Phil-IRI Pangkatang Pagtatasa sa Pagbasa, Baitang 3

Ang Loro ni Lolo Kiko

May loro si Lolo Kiko.

Nagsasalita ang loro ni Lolo.
Keso ang paborito nito.
Aba! Nakawala ang loro!
Ay! Nasa puno na ang loro!

1. Ano ang alaga ni Lolo Kiko? (Literal)

a. aso
b. loro
c. pusa
2. Ano ang paborito ng alaga ni Lolo? (Literal) Paborito nito ang ___________.
a. makalipad sa puno
b. makatikim ng keso
c. makausap si Lolo Kiko
3. Ano kaya ang naramdaman ni Lolo nang mawala ang loro? (Paghinuha)
a. masaya
b. malungkot
c. nagalit
4. Saan kaya naganap ang kuwento? (Paghinuha) Naganap ang kuwento sa
___________.
a. bahay
b. gubat
c. paaralan
5. Ano ang isa pang magandang pamagat sa kuwento? (Pagsusuri)
a. Si Lolo Kiko
b. Ang Loro sa Puno
c. Ang Alagang Loro

O Pagong!

O, pagong na maliit sa garapon nakatira.

Ikaw ba ay sasaya kapag nakawala ka na?
O, batang mabait tulungan mo ako.
Paglabas ko rito masaya talaga ako.

6. Nasaan ang pagong sa kuwento? (Literal) Ang pagong ay nasa ___________.

a. loob ng hardin
b. loob ng garapon
c. labas ng garapon

7. Alin sa sumusunod na mga salita ang nagsasabi tungkol sa pagong? (Literal)

a. mabait
b. maliit
 c. masaya
8. Sino ang nag-uusap sa kuwento? (Paghinuha)
a. ang mga bata
b. ang mga pagong
c. ang bata at ang pagong
9. Ano kaya ang nararamdaman ng pagong sa kuwento? (Paghinuha)
Ang pagong ay ___________.
a. malungkot
b. masaya
c. galit
10. Bakit kaya sinulat ang kuwentong ito? (Pagsusuri)
a. Hatid nito ang isang balita.
b. Nais nitong magbigay-kaalaman.
c. Nais nitong magbigay ng aliw.

Reyna ng Duwende

Selina ang pangalan

ng reyna ng mga duwende.
Lagi siyang nakaupo
sa malaking balde.

Berdeng balde ang paborito niya

at balat ng saging
ang korona niya.
O! Kay saya ni Reyna Selina!

11. Para saan ang balde ng reyna? (Literal)

a. Upuan ito ng reyna.
b. Ginagamit ito sa paglalaba.
c. Lalagyan ito ng tubig ng reyna.
12. Ano ang nararamdaman ng reyna? (Literal) ______________ ang reyna.
a. Nag-aalala
b. Natutuwa
c. Napapagod
13. Alin sa sumusunod ang sinasabi sa kuwento? (Paghinuha)
a. Hinahawakan ng mga duwende ang korona.
b. Ang korona ay may mamahaling diamante.
c. Galing sa prutas ang korona ng reyna.

14. Saan kaya naganap ang kuwento?(Paghinuha) Naganap ang kwento sa

___________.
a. kaharian ng mga balde
b. kaharian ng mga saging
c. kaharian ng mga duwende
15. Bakit kaya sinulat ang “Reyna ng Duwende”? (Pagsusuri)
 a. Hatid nito ang isang balita.
b. Nais nitong magbigay-aral.
c. Nais nitong magbigay ng aliw.

Manonood Ako!

May karera ng kotse.

Makukulay raw ang mga kotse.
Manonood ako ng karera.
Magdadala ako ng kamera.
Magsisimula na ito.
Sasakay na ako sa bisikleta.
Mabilis ang andar ko.
Naku! Dumulas ang bisikleta!
Aray! Kay raming putik ng tuhod ko!

16. Saan papunta ang bata sa kuwento? (Literal) Papunta ang bata sa
___________ .
a. parada ng mga kotse
b. karera ng mga kotse
c. karera ng mga bisikleta
17. Alin sa sumusunod ang nagsasabi tungkol sa mapapanood ng bata? (Literal)
a. Madaming bisikleta rito.
b. Makukulay ang mga kotse rito.
c. Makukulay ang mga bisikleta rito.
18. Bakit kaya mabilis ang andar ng bata? (Paghinuha)
a. Gusto niyang mapanood ang karera.
b. Sasali siya sa makulay na parada.
c. May kaibigan siya sa karera.
19. Alin sa sumusunod ang nagpapakitang nasaktan ang bata sa kuwento?
(Paghinuha)
a. Mabilis and andar ko.
b. Naku! Dumulas ang bisikleta!
c. Aray! Kay daming putik ng tuhod ko!
20. Alin sa sumusunod ang isa pang magandang pamagat para sa kuwento?
(Pagsusuri)
a. Parada ng mga Kotse
b. Karera ng mga Kotse
c. Karera ng Bisikleta