Professional Documents
Culture Documents
BALIABIDE:
HASIERAKOAK:
Gogoratzen naiz / Gogoan dut /Oroitzen naiz + aurreko egunean… /
aspaldian… / behin… // Irakasleak gelan pasadizo bat kontatu behar
genuela esan zigunean gogoratu / oroitu nuen niri aurreko egunean /
behin… /aspaldian… gertatutakoa / gertatu zitzaidana.
Aurreko egunean /aurrekoan / aurreko batean / Lehengo egunean /
Lehengoan… gertatu zitzaidan pasadizo bat kontatuko dizuet.
Aspaldian, oraindik ume moko bat nintzela… / hogei urte inguru nituela
/ orain dela hamar bat urte edo / duela urte pare bat izango zen /
orain bospasei urte…
Behin …-ean nengoela / nenbilela / bizi nintzela / nindoala / ari
nintzela…
Badira urte batzuk… -ela
HARA
(1) Ez duzue sinesten, hara, bada frogak nahi badituzue,
begiratu begi ondoan geratu zaidan orbaina
(2) Hara, zu hemen? Nola bada?
(2’) Hara nor /zer / non / nora /norekin… -(e)n
Hara nor datorren hortik.
Hara zer ikusi (aurkitu) genuen (han /bertan) …
Hara norekin topo egin nuen; lehendakaria bera
zegoen hondartzan gure ondoan
Zer eta /nor eta / nork eta / nori eta / non eta /
norekin eta…
- Lagun batek sasimediku edo petrikilo batenera eraman
ninduen. Ni ez naiz batere fidatzen horrelako jendeaz
eta zer eta txiza erabili behar nuela aurpegia
garbitzeko esan ez zidan bada.
- Ikaskide bat genuen oso zikina zena, apunte guztiak
desordenaturik, nahasmen hutsean izaten zituen beti.
Bada, irakasle berri bat etorri zitzaigun, eta
eginbeharrak banatzen hasi zen ikasleon artean, eta
nori eta berari jarri zion gela txukun izateko ardura.
Esan ez dit/zidan bada …-(la) /etorri ez zait/zitzaidan
bada / erdian jarri ez zait/zitzaidan bada
- Txikitan oso lotsatia nintzen. Behin dantzan ari ginela,
plaza erdian ume batek gonatik gogor heldu, tira egin
eta kendu egin ez zidan bada. Hura lotsa!
- Nik ez dakit zer gertatzen zaion nire alabari azkenaldi
honetan. Gaur eskolatik negar zotinka etorri ez zait
bada.