2021 年臺北市閩南語語言能力認證加強班

3. 平素若聽著（抑是看著）啥物家己袂曉的臺語詞彙，愛用手機仔隨記落來，上網抑是
問人看是啥物意思。

----------------------------------

1.「阿彰佮阿明這兩个換帖--的感情真好，連車嘛仝色水。」請問這句話內底「換帖--的」
是啥物意思？
(A) 放帖仔予對方 (B) 有姻親關係 (C) 有結拜關係 (D) 的車色水媠

2.老爸對後生講：「你的橐袋仔內一定是袋磅子。」照這句話的意思，老爸對後生的態度按
怎？
(A)o-ló (B)khau-sé (C)bô-nāi (D)iàn-khì

3.「我做一塊薁蕘(ò-giô)，成本毋但三十箍，你欲叫我賣你二十箍，你欲叫我____ 喔？」
請問空格仔內揀佗一个上適當？
(A)歹趁 (B)倒塌 (C)了尾 (D)食家己

4.「阿媽老歲仔目，攏愛用____，才有法度看報紙。」請問空格仔內揀佗一个選項上適當？
(A)召鏡 (B)耳鏡 (C)譀鏡 (D)千里鏡
5.「阿寶人面闊，____真濟，定定予 某嫌開銷傷重。」請問空格仔內揀佗一个上適當？
(A)人緣 (B)名聲 (C)面水 (D)陪綴

6.「雞仔災已經對香港_____甲規个亞洲地區，逐家著愛注意。」請問空格仔內揀佗一个選
項上適當？
(A)展 (B)感 (C)流 (D)湠

7.「科技的社會，時間就是金錢，我哪有遐濟____時間，聽恁咧講遐的五四三的。」 請問
空格仔內揀佗一个選項上適當？
(A)îng-kang (B)phah-la-liâng (C)pûn-ta̍h-ti (D)liōng-siōng

8.咱有時會共雙音節的形容詞重複一擺，變做 ABAB 四音節的形容詞，親像「老實老實」。

請問下面佗一个選項袂當按呢？
(A)勇敢 (B)清氣 (C)心適 (D)古意

9.「阿安佮阿成比阿發較討債，阿成較儉阿安。」請問下面的敘述佗一个正確？
(A)阿安比阿發較儉 (B)阿發較無阿成遐儉
(C)阿成較無阿安遐冇手 (D)阿成比阿安閣較冇手

[第 10 到第 20 題略]

