OLALO, JAMICA QUIJADA, CHARLIE RIVERA, JEROME ROSS, at CEDRICK ORDUNA, sa Kagalang-galang na Tanggapang ito, ay malaya at kusang loob na nagpapahayag ng mga sumusunod:
1. Noong ika-02 ng Oktubre 2023, ay nakatanggap kami
ng Show Cause Order mula sa Kagalang-galang na Tanggapang ito at kami ay binibigyan ng 3 araw upang sumagot sa reklamo hinggil sa di-umano’y Pre-mature Campaigning.
2. Mariin naming pinasisinungalingan ang nasabing
paratang laban sa ang sinasabing larawan at audio recording ay hindi dapat tanggapin at kilalaning ebidensya sa kawalan ng pagpapatunay na ito ay totoo, tunay na nangyari, at hindi inayos lamang upang magmukha kaming gumawa ng pre- mature campaigning;
3. Dagdag pa dito, kung susuriin ay tanging larawan
lamang ang inilakip na nilapatan ng isang audio recording upang magmukhang kami ay gumawa ng pre-mature campaigning. Kung totoong kami ay nagsagawa ng pre-mature campaigning sa isang harapan ay bakit hindi video ang inilatag na ebidensya.
4. Dito pa lamang ay kadududa-duda ng ang sinasabing
ebidensya. Ang totoo, ang audio recording ay aming ginawa bago pa man kami nagfile ng Certificate of Candidacy at bilang preparasyon sa campaign period kung saan ay aming nirecord ang bawat isa naming kandidato upang patugtugin sa nasabing campaign period. Ito ay hindi namin nilalabas pa dahil sa ito ay aayusin pa lang at isasama sa mga video na aming gagamitin.
5. Sa kasamaang palad, ang nasabing audio recording ay
nakuha ng isa sa aming dating kasamahan na lumipat sa aming kalaban at ginamit upang kami ay magmukhang gumawa ng pre-mature campaigning.
6. Patungkol naman sa sinasabing pagdiriwang ng aking
kaarawan, ito ay nangyari ngunit isang pribadong selebrasyon lamang ng mga piling panauhin at hindi ito ginawa upang kami ay magdaos ng pangangampanya dahil batid namin ang mahigpit na pagpapatupad ng COMELEC laban sa pre-mature campaigning.
7. Kami ay matapat na sumusunod sa lahat ng umiiral na
batas lalo pa tungkol sa pangangampanya at labis naming nauunawaan ang kaparusahan sa paglabag nito kung kaya’t hindi namin maaring gawin ang pinaparatang laban sa amin.
8. Ginawa namin ang salaysay na ito upang
patotohanan ang lahat ng dito ay nakasaad at hilingin ang pagpapawalang saysay at pagbasura ng reklamo laban sa amin sa kawalan ng sapat na ebidensya at basehan.
SA KATUNAYAN NG LAHAT, kami ay lumagda sa ibaba
nito ngayong ______________ dito sa ____________________.