BALAGTASAN
SONA ni PNoy, SONA ng Bayan, SONA Ko
Lakandiwa:
Isang magandang araw pagbati ko sa inyo
Mga kaibigang sa tanghala’y naririto
Sumandaling making, ilaan ang tainga niyo
Sa isyung pagtatalunan nitong panauhin ko.
Humanda na ang lahat ng panig
Mga kapwa iskolar humandang makinig.,
Pati ang aming maestro sa sosyolohiyang
hilig -
Tara’t ating tunghayan ang mga SONAng
nakasalig.
Sa kanang bahagi, ating pakinggan
Mga tagapagtanggol ng pamahalaan
SONA ni PNoy ay kanilang baon-baon
May pagsulong bang hatid ang tatlong taong
lumaon?
Sa kaliwang sulok naman ay ating suriin
Mga hinaing ng Inang bayang inalipin
Naging sapat ba ang pagkilos mo, gobyerno;
O baka naging mapanuligsa mga
mamamayan mo?
Ang mga kinatawan naman namin, inyo ring
bigyang-pansin
Sa dalawang panig kaya’y sinong bibigyang
diin?
Sa rehimeng kasalukuyan o sa bayang
naghihikahos?
Halika’t manood sa balagtasan ng mga
nagtatalong batikos!
Kaya’t bago pa magdilim itong ating
tanghalan
Sa tindi ng pagsabog ng mga katwiran
Pingkian ng galing ating nang subukin
Tawagin ang panauhi’t magpakilala sa atin.
SONA ni PNoy 1:
Magandang araw mga boss ko!
Pangulong PNOY naglilingkod sa inyo
Aking ilalahad SONA kong pang-apat
Ilang politikang aspeto, dito’y nakalapat.
SONA ng Bayan 1:
Isang mainit na umaga ang pagbati ko
POEPLE’s SONA ang sa inyo’y sumasaludo
Kami’y naghahangad ng
makatotohanang pagbabago
Kaya’t aming hinaing sa pangulo, amin nang
ibabato!
SONA Natin 1:
Isang mapagpalang umagang may ngiti sa
aking labi
SONA NAMIN ang sa inyo’y bumabati
Kumilatis nang pagkabuti-buti
Nang magkaroon ng papanigan sa bandang
huli.
Lakandiwa:
Sa kaso ng MILF, ating umpisahan
Tunay nga bang buo na ang kapayapaan?
Anong sabi ng administrasyon; anong
petisyon ng nasyon?
Ating pakinggan ang kanya-kanyang tugon.
SONA ni PNoy 1:
“Abot-kamay na rin po ang kapayapaan
Sa rehiyong matagal nang pinupunit ng
hidwaan.
Nitong Oktubre po ng nakaraang taon,
Nilagdaan ang Framework Agreement on
the Bangsamoro.
Katunayan nga po, siyam na araw pa lang
ang nagdaan
Mula nang lagdaan ang ikalawang annex ng
kasunduan.
Kumpiyansa po tayong masusundan pa itong
pag-ahon
Ng mas magandang balita sa lalong
madaling panahon.”
SONA ng Bayan 1:
Tunay ba itong balita mong kapayapaan;
O baka binubulag mo lamang kami sa’yong
kabuktutan?
 Bakit sumibol ang Bangsamoro Islamic
Freedom Fighters kamakailan lamang,
Kung ika’y marunong namang tumupad sa
usapan?
Bunyag na nga itong pangretorikang
kagalingan,
Mapanlinlang na pananalita’y lantad na,
kaibigan.
Patuloy pa nga rin ang bakbakan sa pagitan
ng militar at BIFF
Ngayon masasabi mo bang pamahalaan
mo’y may epek?
SONA ng Bayan 2:
SONA Natin 1:
Bilang isang isko, pagsusuri’y
responsibilidad ko
Kitang-kita ngang may kubli ang
talumpati,batid ko
Tila nagkulang sa aksyon itong
administrasyon
At tuluyang isinuko ang pagtupad sa
ikinintal na pangako.
Kaya sa unang tingin ma’y nakabawas sa
isyung pam bansa,
Marahil ay sira pa rin ang sa kanila’y aming
kumpiyansa
Kaya sa taong bayan, kami’y papanig
Nawa’y hinaing nila’y sa gobyerno’y
manaig.
SONA Natin 2:
Lakandiwa:
Ngayon napakinggan natin ang kanya-
kanyang tindig
Tayo nama’y dumako saisyung sa pangulo’y
iginigiit
Itong Hacienda Luisita nga po’y ano ng
kalagayan?
Nasa tunay na nagmamay-ari na nga bang
mga magsasakang nangangailangan?
SONA ni PNoy 2:
“Kung may isa man pong paksang
paboritong ikabit sa pangalan ko,
Ito ay ang Hacienda Luisita angkin ng
angkan ng linkod nyo.
Nais ko lang pong iulat na noong Pebrero,
Nakumpleto na ng Department of Agrarian
Reform ang listahan ng mga
kuwalipikadong benepisyaryo
Alinsunod nga po ito sa utos ng Korte
Suprema
Nasila’y mabibigyanna ng lupa sa Luisita.
Ayon rin po kay Kalihim Gil de los Reyes
ng agraryo,
Magsisimula nang ipagkaloob ang mga
titulo sa Setyembre nitong taong ito.”
Ang tanging nabanggit ni Aquino hinggil sa
pamamahagi ng lupa,
Ay ang katatapos lamang na pagpapa-raffle
ng mga lote saHacienda Luisita.
Sa katotohanan, walang ni isang tipak ng
lupa
Ang naipamahagi na sa mga manggagawang
bukid at magsasaka.
