Личност е човек кој ние го запознаваме преку неговото однесување, размислување
и според она кое таа личност го предизвикува кај нас како позитивно чувство. Оттаму, таа личност е некој од кого ние учиме, кој не поттикнува и охрабрува да продолжиме по патот на успехот и на која и се восхитуваме. Размислував која е таа личност во мојот живот. Ги имам повеќе, но некако секогаш како позитивен пример за мене се издвојува мојот татко. Е зошто баш тој? Мојот татко е личноста со која сакам да се споредувам, но во исто време тој прави за мене се за да бидам уникатен, свој, достоинствен и горд. Всушност, ова се и негови карактерни особини кои тој на секој можен начин се труди да ги пренесе и на мене. Татко ми е личноста која ми ги отвора вратите и ме охрабрува да продолжам без притоа да не престане да ги држи вратите ширум отворени додека не е сигурен дека сум успеал. Тоа е она што како дете сум го забележал и ме восхитува. Тоа е онаа сигурност која ми ја дава, но секогаш знам дека моја е одговорноста за да си ги завршам своите работни задачи. Знаете, мојот татко никогаш не вели дека работите треба да бидат совршени, туку е најважно да се однесуваме и бидеме хумани и добронамерни личности. И ова се негови карактерни особини кои тој се надевам дека навистина ги има пренесено и на мене, за и јас да бидам таква личност. Може да се сме најубави по изглед, но личноста е онаа која останува засекогаш запечатена во нашето срце. Така е и со мојот татко. Не дека ми е татко и дека треба да се подразбира, туку едноставно дека е вистинска личност со позитивни вредности поради што јас му се восхитувам и се гордеам со него.