Narrator: Wala na libre subong, halos tanan may bayad kag ang bayad indi gid hamak.

Kamahal na sa
ang gas, mahal na ang bugas, mahal naman pati gatas, patatas, kapayas, kag isda nga pinakas. Kadamo
na gid ya sang mahal, pero ikaw indi ya dyapun mahal, Am I right? Importante buhi ah no? Importante
palangga ta ya sang Ginoo. Pero amo man na parehos sa pagpalangga sang Diyos sa atun nga indi na ta
mapa impiyerno, may nagbayad sang madako nga balayran. Pamangkot, ikaw ya... handa mo man bala
bayran ang pagpalangga mo sa Ginoo? Kaya mo bala i-let go ang mga bagay para sa pagserbisyo? Bisan
ano man ang matabo? Kung ikaw pursigido kag seryoso nga maghambal "Oo, masunod ko sa Ginoo"
pwede ka lang di kalakat sa tubangan? (4 main characters walk into the stage) Kasadya, kasadya biskan
sa malip-ot nga tinion ang ginatawag nga camping. Makalayuhan gid ta di tanan, I believe. Oh lantawa
nyo bala tupad nyo kay sa tam-an ka kalayo, napat-ok na ang tsura. Pero pagkagwa di, mapabilin ang
kalayo mo? Padayunon mo ang pagserbisyo mo? Bisan ano ang matabo? Makit-an ang mga tawo nga
baskog kag gainit pangalagad sa Ginoo. Pero ang ini nga tiempo, magaabot gid nga matapos. Sa inyo nga
apat nga nagforward may ari di dako nga pamangkot, will you follow the Lord dyapun kung amu ni ang
imu nga maatubang..? (Lights off)

Scene 1A: FAMILY CONFLICT

Mama: Halos wala ka na di tion sa balay, puros ka nalang simbahan, simbahan! Lunes asta Dominggo,
atu ka to! Kis-a may overtime pa, pero wala ka man sweldo! Ano ka nalang di ya sa balay, boarder?

C1: Kita nga kung lunes, gapaninlo kami sang simbaha ma. Kung martes, ga soulwinning kami. Kung
miyerkules, ga bible study. Kung huwebes, may panimbahon kag practice sang choir. Kung biyernes, may
discipleship kami. Kung sabado man, may prayer meeting tapos gatudlo kami sang bata kag gapaninlo
para sa Dominggo. Tapos sa dominggo, masimba pa gid kami.

Mama: Oo! Simba ka lang nga simba. Sa tam-an mo katutom, lapaw ka na sa langit.

C1: Mayu na gani ma, para ma fly fly nalang ko to. Don't worry, Ma. Kung may pakpak ko, dal-on taka.

Mama: Ay ambut simu nga bata ka. Untati nana gani ha. Basi karun indi ta nalang ka pagpaupdon dasun
kung matak-an ko simu. Biskan sa family gatherings, wala ka kay tungod sa simbahan. Mayu man na nga
ara ka sa simbahan, pero indi man pag adlaw-adlawa. Wala ka na di gatinir sa balay. Pagpaninlo da!
Pasalamat ka palangga ta ka.

(Insert song 🎵 about Mama's complaints)

C1: Sure mang ah. Don't worry. Be happy. Kag love you, too!

(Mama angrily walks out)

C1: Lord, wala nako tuod tion para sa pamilya ko. Sa kadako nga tion nga ginahatag ko simu, nawad-an
nako oras sa pamilya ko. Pero Lord imo ni buluhaton, gani tagai gid ko kusog kag kaalam nga mabalanse
ko ang oras ko simo kag sa pamilya ko. Baw timingan pa nga daan Lord nga lapit na lang birthday ni
mama, sugod abi sang nadula na si papa wala na bay gahatak bulak sa iya. Ghe lang Lord ah, kay sugod
subong ako naman mahatag kay mama. Ay ka exciting!

(Lights off)
 Scene 1B-FAMILY CONFLICT

Narrator: Sabado nga adlaw, birthday subong ni mama ya gani dali-dali siya nagbakal bulak kag nagpauli
sa balay pagkatapos nila tudlo bata kag paninlo sa simbahan.

