepheni abo ezimpendulo

17
 12. UHLU LWAMAMAKI

Uhlu lwamamaki abafundi luyirekhodi eligciniwe elinikezaisithombe sokuthi abafundi benze kanjani ekuhlolweni kwabo.

Nakhu okubalulekile ngohlu lwamamaki:

a. Yonke imisebenzi yokuhlola okuhleliwe (formal assessment) kumele ivele kuhlu lwamamaki.

b. Uhlu lwamamaki abafundi aluhlaziye indlela abafundi abenze ngayo kumsebenzi ngamunye

c. Lokhu kuyamsiza uthisha ukubona ukuthi abafundi baxhugela kuphi.

d. Uhlu lwamamaki alutholakale njalo kwifayela kathisha uma ludingeka.

Uhlu lwamamaki luyisifuba (confidential). Naba abantu abanelungelo lokulubona:

a. Abafundi

b. Abazali

c. Abaphathi kanye nabanye othisha esikoleni

d. UMnyango WezeMfundo

e. Abaxhase umfundi ngemali yokufunda

f. Osonhlalakanhle abasebenza udaba oluthile lomfundi

13. AMATHUBA ANGEZIWE (Extended opportunities)

Kunezimo lapho uthisha kufanele enze okungaphezulu kwalokho okwejwayelekile. Lokhu ukwenza ngenhloso yokubhekana nenkinga engamenza
angakwazi ukuqeda isilabhasi ekupheleni konyaka; kumbe engadala ukuthi abafundi bangaphumeleli kufike ezingeni elifanele.

18
Nazi izimo ezingaphoqa uthisha ukuthi enze okungaphezulu kokwejwayelekile:

13.1. Ukubuyisa sikhathi esilahlekile (Recovery Plan)

Lokhu kungadalwa yezimo ezithile ezenzekile zaphazamisa ukufunda nokufundisa esikoleni noma ekilasini, ebezingeke zinqandeke. Izibonelo:
Iziteleka, ukungabi khona kukathisha esikoleni, ukuhamba kwamanzi, isimo sezulu, imicimbi yesikole kanye nezinye.

13.2. Ukusiza abafundi abanezingqinamba ezithile (Remedial Plan)

Ziningi izingqinamba ezahlukene ezingadala abafundi bangenzi kahle esifundweni. Abafundi bangaba nenkinga esifundweni sonke, isib; abafundi
abadluliswe ngenxa yeminyaka emabangeni aphansi bengasiphasanga isiZulu, abafundi abangakwazi ukuxhumana kahle ngesiZulu njalonjalo.
Kuyenzeka futhi abafundi babe nengqinamba ekhonweni noma emakhonweni athile, kungaba ukubhala kumbe ukufunda isiZulu njalonjalo.

13.3. Ukuthuthukisa isifundo (Subject Improvement Plan)

Uthisha angaba nesu lokusiza abafundi ukuthi isifundo sakhe basiphumelele ngamamaki aphezulu. Lokhu kungadalwa ukuthi uthisha kunezinga
eliwumgomo azibekele wona afisa isifundo sakhe siphumelelwe ngalo. Kwesinye isikhathi uthisha usuke ebona ukuthi amamaki abafundi bakhe
awagculusi.

(Bheka ama-Thempulethi ayizibonelo angasekugcineni kwaleli bhukwana.

14 IZINCWADI (Textbooks)
Izincwadi ziyizinsizakufunda ezibalulekile ngoba ziqukethe imisebenzi yokuzilolonga eyenziwa abafundi. Nakuba kunjalo akufanele zithathe indawo
yeNqubomgomo. Akumele uthisha agcine esegxile encwadini kuphela uma efundisa noma ehlola.

Nazi izincwadi okumele umfundi abe nazo:

19
14.1 Isigaba esiPhakathi (Intermediate Phase)
14.1.1 Incwadi yomfundi (Learner book)
Lena yile ncwadi ebuye imizwe nge- LB. Lena incwadi efundisayo iphinde inikeze imisebenzi yokuhlola ukuthi ebikufundisa kuzwakele yini.
Yingakho ibuye yaziwe ngokuthi yi -manual. Uthisha kumele angakhohlwa ukuthi naye uwungoti wesifundo asifundisayo. Akangagcini
esevale amahlo esefundiselwa yincwadi. Uthisha akakhumbule ukuthi incwadi yelekelela ukufunda nokufundisa, yingakho ibizwa nge -
Learning and Teaching Support Material (LTSM)

14.1.2 Incwadi yokufunda (Core Reader)

Lena incwadi equkethe izinhlobo ezahlukene zemibhalo yobuciko elandelato:
14.1.2.1 Izinkondlo
14.1.2.2 Amanoveli
14.1.2.3 Izindaba ezimfishane
14.1.2.4 Imidlalo kanye
14.1.2.5 Nezinganekwane
Uma umfundi engenayo iNcwadi yokuFunda, kunengozi yokuthi adlulele
esiGabeni esiPhakeme (Senior Phase) engakaze ayibone nhlobo imibhalo yobuciko.

