Si Tonyo ay isang batang makulit sa loob ng klase ni Mrs. Santiago.
Palaging nagpapasaway si Tonyo kay Mrs. Santiago at sinisira ang umaga nito at siya pa ang pinagmumulan ng kaguluhan sa klase. May isang araw noon na lubos na napahiya si Mrs. Santiago, at pinagalitan niya’t minura si Tonyo sa harap ng iba niyang mga mag-aaral . Dahil sa pangyayaring yun ay mas nagalit si Mrs. Santiago kay Tonyo.
Isang araw, binigyan ni Tonyo si Mrs. Santiago ng sulat. Subalit hindi
manlang binasa ng guro ang sulat at ito’y kanyang pinunit at itinapon. Nasaktan siya sa ginawa ng guro. Hindi parin nagagawang patawarin ni Mrs. Santiago si Tonyo sa kabila ng pagpapakita nito ng pagbabago. Dahil, para sa kaniya ang ginawa at ang sinabi ni Tonyo sa kaniya ay nagpapakita lamang ng kawalang-respeto.
May isang araw noon na lumiban si Tonyo sa klase kaya natuwa si
Mrs. Santiago dahil wari niya’y wala ng sisira ng kaniyang araw. Ng napagtanto ni Mrs. Santiago na ilang linggo ng wala si Tonyo, at may araw na hindi pumasok ang iba niyang mga mag-aaral. Agad itong pumunta sa bahay ni Tonyo, at pagkarating niya ay maraming tao ang tumitingin sa kanya. May iniabot ang isang babae sa kaniya na isang kuwaderno na may lamang diary. Ng ito’y kaniyang nabasa nalaman niyang may pinagdadaanan si Tonyo at may taning na ang buhay nito. Nagsisi si Mrs. Santiago, ngunit huli na ang lahat gusto man niya itong patawarin pero wala na si Tonyo.