20
2021 年臺北市閩南語語言能力認證加強班

(一) 【B 卷語詞語法練習】
1. 「坐 雖然較俗，毋過較無安全。」空格仔內揀佗一項選項較適當？
(A)火車 (B)計程車 (C)客運 (D)野雞仔車
2. 「龜怪，恁牽手哪會猶未來？」請問「牽手」是啥物意思？
(A)伴手 (B)囡仔 (C)好朋友 (D)家後
3. 「咱也毋是無熟無似，著閣遮爾細膩， 毋才按呢！」請問空格仔彼格，咱一般是講
啥物？ (A)馬 (B)豬 (C)猴 (D)牛
4. 「阿明拜六去 山，佇山頂看著一 蛇，害伊驚甲咇咇掣。」請問空格仔內揀佗一个
上適當？ (A)條 (B)尾 (C)隻 (D)支
5. 「雨幔幔--咧！較袂去沃著雨。」這句話內底的「沃」會當用佗一个詞來代替？
(A)沐 (B)淋 (C)潑 (D)落
6. 「伊 無好，真𠢕感冒。」空格仔內揀佗一項選項較適當？
(A)腰子 (B)胃腸 (C)肺管 (D)腹肚
7. 阿忠共阿元講：「咱做伙來食中晝頓，阮老爸欲請。」請問是啥物人欲請？
(A)阿忠 老爸 (B)阿元 老爸 (C)阿元佮阿忠的老爸 (D)別人的老爸
8. 阿華共阿玲講： 「行，去恁兜予恁請，聽講恁母--仔誠𠢕煮食。」請問是啥物人𠢕煮食？
(A)阿華 阿媽 (B)阿玲 阿媽 (C)阿玲 阿母 (D)阿華 阿母
9. 金美旅社一暗兩千箍，花園飯店一暝兩千二，請問花園飯店的價數按怎？下面佗一句臺
語的講法上正確？
(A)較貴有淡薄仔 (B)有較貴--淡薄仔 (C)淡薄仔貴真正 (D)貴真正淡薄仔
10. 「阿弘較躼(lò/liò)阿慶，阿慶較矮阿德，阿德比阿弘較躼，阿峰並(phīng/pīng)阿慶較
矮」，下面佗一个選項是著--的？
(A)阿弘上蓋躼 (B)阿慶上蓋矮 (C)阿弘上蓋矮 (D)阿德上蓋躼
11. 請問下面佗一句無合臺語的語法？
(A)阿美--仔今仔日會來臺北 (B)阿美--仔明仔載會來臺北
(C)阿美--仔今仔日有來臺北 (D)阿美--仔明仔載有來臺北
12. 請問下面佗一句的臺語說法是毋著--的？
(A)伊煮食真𠢕 (B)伊菜煮了真好 (C)伊真𠢕煮食 (D)伊煮食食了真好
13. 「阿明＿＿＿阿華 1 歲爾爾。」請問空格仔內佗一个用法無適當？
(A)減 (B)大 (C)佮 (D)加
14. 一个婦人人佇店門口行來行去，頭家去共伊問講：「人客，內底坐--啦！咱毋知是欲食
物件，抑是欲等--人？」請問這句話內底的「咱」是啥物意思？
(A)阮 (B)你 (C)恁 (D)
15. 「咱」有時嘛會當用來表示「你、恁」，下面佗一个選項袂當按呢表示？
(A)咱貴姓 (B)咱對佗位來--的 (C)咱有偌濟人 (D)咱老師有來--無
16. 阿英招阿明欲去看電影，阿明無愛去。阿英共阿明講：「你若無欲去，人就毋佮你好--
矣！」這句內底的「人」是指啥物人？
(A)阿明 (B)阿英 (C)阿明 兜的人 (D)阿英 兜的人
17. 「阮阿公逐日攏愛＿＿茶。」請問空格仔內佗一个選項無適當？
(A)泡 (B)喝 (C)啉 (D)食

21
2021 年臺北市閩南語語言能力認證加強班
18. 「歹勢，阿美--仔這陣行袂開跤--呢！」，意思是講阿美--仔這陣按怎？
(A)行袂振動 (B)跤骨有傷 (C)當咧無閒 (D)無愛行路
19. 「伊 山的時陣， 煞跋落去坑崁。」空格仔內揀佗一項選項較適當？
(A)無細膩 (B)無打緊 (C)無奈何 (D)無定著
20. 【舅仔 kū-á】是指啥物人？
(A)某的阿舅 (B)某的阿舅 (C)某的阿兄 (D)某的小弟
21. 「伊真【勥跤 khiàng-kha】，請問「伊」上有可能是啥物人？
(A)阿芳嬸--仔 (B)二叔公 (C)阿勇--仔 (D)清良阿伯
22. 「 樓梯， 會當省電， 會當訓練跤力，予咱的身體勇健。」請問空格仔內揀
佗一个選項上適當？
(A)毋但……猶閣 (B)毋但……一定 (C)只要……想閣 (D)不但……甚至
23. 「阿明是阿雄的會跤」，這句話的「跤」佮下底佗一个「跤」的意思仝款？
(A)樹跤 (B)筊跤 (C)山跤 (D)崁跤
24. 咱的話的形容詞有用重疊的方式來加強形容的程度，親像：「白蔥蔥(tshang)、「𠕇硞硞
(tīng-khok-khok)」。若用這種方式來講物件真「軟」，咱無佗一種講法？
(A)軟荍荍(siô/sô) (B)軟㽎㽎(sìm) (C)軟膏膏(kô) (D)軟綿綿(mî)
25. 紅嬰仔滿一歲足的時，咱的話號做啥物？
(A)週年 (B)對年 (C)度晬 (D)晬一
26. 「阿惠--仔這个人誠懶屍，欲食毋振動。」請問這句話的「懶屍」是啥物意思？
(A)貧惰 (B)衰潲 (C)癩 (D)白目
27. 朝明：「我 āu-ji̍ t 才來揣--你」；富義：「我 āu--ji̍ t 會來揣--你」，這表示？
(A)朝明會比富義較早來揣--你 (B)富義會比朝明較早來揣--你
(C)朝明佮富義會佇仝一工來揣--你 (D)朝明佮富義另日仔才會來揣--你
28. 「今仔日是五月節，阿嬌自昨日(tso̍h--ji̍ t)就共粽縛好--矣！」請問阿嬌是五月初幾共粽
縛好勢--的？
(A)一 (B)二 (C)三 (D)四
29. 建輝叔--仔今年 50 歲，tsûn--nî// tsū-nî 伊幾歲？
(A)48 歲 (B)49 歲 (C)51 歲 (D)52 歲
30. 「這對同姒(tâng-sāi)仔，感情好甲袂輸是姊妹仔。」請問「同姒」是啥物關係？
(A)妗仔佮小姑的關係 (B)妗仔佮弟婦仔的關係
(C)兄嫂佮小姑的關係 (D)兄嫂佮小嬸的關係
31. 春嬌： 「阿美，恁查某囝做--人(tsò/tsuè/tserè--lâng)--矣--未？」
，阿美：
「做--矣--啦」，
表示阿美 查某囝按怎？
(A)真𠢕做人(tsò/tsuè/tserè-lâng) (B)已經嫁人
(C)人已經來講親情矣 (D)已經生囝
32. 「行！咱來去啉--一杯(tsi̍ t-pue)。」意思是講欲去？
(A)干焦啉一杯涼水 (B)啉涼水 (C)干焦啉一杯燒酒 (D)啉燒酒
33. 「阮細漢阿姨足【㾀勢命 khiap-sìmiā】--的」，是講 細漢阿姨按怎？
(A)予人惜命命 (B)足歹命--的 (C)夭壽 (D)長歲夀
34. 雖然恁是熟似誠久--矣的好朋友，毋過去人兜坐，嘛袂當傷＿＿＿？