MC1: Ma! Mama! Yuhoo! Mama diin ka? Dali di bala may suprise ko simo!

Neighbor: Ay (to/day)! Wala ka kabalo sang natabo? Wala da si mama mo atu sa ospital ginsugod kay
naaksidente!

MC1: Ha?!

(Runs out) (Lights off)

Doctor: Gin-atake sa heart ang imo mama. According sa amun findings, almost 1 month na nga gina-
antos ni mama mo ang sakit sa dughan. (Sigh) I'm sorry, she didn't make it.

(Doctor opens the door and MC1 walks slowly while crying in the covered body of his/her mother)

MC1: Mama! (Cries) ngaa?! Lord ngaa?! Matutom na man ko simo pero ngaa?! (Pause) Mama, bugtaw
na ma. Mamahaw pa ta sagwa, birthday mo bay subong. Lantawa bala ma gindala ko (bouquet of
flowers) Happy Birthday ma... (hugs her body)

(Lights out)

Scene 2A-PEER CONFLICT

(While the main character is approaching, the two girls are murmuring about her)

WF2: Baw girl, tan-awa bala atun miga. Iya nga palda daw makalab-ot na sa dapa-dapa.

WF1: Nagbag-o na gid sya ya dhai. Sa tam-an ya kabalaan, indi ta na sya ma reach. Basi maglapaw nana
sya sa langit.

WF2: Dumduman mo sang una, daw indi pa na sya babahi mamisti. Abi ko gani sa iya sang una, tomboy
ya.

WF1: Abi ko man gani, pero kalain no? Sang ara na sya sa simbahan, daw puros unod sang baba ya ya,
Jesus! Jesus! Jesus! Sa simbahan amu ni, sa simbahan amu to.

(Insert song 🎵 about her friends insulting her)

(MC2 gets near them)

Abyan 1: Oh daw kapanibag-o Ang pormahan mo subong haw? daw Indi man ta ka kilala simo ei

Abyan 2: Baw gasimba na sa ba,pabuhinan mo gid sungay mo ba hahahaha

MC2: Ay dugay man ya waay ka kita-anay ba,ti kamusta kamo?

Abyan 2: Ari amo man diyapon ei pero ngaa nagbag'o ka ya haw

Abyan 1: daw balaan ka na tulukon bay

MC2: Sa tuod lang gapasalamat ko gani kay--

Abyan 1: ay sige na ah una na kami Kay basi walihan mo pa kami bala haw.

(Lights only to the main character)

MC2: Mga barkada ko sang una, panulok nila sakun daw aswang na. Taga magpalapit ko, gapalayo sila.
Lord, paano ko ni sila ma reach out kung gatalikod na sila sakun nga abyan nila? Lord, paano ka nila
makilala kung biskan akon gapalayo sila?

(Lights off)

Scene 2B-PEER CONFLICT

Narrator: Pila ka adlaw ang nagligad kag ginatingwaan dyapun ni Marimar nga mareach-out ang iya nga
mga friends pero wala gin niya sila makit-an. Asta isa ka adlaw nakita ya sila nga ara sa higad ilimnan.

MC2: Sila ni hu? Ay abaw hu, daw namalhan nga duta wala kaagi tandog tubig makainom ba. Palapitan
ta sila ah, kay basi pa lang masugot na ni sila nga maupod sa akun. Grabe gid ni daan ang pahulom ko sila
sa pangamuyo. Lord, buligi gid ko sa pagreach-out sa ila ha...

(Walks toward them)

WF1: Oi, ari na abyan ta nga balaan ho. Dali di, ari shot!

MC2: Ay indi ko, graduate na ko da ya.

WF2: Ah te balik liwat kagkwa Masters Degree eh. Dali na bala, kis-a-kis-a lang gid ni pru. Daw indi ka na
gid mahagad.

WF3: Kamu ya, indi nyo paghagara si pastora! Basahan kamo na gani karun bible sunog gid kamo.

MC2: Naglabay lang ko di ya kay tani hagarun ta kamo simba. Sige na bala, bisan kaisa lang.

