Ang kontemporaryong anyo ay isang uri ng pamamaraan sa pagsasalaysay o pagpapahayag ng mga

ideya, kaisipan, at karanasan ng isang indibidwal sa kasalukuyan. Ito ay naglalaman ng mga kahalintulad
na isyu at suliranin na kinakaharap ng tao sa panahon ngayon.

Sa kontemporaryong anyo, ang manunulat ay nagsasalita tungkol sa mga bagay na pangkasalukuyan,

kadalasang nauukol sa mga isyu at kaganapan sa lipunan, politika, ekonomiya, kultura, at teknolohiya.
Ito ay nagpapakita ng eksaktong pangyayari at sitwasyon na kinakaharap ng mga tao sa kasalukuyang
panahon.

Ang pagsusulat sa kontemporaryong anyo ay maaari ring tumagal ng iba't ibang mga anyo at porma,
tulad ng sanaysay, tula, dula, maikling kuwento, blog, social media post, at iba pa. Ito ay nagbibigay-
daan sa manunulat upang maipahayag ang kanyang mga ideya at kaisipan nang malayang at malikhain.

Ang kontemporaryong anyo ng pagsusulat ay naglalayong makaakit ng mga mambabasa at magbigay ng

mga panibagong perspektibo, na kadalasang batay sa personal na karanasan at opinyon ng manunulat.
Ito ay nagbibigay ng boses sa mga isyu at suliranin ng kasalukuyang panahon at naglalayong
makapaghatid ng mensahe at kamalayan sa mga mambabasa.

Ang kontemporaryong anyo ng sanaysay ay nagsasangkot ng mga panahong kasalukuyan, kaganapan ng

lipunan, at aktwal na karanasan ng manunulat. Ito ay maaring tumalakay sa mga isyung politikal, sosyal,
kultural, at pang-ekonomiya na kinakaharap ng tao sa kasalukuyang panahon.

Ang kontemporaryong anyo ng sanaysay ay nagtatangkang malinaw na maipahayag ang mga

sentimyento, kuro-kuro, o opinyon ng manunulat tungkol sa mga pangyayari na nagmumula sa kanyang
sariling karanasan, o sa kanyang pananaw at pag-unawa sa mundo.

Ito ay maaaring magtaglay ng mga talasalitaan na kadalasang ginagamit sa kasalukuyang panahon, at

nag-aalok ng isang sari-saring estilo at estruktura sa pagsusulat ng sanaysay. Maari rin itong magtaglay
ng mga elemento ng pagka-tula o pagka-kwento upang pagandahin ang pagkakasulat at maihatid ng mas
malalim ang saloobin ng manunulat.

Sa pamamagitan ng kontemporaryong anyo ng sanaysay, ang manunulat ay may kalayaang ipahayag ang
kanyang sariling boses at perspektiba ukol sa mga isyu ng kanyang henerasyon. Ito ay isang paraan
upang magbigay-laman at magbago ng mga isipan at kuru-kuro ng mga mambabasa ukol sa mga isyu ng
lipunan.

Sa kasalukuyan, ang kontemporaryong anyo ng sanaysay ay kadalasang ginagamit sa iba't ibang

plataporma tulad ng mga blog, op-ed, personal na mga kolum, at social media. Ito ay nagbibigay
hangarin upang maipahayag ang mga saloobin at damdamin ng mga manunulat ukol sa mga pangyayari
na kanilang sinasaksihan at pagnilay-nilayan.

KONTEMPORARYONG ANYO NG SANAYSAY

1. ULAT PAGSISIYASAT - Pormal at sistematikong pagtatanong, pagsasaliksik o pag-aaral upang
matuklasan at maeksamin ang mga impormasyon, pangyayari, at iba pa patungo sa paglilinaw ng
katotohanan.

2. PANAYAM - Pag-uusap sa pagitan ng dalawa o higit pang mga tao kung saan ang mga katanungan ay
nanggagaling sa tagapanayam upang makakuha ng impormasyon mula sa pakikipag-usap sa paraan ng
pagsulat.

3. Jornal - salaysay ng karaniwang nagaganap sa buhay, mga naobserbahan sa pali-paligid, naobserbahan

sa kapwa at sa iba pa. Maikli lamang ito, paktwal at di pinapasukan ng sariling opinyon, haka-haka o
kuro-kuro. Maaaring ibilang dito ang tala ng mga nangyayari sa kanyang paglalakbay,
pakikipagsapalaran.

4. Lakbay sanaysay - Tinatawag ding travel essay o travelogue. Ito ay isang uri ng lathalahing ang
pangunahing layunin ay maitala ang mga nagging karansan sa paglalakabay. Ayon kay Nonon Carandang,
ito ay tinatawag niyang sanaylakbay kung saan ang terminolohiyang ito ay bibubuo ng tatlong konsekto:
sanaysay, sanay, at lakbay.

5. TALAMBUHAY - Tala at buhay na may diwang “tala ng buhay” o biyograpiya ay isang anyo ng panitikan
na nagsasaad ng buhay ng isang tao hango sa mga tunay na tala, pangyayari at impormasyon. Ito ay tala
ng kasaysayan ng buhay ng isang tao na maaaring siya mismo ang sumulat o ito ay sinulat ng iba para sa
kanya.

6. PHOTO ESSAY O SANAYSAY NG LARAWAN - Isang koleksiyon ng mga imahe na inilagay s aisang
particular na pagkasunod-sunod upang ipahayag ang mga pangyayari, mga damdamin, at mga konsepto
sa pinakapayak na paraan.

7. ULAT PAGSUSURI - Ang proseso ng paghihimay ng isang paksa upang maging mas maliit na mga
bahagi; upang makatanggap ng mas mainam na pagkauna rito.

8. REPLEKTIBONG SANAYSAY - Ayon kay Michael Stanford, isang guro at manunulat, ang Replektibong
Sanaysay ay isa sa mga tiyak na uri ng sanaysay na may kinalaman sa introspeksyon na pagsasanay.
Kinapapalooban ito ng pagbabahagi ng mga bagay na naiisip, nararamdaman, pananaw, at damdamin
hinggil sa isang paksa at kung paano ito nakalikha ng epekto sa taong sumusulat nito. Maihahalintulad
ito sa pagsulat ng isang JOURNAL kung saan nangangailangan ito ng pagtatala ng mga kaisipan at
nararamdaman tungkol sa isang tiyak na paksa o pangyayari. Ang replektibong sanaysay ay kadalasang
nakabatay sa karanasan kaya mula sa nilalaman nito ay masasalamin ang pagkatao ng sumulat. Ayon kay
Kori Morgan, guro mula sa west Virginia university at University of Akron, ang replektibong sanaysay ay
nagpapakita ng personal na paglago ng isang tao mula sa isang mahalagang karanasan o pangyayari.
Ibinabahagi nito sa mga mambabasa ang kalakasan at kahinaan ng sumulat batay sa mga karanasang
natutuhan o nakuha. Madalas ibinabhagi rin ng sumulat ang kanyang mga natutuhan at kung pano ito
magagamit sa buhay sa hinaharap o kaya naman ay kung paano pa pauunlarin ang mga kahinaan hinghil
sa isang tiyak na aspekto ng buhay. Dahil dito ay kadalasang nakabatay sa personal na karanasan,
malayang makapipili ng paksa o panyayaring bibigyang- pansin sa pagsulat ang manunulat.