14.2 IsiGaba esiPhakeme (Senior Phase)

14.2.1 Incwadi yomfundi (Learner book) - Bheka isigaba 3.1 (a) ngenhla
14.2.2 Incwadi yokufunda (Core Reader)
Lena incwadi equkethe izinhlobo ezahlukene zemibhalo yobuciko elandelato:
14.2.2.1 Izinkondlo
14.2.2.2 Izindaba ezimfishane
14.2.2.3 Inovelana

20
 14.2.2.4 Imidlalo kanye
14.2.2.5 nezinganekwane

QAPHELA Uma umfundi engenayo iNcwadi yokuFunda nanye nenovelana, kunengozi yokuthi
adlulele se-FET engakaze ayibone nhlobo imibhalo yobuciko.

Uthisha wesiZulu kumele aqikelele lokhu okulandelayo mayelana nezincwadi:

Incwadi yomfundi kanye nencwadi yokuFunda kumele zithengwe kubashicileli ababodwa ngoba ziyahambisana.

Kungumsebenzi kathisha esizwa yiNhloko yomNyango (DH) ukuqikelela ukuthi bonke abafundi banazo zonke izinhlobo zezincwadi
ezimiselwe ukufunda.

Izincwadi ezisetshenziswayo akube yilezo ezitholakala kwi-National Catalogue yeDBE kuphela

Isikole kumele sibe nohlelo lokuqoqa izincwadi kubafundi ekupheleni konyaka ukuze zisetshenziswe abafundi abalandelayo

Ngaphandle kwezincwadi ezimiselwe kukhona nama- workbooks atholakala mahhala.

Abafundi banganikwa futhi ezinye izincwadi abangazifundela ukuzijabulusa kumbe ukusabalalisa ulwazi lwabo, kodwa bangahlolwa
ngazo.

Uthisha yena akangazibophezeli encwadini eyodwa, kepha akafunde amaqoqo ahlukene, eqinisweni naye uyincwadi uqobo ngoba
uqeqeshelwe ukuba abe wungoti wokufundisa isiZulu.

21
22
 AMALUNGISELELO ESIFUNDO- UMJIKELEZO WAMASONTO AMABILI
IBANGA: ISIFUNDO: ILEVELI:
AMASONTO: INGQIKITHI: USUKU---------- KUYA--------------

UKULALELA NOKUKHULUMA UKUFUNDA NOKUBUKELA UKUBHALA NOKWETHULA IZAKHIWO NEZIMISO ZOLIMI

UBUDE BESIKHATHI
AMAHORA AMA-2 AMAHORA AMA-5 AMAHORA AMA-4 IHORA ELI-1

IZINSIZA KUFUNDISA

OKUZOFUNDISWA
IZIHLOKO

OKUZOKWENZIWA
UTHISHA

OKUZOKWENZIWA
ABAFUNDI
UKUDIDIYELA
IZAKHIWO NEZIMISO
ZOLIMI

UKUHLOLA

IZINHLOBO
ZABAFUNDI
EZIHLUKENE

UKUZIHLOLA
KUKATHISHA

ISIGNESHA KATHISHA -------------------- USUKU:------------------------- ISIGNESHA YENHLOKO YOMNYANGO :----------------------------------- USUKU :------------

ISITEMBU SESIKOLE

24
 UHLELO LOKUBUYISA ISIKHATHI ESILAHLEKILE (RECOVERY PLAN)

UTHISHA: ISIFUNDO: IBANGA:

IKHONO LOLIMI IZIHLOKWANA EZISALELE ISIKHATHI ESIZOSETSHENZISWA USUKU LOKUQEDA

___________________ __________________ ________________

__________________
UTHISHA USUKU HOD USUKU

25
 UHLELO LOKUSIZA ABAFUNDI ABANEZINGQINAMBA (REMEDIAL PLAN)

UTHISHA: ISIFUNDO: IBANGA:

INGQINAMBA
IKHONO LOLIMI OKUZOKWENZIWA USUKU LOKUQEDA
EBONAKELE

___________________ __________________ ________________ __________________

UTHISHA USUKU HOD USUKU

26
 UHLELO LOKUTHUTHUKISA ISIFUNDO (SUBJECT IMPROVEMENT PLAN)

UTHISHA: ISIFUNDO: IBANGA:

OKUMELE
IKHONO LOLIMI OKUZOKWENZIWA USUKU LOKUQEDA
KUTHUTHUKISWE

___________________ __________________ ________________ __________________

UTHISHA USUKU HOD USUKU

27