WF1: (Stands up nga akig) Nanu ni sa ya man. Kami manghagad simo mangindi ka dayun pero kung ikaw
na manghagad, pilitay gid?! Daw inungo nana ya haw.

MC2: Sige na! Dasig man lang na ah. Bisan isa lang ka oras, matapos man na dayun ang wale.

WF1: IKAW TO! Dadaa na ang simba-simba sa baba mo.

WF3: Oi, oi ,oi. Wala inaway ha. Abyanay ta di bay.

WF2: Beshie, kalma. Basi maglaw-ay ka.

WF1: Ay indi. Amu na lang ni hu. Gusto mo kami magsimba bay? Ari, ma-upod kami simo kung maubos
mo ni isa ka baso.

All: Nan amo na ya! Dali, shot puno!!

MC2: Ay indi ko.

WF3: Killjoy yaw. Daw others ka na gid. Dali na ah kay maupod kami dayun simo simba.

MC2: Lord.. ano ni himuon ko? Gai ko kaalam sa pag-

(Kag ginbubu sang iya abyan ang whiskey sa iya ulo)

WF1: Kadugay simo mag-inom. Talaka, ahaw isa ka baso pro. Lakat ta ah wad-an nako gana mag‐inom.
(WFs exit)

MC2: Grabi Lord ba biskan mga abyan ko sang una daw Gina sikway na ko,nami man na updanay namon
sang una pero ngaa subong kaya na ko nila bubuan ilimnon kag talikdan nga daw indi ko nila kilala?

Scene 3A- SCHOOL CONFLICT

Mama: Lapit ka nalang gid ya mag graduate 'nak. Isa nalang ka tuig. Gaplano na si Papa mo nga lutuon
ang baboy nga ginasagod-sagod ya.

Papa: Makagraduate ka lang ya nak. Piyu nana ya puturo mo. Wala kami ya manggad nga mahatag simu
kundi diploma mo. Ina ya, indi gid maagaw sang tawo.

Cong: Sus! Nagdrama naman ang mga tigulang. Kalma kamu bala, Pa. Wala pa gani graduation ko, daw
mahibi na kamu ya.

Mama: Ay ambut simu nak. Basta tapusa gid pag ekswela mo ya. Pila nalang kabulan, matapos ka na.

Papa: Mabakal kuno si pare sang akun manok, Ma. Updi ko danay dul-ong. Bantayan mo di ang balay,
Cong ha.

Cong: Oo Pa. Lakat na kamu, kita gatuon ko di po.

Cong: Nagdako ko nga may konkreto nga plano para sa kabuhi ko. Handom ang maging isa ka engineer.
Btw, just call me Cong ah. Biskan amu ni chura ko, top one ni ya samun engineering class. So, don't
underestimate my capability and ability to bring out the best in me ha. Tapos Diyosnon ni ya biskan daw
labutaw lang ang chura. (Cong continue reading his engineering book)

(Character 2 entering the stage)

King: Brad, daw mayu tuon tuon mo ba.

Cong: Amu gid brad kay lapit nalang amun exam. Budlay nga daan ang Math. Biskan one plus one, daw
indi nako kabalo.

King: Ay nano! Pa pressure ka gid haw. No press ta bay. Pero brad, teh sugtan ka na ni Mama mo mag-
intra camping?

Cong: Wala pako gani kalisensya brad. Ikaw haw, maupod ka?

King: Syempre brad eh. Kis-a lang na ya ang camp. Ma chill chill tato ya ah. Teh, nakalisensya ka na kay
Mama mo nga ma surrender ka full time?

Cong: Amu na ang budlay meg, kulbaan ko. Kay gasalig na sila ni Papa nga ma graduate ko pero gusto ko
na gd ya magsulod sa pangalagdan sang Ginoo.

(Lights off)

Scene 3B- SCHOOL CONFLICT

Narrator: Nag-abut gid ang tini-on nga si Cong nakatipon sang kusog nga isugid sa iya nga mga ginikanan
ang iya ginaplano nga pagsurrender full-time sa Ginoo. Pero wala gid niya gin expektar ang reaction sang
iya nga mga ginikanan.