22
2021 年臺北市閩南語語言能力認證加強班
(A)靠俗 (B)靠岸 (C)靠勢 (D)靠山
35. 「我家己一个人足 --的，毋才去看電影。」空格仔內揀佗一項選項較適當？
(A)無較縒(tsua̍h) (B)無空(khang) (C)無議量(gī-niū/niōo) (D)無鹹無纖(siam)
36. 「我哪有彼美國時間，聽恁咧＿＿＿練痟話。」請問空格仔內揀佗一个選項上適當？
(A)灌風 (B)膨風 (C)歕風 (D)落風
37. 「伊講伊家己一个人拍贏十个人，你聽伊咧＿＿＿。」請問空格仔內佗一个選項無適當？
(A)畫虎𡳞 (B)歕雞胿 (C)腫頷 (D)拍觸衰
38. 「佇臺灣的禮俗，查某人若生查埔--的，做月內食麻油雞愛食雞僆仔。」請問「雞僆仔」
是啥物？
(A)雞仔囝 (B)老雞母 (C)猶袂曉生卵的雞母 (D)猶袂曉起𪁎的雞公
39. 「遮攏貨底，我算你較俗咧，毋過你轉--去是袂用得【反僥 huán-hiau】，閣來揣
我 ！」請問空格仔內揀佗一个選項上適當？ (A)討 (B)花 (C)算 (D)冤
40. 「ùn-tsiàng，請你開（駛）較緊--咧！無，阮會袂赴＿＿＿。」請問空格仔內揀佗一个
選項上適當？ (A)車次 (B)車班 (C)車頭 (D)車幫
41. 「無張持共你挨--著，誠歹勢。」這句內底的「無張持」會當用佗一个詞代替？
(A)無議量 (B)無彩工 (C)無事使 (D)無注意
42. 「因為伊＿＿＿就哭，閣吼甲大細聲，攏無人想欲參伊耍。」請問空格仔內揀佗一个選
項上適當？ (A)聖拄聖 (B)磕袂著 (C)無疑悟 (D)未曾未
43. 伊規日毋是纏綴(tînn-tuè/tè/tèr)老--的就是纏綴細漢--的，無一時閒。請問「纏綴」會
當用佗一个詞代替？ (A)膏膏纏 (B)纏跤絆手 (C)看顧 (D)回顧
44. 臺語內底有一寡詞出現佇規句話的上後壁，表示講話的人有的話猶未講出來，請問下面
佗一个毋是按呢？
(A)我聽一下氣甲 (B)我都無錢矣閣 (C)昨昏足好天的講 (D)是攏無熟似呢
45. 下面佗一句話無「語氣轉踅」的意思？
(A)無，算你較俗--咧。 (B)無，咱[來去](la̋i)轉。
(C)無，閣講甲遐大聲。 (D)無，隨在--你。
46. 下面佗一个詞佮「潤餅𩛩」構詞方式無仝款？
(A)烏白切 (B)米粉炒 (C)蚵仔煎 (D)白菜滷
47. 請問下面佗一个的「欲」的用法佮賰的三个無仝款？
(A)你欲去--毋 (B)一頓食欲三、四碗公 (C)想欲食飯 (D)欲哭無目屎
48. 「今仔日拜一？你愛去學校讀冊！」頂面的「愛」佮下面佗一句的「愛」仝意思？
(A)「愛」媠毋驚流鼻水。 (B)媠䆀無地比，「愛」--著較慘死。
(C)艱苦著「愛」去予醫生看。 (D)愛哭閣「愛」綴路。
49. 請問下面佗一个「來」佮別句的「來」用法無仝？
(A)時間袂赴矣，緊來去。 (B)行，咱來去食飯。
(C)唉！我規氣來去剃頭做尼姑。 (D)人來就好，毋免細膩。
50. 「仔」佇臺語內底有真濟無仝款意思，下面佗一个「仔」有「小」的意思？
(A)歌仔戲 (B)店仔 (C)剪鈕仔 (D)衫仔褲
51. 「阮兜攏是靠阮阿爸咧＿＿＿，伊逐工攏足拍拚--的。」請問空格仔內揀佗一个選項上
無適當？ (A)食飯 (B)食穿 (C)趁食 (D)食苦

