Ang Dagatan ay matatagpuan sa hilagang-silangang bahagi ng Poblacion
ng Amadeo na may layong 25 kilometro. Ito ay may tinatayang lawak na 350 ektarya; isang barangay na higit na malaki kaysa sa Banaybanay ngunit mas maliit kaysa sa Maymangga.
Noong unang panahon, ayon sa sabi ng mga matatanda ang barangay
Dagatan ay nagkakaroon ng maliit na sapa tuwing sasapit ang tag-ulan. Ito ay dahil sa ang kalupaan ng barangay ay naliligiran ng higit na matataas na lupain ng mga karatig bayan.
Ang mga tubig ulan buhat sa iba’t-ibang bayan ay naiipon at dumadaloy
pauwi sa lugar na ito. Kaya naman ang mga bata noon ay masayang- masayang naliligo at naglalaro sa munting sapa na tinatawag nilang “Dagat- dagatan.” Muka kasi itong maliit na dagat kung pagmamasdan mula sa malayo. At dahil doon naging Dagat-dagatan na ang tawag sa nayong ito. Malaon ay napaikli ito at naging Dagatan na lamang ang bigkas ng mga tao.
Makalipas ang ilang taon, nagsimulang dumami ang mga taong
naninirahan dito. Ang karaniwang hanapbuhay ng mga tao ay pagsasaka. Maraming iba’t-ibang produkto ang kanilang itinatanim tulad ng kape,saging, mais, sari-saring gulay at prutas. Sa pagpalipas pa ng maraming taon, hanggang sa kasalukuyan may mga dayuhang nagtayo rito ng iba’t- ibang establisyemento na nakatutulong sa pamumuhay ng maraming mamamayan ng Dagatan.