BILANG TAO, NAKARARANAS AKO NG ATRAKSIYON
Philia
Ayon kay Reeder (2012), may apat na uri ng atraksiyong nadarama ang tao.
Anumang uri ng atraksiyon ang ating nadarama, dapat ipahayag natin ito sa wastong
paraan at sa tamang panahon at sitwasyon.
1. Pangkaibigang Atraksiyon (Friendship Attraction)
Ito ay atraksiyon sa ating pagpili sa kaibigan. Tayo ay naaakit sa mga taong parehas
natin ang interes sa buhay.
2. Romantikong Atraksiyon/Romantic Attraction
Ito ay atraksiyong nararamdaman natin sa taong iba ang kasarian sa atin. Normal na
damdamin ito at hindi maiiwasan. Maaaring ito ang maging daan tungo sa pagpili ng
kakasamahing panghabambuhay.
3. Pisikal/Sekswal na Atraksiyong Subhetibo/Subjective Physical/Sexual Attraction
Ito ay ang pagkaakit sa isang tao sa puntong nais magkaroon ng relasyong sekswal.
Katulad ng naunang dalawang uri ng atraksiyon, ito rin ay normal at hindi masama.
4. Pisikal/Sekswal na Atraksiyong Obhetibo/Objective Physical/Sexual Attraction
Tumutukoy ito sa pagtuturing ng isang tao na ang kanyang kaibigan ay may
atraksiyong pisikal dahil naaakit sa kanya ang iba kahit hindi niya ito nadarama sa
kanyang sarili.
Totoo ngang napakamakapangyarihan ng pagmamahal. Wala marahil ugnayan ng
tao na hindi kinapapalooban ng pagmamahal. May iba't ibang uri ng pagmamahal sa
ipinamamalas sa iba't ibang paraan at binigyan ang mga ito ng mga sinaunang
Griyego ng sumusunod na katawagan sa sarili nilang wika.
1. Agape
Ito ay pag-ibig na espiritwal- isang uri ng pagmamahal na hindi iniisip ang sarili
(selfless). Ang taong nagpapamalas ng agape ay nagmamahal sa kapwa tao suklian
man siya ng katumabas na pagmamahal o hindi.
2. Eros
Ito ay pisikal na pag-ibig- pagmamahal na may atraksiyong sekswal o pagmamahal sa
katawang pisikal.
3.
Ito ay pag-ibig na nakikita natin sa mga malapit na magkakaibigan na bagama’t
magkaiba ang kasarian, malambing sa isa’t isa at laging magkasama ay walang
sekswal na relasyong namamagitan. Tinatawag din itong Platonic Love ng iba.
4. Storge
Ito ay pagmamahal na inuukol natin sa mga magulang at kapatid at ito rin ang
pagmamahal na natatanggapnatin mula sa kanila. Ito ay pagmamahal na walang
kondisyon, maunawain, mapagsakripisyo, mapagpatawad, at may komitment.
ANG TRIARCHIC THEORY OF LOVE
 Ang Triarchic o Triangular Theory of Love ay nilikha at ipinanukala ng
sikolohistang si Dr. Robert Sternberg.
 Ang teoryang ito na nasa konsteksto ng interpersonal na relasyon ay may
tatlong sangkap.
1. INTIMACY
Ito ay damdamin ng pagkakaugnay, pagiging malapit at konektado sa isang
tao.
2. PASSION
Ito ay marubdob na damdamin ng pagkagusto sa isang tao. Sumasaklaw ito
sa paghahangad na may kaugnayan sa romantiko at sekswal na atraksiyon.
3. COMMITMENT
Isa itong desisyon o pasya ng mga nasa romantikong relasyon na manatili sa
piling ng isa't isa, magplano para sa hinaharap, at
isakatuparan ang mga planong ito nang magkasama.
Ang iba't ibang yugto at uri ng pagmamahal ay maaaring binubuo ng isa o anumang
kombinasyon ng nasabing tatlong sangkap. Kung wala kahit isa sa mga sangkap na
ito, walang nadaramang pagmamahal (nonlove).
MAY PITONG URI NG PAGMAMAHAL AYON KAY DR. STERNBERG (THE SEVEN TYPES 7. Consummate love
OF LOVE)
-Ayon kay Dr. Sternberg, ito ay ang kumpletong uri ng pagmamahal dahil ito
1. Liking/Friendship
ay umusbong sa kombinasyon ng lahat ng tatlong sangkap.
-Ito ay tumutukoy sa mataas na antas ng pagkakaugnay ngunit walang
-Ito ay ang ideyal na uri ng pagmamahal na minimithi ng marami subalit
pagnanais na manatili sa isa't isa.
mahirap matamo.
-Sinasabi ni Sternberg na ito ay tunay na pagkakaibigan (true friendship)
kung saan may namamagitang ugnayang malapit sa isa't isa (intimacy) sa
dalawang tao dahil masaya ang bawat isa na magkasama sila ngunit wala
silang sekswal na atraksiyon at wala ring pangmatagalang komitment.
2. Companionate love
Ito ay ang pangmatagalang pagmamahal na namamayani sa
magkakapamilya, mga matalik na magkaibigan, at mga taong matagal nang
magkasama sa buhay ngunit walang sekswal na
atraksiyon.
3. Empty love
Sa tinatawag na empty love, ang mag-asawa ay patuloy na nagsasama sa
iisang bubong para sa pamilya. Tanging komitment na lamang ang mayroon
sila: wala na silang nararamdamang ugnayang malapit sa isa't isa (intimacy)
at sekswal o pisikal na atraksiyon.
4. Fatuous love
Ito ay ang uri ng pagmamahal kung saan dahil sa mutwal (mutual) na
atraksiyong pisikal (passion), ang dalawang tao ay pumapasok sa isang
komitment na maging mag-asawa bagama't hindi pa lubos na kilala ang
isa't isa dahil sa kawalan ng sapat na panahon para sa ugnayang malapit sa
isa't isa (intimacy).
5. Infatuation
Ang infatuation ay ang pagmamahal sa isang tao na sa unang pagkakita pa
lamang ay mayroon nang passion o atraksiyong sekswal. Ito ay
pagmamahal na walang ugnayang malapit sa isa't isa (intimacy) at
komitment kaya maaari itong mawala agad na simbilis ng paghanga na
nararamdaman sa simula.
6. Romantic love
-Ito ang uri ng pagmamahal na nag basehan ay ang sekswal na atraksiyon at
intimacy subalit walang komitment.
-Ang pagkakaroon ng dalawang elemento o sangkap na ito ang nagbibigay
sa dalawang taong nagmamahalan ng pisikal at emosyonal na ugnayan
bagama't walang komitment sa isa't isa na sila na nga ang magkatuwang
habambuhay.