Papa: Istoryaha na ang bata mo. Kay basi karun indi ko mapunggan kaugalingon ko, ano pa na karun
mahimo ko siya. (Mama, trying to stop Papa)

Mama: Isa ka nalang katuig Cong, maka graduate ka na pero mauntat ka pa?

Papa: Ginpagustuhan ka namun sa upod-upod mo da sa simbahan. Pero ang upod mo tani, upod lang.
Pilion mo pa na kaysa sa handom namun simu nga kami ang ginikanan mo? Ngaa? May makwa kada nga
kwarta haw? Ay ambut! Istoryaha da sya ah. Layas ka nalang di sa balay kung ang gusto mo man lang
ang matuman. Tutal daw imu man lang ya tanan

Mama: Kita mo kung ano ka disappointed ang amay mo sa plano mo. Nak, isa nalang katuig. Pilion mo
gid na? Indi ka namun pagpunggan ya nak kung gusto mo mag-intra sa mga buluhaton niyo sa simbahan.
Pero nak, wala ka da ya may makwa kung mag Pastor ka. Kadako sang handom namun para sa imu, pero
ngaa daw kagamay sang handom mo para sa kaugalingon mo haw?

Cong: Ma, gintawag ko ya para sa amu na nga buluhaton. Budlayan man ko ma, pero kaso amu na ang
gusto sang Ginoo sa kabuhi ko. Dira ko tinawag ya, Ma.

Mama: Ayos man nak nga mag-amu ka na. Kaso kanugon sang gin-eskwelahan mo. Todo kayod kami ni
Papa mo, para ano? Para lang mag-Pastor?

Papa: Layas ka nalang di kung indi ka magpasweto. Mabalik ka man di gyapon kay wala kami ya isuporta
simu.

(Papa and Mama walks out)

Cong: Lord, ngaa kinanglan ko gid mamili sa duwa? Palangga ta man ka, Lord. Pero palangga ko man ang
ginikanan ko. Ngaa kinanglan gid magbuya sa mga ginikanan ko?

(Lights off)

Scene 4A- SELF CONFLICT

Narrator: Si King nga abyan ni Cong, isa na ka disidido nga masurrender sa full-time service kag kaluy-an
sang Diyos nga pasugtan siya sang iya nga mga ginikinan, indi paryus sa sitwasyon ni Cong.

King: Ma, pa. Pasalamat gid ko ya bala sa Ginoo nga pasugtan nyo ko magsurrender pagka-Pastor. Kay
lantawa bala ang sitwasyon subong ya ni Cong. Daw halus palayasun na sa sang mga ginikanan ya.

Mama: Hay, wala naman ta may mahimo nak. Indi man sila ya bi parehus sa atun nga kaintsindi kag
gapangalagad sa Ginoo as a family.

Papa: Teh ikaw ya King, sure na gid na nga ma Pastor ka? Basi magliwat pa gusto mo pwede ta pa ka
mapahingagaw enroll kay Marivette da hu sa City College, kay siya mana da ang sekretarya.

King: Papa man ya, disidido na gid ni ya. Gusto ko mag Missionary sa Thailand, paryus bala kay Pastor
Tata haw, baw siya gid na daan idol-idol ko mung.
Mama: Gani gha, pabay-i na lang ang bata ta kay dira mana sa ya tinawag.

Papa: Ay ah, basi pa man lang ya. Pero kung disidido na gid sa ya teh wala naman ko may mahimo. Ikaw
ya King kay ginpasugtan ka namun tarungon mo ya pag-eskwela sa Bible School ha, kay basi bala tabi mo
hapos lang na da.

King: Ay nano pa, wala ka salig sa bata mo haw? Kaya na ya ara man ang Diyos ah. Kung wala na gid
habon panglabada? God will provide. Kung wala pa gid habon, shampoo? God will provide man ah, ano
man lang na kahapos mangwa habon kag shampoo sang iban man. Mas nami pa gid kung wala answer
sa test? God will provide eh, sulatan lang gid na sa papel Jesus Never Fails pru. Lantawun ta bi kung zero
gid.

Mama: (Hinampak si King) Ay ikaw ya manupo ka pa noh. Indi ka gani zero kay kick-out gid ya gwa mo
karun. Tarunga lang gani ya King, indi na ya bala labay-labay ang tun-an nyo.