23
2021 年臺北市閩南語語言能力認證加強班
52. 彼个人足「耳空輕」--的，是指講伊按怎樣？
(A)耳空有夠利 (B)𠢕受人的意見影響 (C)有清耳屎 (D)耳空細空
53. 彼个查某人誠【軟汫(tsiánn)】，逐項代誌攏愛人鬥跤手。請問「軟汫」是啥物意思？
(A)軟心 (B)軟弱 (C)溫柔 (D)柔軟
54. 阿爸做生理，定定愛去佮客戶接接(tsih-tsiap) 。請問「接接」是指
(A)接人 (B)接客 (C)接觸 (D)接頭
55. 「伊這个人真愛 風神。」空格仔內底揀佗一字較適當？
(A)激 (B)排 (C)展 (D)出
56. 「因為伊人誠＿＿，所以逐家攏無想欲佮伊相交插。」請問空格仔內揀佗一个選項上無
適當？ (A)龜毛 (B)痟貪 (C)狡怪 (D)散形
57. 「伊不時講的話，攏無影無跡，實在真＿＿＿。」請問空格仔內揀佗一个選項上適當？
(A)愛臭屁 (B)好喙水 (C)歹聲嗽 (D)掠無摠
58. 阿珠共阿珍講：「這件代誌我若出面，就絕對無問題--啦。」阿娟聽了講：「你莫聽伊
咧 ，伊逐擺攏嘛按呢講。」請問下面佗一个選項無適合囥佇空格仔內？
(A)歕雞胿 (B)鐵齒銅牙槽 (C)落下頦 (D)拍抐涼
59. 四界攏有人咧教電腦的用法，咱就知影網路的發展已經足 --的--矣！請問空格仔內
揀佗一个選項上適當？
(A)囂俳(hiau-pai) (B)𪁎趒(tshio-tiô) (C)奢颺(tshia-iānn) (D)時行
60. 「我人無啥爽快，物件較食都袂 。」空格仔內揀佗一項選項較適當？
(A)佮喙 (B)對喙 (C)飫喙 (D)合喙
61. 「【今 tann】買 買--矣！無，你敢有伊法？」請問空格仔內底添佗一字上適當？
(A)攏 (B)就 (C)都 (D)著
62. 阿明手誠賤，七早八早就予 序大人共伊 。」請問空格仔內底揀佗一个上適
當？ (A)開新正 (B)迎城隍 (C)開鬼門 (D)迎媽祖
63. 「生理花花仔。」這句話內底的「花花仔」會用得用佗一个詞代替？
(A)誠交易(ka-ia̍h) (B)花貓貓 (C)五花十色 (D)會得過
64. 「你實在傷過 --矣！物件都猶好好，就想欲共伊擲挕捒。」空格仔內揀佗一个選
項較適當？
(A)匪類 (B)虯儉 (C)抾拾 (D)抾捔
65. 「伊誠野蠻。」這句內底的「野蠻」用佗一个詞代替上適當？
(A)壓霸 (B)軟汫 (C)勥跤 (D)臭煬
66. 「阿公透早就去壅田--矣。」這句話內底的「壅田」會當用佗一个詞代替？
(A)落肥 (B)佈田 (C)佈秧仔 (D)種田
67. 「叫伊莫去，伊干干仔欲去。」這句話內底的「干干仔」用佗一个詞代替較適當？
(A)拄好 (B)偏偏 (C)專工 (D)甘願