Hanggang kailan pa sukat maghintay ang
mga mambubukid;
Hahayaan lang ba ang mga paulit-ulit na
balakid?
Sana’y kumilos ng aktwal, pamahalaang
makasarili
Hindi pa ba sapat ang pagpapatupad ng
PPP?
Di maipagkakailang kinakikitaan nga ng
kabagalan
Itong sistema ng diumano’y “tuwid na daan”
Marahil ay mas etikal ngang kumampi sa
taong bayan
Nang sa gayon nama’y matustusan,
karapatan ng nangangailangan.
Gayunpaman, hindi pa huli ang lahat upang
gobyerno’y tumugon
Sa hustisyang dapat laan sa kanilang mga
taga-Nayon
Silang mga nagtutustos sa pagkain at
kabuhayan ng bansa,
Kailan pa ba natin balak ikonsidera?
Lakandiwa:
Tunay nga namang dapat bigyang-partida
Ang pagsisikap nitong ating mga magsasaka
Kaya gobyerno’y kumilos na!
Habang may tiyaga pa silang manatili sa
sistema.
Sa kabilang banda nama’y ating masusing
pag-aralan
Pagpapahiya sa ilang mga pambansang
ahensyang usap-usapan,
Lantarang pagpuna nga ba’y paglabag sa
diplomasya;
O baka nakatutulong naman sa pagbabagong
nais niya.
SONA ni PNoy 3:
“Pero magtapatan po tayo: May ilan pa ring
ahensya ng gobyerno
Na ayaw yata talagang tumino,
nakakadismaya po
ang lalim at ang pagsanga-sanga ng kanilang
mga galamay sa ating burukrasya;
Malingat lang tayo, pihadong may
aabusuhin at bibiktimahin na naman sila.
Magpangalan na po tayo: sa Bureau of
Immigration,
At sa kultura ng “pwede na” sa National
Irrigation Administration.
Hindi po natin kailangan ng ganitong uri ng
pamamahala
Sa loob ng masalimuot na burukrasya.
Para namang nakikipagtagisan sa
kapalpakan itong Bureau of Customs na
mapanlamang.
Mahigit 200 billion pesos na dumudulas
lang at hindi napupunta sa kaban ng bayan.
Kung matino kang kawani ng Bureau of
Immigration, ng National Irrigation
Administration, ng Customs, o ng kahit ano
pang ahensya ng gobyerno,
Sana makiambag ka pa lalo.”
SONA ng Bayan 3:
Hindi ba’t parang pagsuway sa batas ng
etika,
Ang ginawa ng pinunong paglabag sa
diplomasya?
May pinag-aralan din naman ang mga tao’t
ahensyang inalipusta nya,
Nasaan ang magandang ehemplong dapat
kakitaan sakanya?
Bukod pa dito, ating tukuyin ang mga
departamentong pinuna
Hindi ba’t nasa ilalim ito ng pamumuno niya
At kung sa mga kalihim nito ay ang kanyang
pagpapahiya
Nakakatawa’t pinapahiya nya rin ang sarili
nya!
Dagdag pa ang tangkang pagretiro ng isang
kawani nito
Bakit hindi payagan kung konsensya niya’y
nanggugulo?
Ito rin naman ang konteksto ng panunuligsa
ng pangulo.
Anong kaguluhan ang mayroon sa isip ng
ating pinuno?
SONA Natin 3:
Mukha ngang komplikado itong aksyon ng
pangulo,
Bahagyang nakapagpalito sa isip ng mga
kababayan ko.
Ngunit hindi ba’t nakapagdulot naman ito ng
magandang tugon
Ng magkaroon ng pag-usad sa moralidad ng
ilang lupon?
Sana lang ay nagising ang ilang may-
kapangyarihan
Sa paghamon ni PNoy sa tiwaling dati’y
pangkaraniwan.
Kung ang tuwid na daan ay sa pamamaraang
ito makakamtan
Bakit hindi, kung para naman sa mahal
nating bayan?
Lakandiwa:
Sa wakas, natunghayan natin ang kanilang
mga opinyon
Mga tugon batay sa kanya-kanyang
pininiwala’t interpretasyon
Ngayo’y may nais pa bang idagdag ang
bawat kampo,
Upang iparating sa mga manonood, kamo?

Lakandiwa:
Sa lahat ng isyung ito, isa lang ang sagot na
bentahe
Nakalatag sa tatlong hanay ang tagatanggap
ng mensahe
Una’y sa pamahalaan at administrasyong
Aquino
At sa mga darating pang mga rehimeng
iboboto:

Para sa patuloy at nararapat na kabuuang

inobasyon
Hangad natin ito sa lipunan, mula noon
hanggang sa ngayon
Gamit ang etikal at obhektibong
pamamaraan at hangarin
Sa pamamahalaa’y ating marapat gamitin.

Hatid naman namin sa kabataang Pilipino,

Na maging praktikal at maging edukado -
Tamang pagtingin sa pangkalahatang aspeto
lipunan
Ay ating ilapat ngayon at susunod pang
kabihasnan.

Ang huli nama’y alay sa buong sambayanan,

Upang pagmulan ang bawat indibidwal
Ng magandang ehemplo ng isang
mamamayang moral;
Tungo sa iisang tunguhin: ang ngayon at
bukas!

Sa magkabilang panig ay nagbibigay-pugay,

Sa inyong makata ay humahangang tunay.
At sa pagtatapos ay pagbibigay-buhay
Palakpak at pagbati sa kanila’y ialay!