King: Mama man ya. Ga-joke lang gid pru. Papa hu, away ko mama.

Mama: Tudlo mo pa amay mo, paryus lang gid kamo pru.

Papa: Nan teh, kabati ka pa storya gin dalahig mo pa ko. Ay pagpanghimos na to ah kay dul-ong ka
namun ni Mama mo bwas. (Papa exits)

King: Sige pa ah. (Headache) Oh, dali lang gid daw gablur panan-awan ko haw. Ay ara na ah, wala na.

(Lights off)

Scene 4B- SELF CONFLICT

Narrator: Pagkabwas dayun nga adlaw gindul-ong na si King sa Bible School sang iya nga mga ginikanan,
kag nagbiya na sila. Si King nagtuman gid sa iya nga ginhambal kag nangin matutom nga estudyante sa
bilog nga apat ka tuig.

(Insert song 🎵)

Scene 4C- SELF CONFLICT

Narrator: Kaluy-an sang Diyos naka-graduate si King sa Bible School kag very excited na nga mangin isa
ka missionary. Nagtinir sa anay sa ila church bilang isa ka pastoral staff asta na nangin handa na siya nga
ipadala sa mission field. Isa ka semana antis ang iya ginatalana nga paglakat natabo ang isa ka insidente
nga wala niya gina ekspektar.

King: Baw Lord kaluy-an gid nimo lapit na lang ko makalakat. Dyutay na lang gid, Lord makakadto na man
gid ko sa mission field. Ay ka exciting... abi, puli ta danay sa balay ah kay nahidlaw na gid ko sila.

(Sakay sa motor) (Motor starting engine sfx) (Car crash sfx) (ambulance sfx) (Lights off)

Scene 4D-SELF CONFLICT

Narrator: Wala nakatalupangud si King kag nadisgrasya ang iya ginasakyan motor. Hinali-dali siya nga
ginbuligan pakadto sa ospital sang mga tahu nga nakasugata sa iya kag ginkontak ang iya nga mga
ginikanan.
King: Diin ko? Argh, kasakit sang akun ulo. Ngaa kadulom.

Mama: Nak?! Baw Diyos ko salamat gid!

King: Ma ikaw na? Kadulom haw? Di ta kamo makita.

Papa: Nak... naaksidente ka sa dalan. Hambal sang doctor...

King: Ma dulom! Indi ta kamo makita! Ma, ano gakatabo ngaa indi ta kamo makita? Ma, pa... indi ko
kakita haw?

Papa: Pagtumba mo nak... nauna gid imo ulo. Hambal sang doctor naapektuhan ang parte sang utok
nimo nga para makakita ka. Kag... (ugtom hibi) napilpilan sang motor ang imo likod...

King: Indi ko mabatyagan akun tiil!!! Ma! Pa! (Crying loudly) Indi ko mabatyagan akon tiil!

Mama: (While crying) Shhh. Kalma lang toto, ari lang di si mama, shh..

King: Ma (cries) Pa (cries) indi ko mabatyagan akun tiil... indi ta kamo makita ma, pa...

Mama: Oh Diyos ko!

(Lights off)

Narration: Subong nga nakita nyo na nga apat ang matabo sa inyo. Ang pamangkot... Mapadayun ka pa
dyapun pangalagad sa Ginoo? (All of them goes to the button and presses it)

All: Yes!!!

Ang realidad sang pagpangalagad sa Ginoo, indi mahapos. Kinanglan nga bayaran ang mahal nga bili
sang pagsunod sa Ginoo. Utod, biskan amu ni kabudlay ang pagpangalagad sa Ginoo. Isa lang ang
pamangkot namun sa imu, Will you still follow the Lord? Biskan nga kabalo ka kinanglan mo sikwayon
ang handom sang imu pamilya, biskan nga talikdan ka sang imu mga barkada, biskan makwaan ka man
parte sang kalawasan, biskan nga mawad-an ka oras sa imu mga pinalangga ukon makabati sang indi
maayo nga tinaga samtang ikaw nagapangalagad? Utod? Mapadayon ka bala?