(二) 【C 卷語詞語法練習】
1. 白露欲到矣，佗一種果子欲大出--矣？
（A）荔枝（B）桃仔（C）文旦（D）西瓜。

24
2021 年臺北市閩南語語言能力認證加強班
2. 「阿宏，外口烏天暗地，咧欲落雨矣！緊去共彼＿＿鐵馬牽--入來。」請問空格仔內佗一
个選項上無適當？（A）台 （B）隻 （C）輛 （D）張
3. 「媽祖宮口今仔日有咧 布袋戲。」請問空格仔內佗一个選項上無適當？
（A）演 （B）請 （C）弄 （D）搬
4. 「伊面色 ，看起來誠勇健。」空格仔內揀佗一个選項較適當？
（A）白死殺 （B）紅膏赤蠘 （C）青恂恂 （D）紅肉內李
5. 「這个人做代誌真＿＿＿，物件做甲開喙露耳。」請問空格仔內揀佗一个選項無適當？
（A）凊彩（B）隨便（C）潦草（D）輕可
6. 「阿清真𠢕共人供體(king-thé/thué)。」這句內底的「供體」是啥物意思？
（A）扌致拄(tih-tuh // tsih-tsuh) （B）剾洗 （C）含梢 （D）創治
7. 「因為伊人誠＿＿，所以伊無法度升官。」請問空格仔內揀佗一个選項上無適當？
(A)棄嫌 (B)犯嫌 (C)各馝(kok-pih) (D)交繃(kau-pinn/penn)
8. 阿梅 查某囝號做阿玲，阿玲叫阿雄「阿舅」，阿芬是阿雄的查某囝，按呢阿玲是阿芬
的啥物關係？（A）姑表 （B）姨表 （C）叔伯 （D）母舅表
9. 請問下面佗一句無合臺語的語法？
（A）阿明昨昏會來揣--我 （B）阿明昨日(tsā-ji̍ t)有來揣--我
（C）阿明昨--日(tso̍h--ji̍ t)有來揣--我 （D）阿明大昨--日(tuā-tso̍h--ji̍ t)有來揣--我
10. 「規桌頂的菜攏無食就倒潘桶，傷 矣。」請問空格仔內揀佗一个選項無適當？（A）
作蹋(tseh/tserh-thuah)（B）討債（C）天體(thian-thé)（D）抾拾(khioh-si̍ p)
11. 「伊的喙水真利」，請問「喙水」佮下面佗一个意思無仝？
（A）口舌 （B）喙花 （C）海口 （D）喙白
12. 「紅嬰仔上好莫予伊睏 ，較袂因為溢奶去嗾(tsa̍k)--著，煞袂喘氣。」請問空格仔
內揀佗一个上適當？（A）坦敧 （B）坦覆 （C）坦橫 （D）坦笑

(三) 【克漏字練習】
近近聽著雞仔咧啼的聲，聽著有人咧攑掃梳掃 (1) 的聲，聽著灶跤煎匙咧抐的聲，
聽著海風吹過檳榔樹葉仔的聲，看著 (2) 的天色，若海鹽仝款撒佇規个山坪。遠遠聽著
太平洋的波浪拍佇大石頭的聲， (3) 共聽，聽著囡仔佇海邊咧笑咧鬧的聲，看著猶有半
輪的月娘吊佇天邊咧佮 (4) 的日頭走相掠。

1.(A)大廳 (B)大房 (C)大埕 (D)大厝

2.(A)魚肚光 (B)拍殕光 (C)雺霧光 (D)吐劍光
3.(A)清楚 (B)論真 (C)細膩 (D)斟酌
4.(A)拄出來 (B)當奢颺 (C)衝呱呱 (D)赤焱焱

若毋是為著遮的囡仔、為著這个家庭，伊 (5) 甘願放翁放囝？細囝逐工攏著愛飼

奶，翁婿𤆬三个囡仔，擔頭嘛真沈重， (6) ，嫁--出去的小妹徛仝庄內，小妹暫時共
上細漢的囡仔抱去照顧，已經欲成冬--矣！日子一下久，細漢囝開始依依呀呀學講話
以後， (7) 共小妹當做是家己的老母，照這款 (8) ，有可能兩冬後，工課期滿，囡仔
就袂認得家己的老母到底是啥人--矣？

25
2021 年臺北市閩南語語言能力認證加強班
5.(A)哪會 (B)哪著 (C)煞會 (D)嘛會
6.(A)無疑悟 (B)無定著 (C)好佳哉 (D)真僥倖
7.(A)koh (B)tsiah (C)ia̍h (D)suah
8.(A)範勢 (B)勢面 (C)角勢 (D)聲勢

這馬，阮查某囝一工一工漸漸仔大漢， (9) 捌代誌， (10) 愛照鏡， (10) 愛𨑨迌

耍物件。伊愛耍的物仔大項細項規厝間，逐日逐項攏愛耍--一遍，就因為按呢，阮規
家伙仔實在是真無閒。上蓋慘--的是我， (11) 著逐工和伊佇鏡的頭前搬戲， (12) ，
伊就毋願乖乖去眠床頂睏。（對李定錦〈阮的查某囝愛照鏡〉改編）

9.(A)沓沓仔 (B)寬寬仔 (C)勻勻仔 (D)干干仔

10.(A)因為...就 (B)干焦...嘛 (C)雖然...煞 (D)毋但...閣
11.(A)ia̍h (B)koh (C)to (D)m̄
12.(A)莫怪 (B)抑無 (C)袂直 (D)若無

肆、 常用基本詞彙（檢定必備）Sight word
一、 代詞
(一) 人稱代詞
我(guá)、你(lí/lú/lír)、伊(i)、阮(gún/guán)、咱(lán)、恁(lín)、 (in)、家己(ka/kai/kāi-kī/tī)、
逐家(ta̍k-ke)、逐个人(ta̍k-ê-lâng)、逐个(ta̍k-ê)、啥人(siánn-lâng // siáng // siâng)、啥物人
(siánn-mih-lâng)、某乜人(bóo/móo-mih-lâng)。

(二) 指示代詞
這(tse)、彼(he)、這个(tsit-ê)、彼个(hit-ê)、這號(tsit-hō)、彼號(hit-hō)、遮(tsia/tsiâ)、
遐(hia/hiâ)、遮的(tsia--ê)、遐的(hia--ê)。

(三) 疑問代詞
啥物(siánn-mih/mi̍ h/mí)、啥貨(siánn/sánn-huè/hè/hèr)、啥(siánn/siannh/sannh)。

二、 時間詞
這馬、拄才、今仔日、明仔載、後--日(āu--ji̍ t)、大後--日、昨昏(tsa-hng // tsa̋ng)、
昨--日(tso̍h--ji̍ t)、大昨--日、（禮）拜一、（禮）拜二、（禮）拜三、（禮）拜四、（禮）拜
五、（禮）拜六、禮拜（日）、今年、明年(mê/mâ/muâ-nî)、後年(āu--nî// āu-nî)、大後
--年、舊年、前年(tsûn--nî// tsū-nî)、大前--年、透早、
（下）早起、下早仔、中晝、下晝、
下晡、欲暗仔、日--時、暗頭仔、暗時、暝--時、下昏(e/ē/enn-hng // i̋ ng)、下昏暗
(e/enn-hng-àm // ing-àm)、半暝、逐日、逐工、每日。

三、 介詞
共(kā)、予(hōo)、佇(tī/tū/tīr)、踮(tiàm/tàm)、咧(leh/teh/tih/lerh/terh)、對(tuì/uì)、
按(àn)、從(tsîng/tsn̂g)、自(tsū/tsīr)。

26